Fontes historiae Magni Ducatus Lithuaniae


X–XIII вв. | XIV в. | XV в.

[Вторая половина XIV в.]. [Друцк]. Князь Василий Михайлович и его жена Василиса кладут Евангелие в драгоценном окладе в церковь Святой Богородицы в Друцке; жалуют церкви село Моравьиничи (ныне Муравничи в Толочинском районе) с людьми, угодьями и медовой данью, десятину с жита в селе Видиничи, 5 пудов медовой дани с человека, который сидит на Поротвине земле, лукно меда Якимова и полулуконье на Худаве (ныне в Крупском районе).

Текст вписан на л. 188 об. так называемого Друцкого Евангелия апракос из собрания М. Н. Тихомирова, в 1960-х гг. переданного Сибирскому отделению Российской академии наук. Документ написан уставом XIV в. тем же почерком, что и основной текст Евангелия. Транслитерация подготовлена О. В. Лицкевичем по факсимиле, опубликованному в издании: Друцк летапісны. Друцкае евангелле. Мн., 2001. С. 270.

      В лето 6509-е створена бы(сть) ц(е)рк(в)и сия С(вя)тая Б(огороди)ца вь градѣ во Дрютьсцѣ, а служ(и)ти в неи всед(е)ньная служба Б(ож)иею м(и)л(о)стью и его Пр(е)ч(и)стыя М(а)т(е)ре и рабом Б(ож)ьимь княземь Васильем Михаиловичемь и его княгинею Василисою. А положилъ есмь съ своею женою Б(о)ж(ес)твеное Еоуанглию и оковалъ.
      Да далъ есмь С(вя)тѣи Б(огороди)цѣ село Моравьиничи и съ людьми и со всѣми пошлинами и съ медовою данью и съ селищи и с пожьнями, что ис того села завѣдають. А что ис тои дани пошлина шла ключнику, та пошлина понамарю, которыи служить оу С(вя)тыи Б(огороди)ци.
      Да далъ есмь Св(я)тѣи Б(огороди)цѣ исъ своего села из Видиничь десятину исъ жита.
      А по моемь животѣ не надобѣ въступатися ни моимь дѣтемь, ни моимь тивуномъ, ни иному которому насилнику. А кто иметь поискывати, тот дасть отъвѣт перед Б(ого)мь на Страшнѣм Судѣ.
      А которыи ч(е)л(о)в(е)къ сидить на Поротвинѣ земли, тотъ даеть 5 пудовъ меду проскурницѣ на заоупокоиныи кануны к Св(я)тѣи Б(огороди)цѣ. Да далъ есмь на память лукъно Якимово, на Худавѣ полулуконье. А вы бы, мои дѣти, тѣмь мя поминали, а моего бы есте слова не починили.

О.Л. Fontes historiae Magni Ducatus Lithuaniae; starbel.by/dok/d022.htm, 2009.II.04.