Я, Немириная Римовидовича Анна, соу[д]янка дорогицкая, вызнаваю сим моим листом, што ж небожчик пан мои Немира Римовидович, водныи г(о)с(по)д(а)рскии королев, | будучи в добром здоровии, без каждого припуженья а ничим не пенно, продал пану Миколаю Радвиловичю ег(о) м(и)л(о)сти, воеводе Виленскому, люди свои ѡтчинные, выслугу свою, | сем человѣков, на имя в Бурвех три человѣки [С]твирмонта¹, Адамонта², [С]инеитя³, а в другом мѣсте оу Лыскове ѡдного ч(е)л(о)в(ѣ)ка на имя Соч[юс]а⁴, а у третем | м[есте]⁵ в Робитех три человѣки на имя Митѣика, Якгемина, ...вята⁶. А продал ег(о) м(и)л(о)сти тых людеи вѣчно и непорушно и дѣтем его м(и)л(о)сти и з земля|ми, и з сеножатьми, и з водами, и з данми, со всим с тым, как тые люди небожчику пану моему служили. И небожчик пан мои и задаток взял гроши у пана Миколая ег(о) м(и)л(о)сти, | а ещо ѡстало в пана ег(о) м(и)л(о)сти 40 коп грошеи. А мѣл пан мои Немира в пана ег(о) м(и)л(о)сти тую сорок коп грошеи взяти а листъ свои на тые люди мѣл ег(о) м(и)л(о)сти дати на вѣ|чность.
      А потом пан мои, ѡтходя ис сего свѣта, будучи в доброи памети [вка]зал⁷ мнѣ, абых я и достал [sic] тых пѣнезеи, 40 коп грошеи в пана Миколая ег(о) м(и)л(о)сти | взяла за тыи люди и листъ бых свои на то на вѣчность дала ег(о) м(и)л(о)сти. [Вка]зал⁷ ми небожчик пан мои тыми грошми д(у)шю свою помїнати.
      И я подле вка|занья пана моег(о), не хотечи вмовы ег(о) рушити, тую сорок коп грошеи в[зяла ес]ми⁸ в пана ег(о) м(и)л(о)сти широкими грошми за тые люди и листъ сес свои на то | дала есми на вѣчность пану ег(о) м(и)л(о)сти. Мают тыи люди пану Миколаю ег(о) м(и)л(о)сти и дѣтем его м(и)л(о)сти служити вѣчно и непорушно подле вмовы тое, как про|дал пан мои тые люди пану его м(и)л(о)сти на вѣчность, а никому ничим не пенно. А мнѣ, Немиринои, не надобѣ в тые люди вступатися, ани дѣтем моим, ани | [кре]вним⁹ нашим.
      А при том были пан Ян Яцкович, пан Станко Дукурнович, намѣсник Кревскии, пан Станко Ѡжакович Буивид, свиренныи Вилен|[скии].
      А просила есми тых панов вышеписанных, абы для лѣпшее твердости и сведецтва печати свои приложили к семоу моему листу. | [И о]ни на мою прозьбу печати свои приложили к сему моему листоу. А пѡдле их печатеи и свою печат приложила есми к сему моему листу. |
      Писан оу Виленском мѣсте м(е)с(я)ца марта 1 ден, индик 9, пѡд лѣты Б(о)жия нароженѧ 1000 и 400 лѣт и 90 лѣт первог(о) году. |
      Писал Гринько [Оноп]реевич¹⁰, пис[ар] | мѣста Виленьского.

¹ Первая буква с читается очень нечетко. ² Возможны также чтения: "а Дамонта" или "а Дамоита". ³ Первая буква с не читается. Т.: Stwirmonta, Adamojta a Siniejtia. ⁴ Две буквы не читаются из-за пятна. Т.: Socziusa. ⁵ Четыре буквы не читаются из-за пятна. ⁶ Две-три буквы не читаются из-за пятна. Т.: ...wata. ⁷ Первые три буквы почти не читаются из-за потертости на сгибе. ⁸ Шесть букв не читаются из-за потертости на сгибе. ⁹ Первые три буквы не читаются из-за пятна. ¹⁰ Первые четыре буквы не читаются. Т.: Onoprejewicz.

На обороте записи: 1) List paniey Niemierzyney <...> na przedanie 7 czołowiek panu Mikołaiowi Radziwiłowi Roku 1491 marca 1, Indykta 9... 2) № 1. Fasc. 417 Roznych.