Ѧ, Станислав Екович, боѧрин королевськии, продал есми землю свою питомую, | ѡтчину и дѣдину пану Миколаю Радивиловичю, моршалку г(о)с(по)д(а)рѧ королѧ его ми|лости, намѣснику Смоленьскому, и з гаи, и з болоты и и зъ синожатми [sic], и зъ водами, | как есми сам держал, так долго и такъ широко, за полтретьѧдцат коп гроши ѡбел ему | вѣчно и его м(и)л(о)сти пани, и ихъ м(и)л(о)сти дѣтом [sic], паном их м(и)л(о)сти. Моцон пан Миколаи Радви|лович тую мою землю продати и заменити и къ своему лѣпшему обернути.
      А ес|ли ѧ, Станислав Екович, будоу тое земли поискивати у пана Миколаѧ, алюбо моѧ | жона, алюбо мои дѣти, алюбо моѧ братѧ, алюбо наши ближнии прироженыи, | как есмо записали его м(и)л(о)сти вѣчно, ѡбел и непорушно, тот заплатит г(о)с(по)д(а)рю королю ег(о) | м(и)л(о)сти вины двадцѧт рублов [sic] гроши.
      А людеи своих и земли людеи своих не продалъ есми, | и хором, што на моеи земли, тое все маю все изнести.
      А при томъ были пан Шимко Пе|ткович, а Станко Романович, а Нацко Ромѣикович, а Сенко Данилович, а Юрага | Евьнович, а Михал Немирович, а Ѡлександъро Боутримович, а Ѡлехно Воиштарович. |
      А я, Станислав Екович, печати своее не держал у себе и прохал есми пана Шимка, при | том боудучого дворѧнина пана Ѡлехна Соудимонтовича, воеводы Виленьског(о), штобы | печат свою приложил на сеи мои листъ. И пан Шимко Петкович на мою прозбу печат свою | приложил на сеи лист.
      Псан у Виленском мѣстѣ под лѣты Божѧго нароженѧ 1000 лѣт и 400 лѣт и 80 лѣт шостог(о) году.

На обороте записи: 1) Listh Stanisława Jekowicza na przedanie ziemi panu Radziwiłowi Mikołaiowi marszałkowi namiestnikowi Smoleńskiemu. Roku 1480. 2) № 2. Fasc. 1 Spraw roznych.