Fontes historiae Magni Ducatus Lithuaniae


X–XIII вв. | XIV в. | XV в.

[1440-1442].VIII.17. Новогородок. В.к.л., королевич Казимир сообщает пинскому наместнику Юрию, что подтверждает Миколаю Сыропяту владение селом в Пинске и всеми его угодьями, что он держал при в.к.л. Сигизмунде Кейстутовиче.

Оригинал: неизвестен.
Копия 1. Список грамоты был включен в состав подтверждения короля Сигизмунда Августа (Вильно, 1558.III.03). Это подтверждение, в свою очередь, было представлено пинским войским Мартином Яновичем Ширмой, внуком Миколая Ляха, ревизору Григорию Воловичу, и его текст включили в "Реистр списанья и оказыванья привилевъ и листовъ на имѣнья", начатый 15 мая 1559 г.

Основные публикации: Ревизия пущ и переходов звериных в бывшем Великом княжестве Литовском, с присовокуплением привилегий на входы в пущи и на земли. Т. 1. Вильна, 1867. С. 123. (по копии 1). - Электронная версия сделана по этой публикации.

Дата: в правление в.к.л. Казимира Довгирд был виленским воеводой в 1440-1442 гг.

      Жикгимонтъ Августъ, Божею милостью король Польскій, великій князь литовскій, рускій, прускій, жомоитскій, мазовецкій и иныхъ. Ознаймуемъ симъ нашимъ листомъ всимъ посполите, кому будеть потреба того вѣдати, нынѣшнимъ и напотомъ будучимъ.
      Билъ намъ чоломъ войскій Пинскій Мартинъ Яновичъ Ширма и покладалъ передъ нами два листы продковъ нашихъ, славное памети Жикгимонта, великого князя литовского, другій светое памети короля и великого князя его милости Казимера, дѣда нашего, въ которыхъ се значить, ижъ ихъ милость дали дѣду его Миколаю Ляху Сыропятѣ половицу данниковъ Попковскихь1 у волости Пинской, на которыхъ дей тотъ дѣдъ его и сынъ Сыропятинъ а отецъ его Янъ два дворцы собѣ збудовали, одинъ въ Сельцы, а другій въ Конюсѣхъ. Бо дей оные данники по розныхъ мѣстцахъ и селахъ здавна сѣживали и теперь сѣдять, то есть:
      въ селѣ Хлябѣхъ чотыри дворища, на имя: Ходоровское, Пашутинское, Сидоровское, Кокорѣчинское;
      въ селѣ Чорновѣ дворище Нарковское;
      въ селѣ Мѣстетичохъ двѣ дворища Клокотчинское а Ванюковское;
      въ селѣ Боричевичохъ дворище Сытковское;
      въ селѣ Тивровичохъ двѣ дворища Теряховское а Василевское;
      въ селѣ Гривковичохъ дворищо Гривковское;
      въ селѣ Зовкинѣ дворище Светичковское;
      въ селѣ Ласицку дворище Хилимоновское;
      въ селѣ Лопатинѣ двѣ дворища Левовское а другое Жуковское;
      въ селѣ Лосичохъ двѣ дворища Денисовское а Тереховское;
      въ селѣ Ляховичохъ пять дворищъ: Пятчинское, Русановицкое, Раковицкое, Костюковское, Тевтовское.
      Чого дей всего, яко вышей описано, оный дѣдъ, отецъ его и онъ самъ ажъ досихмѣстъ въ спокойномъ держанью и поживанью суть. И никоторого онъ въ томъ пренагабанья ни отъ кого не маеть. <...>
      Про то билъ намъ чоломъ, абыхмо тую дѣдизну и отчизну его потвердили ему нашимъ листомъ. Гдѣ жъ и воевода Виленскій, маршалокъ земскій, канцлеръ Великого князства Литовского, староста Берестейскій, державца Борисовскій и Шовленскій панъ Миколай Радивилъ, княже на Олыцѣ и Нѣсвижи, насъ о то за нимъ жедалъ.
      А такъ мы тыхъ листовъ великого князя Жикгимонта, короля его милости Казимера <...> огледавши, казали есмо ихъ слово отъ слова въ сесь нашъ листъ уписати, и так ся въ собѣ мають:
      Отъ великого князя Жикгимонта пану Андрею, намѣстнику Пинскому.
      Просилъ насъ Миколай Ляхъ тыхъ данниковь Полковскихъ, на имя Ляховичъ.
      И мы половину тыхъ данниковъ и съ половиною тое дани, што оны дають, Миколаю дали. А половина тыхъ данниковъ [и]но2 дей половину дани тое намъ дають.
      А писанъ въ Троцѣхъ, декабря 31 день, индиктъ 10.

      Отъ великого князя Казимера королевича намѣстнику Пинскому князю Юрью.
      Што держалъ Миколай Сыропятъ при дяди нашомъ, при великомъ князѣ Жикгимонтѣ, у Пинску село или иное, што къ тому слушаеть, а ныни по тому ему держати все тое.
      Писанъ у Новѣгородку, августа 17 дня.
      Панъ Довкгирдъ воевода.

1 Попковскихь - так в публикации. 2В публикации: но.

О.Л. Fontes historiae Magni Ducatus Lithuaniae; starbel.by/dok/d012.htm, 2009.XI.19.