Fontes historiae Magni Ducatus Lithuaniae

X–XIII вв. | XIV в. | XV в.

[1487].I.25, оу Добучинах, в лѣт 6995, м(е)с(я)ца ген[варя] 25, индикта 5. Добучины. Княгиня Феодора, дочь Ивана Рогатинского, внучка князя Андрея Владимировича, записывает своему мужу кобринскому князю Ивану Семеновичу 2 тыс. венгерских золотых на двух своих имениях.

Оригинал: AGAD. Zbiór pergaminów, dok. 7480. Несвижская сигнатура: AR-286. Пергамен размерами 325 х 270, закладка для печати 60 мм. Одна печать на зеленом шнуре, от другой остался только шнур; левый нижний угол закладки с отверстиями от еще двух печатей вырван.

Публикации: Archiwum książąt Lubartowiczów Sanguszków w Sławucie. T. 1. 1366-1506. Lwów, 1887. S. 239-240, № 137; Ліцкевіч А.У. Старабеларускія граматы XV ст. з Archiwum głównego akt dawnych у Варшаве // Здабыткі. Дакументальныя помнікі на Беларусі. Вып. 11. Мн., 2009. С. 33-34, № 20.

Электронная версия сделана по публикации в "Здабытках". Кириллические цифры заменены на арабские.

      Во имѧ С(вя)тыѧ Тро(и)ца станьсѧ.
      Се я, кнѧгини Ивановая Семеновича Кобрыньская кн(я)г(и)ни Федка, пана Ивана Ро|гатинского дочка а кн(я)зѧ Андрѣѧ Володимировича внука, будучи оу своем полном розумѣ, безь каждого припу|жѣньѧ, чиню знакомито сим моимь листом н(и)нѣшним и потом будучим, кому того потрѣбь видѣти | алибо чтучи слышати.
      Записую мужеви своему кнѧзю Ивану Семеновичю на тых двух дѣлницах дѣди|ны и ѡтчизны моеѣ, которых же есми ему не записала, двѣ тисѧчи золотых оугорских, што ж мужь мои кнѧзь | Иван выдал двѣ тисѧчи золотых на таѧ моѧ имѣньѧ: ѡсподарю королю дал тисѧчю золотых, королевои и паном радѣ | тисѧчю злотых. И ѡнъ имаеть держати тыѣ двѣ дѣлници мои дѣдины и ѡтчизны моеѣ и поживати со всѣми доходы | и приходы, какь дѣдь мои и ѡт(е)ць мои имѣли и я сама имѣю дотыхмѣстъ, докол ему ѡтложит двѣ тисѧчи | золотых кто будет ближшїи к тым двѣма дѣлницам дѣдины и ѡтчизны моеѣ. А коли ближниѣ моѣ ѡтложать двѣ | тисячи золотых, и ѡнъ имаеть тых двух дѣлниць дѣдины и ѡтчизны моеѣ поступити им. А муж мои кн(я)зь Иванъ Семенович, оузѧвши тых двѣ тисѧчи золотых, воленъ даровати и ѡтдати и на ц(е)рковь дати и куды хотѧ ѡ|бернути кь своему пожитку.
      А при том моемь записном листу был ѡт(е)ць нашь Дамїанъ, вл(а)д(ы)ка Володимирскїи, | а кнѧзь Михаило Сенгушкович, а ловчїи королевь пан Янъ Мишкович, а дворѧнинъ королевь пан Юрьии [sic] Кондра|тович, а дворѧнинь королевъ пан Богушь Боговитинович, а пан Завиша Романович, а пан Млѣчко Сачковичь, | а писарь королевъ ключникь Берестїискїи пан Левъ Боговитинович, а бояре наши Сугакь Бѣликовичь, | Сенко Проступчичь, Пронко а Мрочко.
      А про утвержѣнье сего моего листа и печат есми свою приложила | кь сему моему листу и тых добрых людїи есми просила, штобы и своѣ печати приложили кь сему моему листу, | и ихь м(и)л(о)сть приложили. Ѡт(е)ць Дамїанъ, вл(а)д(ы)ка Володимирскїи, свою печат приложил, князь Миха|ило печат приложил, пан Янъ печат приложил, пан Юрьии печат приложил, пан Богуш печат приложил, пан Зави|ша печат приложил, пан Млѣчко печат приложил, пан Левъ печат приложил.
      Псан оу Добучинах, в лѣт 6995, | м(е)с(я)ца ген[варя] 25, индикта 5.

На обороте записи: 1) Zapis kniahini Fied. Rohatynskiey Iwanowey Siemionowicza Kobrynskiey na 2000 złotych więgierskich, ktore zapisała miężowi swemu na dwu czesciach Jmion swych oyczyznych. Data roku 1517 Januarij 25 Indikta 5. 2) Inwentowano Anno 1682 miesiąca Julij 24 dnia. Do spraw Mohilonskich. 3) [Повтор записи № 1]. № 5. Fasc. 1. 4) № 3. Fasc. [неразборчиво] Mohilonskich.

О.Л. Fontes historiae Magni Ducatus Lithuaniae; starbel.by/dok/d191.htm, 2018.XII.13.