Fontes historiae Magni Ducatus Lithuaniae


X–XIII вв. | XIV в. | XV в.

[1436].XI.03, сентебра 3 день, индиктъ 15, подъ лѣты Божою [sic] Нароженья Христова 6000 лѣтъ девятьсотъ. Перемышль. Великий князь Свидригайло Ольгердович жалует своему слуге Федку Войниловичу за верную службу Новое Село в Городецком повете, Заболотье, землю Туровича в Велемичах, а в Ольшах землю Рудница со всеми угодьями, на вечность; а землю эту ранее держал Радзивилл, который изменил и выдал своего господаря князя Митка Давыдовича князю Сигизмунду Кейстутовичу.

Оригинал: неизвестен.
Копия 1. Оригинал представили в Пинский гродский суд Богдан Корчевский и Богдан Любовицкий, и текст был записан в книгу "Реестръ списовання привильевъ земянъ, шляхты повѣту Пинского и поповъ, наданья замку Пинского" (книга переписана 30 октября 1554 г.).
Копия 2 (по копии 1). Список XVII в. хранится теперь в Национальном историческом архиве Беларуси в Минске, ф. 1777 ("Пинский земский суд"), оп. 1. ед. хр. 88.

Ревизия пущ и переходов звериных в бывшем Великом княжестве Литовском, с присовокуплением привилегий на входы в пущи и на земли. Т. 1. Вильна, 1867. С. 327-328 (по копии 2). - Электронная версия сделана по этой публикации.

Дата: устанавливается по 15 индикту, дата 6900 год явно ошибочна.

      Реестръ списанья прывильевъ земянъ повѣту Городецкого. Село Новое. Богданъ Корчевскій, Богданъ Любовицкій оказали прывилей великого князя Швитригайла на имѣнье свое, писаный на паркгаминѣ, подъ прывѣсистою печатью.

      Милостью Божою мы, великій князь Свитрыкгайло Олкгирдовичъ.
      Чынимъ знаменито симъ нашымъ листомъ, даемъ вѣдати кождому доброму, нынѣшнымъ и напотомъ будучымъ, хто нань возрыть, или чтучы его услышыть и коли кому потребно будеть. И тежъ возрѣвъ есми знаменитую службу намъ, никгды неомѣшканую, вѣрного слуги нашого пана Федка Войниловича, и мы, порадившыся зъ радою нашою, князи и паны нашыми, дали есмо ему село Новое въ семъ Городецкомъ повѣтѣ, а Заболотье, а у Велимичохъ Туровича землю, а у Ольшахъ Рудница землю со всими прыходы и доходы, пожытки, какъ здавна и зъ вѣка къ тымъ селомъ прыслушало и слушаеть, съ поли, зъ дубровами, съ пашными, и зъ лѣсы, зъ бортными землями, зъ даньми, и зъ сѣножатьми, болоты, зъ рѣками, съ озеры, съ крыницами, съ потоки, зъ бобровыми гоны.
      И мы ему по тому жъ дали, пану Федку, уверху выписанья вѣчно, непорушно до его жывота, а по жывотѣ его жонѣ и его дѣтемъ и близкимъ его.
      Ачь бы иныи нѣкоторые хотѣли прыповѣдатисе къ тому имѣнью, ино тотъ Радивилъ, который передъ тымъ тое имѣнье держалъ, стоя1 на своего господара, на сестренца нашого князя Митка Давыдовича...2 и выдалъ его князю Жыкгимонту неподобными речьми. У той то речы князь Жыкгимонтъ князя Митка инялъ и згубилъ, а самъ тотъ истый Радивилъ у тыхъ речохъ избѣгъ и имѣнье повергъ у Городку, тое истое, што есмо дали пану Федку Войниловичу. Тотъ Радивилъ у Подолью умеръ, а тыми учынки и тыми речьми своими неподобными имѣнье стратилъ на вѣки и дѣтемъ своимъ.
      И мы есмо тое имѣнье дали вѣрному слузѣ нашому пану Федку Войниловичу и записали тымъ то нашымъ листомъ.
      А пры томъ были светки: князь Михайло Васильевичъ, а панъ Немира, староста Лицкій3, а панъ Богушъ, а панъ Федко крайчый, а панъ Сенько, [с. 328] подканцлерый.
      А про лѣпшую свѣдомость и твердость и печать нашу казали есмо прывѣсити къ сему нашому листу.
      Данъ и писанъ у Перемышла, сентебра 3 день, индиктъ 15, подъ лѣты Божою [sic] Нароженья Христова 6000 лѣтъ девятьсотъ.

1 В публикации: съ тоя. 2 В публикации многоточие. 3 Следует читать: Луцкий.

О.Л. Fontes historiae Magni Ducatus Lithuaniae; starbel.by/dok/d037.htm, 2009.XII.11.