|
[1134-1136]. [Смоленск]. Смоленский князь Ростислав Мстиславич по желанию своего отца Мстислава и митрополита Михаила учреждает Смоленскую епархию, жалует ей десятину со всех даней.
Во имѧ Ѡтца, и Сына, и С(вя)т(о)го Д(у)ха. Б(о)гъ, и С(вя)таѧ Б(огороди)ца, и ѡ(т)ца моег м(о)л(и)тва.
При|ведѡх еп(и)ск(о)па Смоленску, здоумав с людми своими, по повелению | ѡ(т)ца своег с(вя)того, еж хотѣв при животѣ своем сътворити, но есть | здѣ первѣе сег не бывало еп(и)ск(о)пьи, да яз недостоиныи, грѣшныи се | оуста|[в]лѧю еп(и)ск(о)пью, ѡ немь ж еп(и)ск(о)пу быти живу и с клирисѡм своим въ свои | дни и во свое кнѧжене, еж ми Бѡг дал и ѡ(т)чѧ м(о)л(и)тва.
А се даю С(вя)тѣи | Б(огороди)ци и еп(и)ск(о)пу: прощеники с медѡм и с кунами и с вирою и с прода|жами и не надобѣ их судити никакому ж ч(е)л(ове)ку. И се даю С(вя)тѣи Б(огороди)ци | еп(и)ск(о)пу десѧтину ѡт всѣх данеи смоленских что сѧ в них сходит истых | [к]ун, кромѣ продажи, и кромѣ виры, и кромѣ полюдья.
У Вержавлѧнех | у Великих 9 погостъ, а в тех погостех платит кто ж свою дан и передмѣ|ръ истужници по силѣ, кто что мога. А в тех погостех, а некоторыи | погибнет, то ти и десятины убудет. А в тых погостех во всех сходит сѧ | дани ѡсмъ сѡт гривен, а передмѣра сто гривен, а на истужницѣх сто гри|[в]ен, то ти ис тог взѧти еп(и)ск(о)пу къ С(вя)тѣи Б(огороди)ци сто гривен.
А во Врочницѣх | [200] гривен, то ти ис тог взѧти еп(и)ск(о)пу 20 гривен.
А в Торопчи дани четыри|ста гривен, а еп(и)ск(о)пу с тог взѧти 40 гривен.
А в Жижци дани 130 гривен, | а с тог еп(и)ск(о)пу взѧти 13 гривен.
А въ Каспли 100 гривен, а ис тог еп(и)ск(о)пу | взѧти 10 гривен.
А в Хотшинѣ дани 200 гривен, а ис тог еп(и)ск(о)пу взѧти 20 гривен. |
А в Жабачеве дани 200 гривен, а ис тог еп(и)ск(о)пу взѧти 20 гривен.
А въ Вото|[р]ович дани 100 гривен, а ис тог еп(и)ск(о)пу взѧти 10 гривен.
А въ Шуиспѣи да|[н]и 80 гривен, а ис тог еп(и)ск(о)пу 8 гривен.
А в Дешнѧнюх 30 гривен, а ис тог | [е]п(и)ск(о)пу три гривны.
А в Ветьскеи дани 40 гривен, а ис тог еп(и)ск(о)пу | четыри гривны.
А на Былевѣ дани 20 гривен, а и еп(и)ск(о)пу ис тог 2 грив[ны]. [л. 2]
[А] в Бортницѣх на ѡнои сторонѣ 40 гривен, а ис тог еп(и)ск(о)пу 4 гривны. |
Въ Витринѣ дани 30 грив[ен], а ис тог еп(и)ск(о)пу три гривны.
В Жидчичих 10 грив[ен], [а] ис тог еп(и)ск(о)пу гривна.
В Басеи 15 гривен, а и еп(и)ск(о)пу ис тог полторы гривны. |
[Въ] Мирѧтичех дани 10 гривен, а еп(и)ск(о)пу ис тог гривна.
В Добрѧтинѣ дани | [30] гривен, а еп(и)ск(о)пу ис тог три гривны.
В Доброчковѣ дани 20 грив[ен], а ис тог | еп(и)ск(о)пу двѣ гривнѣ.
В Бобровницѣх дани 10 гривен, а ис тог еп(и)ск(о)пу гривна. |
На Дедогостичех 10 гривен, а ис тог еп(и)ск(о)пу гривна.
А в Зарубѣ дани 30 грив[ен], | а ис тог еп(и)ск(о)пу три гривны.
А в Женни дани 200 грив[ен], у Велицѣи, ис тог | С(вя)тѣи Б(огороди)ци и еп(и)ск(о)пу 20 гривен.
В Пацини дани 30 гривен, а ис тог еп(и)ск(о)пу | три гривны. А в гостинеи дани не вѣдомо, а что сѧ соидет, ис тог С(вя)тѣи | [Б](огороди)ци и еп(и)ск(о)пу десѧтина.
В Солодовницѣх 20 гривен, ис тог С(вя)тѣи Б(огороди)ци | еп(и)ск(о)пу двѣ грив[ны].
На Путтинѣ присно платѧт четыри гривны, бѣ|...ници двѣ грив[ны], коромити [sic] полпѧты гривны, дѣдичи и дан и вира | 15 грив[ен], гость 7 грив[ен]. А ис тог С(вя)тѣи Б(огороди)ци и еп(и)ск(о)пу три гривны без семи | ногат.
На Копысе полюдя четыри гривны, а перевоза четыри гривны, | а торговог 4 гривны, а корчьмити не вѣдомо, но что сѧ соидет, ис тог | десѧтина С(вя)тѣи Б(огороди)ци.
На Прупои 10 грив[ен], а ис тог еп(и)ск(о)пу гривна, а в корчмитѣх не вѣдати, но что сѧ соидет, ис тог десѧтина С(вя)теи Б(огороди)ци.
У Кречюта дани 10 гривен, а С(вя)тѣи Б(огороди)ци и еп(и)ск(о)пу грив[на].
В Лучинѣ полюдя | ... гривны, а мыта и корчмити не вѣдомо, но что сѧ снидет, ис тог | еп(и)ск(о)пу десѧтина.
Во Ѡболви гостинная дан, и что сѧ в неи сниде|т сѧ, ис тог С(вя)тѣи Б(огороди)ци и еп(и)ск(о)пу десѧтина.
Во Исконѣ дани 40 грив[ен], | а ис тог С(вя)тѣи Б(огороди)ци и еп(и)ск(о)пу 4 гривны.
Суждали залесская дан, аже | воротит Гюгри [sic], а что будет в неи, с тог С(вя)тѣи Б(огороди)ци десѧтина.
У Ве|ржавску в городѣ три гривны десѧтины С(вя)теи Б(огороди)ци.
В Лодеиницѣх | 10 гривен дани, а ис тог грив[на] С(вя)тѣи Б(огороди)ци.
И се даю ис Торопча | ѡт всѣх рыб, иж идет ко мнѣ, десѧтину С(вя)тѣи Б(огороди)ци и еп(и)ск(о)пу. [л. 3]
[И]з Жизцѧ тако ж ѡт всѣх рыб, иж идет ко мнѣ, десѧтину С(вя)тѣи Б(огороди)ци и еп(и)ск(о)пу. |
[Ч]то сѧ нареч(е)ть ѡбласти Смоленское, или мала, или велика дан, любо кнѧжа, | любо кнѧгинина, или чия си хотѧ, правити десѧтину С(вя)тѣи Б(огороди)ци, без всѧ|ког ѡтпису дѣяти.
Село Дросенское со изгои и з землею С(вя)тѣи Б(огороди)ци и еп(и)ск(о)пу. |
И село Ясенское и з бортникѡм, и з землею, и съ изгои С(вя)тѣи Б(огороди)ци.
И се есми дал | землю в Погоновичох Моишинскую С(вя)тѣи Б(огороди)ци и еп(и)ск(о)пу и ѡзера Немикорская | и с сеножатми, и уездъ кнѧж, и на Сверковых луках сеножати и уездъ кнѧж, | ѡзеро Колодарское С(вя)тѣи Б(ого)родици.
И се даю на посвѣт С(вя)тѣи Б(огороди)ци из двора своег, | ѡсмъ капии воску, и на горѣ ѡгород с капустникѡм, и з женою, и з дѣтми. | За рекою тетеревник с женою и з дѣтми С(вя)тѣи Б(огороди)ци и еп(и)ск(о)пу.
Быс | мое сотщание къ С(вя)тѣи Б(огороди)ци по повелѣнию с(вя)того ѡтца моег, что ж мога, | то ж даю.
А теж [sic] еп(и)ск(о)пълих не судити никому ж, судит ихъ сам еп(и)ск(о)пъ. | Первая тѧжа роспустъ. Другая тѧжа, аж водит кто двѣ жонѣ. | Третяя тѧжа, аще кто поимет сѧ чрес закон. А четвертая - оуволоч|ская, аж уволочет кто дѣвку. Што возметь кнѧз съ еп(и)ск(о)пѡм наполы, | или посадник что възмѣт свои тѧжи, то съ еп(и)ск(о)пѡм наполы. А пѧтое, | аж ту женку, то еп(и)ск(о)пу. Шестая вопрос, а то еп(и)ск(о)пу: зелья и д(у)шегуб|ства - тѧжа еп(и)ск(о)плѧ. Семая, аж бьета сѧ двѣ женѣ, то еп(и)ск(о)плѧ тѧжа. | [А]ж ц(е)рк(о)вныи ч(е)л(ове)къ доидет чего, то своему еп(и)ск(о)пу. Девѧтая, аж кого Бѡг | ѡтведет ц(е)рк(о)вных людеи.
А не будет зла ничег ц(е)ркви, да се яз молъвлю, | и уставил есми еп(и)ск(о)пью, поручен Смоленескъ Б(о)гѡм, и деднею, и ѡтцовою | молитвою, да се яз, кн(ѧ)зь Ростислав с первым еп(и)ск(о)пѡм своим Маноилом, | да се уставлѧю яз: аж будет или тѧжа, или продажа еп(и)ск(о)плѧ, да не | надобѣ ни кн(ѧ)зю, ни посаднику, ни тивуну, ни иному никому ж ѡт ма|ла и до велика, и по всеи волости Cмоленскои.
Се ж нынѣ съ Бѡжею помо|щью и со С(вя)тою Б(огороди)цею, в сии дни полны дани, а по сем что Бѡг устроит. По Бѡжю строю чи которая дан ѡскудеет, или ратю, или коим ѡбразѡм, [л. 4] [п]о силѣ что почнет давати тыи дани, а ис тог десѧтина С(вя)тѣи Б(огороди)ци.
Да сег | [н]е посуживаи никто ж по моих днех, ни кн(ѧ)зь, ни людие. Аще ли кто поcудит |сея грамоты, что есми дал къ C(вя)тѣи Б(огороди)ци, да тои ѡтвѣчает въ страшныи | ден С(вя)тѣи Б(огороди)ци и сия клѧтва будет на нем, а яз буду без грѣха.
Паки ли при|ложит кто сию еп(и)ск(о)пью ѡпѧт къ Переясловстѣи еп(и)ск(о)пьи, завистию | переступѧ слово с(вя)т(о)го митрополита русског Михаила, а разрушит | сию еп(и)ск(о)пью Смоленскую, то кн(ѧ)зь ѡтиметь свое ѡпѧт, еж былъ оуставил | еп(и)ск(о)пу пристроивати С(вя)тѣи Б(огороди)ци. Да ж кто разрушит сеи замыслъ с(вя)т(о)го | ѡтца моег Мьстислава и митрополита русскаго Михаила, | яз, грѣшныи сын Мьстиславль, надея сѧ на М(а)т(е)рь Бѡжю, на С(вя)тую Б(огороди)цу, | [у]ставлѧю сию еп(и)ск(о)пью, да ж кто разрушит ю, да сам ѡтвѣчает С(вя)тѣи Б(огороди)ци | и сия клѧтва с(вя)т(ы)хъ ѡ(те)ць буди на нем, а яз буду без грѣха. |
[1136]. [Смоленск]. Смоленский епископ Мануил подтверждает грамоту смоленского князя Михаила (Ростислава) об утверждении епархии в Смоленске.
Се яз, худыи и грѣшныи и недестоиныи [sic] еп(и)ск(о)пъ Маноил съ бл(а)городным и хри|столюбивым кнѧзем моим Михаиломъ, утвѣржаевѣ, еж написана, утве|ржена и сотворена ѡ бл(а)г(о)д(а)ти и бл(аго)с(ло)в(е)нием С(вя)того Д(у)ха поставленникѡм моим | митрополитѡм русским кvръ Михаилом при бл(а)говѣрнем и хр(и)столю|бивем кн(ѧ)зи моем и кvръ Михаилѡм и утвердил устав ц(е)рк(о)вныи именѣм | Ростислав, по ѡтца своег с(вя)тог м(о)л(и)твы и по повелѣнию ег уставил есть | еп(и)ск(о)пью Смоленскую.
Да ж кто по моем кнѧзи или по мнѣ переступит | ... посудит сию грамоту и устав ос или кн(ѧ)зь, или ин кто, да будет | ему Бѡг противен въ ден соудныи и С(вя)тая Б(огороди)ца, да будет проклят ѡт с(вя)тых | ап(о)с(то)лъ и с(вя)тых ѡ(те)ць 300 и 18, иж повелѣша: в кыи град достоит еп(и)ск(о)пу | быти, да поставѧт и ѡт всѣх с(вя)тых; аще кто разрушит се, да будет проклят. |
Или еп(и)ск(о)пъ которыи начнет несытствѡм хотѧ ити в Переяславль | и сию еп(и)ск(о)пью приложити к Переясловли, да буди ему клѧтва, яж се преж | писана и с(вя)того митрополита русскаг Михаила, иж составил сию | еп(и)ск(о)пью.
Или ѡтдасть что, и не правити имет С(вя)теи Б(огороди)ци, [л. 5] еж есть написано здѣ, буди ему тая ж клѧтва и буди ему анаф[ем]а.
[1150.IX.30], в лето 6659, индикт 14. [Смоленск]. Смоленский князь жалует Смоленской епархии Холм, как ранее дал его дед Владимир епископу Симеону.
[И] се и еще и Холмъ даю С(вя)тѣи Б(огороди)ци и еп(и)ск(о)пу, якѡ ж дано дѣдѡм моим Володи|[м]ерѡм Семеѡнови преж еп(и)ск(о)пу стоит нарѧд ц(е)рк(о)вныи и утвѣржене.
В лѣт 6659, индик 14, м(е)с(я)ц(а) сен(тября) 30.
[1211-1218]. Устав о размерах даней с городов Смоленской земли.
А се погородие:
Ѡт Мьстиславлѧ 6 гривен урока, а поч(е)стья гривна и три | лисици.
А се ѡт Круплѧ гривна урока, а пѧт ногат за лисицу.
А се ѡт Вержавска | двѣ гривнѣ урока, а за три лисици 40 кун без нагаты.
А се ѡт Копосы 6 грив[ен] | урока и двѣ лисици, а поч(е)стья 35 кун.
А се ѡт Поцинѧ урока полторы | гривны, а за двѣ лисици 22 кунѣ.
А ѡт Лучина три гривны урока, и двѣ | лисици, и ѡсетръ.
А се ѡт Ростиславлѧ три гривны, а поч(е)стья гривна | и четыри лисици.
Ѡт Елны урока три гривны и лисица.
А Изѧславлее | [гри]в[н]а.
А у Торопчи урока 40 грив[ен], и 15 лисиць, и 10 черных кун, невод, тре|...ица, бредникъ, трои сани рыбы, полавачникъ, двѣ скатерти, | три убрусы, берковескъ меду.
А се в Жижци пѧт гривен, а поч(е)стья грив[на] | и лисица.
А у Дорогубужи [sic] три гоны короткии, а поч(е)стья гривна, а пѧт лисиць.
|
