...Episcopo quondam Mutinensi, Apostolicae sedis Legato in Livonia. Gregorius episcopus servus servorum Dei.
      Cum lux vera, que illuminat omnem hominem venientem in hunc mundum, vocat aliquot ad admirabile lumen suum, ut relicto gentilitatis errore, fidem Domini nostri Jesu Christi recipiant per baptismum, debent renati hujusmodi ex aqua, et Spiritu Sancto favorem, et gratiam apud Christicolas invenire, ut et fideles zelari conversionem infidelium videantur, et infideles ad fidem emulatione laudabili provocentur. Cupientes igitur fidem catholicam propagari, mandamus quatinus, si quos de servili conditione, seu alios alterius ditioni subjectos ad baptismi gratiam, Domino inspirante, contigerit convolare a domnis eorumdem christianis videlicet religiosis, vel secularibus in favorem fidei christianae de onere servitutis facias aliquid relaxari, et dari eis liberam facultatem confitendi peccate, adeundi Ecclesiam, et divina officia audiendi, indulgentia, seu privilegio aliquo non obstante.
      Datum Laterani, VII Idus Martii, anno undecimo.