Во имѧ С(вя)тыѧ Живонач(а)лныя Тро(и)ца, О(т)ца и С(ы)на и С(вя)т(а)го Д(у)ха.
      Я, | Федѡсїй, архимандрит Лаврашовскый со всею, еж[е] ѡ Х(рист)ѣ братїею | чиним знаменито сим нашим листом, хто на него посмотрит | или чтучи его оуслышит, што пан Литавоуръ, подскарбїй дворный | г(о)с(по)д(а)рѧ королѧ его м(и)л(о)сти, воевода Слонимскыи, купил дворъ оу пани | Яцковое Гавсовича и оу ее дѣтей на имѧ Деревноую, а с тог(о) дво|ра Деревное давали десѧтиноу издавна на Пр(е)ч(и)стое домъ к мана|стырю Лаврашовоу. Ино пан Литавоуръ змовил с нами и придалъ | на Пр(е)ч(и)стое дом къ Лаврашовоу манастырю землю, слоужба ѡдна тѧглая, | што брат его пан Василей коупил был тоую землю оу пана Сенка оу Хмарича, | ино пан Литавоуръ, ѡткупивши оу брата своего пана Василя тоую зе|млю на имѧ в Милушове, и придал на Пр(е)ч(и)стое дом къ манастырю | Лаврашовоу, вѣчно и непороушно, за тую десѧтиноу, што с того | двора Деревное давана десѧтина на Пр(е)ч(и)стое дом.
      И мы тоую землю | за тоую десѧтину оу пана Литавоура взѧли. А болше тог(о) нам архи|мандритоу Федѡсїю, и по мнѣ боудучимъ архимандритом, и брати | вже не надобѣ з нас никому оупоминатис пану Литавуроу ѡ тую | десѧтиноу верхоуписаноую вѣчно.
      А для лѣпшее справедли|вости и твердости я, Федѡсїй, верхоуписаный архимандритъ | и з братїею и печать свою есмо к семоу нашему листоу привѣсили.
      Писан в Лаврашове манастыри в лѣто седмь | тисѧчное м(е)с(я)ца мая 16 д(е)нь индикта 10.

На обороте запись: № 10 (?). Fasc. 1 przywilejów.