Отъ великого князя Казимера королевича намѣстникомъ Могилевскимъ и старцемъ, хто коли будетъ, и всимъ мужемъ Могилевцомъ.
      Жаловали намъ Иллиничы, штожъ при дяди нашомъ, при великомъ князи Витолтѣ, Илья отецъ ихъ и они не тягивали зъ волостью на всякіи потяги, а на то была въ них и великого князя Витолта грамота.
      Ино коли при великом князи Витолтѣ не тягивали зъ волостю, и мы ихъ по тому жъ пожаловали. Ненадобѣ намъ и нынѣ на всякіи потяги зъ волостю тягнути, коли будеть такъ было при великомъ князи Витовтѣ.
      Писанъ у Бакштахъ, марта одиннадцатый день, индиктъ десятый.

Грамота была подтверждена великой княгиней литовской Еленой Ивановной (Гродно, 1505.XII.30). Это подтверждение по копии XVII в. опубликовал И. И. Григорович: Белорусский архив древних грамот. Ч. 1. Москва, 1824. С. 7, № 4 (дата предложена ошибочная: 1506). - Электронная версия регеста сделана по этой публикации. Паерик передан знаками ^й и ^ъ.

      Алена, Божою милостию королевая полская, великая княгиня литов^ъская, руская, жомоитская и иныхь.
      Били намъ чоломъ бояре Могилевские, на^ймя Васко и Сидоръ, и положыли передъ нами листъ небощика великого короля Казимера, и въ листе стоить: штожъ тые бояре здавна, за Витовта, з местомъ и з волостю подачокъ и тягле^й никоторыхъ с ними не служывали, толко служывали службою панцерною, на дорогу, где потреба. И били намь чоломъ, абыхмо дали имь на то нашъ листъ.
      Ино мы дали имъ на то сесь нашь листъ. Неха^й бы ѡни намъ служыли службою панцерною, а пошлинь и серебщизны и подачокъ никоторыхъ не надобе имъ платити з местомъ и з волостю, подлугъ листу небощика короля его милости Казимера.
      Писанъ въ Городъне, декабръ тридцаты^й день, индиктъ девяты^й.
      При томъ былъ и князь Миха^йло Лвовичь Глин^ъски^й.