Сам. |
      Казимир Божю м(и)л(о)стью корол Полскии, великии кн(я)зь Лито|вскии, Рускии, кн(я)жа Пруское, Жомоитскии и иных. | Сознаваем симъ нашим листом. Пришол пред нас краковчик пан Миколаи Тачинскии и повѣдил прѣд нами | ѡ имѣнье на имѧ ѡ Ѡстрожчичи, которое имѣнье небожчик пан Ѡлехно Судимонтович, воевода Ви|ленскии, канцлѣрь наш, дал и записал девце своеи, панѣи его панеи Алехне. И пан Миколаи Тачинскии перед | нами то обявил, што ж с паном Станиславом Яновичом, старостою Жомоитским, съ свояком своим ѡ тое имѣ|нье ѡ Ѡстрожчичи змовилисѧ, и спустил ему и продал тое имѣнье за шесть тисѧчеи золотых и за двѣ|сте злотых вгорьских ^1- ... ^-1 тое имѣнье продал пану старосте вѣчно и его дѣтем. И просил и жадал нас | пан Станислав, староста Жомоитскии, абыхмо ему на то дали наш листъ и потвердили то.
      Ино мы подлуг | зданя пана Миколаева Тачиньского на тое имѣнье на Ѡстрожчичи даемъ пану Станиславу, старосте | Жомоитскому, сесь наш листъ и потвержаемъ тое имѣнье ему вѣчно и его дѣтем.
      А на твердость то|го казали есмо и пѣчать нашу привѣсити к сему нашому листу.
      Псан оу Вилни, в лѣто 7000, м(е)с(я)ца фев[раля] 22 д(е)н, индик 10.

^{1 - 1} Из-за морщины на пергамене не читаются 6-7 букв.

На обороте запись: Przywilei krolia Kazimierza Iego Mcz. Pan Mikołai Theczinski krakowczyk Jmienie Ostrożczyczy Jego Msczi Panu Stanisławowi Iwanowiczowi, starosczie Żomoitskiemu, przedał za złotych więgierskich 6200, stawsze przed krolem Jego Mczią tho imienie zdał.