Fontes historiae Magni Ducatus Lithuaniae


X–XIII вв. | XIV в. | XV в.

[1475].X.28, индикъ 9. [Место не указано]. Берестейский наместник Ян Насутич и дорогичинский наместник Иван Ильинич по распоряжению короля Польши, в.к.л. Казимира выносят вырок по земельной тяжбе между пани Угровской, ее сыном Лаврином и паном Станиславом Железницким с братьями.

Оригинал: неизвестен. Был представлен 1496.X.06 в Дорогичине панами Железницкими во время повторного рассмотрения земельной тяжбы.
Копия 1. РГАДА. Ф. 389 ("Литовская Метрика"), оп. 1, кн. 6 (6-я книга записей), лл. 267-268 (по пагинации: с. 532-534).

Основные публикации (все по копии 1): Акты Литовской метрики. Т. 1, вып. 2. 1499 - 1507 / Собр. Ф.И. Леонтовичем. Варшава, 1897. С. 166-167, № 725 (дата ошибочная: 1505 г.); Lietuvos Metrika. Knyga Nr. 6 (1494–1506): Užrašymų knyga 6 / Parengė A. Baliulis. Vilnius, 2007. P. 336, № 569 (дата предложена: 1475 г.). - Текст приводится по LM-6. В издании Ф. И. Леонтовича чтения в ряде случаев другие, они даются в вариантах (АЛМ).

Дата: Иван Ильинич называется дорогичинским наместником в период около 1475 г. (Насевіч В. Іллінічы // Вялікае княства Літоўскае. Энцыклапедыя. Т. 1. Мн., 2005. С. 666). 9-й индикт приходился на период с 1475.IX.01 по 1476.VIII.31.

      Вписане листу старог  судового о тые ж  границы etc.

      Г(о)с(по)д(а)ра нашого великого короля Казимера приказаньемъ пан  Янъ Насутичъ, наместникъ берестеискии, а панъ Ивашко Илиничъ, наместник  дорогицкии.
      А при насъ было людеи  добрых  досыт: панъ Анъдреи  Косовскии, судя дорогицкии, а пан  подсудокъ дорогицкии, а пан  Карскии, [с. 533 (л. 267 об.)] а Милкобскии1, и инъшихъ добрых  людеи  при насъ было досыть.
      Жаловала намъ пани Угровская [с] своимъ сыномъ Лавриномъ на Железницъкихъ о землю. И мы тамъ тое земли обыездили2 и осмотрели. Напервеи  насъ повела пани Угровская а рекучи такъ: потуль мои  мужъ держалъ и предки мужа моего потуле держали. А къ жадному знаку ани к гранемъ насъ не привела.
      И за тым  Железницъкие повели насъ и зъ братьею своею, а рекучи такъ: за великого кн(я)зя Витовта и за великого кн(я)зя Жикгимонта пан  Нацъ3, будучи староста дорогицкии, отехал  отцу нашому по Мокрец4 от  Якимовског  границы а по Карского границу и грани отцу нашому и з угровляны положил. И мы тых  гранеи  пана Нацевых  смотрели5.
      И за тым  пани Угровская поставила своих  старцовъ осмъдесят, а Железницкие поставили своих  старцовъ сто.
      И мы есмо напервеи  пытали пани Угровское старцовъ, а рекучи такъ: которым  вы обычаемъ ведаете, покуле Угровское а покул  Железницкихъ? Они вси сознали а мовыть6 такъ: покул  пани Угровская вела, потулъ Угровское.
      За тымъ пытали есмо Железницкихъ старцовъ, и они посветчили, а мовят  такъ: за великог  кн(я)зя Витовта и за великого кн(я)зя Жикгимонта панъ Нацъ, будучи старостою дорогицкимъ и угровъскимъ розрубил  угровляномъ и з  Железницъкимъ от  Якимовского границы по Мокрец  олижъ по Каръского границу и грани положил  панъ Нац  угровляномъ и Железницкимъ. И на то хотели присягнути Железницъкихъ старцы.
      И мы, того досмотревши, подлугъ земъского обычая велели есмо Железницкимъ, Станиславу з братьею, самосемому присягнути. И пани Угровъская не хотела слухать и поехала прочъ. И мы возного послали гранеи  зарубати. И пани Угровская и с  сыном  возного отбила. И мы сами ехавъши отехали по Мокрец  а по Якимовского границу а по Карского границу, какъ пан  Нацъ отехал  и зарубил, и зъ Железницъкимъ при пана Нацевых  границах  зоставили есмо их, Железницъких, [с. 534 (л. 268)] и пересуд  есмо у Железницкихъ узяли, и заклад  есмо заложили г(о)с(по)д(а)ру королю триста копъ а старосте петдесятъ копъ, хто коли будеть по насъ в Дорогичине, хто нашъ ездъ рушить.
      Писан  м(е)с(е)ца октябра 28 день, индикъ 9.

1 АЛМ. Минькобскій. 2 АЛМ. объѣздили. 3 АЛМ. нашъ. 4 АЛМ. Мокса. 5 АЛМ. осмотрѣли. 6 АЛМ. мовили.

О.Л. Fontes historiae Magni Ducatus Lithuaniae; starbel.by/dok/d124.htm, 2010.X.17.