Fontes historiae Magni Ducatus Lithuaniae


X–XIII вв. | XIV в. | XV в.

[Первая половина XVI в]. [Великий Новгород или Москва, на основе смоленского источника]. Повесть о святом мученике Меркурии Смоленском.

Оригинал: неизвестен. По классификации О. Н. Бахтиной, известные в настоящее время списки (их около 80) разделяются на шесть редакций: Минейную, Хронографическую, Западнорусскую, Жюлевскую ("Народную"), Летописную и Новгородскую Забелинскую.

Минейная редакция

Самые ранние списки повести в составе Миней Четьих датируются 30-50-ми гг. XVI в.: РНБ, Солов. собр., № 507/526; Q.XVII.15; ГИМ, Синод. собр., № 988, 176; РГБ, собр. Ундольского, № 1254. Смоленский источник Минейной редакции существовал уже в начале XVI в., когда по благословению смоленского епископа Варсонофия (1509–1514) был составлен канон Меркурию (указание на это содержится в некоторых списках Варсонофиевской редакции службы Меркурию, например РНБ, собр. ОЛДП, Q.71).

Хронографическая редакция

Текст повести под заглавием "О Смоленске граде" или "Явление Пресвятыя Богородицы и о святем Меркурии" входит в состав хронографической "Повести умильной о нашествии безбожного Батыя на Русскую землю", которая размещена в Русском временнике (ГИМ, собр. Черткова, № 115а, б; РГАДА, ф. 201, собр. Оболенского, № 46; СПбИИРАН, собр. Лихачева, № 513; РНБ, F.IV.244) и Летописце Хворостинина (ГИМ, собр. Уварова, № 116).

Западнорусская редакция

Текст повести под заглавием "Мѣсяца ноемврия 24 дня. Повѣсть о святомъ и побѣдоносномъ мученику Меркурию, чудотворцу смоленскому, являюще преславное чудо, бывшее отъ иконы Пречистыя Владычици нашея Богородици, како избави градъ Смоленескъ крѣпкимъ своимъ заступлениемъ и милостью, рукою угодника своего Меркурия, въ нашествие безбожныхъ агарянъ, и како побѣди царя Батыя и освободи градъ Смоленескъ и всѣхъ живущихъ въ немъ избави, въ бывшее въ лѣто отъ создания мира 6746. Исписана бо прежде сия вещь словенскимъ языкомъ, таже изъ словенска языка преложена на польский языкъ, а нынѣ паки исъ польскаго на словенский" (еще вариант заглавия: "Месяца ноября в 24 день. Повесть о святом и добропобедном мученике Меркурии Смоленском чудотворце, како победи царя Батыя и свободи град Смоленск от безбожных агарян в лета 6746 году, прежде славенского языка на полски язык преведено, ныне же паки с полскаго языка на славенский язык преложено в лето 7164"). Как видно, это перевод с польского языка, выполненный примерно в 1656 г. Списки: РГИА, собр. архива Синода, № 1318. Л. 36 об. – 46 (конца XVII в., западнорусского письма, по мнению А. И. Соболевского); ГИМ, собр. Уварова, № 136; РНБ, F.XVII.16; РГБ, Музейн. собр., № 735. Текст издан С. П. Писаревым в "Филологических записках" за 1881 г. по рукописи 60-х гг. XVII в. из Смоленского Аврамиевского монастыря. См. также: Барсуков А.П. Источники русской агиографии. СПб., 1882. Стлб. 359–361; Соболевский А.И. Переводная литература Московской Руси XIV–XVII веков: Библиографические материалы. СПб., 1903. С. 217–218.

Жюлевская или "Народная" редакция

ГИМ, Синод. собр., № 908. "Цветник", составленный Семеном Жюлевым в 1665 г. Независимая от Минейной редакции литературная обработка смоленской легенды о святом Меркурии. Текст опубликован в изд.: Белецкий Л.Т. Литературная история повести о Меркурии Смоленском: Исследование и тексты. Петроград, 1922. С. 55–57. Отсюда неоднократно перепечатывался, в том числе в "Памятниках литературы Древней Руси. XIII век" и 5-м томе "Библиотеки литературы Древней Руси" .

Летописная редакция

Текст повести в составе летописного свода 1652 г. Списки: РГБ, собр. Большакова, № 423; ГИМ, Музейск. собр., № 3058; РГБ, собр. Румянцева, № 379 и другие.

Новгородская Забелинская редакция

Текст повести в составе Новгородской Забелинской летописи. Списки: ГИМ, собр. Забелина, № 261; РГБ, Музейн. собр., № 733; РГБ, собр. Румянцева, № 437.

Основные публикации и литература: Никитин П.Е. История города Смоленска. 1847. М., 1848. Приложения. С. XIII–XVI; Буслаев Ф.И. Смоленская легенда о св. Меркурии и ростовская о Петре царевиче Ордынском // Ф.И. Буслаев. Исторические очерки русской народной словесности и искусства. СПб., 1861. Т. 2. С. 155–198; Писарев С.П. Рукописный памятник Смоленского Авраамиевского монастыря и его литературное значение // Филологические записки. Воронеж, 1881. Вып. 1. С. 1–14 [отд. пагинация]; Вып. 3. С. 39–48 (здесь издан текст); 1882. Вып. 2–3, 5. С. 25–44, 45–52; Кадлубовский А. Очерки по истории древнерусской литературы житий святых. Варшава, 1902. С. 44–107 (о связи между повестью о Меркурии Смоленском и сказанием о Меркурии Кесарийском); Бугославский Г. Сказание о св. Меркурии Смоленском по рукописным "сборникам" XVI в. Антониева-Сийского монастыря // Смоленские епархиальные ведомости. 1907. № 12–13. С. 555–567; № 14. С. 604–613 (один из списков Минейной редакции); Миндалев П.П. Повесть о Меркурии Смоленском и былевой эпос // Сборник статей, посвященных Д. А. Корсакову. Казань, 1913. С. 258–280; Белецкий Л.Т. К литературной истории повести о Меркурии Смоленском (по поводу статьи г. П. Миндалева "Повесть о Меркурии Смоленском и былевой эпос". Казань, 1913) // Журнал Министерства народного просвещения. 1914 (декабрь). Ч. 4. С. 358–370; Белецкий Л.Т. Литературная история повести о Меркурии Смоленском: Исследование и тексты. Петроград, 1922. 95 с. [Сборник отделения русского языка и словесности. Т. 99. № 8]; Скрипиль М.О. Повесть о Меркурии Смоленском // История русской литературы: В 10 т. М. – Л., 1945. Т. 2. Ч. 1. С. 357–361; Русские повести XV–XVI вв. / Сост. М. О. Скрипиль. М., 1958. С. 106–107; Бахтина О.Н. К литературной истории Повести о Меркурии Смоленском (Хронографическая и Минейная редакции) // Книга в Сибири XVII – нач. XX в. Новосибирск, 1980. С. 164–171; Бахтина О.Н. Новгородская Забелинская редакция Повести о Меркурии Смоленском // Сибирское собрание М. Н. Тихомирова и проблемы археографии. Новосибирск, 1981. С. 153–158; Памятники литературы Древней Руси. XIII век. М., 1981. С. 204–209; Древнерусские предания (XI–XVI вв.). М., 1982. С. 117–124; Бахтина О.Н. Повесть о Меркурии Смоленском в литературном контексте XV–XVII вв.: Автореф. дис. ... канд. филол. наук. Томск, 1982; Бахтина О.Н. Повесть о Меркурии Смоленском // Словарь книжников и книжности Древней Руси. Вып. 2. Вторая половина XIV–XVI в. Ч. 2. Л – Я. Л., 1989. С. 248–252; Мельнікаў А.А. Кніга жыцій і хаджэнняў. Мн., 1994. С. 118–134 (с переводом повести на белорусский язык); Библиотека литературы Древней Руси. Т. 5. М., 1997. С. 164–166.

Примечание. Св. мученика Меркурия не следует путать со св. Меркурием, епископом смоленским (жившим в конце XII – начале XIII в.), мощи которого покоились в Киево-Печерской Лавре в Антониевой пещере (см.: Лавровский Л.Я. Св. Меркурий, еп. Смоленский // Смоленская старина. Вып. 3. Ч. 2. Смоленск, 1916. С. 1–23). В самом Смоленске в историчности личности св. мученика Меркурия на протяжении веков не сомневались, и в разных редакциях повести указывается, что гроб мученика на момент составления текста находился в городе (например, в Западнорусской редакции: "его же есть гробъ во граде Смоленскѣ"). Эта уверенность отражена и в церковном предании, дожившем до XIX в. Архиепископ Филарет в 1882 г. писал: "Благодарные жители Смоленска благоговейно похоронили тело Меркурия в смоленском соборе. Это было ноября 24 1238 г. Над местом погребения воина веры повешено было оружие его. Железный шлем и железная обувь его, простотою отделки указывающие на свою древность, хранятся ныне в соборной ризнице. В XVI столетии смольняне еще знали место крови, где умерщвлен был св. Меркурий; это за городом, в поле. <...> Ныне мощи св. Меркурия почивают в Смоленском Аврамиевом монастыре, где во имя его есть и храм, освященный в 1755 г." (Филарет, архиеп. черниговский. Русские святые, чтимые всею церковию или местно. Сентябрь, октябрь, ноябрь, декабрь. СПб., 1882. С. 426). Однако сейчас мощи считаются утраченными; возможно, они находились в старом Смоленском Успенском соборе (так называемом Мономаховом), который был взорван в 1611 г. В "Иконописном подлиннике" под 24 ноября приводится условное описание внешности св. мученика Меркурия: "Святый мученик, Меркурий Смоленский, новый чудотворец, убиен от Батыя царя в лѣто 6755, образом велик, брада не велика разсохата мала, на главѣ шапка, залом черн, шуба камка, багор, узорчата, оворот бѣл, в рукѣ сабля, гораздо велика, а он подперся ею, что посохом, а в другой рукѣ ножны; в иных Подлинниках пишет: млад, аки Димитрий Селунский, ризы княжеския" (Сводный иконописный подлинник XVIII века по списку Г. Филимонова. М., 1874. С. 200).

Ниже воспроизводятся тексты Минейной и Жюлевской ("Народной") редакций.

Бастеновичский мастер. Святой преподобный Авраамий Смоленский и святой мученик Меркурий Смоленский перед иконой "Богоматерь Одигитрия Смоленская". 1723–1728. Белорусская школа. Образ выявлен в 1920 г. в Успенской церкви (1890) с. Бастеновичи, ныне относящегося к Мстиславскому району Могилевской области. Іканапіс Беларусі XV–XVIII стагоддзяў / Аўтар тэксту і склад. Н. Ф. Высоцкая. Мн., 1992. № 66.
Первоначально хранившийся в Смоленске комплект оружия св. мученика Меркурия включал в себя шлем-шишак, копье и железные сандалии. Копье, по легенде, забрали французы во время нашествия 1812 г., а шлем был похищен в 1954 г. Сохранились только сандалии, которые выставлены в Смоленском Свято-Успенском кафедральном соборе. Фото: сайт собора.

Минейная редакция по двум взаимодополняющим друг друга спискам

Великие Четьи Минеи, лл. 1137а – 1140а под 24 ноября. По изд.: Великие Четьи Минеи, собранные всероссийским митрополитом Макарием. Вып. IX. Часть 2, тетрадь I. Ноябрь, дни 23–25. СПб., 1917. Стлб. 3297–3306

      Главизна изъявлѧетсѧ ѡт чюдесъ дивнѣишеи заступници нашеи: и великоую ее м(и)л(о)сть с(вя)тоую, и бывшую и бывающую тогда и н(ы)нѣ на градѣ нашемъ неисчетно ѡт г(оспо)жи Вл(а)д(ы)ч(и)ци нашеи Б(огороди)ци и Матере Х(рист)а Б(ог)а н(а)шего.
      И паметь сказуетсѧ тоѧ славныѧ оугѡдника еѧ, свѧтаго Меркоурїа, иже есть гробъ его въ Смѡленьскѣ градѣ нашемь, ѡ бывъшихъ ѡт негѡ чюдесъ.
      Великое чюдо хощеть н(ы)нѣ повѣсти предъложитисѧ. Да аще бо прежде забвенїю и нерадѣнїю предълѡжено было, или пакы чисмен не дръжимо былѡ, но нѣкыми изъгублено бѣѧше въ забытїи оума, въ славоу достоиную н(ы)нѣ, господїе и братїе, богатїи и маломощнїи, вельможи и властели сущї и просто рещи, не гръдѧсѧ, никтоже ѡт сановитых, но вес народ мнѡжство людїи града нашего, дивное чюдо сїе да въспомѧнем пакы, дивниишей застоупници и м(и)л(о)стивои помощници нашеи Г(оспо)жи Б(огороди)ци: яко невидимою Б(о)ж(е)ственою Своею силою и с(вя)тымъ Своимъ ѡмфорѡм ѡсѣнѧет и покрывает градъ нашъ ѡт всѧкоѧ льсти и язѧ [sic] таино находѧщихъ бѣдъ и зълъ. Въспоминаетсѧ въ сем чюдеси и тоа дивнѣишим застоупленїем, яже ѡт непорочныѧ граду нашемоу даровасѧ, и оугодником еѧ с(вя)тымъ Меркурїем явѣ бысть пособїе и тверда побѣда граду нашему. Вы же сихъ не лестно послоушаите, и бодрено к тъ молитвою прилѣпимся: да и н(ы)нѣ ѡна может своимъ оугодникѡм чюдодѣиствовати, яко бо праведникъ и по см(е)рти живъ есть, да граду нашемоу пособїе велїе вроучит и люди всѧ ѡт бѣдъ града того сп(а)сеть, токмо бѡ не забытливи будем, тоѧ неисчетно насыщающесѧ с(вя)тыхъ дарованїи.
      Постиже же ѡ сихъ сказанїе ѡт чюдесъ еѧ. В лѣта ѡна, егда прїиде лютѣишее ѡно нахоженїе злыхъ варваръ попущенїемъ Б(о)жїимъ на всѧ страны хр(и)стїаньскыхъ предѣлъ, на с(вя)тыи град преж, егоже речем м(а)т(е)ре градовомъ, б(о)госп(а)саемыи Кїевъ, попоущенїемъ и прѣщенїемъ великым и праведнымь гн(е)вѡм Б(о)жїимъ, зане бо оумнѡжишѧсѧ безаконїа велїа, и лютїи грѣси, и мръзкаѧ нечистота блуднаѧ. И сего ради ѡт всетворительныѧ Его десница посласѧ на ны велика бѣда и запоустѣнїе градское, яко бо не токмо, ѡ немъ ж предпомѧнухомъ, на едїнъ Кїевъ великое плѣненїе люто, но и на всѧ страны и предѣлы православныхъ хр(и)стїанъ: по градомъ ж и весемъ всѣмъ бысть плѣненїе велико ѡт злѣиших ѡнѣхъ варвар. Бысть тогда таковаѧ бѣда зла, яко великым ц(е)рквем ѡскоудѣнїе и ѡпоустѣнїе люто, яко в нихъ же и дивїи звѣрїе плодишѧсѧ, зане ѡскудѣшѧ людїе, и монастырѧ честныѧ такѡ ж и тии разарѧеми без пощадѣнїа. Градомъ ж и весем великое и тѧжко запустѣнїе, с(вя)щенникомъ ж всѣмъ и сановитым тѧжкы южи бѧхоу на хрептѣхъ, ч(е)стнѣишим же инокомъ и инокынѧмъ лютѣишее и нем(и)л(о)стивное посеченїе, всѣмъ ж православным людемъ тѧжко иго и ярмо имоущи поганьско на шїахъ своихъ.
      Тогда бѡ землѧ въсплакасѧ, якѡ ж нѣкаѧ чадѡлюбиваѧ мати, зрѧщи ѡноу бѣдоу бывающую на странахъ всѣхъ хр(и)стїаньскыхъ предѣлъ. Яко тогда исплънишѧ лютїи ти варвари сквара и дыма безбожнаго и нечестиваго ихъ закона. Не токмо сїи едина, но и млад(е)ньц ссущаѧ ѡттръгахоу ѡт пазоуху нѣдръ м(а)т(е)рьнихъ и ѡ землю оударѧхоу, иныя же ѡружїами прободахоу. Ѡскврьнишѧ ж всѧ яже чистоты д(е)вьства, растлѣшѧ юнныхъ д(е)въ и брачныѧ жены, разлоучаемы ѡт моужеи, и ч(е)стнѣишѧа невѣсты Х(ристо)вы, инокынѧ, ѡскврьнѧхоу блудомъ. Мнѡи оубо тогда ѡт православных сами порѣзывахоусѧ и см(е)рть прїимахоу, дабы не ѡскврьнитисѧ ѡт поганых. Тогда люто плѣненїе бысть на правѡславныѧ, яко ж безч(е)л(ове)чьна на них показахоу немилостивїи ратницы: власы главными вмѣсто вѧзахоу, гнахоу, акы скѡты, ѡсны бодущи.
      Сих бо не можаше зрѣти она, ѡбщаѧ м(а)ти нашѧ земля. Жръломъ г(лаго)лющи, стонѧше: "С(ы)нове, с(ы)нове рустїи! Азъ оуже кто бых, ѡстающи вас, чада любимїи бывшїи мнѣ! Чѧде мои, прогнѣвавшїи Г(оспод)а своего и моего Творца Х(рист)а Б(ог)а, виждоу васъ ѡт пазоуху моею ѡттръгаемы въ поганьскыѧ роукы нем(и)л(о)стивно впадша васъ праведнымъ судомъ Б(о)жїим и иго работно имущи на плещахъ вашихъ. Ктому и бѣднаа вдова быхъ. Кое прьвое сѣтоую: моужа ли или любимыхъ чѧдъ, вдовьства ж се есть ѡпустѣнїе монастырем и с(вя)тыхъ ц(е)рквеи и градов] мнѡгыхъ. Ктомоу же не трьплю жалости моеѧ лютыѧ сеѧ бѣды и възопїю къ Творцоу ѡбщемоу Г(оспод)оу Б(ог)у. Мол[я]: Б(о)же, сътвѡривыи всѧ и Съдѣтелю всѣхъ, презри безакѡнїе людїи своихъ и помилуи, м(и)л(о)с(е)рде, и оутоли праведныи Свои гнѣвъ и възврати ихъ, да мѧ вторицею наслѣдѧть повелѣнїемъ Твоимъ, Г(оспод)и, яко Ты [бѡ] еси едїнъ Б(ог)ъ, милуѧи грѣшныхъ! Слышасте ли, како, ѡну бѣдоу видѣвши, землѧ и не сътрьпѣ и възопи жрълом, къ Твѡрцоу, молясѧ. Кѡльми паче и стократное и милостивное на насъ показасѧ дивное застоупленїе Г(оспо)жи и Б(огороди)ци: аще не бы ѡна С(вя)таѧ оумолила С(ы)на своег Х(рист)а Б(ог)а н(а)шего и праведныи Его гневъ съ прѣщенїемъ оутолила, кто ли бы ны избавилъ ѡт толикїа бѣды и злаго мучительства, да пакы ѡт сеѧ чюдесъ н(ы)нѣ истину оувѣсте.
      Бывает бо нахоженїе великаго плѣненїа на страны православныхъ ѡт безбожнаго и злоч(е)стиваго ц(а)рѧ Батыѧ, варварина злаго, ѡт негоже пострада за Х(рист)а великїи м(уче)н(и)къ Х(ристо)въ, православныи и бл(а)говѣрныи великыи кн(я)зь Черниговьскыи блаженноименитыи Михаилъ и Феѡдоръ, болѧринъ его. В лѣто 6745 бысть нахоженїе злобожнаго тог варвара. Пришед же къ Кїевоу и преѡдолѣ емоу, зане бо ѡт Б(ог)а посласѧ на нѧ рана та зла. И изыде ѡттоуду и проиде плѣнующи во всѧ грады х(рист)онѡсныхъ: доиде же и до самыѧ Москвы града и тамо поплѣни и преѡдолѣ. Ѡт того же плѣненїа и зла м(у)ч(и)т(е)льства, яже преж речесѧ, въспѧть възвращаетсѧ, якѡж г(лаго)лахом, по плѣненїи градовомъ и разоренїи ч(е)стныхъ монастыреи и ѡпустѣнїи с(вя)тых ц(е)рквеи, яко бо сихъ не мощно подробну изг(лаго)лати: великыѧ бо жалости исплънѧетсѧ оутроба ѡ тогда бывающихъ бѣдахъ, яже съдѣяшасѧ на х(ристо)носных людехъ ѡт злаго и нем(и)л(о)стиваго ѡного м(у)ч(и)т(е)лѧ, ѡцѣпѣнѣвает языкъ, пресыхает грътань, оуже бо ктомоу не мѡжеть всего изрещи ч(и)сто.
      Мы же начнем касатисѧ бесѣдѣ, ѡ неиже есть главизна. Да паче нѣчто мало ѡ подвизѣ и великомъ побѣженїи с(вя)т(а)го Меркурїа въспомѧнемъ, яже бо бѣхоу та чюдеса в тогдашнѧа лѣта и в то злое плѣненїе ѡного м(у)ч(и)т(е)лѧ. Оумысли несытныи ѡнъ злыи кровопролїица, или се рещи сыроядецъ, таино наитїе сътворити на б(о)госп(а)саемыи град Смоленьскъ. С нимъ же бѣѧше и исполинъ съ сыном своимъ, егоже оуби с(вя)тыи Меркоурїе и теплѣишая ж и некоснаѧ нашѧ застоупьница Г(о)с(по)жа и Б(огороди)ца, крѣпкаѧ дръжава и нератнаа помощница, непобѣдимыи воевода нашего града, и тоу имоущи оугодника своего с(вя)т(а)го Меркоурїа, яж есть въ градѣ Смоленьскоу. Зрите же, людїе, скорое то и м(и)л(о)стивное градоу поможенїе. Явисѧ бо в тоую нощь въ с(вя)тѣи своей ц(е)ркви сама Г(о)с(по)жа Б(огороди)ца ѡт с(вя)тыѧ своеѧ иконы, г(лаго)лющи пономарю, ц(е)рковномоу стражоу: "Иди къ рабу моемоу Меркурїю въскорѣ на Подѡлїе на ѡно мѣсто, – и дворъ сказа емоу, бѣ бо въ градѣ, – рци же емоу, яко Г(о)с(по)жа зоветь тѧ. Тамъ ж шедъ, не просто къ двѡру приходи, а не тлъци в ворота, но егож ѡбрѧщеши на среди двора, рци томоу тихо, тако тогѡ зовущи: Меркурїе, изыди ѡтсюду скоро, Г(о)с(по)жа зоветь тѧ, въ всем cвоемъ воиньскомъ подобїи". Пономарь же, сирѣчь ц(е)рковныи страж, скоро изыде на посланое ѡно мѣсто. И прїиде къ двороу ѡномоу, иже емоу показа сама Пр(е)ч(и)стаѧ, и ѡбрѣте тако, якоже речено ему бысть преж. С(вя)т(а)го ѡбрѣте среди двора стоѧща и роуцѣ на н(е)бо въздѣвающа, ѡпоѧсаноу же ему бывшоу и въѡруженоу въ всемъ воиньскомъ подобїи: бѣ бо в тъ ч(а)съ молѧсѧ Г(оспод)оу Б(ог)оу и Того рождьшеи Б(о)гоматери, бѣ бо оуже явлено емоу свыше ѡ посланїи и ѡ побѣдѣ преже пришествїа пономарева. С(вя)тыи же Меркурїе туто ѡнъ ѡчютивъ пономарѧ того, флѧгмуя по стъгнам, яко ѡбьявлѧше себе емоу: бѣ бо глубоко в нощи пришествїе пономарево. Пономарь ж ставъ пред враты и тако тихо изрекъ, якѡж наоученъ есть: "С(вя)тче Меркурїе! Изыди скоро, Г(оспо)жа зовет тѧ, якоже преж н(ы)нѣ моего прихода возвѣщено ти есть ѡт Г(о)с(по)жи Б(огороди)ци".
      Меркурїе же ѡтвръз врата, изыде и идѧше на гороу с пономаремъ. И прїидошѧ въ ц(е)рк(о)вь Б(о)горѡдичноу. И ѡбрѣтошѧ свѣщоу горѧщоу перед самою тою с(вя)тою иконою, ѡт неѧже гласъ изыде къ пономарю. Падши же, Меркоурїе в събѣ м(о)лѧщисѧ Б(огороди)ци с великым захлипанїемъ слезным. И пакы сама вторицею с(вя)таа б(ог)орѡдичина икона, ѡт неяже гласъ быс къ пономарю: "Оугодниче мои Меркурїе! Азъ въспосылаю тѧ ѡгрозити домъ мои: азъ бо тѧ на сїе призвах, раба моего".
      Бѣаше бо сїи с(вя)тыи Меркурїе ѡт рода славна, или се рещи кнѧжскаго. Бѣ бѡ родиною землѧ Римьскыѧ: ту бо заѣхал бѣ юнъ, възрасте, слоужбу дѣѧ. И слоужаше самодръжцоу того града Смоленьскаго, или истиннѣиши се рещи, яко възванїемъ ѡт Г(оспо)жи Б(огороди)ци и посланїемъ на чюдотворенїе и великую помощъ своемоу градоу и превелицѣи своеи ц(е)ркви. Да якоже рѣхомъ, родомъ Римлѧнинъ, вѣрою же благоч(е)стивъ, бѣ бо с(вя)тыѧ вѣры греческыѧ и по бл(а)гочестїи великїи поборникъ и ревнитель истиненъ: съблюдаше бо сѧ въ д(е)вьствѣ, яко да ч(и)стотою тѣлесною с(вя)тъ быс. Гл(агол)аше бо емоу ѡ сихъ сама Пр(е)ч(и)стаѧ Б(огороди)ца: "Се идетъ безбожныи м(у)ч(и)т(е)ль втаинѣ, в сїю бѡ нѡщь хощеть напасти на град мои ратїю своею съ исполиномъ и с(ы)номъ его, хотѧт ѡпустошити град мои. Азъ ж не презрѣхъ града моего и възненавидѣхъ велерѣчїа льстиваго того моучителѧ, яже възносѧсѧ суетно, ѡхуждаетъ православїе. Азъ оумолихъ С(ы)на и Б(ог)а моего ѡ градѣ моемъ, да не предает мѧ въ плѣнъ, в работоу злыхъ варваръ. Повелѣваю ти изыти въ срѣтенїе злаго того варвара". Гражане же того ничтож не вѣдѧхоу, ни въ старѣишинахъ градскыхъ и дръжавцах, ни с(вяти)т(е)ль превеликїа тоѧ ц(е)ркви. Но бѧхоу пребывающе въ градѣ безъвѣстно в тоу нощъ и в ту годиноу, не свѣдѧще, гдѣ есть ратникъ ѡнъ злыи. "Ты ж, исшед, и иди на мѣсто ѡно, тако реченное Длъгыи Мостъ, ту бо рати оуготовалъ буестїю злыи б(ог)оборецъ на град мои. Възвѣщаю бо ти ѡ сихъ, яж хотѧтъ быти тебѣ: тоу бо помощїю и силою Х(рист)а Бог)а побѣдиши исполина. Азъ бо сама, сущі тамо с тобою, помагающи тебѣ, рабу моемоу. Да и в сихъ явѣ ти есть, яко тебе, раба моего, самого възвращоу въспѧть пакы на сїе мѣсто ѡно пред градъ, якѡж тоу и венчѧешисѧ своею кровїю и побѣды вѣнец ѡт Х(рист)а прїимеши, яко идѣже ти паметьно на крови Его". Н(ы)нѣ есть на поли внѣ пред градомъ мѣсто то. Сїе же дивьнѣишеи застоупленїе бысть на насъ ѡт славныѧ [заступницы с(вя)тымъ тезоименитым ѡному древнему мученику Меркурию]. Якож древле бысть в Кесарїистѣм градѣ такѡ ж тогда посылаемъ бѧше самою Г(о)спожею Б(огороди)цею, застоупающи и помогающи градоу Кесарѣискоу, такѡ же другаго Меркурїа моученика, оугодника своего древнѣишаго посылает, да оубїетъ внезапоу злаго моучителѧ, законопреступнѣишаго ц(а)рѧ Іоулїанна. Тако ж избавленъ бысть градъ ѡн.
      Сїа же слышавъ самъ с(вя)тыи Меркоуреи ѡт самыѧ с(вя)тыѧ иконы Б(огороди)ца – побѣдоу и ѡдолѣнїе на варвара, наипаче ж провъзвѣщенїе венца нетлѣннаго и жизни вѣчныи, радощами себе с(вя)тыи ѡ сихъ ѡградивъ. Таже с(вя)тыи Меркоурїе поклѡнивсѧ дѡ землѧ пред ѡбразом с(вя)тыѧ иконы богородичны, и изыде, и прїиде на ѡно мѣсто, идѣже сказа емоу сама Г(о)спожа Б(огороди)ца, проиде же врата градоу, яко стражоу градскому не слышавшоу.
      Пришедъ ж на Длъгыи Мостъ и знамена себе с(вя)тыи знаменїемъ Честнаго Кр(е)ста, въ м(о)л(и)твѣ призывающи М(а)т(е)рь Х(рист)а Б(о)га нашего: "Преч(и)стая Г(оспо)жа Б(огороди)ца! Помози на противника сего!" И взем свои мечь под конецъ, и вшедъ въ плъкъ злобѡжныхъ варваръ, и оуби исполина того силнаго, немощїю ѡбложена, и иныхъ ѡт плъкоу поганыхъ мнѡго множество посѣче мечем. Таже, оуже зарѧмъ бывъшимъ, въсташа ратнїи и ѡбрѣтошѧ ѡт себе великѡ чюдо, яко исполинъ ихъ сильныи оубїенъ бысть и иных мнѡжство тѣлесъ м(е)ртвы плъковъ своихъ. И ни тако оуставиша ѡни зломыслїа своего несытьства злаго, или больма Б(ог)оу прославлѧющоу своего оугодника: поидошѧ къ градоу ратници. С(вя)томоу же в то времѧ ѡтшедшу на ѡно мѣсто, идѣже прїатъ неповѣдимыи вѣнець. И тоу стоѧ и молѧшесѧ Б(огороди)ци ѡ побѣдѣ и ѡ своеи см(е)рти, гл(агол)ѧ въ м(о)л(и)твѣ своеи сїе: "Ц(а)р(и)це и Вл(а)д(ы)ч(и)це всеи твари, Госпоже и Б(огороди)це, Пр(и)снод(е)во М(а)рїе! М(и)л(о)стїю своею покрыи град и ц(е)рковь свою, на вѣкы неврежденну ни ѡт коихъ ратникъ, безбѣдну. Ѡ мнѣ же самѣмъ, рабѣ твоем, оумоли С(ы)на своего, Х(рист)а Б(ог)а нашего, да покоить мѧ мирно ѡт временныхъ сихъ и оучинит мѧ съ ликы с(вя)тыхь м(у)ч(е)н(и)къ. Азъ бѡ хощу пострадати за Х(рист)а и излїати кровь свою за с(вя)тоую твою ц(е)рковь." И рекъ: "Аминь". И абїе по м(о)л(и)твѣ глас бысть емоу: "Рабе мои! дръзаи и будеть ти, егоже еси просилъ. И град свои съблюду невредимъ до коньца вѣкоу. Тебе ж самого, раба моего, положать мощи въ ц(е)ркви моей въ градѣ".
      С(вя)тыи ж стоѧше въ велицѣ дръзновенїи противу ратникъ. И тако прїидоша ратници злїи на ѡно мѣсто, идѣже стоить с(вя)тыи, наньже пришедше с(вя)тыи Меркурїе побѣди всѣхъ. А инїи посрамишѧс и бѣгоу яшѧсѧ: "О горе! – гл(агол)ющи. – Люто бо есть братисѧ, яко зримъ млънїенѡсных моужеи побаряющи, насъ ж нем(и)л(о)стивно посѣкающи. Болѣ же сего: видѣхом тоу стоѧщу женоу, красноу вельми, превеликоу, с(о)лнцеобразноу сущоу, яко и м(е)ртвых на помощъ въставлѧющи и противъ нас посылающи!" Видѣсте ли дивное то застоупленїе градоу нашемоу!
      С(вя)тыи же Меркоурїе подклони главоу свою, по соуду Б(о)жїю, по съдѣѧвьшеисѧ ѡт него побѣдѣ. Пришед единъ варваринъ лют, или с(ы)нъ того исполина, и оуби с(вя)т(а)ого Меркурїа мечем. Ту блаженныи прїатъ коньчиноу ѡ Г(оспод)ѣ. Самъ ж варваръ оусрамисѧ и побѣже въспѧть, бѣ бо страхъ велїи на нихъ. А злобожныи ц(а)рь Батыи, яко видѣ исполина оубита и мнѡжство и инѣхъ, тако къ градоу не смѣ ни приближитисѧ и побѣже ѡт Длъгого того Мосту посрамленъ ѡт Гѡспожди Б(огороди)ци, дивнѣишеи нашеи застоупници. Егда же ѡтсѣкошѧ главоу с(вя)тому Меркурїю, сам с(вя)тыи въспрїатъ, къ граду принесе пред всѣми и прогл(агол)а главою своею ѡтсѣченою, повѣдающи побѣдоу и застоупленїе Госпожи Б(огороди)ци. Гражане же стѣкошѧс на сїе чюдо вси, слышаще бо дивное застоупленїе Б(огороди)ци ѡ градѣ своем. С(вя)т(а)го же Меркурїа тѣло ч(е)стно с великою честїю, съ пс(а)лмы и пѣсньми вземше и положиша въ ц(е)ркви С(вя)тыѧ Б(огороди)ца на пред клироса шуего, на единои странѣ ѡт Красных вратъ.
      Да и сего не забоудемъ сказати. И помалѣ томоу ж пономарю явисѧ с(вя)тыи Меркоурїе, на кони, яко живъ, въ всемъ воиньском подобїи, гл(агол)а емjу: "Повѣдаи гражаном, да ѡбѣсѧтъ ѡружїе мое, копїе и щитъ, над гробом моимъ: да егда кое боудетъ притоуженїе къ градоу, тогда изнѡсѧтъ, славѧще и прославлѧюще Б(ог)а и Того рѡжшоую Б(о)гом(а)т(е)рь и мене, смиреннаго раба Божїа Меркурїа поминающе, да подасть Г(оспод)ь Б(ог)ъ побѣду имъ ѡт ѡружїа сего и врагы града их посрамитъ". И тако ѡбѣсишѧ, якоже сам заповѣда Меркурїе, и н(ы)нѣ же и до дн(е)сь всѣми видимо есть. И тако ѡтшедша, гражане оузрѣшѧ всѧ та, яже ѡт с(вя)т(а)го побѣда быс велика: ѡ семъ с(вя)т(а)го оубл(а)жиша и възсылающе славу Съдѣтелю Б(ог)оу, Ѡтцоу и С(ы)ноу и С(вя)томоу Д(у)хоу, н(ы)нѣ и пр(и)сно и въ вѣкы вѣкомъ. Амїнь.

Список РНБ, собр. Погодина, № 653, лл. 267–280.
По изд.: Мельнікаў А.А. Кніга жыцій і хаджэнняў. Мн., 1994. С. 118–126, с некоторыми поправками в пунктуации

      Месяца ноября в 24 день. О проявлении чюдесе от иконы Пресвятей Богородицы святому мученику Меркурию, иже во граде Смоленски, и о нахожении безбожнаго царя Батыя. Благослови, Отче!
      Великое чюдо хощет ныне повести предложитися, аще бо преже забвению и нерадению предложено бысть или пакы чисмение держимо бысть, но некими изгублено беяше в забытии ума в славу и достойную память. Ныне, господие и братие, богатии и маломощнии, вельможи и во властех сущии, просто рещи, не гордяся никтоже от сановитых, но всенародное множество людцкое града нашего, дивное сие чюдо да воспомянем паки дивней нашей заступницы и милостивой помощницы нашей Царицы Госпожи Богородицы, яко невидимою божественою своею силою и святым омфором осеняет и покрывает град наш от всякие лсти и язык тайно находящих, бед и зол. И воспоминается о сем чюдеси и тое дивнейшим заступлением, еже от нея непорочныя граду нашему даровася и угодником ея – святым Меркурием яве богопособие и тверду победу граду нашему дарова. Вы же сих нелестно послушайте пободрено кто и молитвою прилепитися, да и ныне она поможет нам своим угодником чюдодействовати, яко праведник и по смерти жив есть, да граду нашему пособие дарует и люди от бед вся града того спасает, токмо незабытливы будем, тоя неисчетно насыщающия святых дарований постиже уже сих сказание чюдес ея.
      В лето оное, егда прииде лютейшее нахождение злых варвар попущением Божим на вся християньския пределы, на святый град, преже еже речем матере градовом – богоспасаемый Киев попущением и прещением великим и праведным гневом Божим, зане умножися беззаконие велие и лютии греси и мерзская нечистота блудная. От всего всетворительныя Его десница посла на нас сия беда и разорение градцское, яко бо не токмо о нем пред помянем – не на един Киев град сие злое пленение и лютое, но на вся страны и пределы православных християн Российския земля. По градом же и весем бысть великое пленение от злых онех варвар. Бысть тогда такова беда зла, яко великым святым церквам оскудение и опустение люто, яко в них и дивии зверие плодишася, яко оскудеша людие, и монастыри честныя – тако же и ти разоряемы без пощадения. Градовом же и весем великое запустение, священником же всем сановитым тяжки южи на выя и люты раны на хрептех и нужныя смерти, честнейшим же иноком и инокиням лютое и немилостивное посечение; всем же православным людем тяжко иго ярема имущи поганьска на выях своих.
      Тогда бо восплакася земля, якоже некая чадолюбивая мати, зрящи ону беду, бывающу на странах всех християнских предел. Яко тогда исполниша лютии тии варварии землю Рускую сквара ядыма злобожнаго и нечестивого их закона. Не токмо сие едино, но и младенца ссущая отторгаху от пазуху недр матерних и о земля ударяху, а иныя оружием прободаху, оскверниша честные девьства, растлеваху юнных дев и брачных жен зряху мужие разлучаемых от себе, и честнейшая невесты Христовы – иноки[ни] – оскверняху блудом. Мнози бо тогда от православных сами резаху ся и смерти приимаху, дабы не осквернитися от поганых. Тогда велие пленение бысть на православных, яко безчеловечно на них показаху немилостивии ратницы, власы главными вместо вязаху и гнаху, аки скот, остьны бодущи.
      Сих бо не можаху зрети общая наша мати земля, жерелом стонаше, глаголющи: "Сынове, сынове рустии! Аз зрю оставающих вас, чадолюбивых бывших мне! Чаде мои, чаде мои! Прогневавшеи Господа своего и моего Творца – Христа Бога, вижу вас от пазухи моея отторгаемы и в поганьския руки немилостивно впадша вас праведным судом Божим, иго работно имущих на плещах ваших. Ктому аз, бедная вдова бых, что первое сетую мужа ли или любимых моих чад; вдовство же менити запустение монастырей и святых церквей и градов многих. Ктому же не терплю жалости моея лютыя сея беды, возопию ко Творцу общему Господу Богу: Боже, сотворивый вся и Содетелю всех, не презри на беззаконие людей Своих, но помилуй их, Милосерде, и утоли праведный Свой гнев и возврати их, да мя вторицею наследуют повелением Твоим, Господи, яко Ты еси един Бог, милуя грешных!" Слышасте ли, како ону беду видевше земля и не стерпе, и возопи жерелом ко Творцу, моляся! Кольми паче стократное и милостивное на нас показася дивное заступление Царици Госпожи Богородицы: еще не бы о нас Пресвятая умолила Сына своего Господа и Спаса нашего и праведный Его гнев прещением отолила, кто ли бы нас избавил от толикия беды и от злого мучительства, да пакы от сих чюдес ныне истинну увесте.
      Бысть нахожение велика пленения на страны православных от безбожного и зловерного царя Батыя, варвара злаго, от негоже пострада за Христа великий князь Михаил Черниговский блаженноименитый, и Феодор, болярин его. В лето 6745. Бысть нахожение злобожнаго того варвара и христоборца. Пришед же к Киеву и преодолети ему; зане бо от Бога послася на ня рана та зла, и изыде оттуду и проиде пленующе во вся грады христоносных, доиде же и до самыя Москвы града и тамо поплени и преодоле. От того же пленения и злаго мучительства, яже преже рече, въспять возвращается, якоже глаголахом, от приятия градов и разорение святых церквей, яко бо сих несть мощно подробну изглаголати, якоже бо великия жалости исполняется утроба о еже тогда бывающих бедах, яже содеяшеся на христолюбивых людей от злаго и немилостиваго мучителя, растерзание велие, разсыпание святых Божих церквей: оцепеневает язык и пресыхает гортань. Уже бо ктому не может всего изрещи чисто, мы же начнем касати беседе, о нейже главизна. Да не паче нечто мало о подвизе и побеждении великом святаго Меркурия воспомянем, еже бе точию то дивное чюдо.
      В та лета и в то злое пленение одного мучителя умысли бо несытый он злый кровопролийца или рещи сыроядец той, ино наитие сотвориша на богоспасаемый град Смоленск. С ним же бяше исполин с сыном своим, егоже уби святый Меркурие. Теплейша же и некосная наша заступница Госпожа Богородица крепкая держава и нератная помощница, непобедимый воевода града нашего, и ту ищет угодника своего святого Меркурия, иже есть во граде Смоленьски.
      Зрите же, людие, скорое и милостивное граду поможение! Явися в ту нощь во святей своей церкви сама Госпожа Богородица, глаголющи от святыя своея иконы: "Иди, – рекла пономарю, сиречь стражу, глаголющи ему, – иди к рабу моему Меркурию въскоре на Подолие на оно место (и двор сказа ему, бе бо во граде), рцы же ему, яко Госпожа зовет тя. Тамо же шед, не просто к двору приходи, а не толцы во врата, но егоже обрящеши мужа среди двора стояща, рцы тому тихо, како того зовущи: Меркурие, изыди скоро отсюду, яко Госпожа зовет тя, во всем твоем в воиньском подобии". Пономарь, сиречь церковный страж, паде на помост церковный пред святою иконою Божия Матере нашия помощници и плакася, и помоча слезами помост, востав и скоро изыде, и иде на посланное оно место, и прииде ко двору оному, идеже показа ему сама Пречистая Богородица, и обрете тако, якоже реченно ему бысть преже, святого, среди двора стояща, воздевающа руце на небо, опоясану же ему сущу и вооружену во всем воинском подобии. Бе бо в том часе моляся ко Господу Богу и Того рожьшей Богоматери, бе ему уже явлено свыше о посланной победе преже пришествия пономарева. Святый же Меркурие смутен очютив пономаря того, флягмуа постона легко, яко обьявляше себе ему, бе бо глубоко в нощи пришествие пономарево. Пономарь же ста пред враты, тако тихо изрек, якоже научен бысть: "Святче Божий Меркурие! Изыди скоро, яко Госпожа Богородица зовет тя, яко преже ныне моего прихода возвещено тебе есть от Госпожи нашея Богородицы". Меркурий же отверз врата и изыде, и идяше на гору с пономарем, и приидоша во церковь Богородичну и обретоша свещу горящу пред самою тою святою иконою, от неяже глас изыде пономарю. Падши же Меркурий, в себе молящеся святей Богородици с великим захлипанием слезным, и паки сама вторицею святею Богородицы икона, от неяже и пономарю глас бысть: "Угодниче мой Меркурие! Аз посылаю тя огрозити дом мой. Аз бо на се призвах тя, раба Моего, от римских пазух".
      Бяше бо сей святый Меркурий от рода славнаго, или се рещи, кнаженецкаго; бе бо родиною земля Римьския, ту бе заехал юн в возрасте, службу дея и служаше самодержцу града того Смоленска, или паче се истиннейши рещи, яко званием и посланием от Госпожи Богородицы на чюдотворение и великую помощь своему граду и превелицей своей церкви. Да якоже рекохом, родом римлянин, верою же благочестив, бе бо святыя веры греческия и по благочестии велий поборник и ревнитель истинен, соблюдаше бо ся в девьстве, яко чистотою телесною честь бысть. Глаголаше бо ему о сих сама Пречистая Богородица, яко "идет безбожный мучитель втайне, в сию бо нощь хощет напасти на град мой ратию своею всею со исполином и сыном его, хотя опустити град мой; аз же не презрех града моего и возненавидех велеречие льстиваго того мучителя, еже възносяся суетно и охуждает Православие. Аз бо о сих умолих Сына и Бога моего о граде моем, да не предаст мя в плен и в работу злых варвар. Гражане же тех никих не ведяху, ни старейшина их, града того державца, ни святитель превеликия тоя церкви, но бяху пребывающе во граде безвестно в ту нощь и в ту годину не ведяще, где есть ратник той злый. Ты же, изшед, иди на место оно, тако реченный Долгий Мост, ту бо рати уготовал бесу и рою злый богоборец на град мой. Возвещаю бо ти о сих, юже хотят убити тебе; ту помощию и силою Христа Бога победиши исполина. Аз бо сама бех сущи тамо с тобою, помогающи тебе, рабу моему, да о сих явити ми ся. Яко тебе, раба моего, самого воспять тя на сие место оно пред град, и ту венчаешися своею кровию и победе венец от Христа приимеши, яко идеже знамение на крове Его". И ныне есть на поли пред вне градом место то, сие же дивнейшее заступление бысть на нас от славныя Пречистыя Богородица. Якоже древле в Кесарийстем граде тако же тогда посылаем самою Госпожею Богородицею, заступающи и помогающи граду Кесарию, тако же и другаго Меркурия мученика угодника своего древнейшаго посылает, да яве биет внезапу мучителя законопреступника царя Иулияна, тако же избавлен бысть град он.
      Сия же слышав сам святый Меркурие от самыя тоя иконы святыя Богородица победу и одоление на варвары, наипаче же произвещение венца нетленнаго и жизни вечныя обещание, радостию себе святый оградив, и тако святый Меркурий поклонися до земля пред образом святыя иконы Богородицы, и изыде из церкви, и прииде на то место, идеже сказа ему сама Госпожа Богородица, пройде же врата градныя, яко и стражу градцкому не чювшу, прииде же на Долгий Мост и знамена себе святым знамением честнаго креста, в молитве призывающи Матерь Христа Бога нашего, глаголюще: "О пресвятая Госпоже Богородице! Помози ми на противника сего!" И взем свой меч под конец, и вшед в полк злобожных варвар, и уби исполина того силнаго, немощию обложена, и иных от полку поганых много множество посечено мечем. Тако уже зари бывшем, воставьше ратницы ти и обретоша о себе велико чюдо, яко исполин сильный убиен бысть и иных многое множество телес мертвых полков своих, ини тако осташа они зломыслия своего несытьства злаго, или болма прославляющу угодника своего, поидоша ко граду ратницы; святому же в то время отшедшу на оно место, идеже прият непобедимый венец. И ту стояше, моляшеся святей Богородицы о победе и о своей смерти, глаголя в молитве своей сие: "Царице и Владычице всех тварей. Госпоже Богородице, Приснодево Мария! Молитвою своею покрый град и церковь свою навеки невреждену ни от коих ратник, безбедну, а о мне самем, рабе твоем, умоли Сына своего Христа Бога нашего, да покоит мя мирно от временных сих и учинит мя с лики святых Своих мученик. Аз бо хощу пострадати за святую церковь твою". И рек: "Аминь". Абие по молитве глас бысть к нему: "Рабе мой, дерзай; будет ти егоже просил еси. И град свой соблюду до конца невредим во веки. Тебе же самого, раба моего, положат мощи в церкви моей во граде".
      Святый же стояше в велицем дерзновении противу ратник. И тако приидоша ратницы злии на то место, идеже стояше святый, на нихже пришед святый Меркурий, победи всех. "О горе, – глаголюща, – люто бо есть братися, яко зрим молнии носящи великих мужей и поборяющих, нас же немилостивно посекающи. Болма же того видехом ту стоящу жену красну превелику солнцеобразну сущу, яко и мертвых на помощь воставляющи в противу нас посылающи!"
      Видесте ли дивное тое заступление граду нашему!
      Святый Меркурие поклони главу свою по суду Божию: по соделавшейся от него победе пришед един варвар лют или сын того исполина, уби святого Меркурия мечем. Ту же блаженный прият кончину о Господе. Сам же варвар устрамився и побеже въспять, бе страх велий на них. А злобожный царь Батый виде, яко исполина убита и много множество иных, тако ко граду не смеяше приближитися и побеже то Долгаго Мосту посрамлен от Госпожи Богородицы, дивнейшее заступницы нашея.
      Егда же отсекоша главу святому Меркурию, сам ю святый восприат и ко граду принесе пред всеми и проглагола главою своего отсеченою, поведающе победу и заступление царици Госпожи Богородицы. Гражане же стекошася на сие чюдо, слышаще бо дивное заступление Богородицы о граде своем. Святого же Меркурия тело с великою честию и со псалмы и песньми вземше и положиша во церкви Святыя Богородица на преди крилоса шуяго на единой стране от Красных врат.
      Да и сего не забудем сказати. По малех днех тому же пономарю церковному явися святый Меркурий на иконе, яко жив, во всем воинском подобии, глаголя ему: "Поведай гражаном да обесят оружие мое – копие и щит – над гробом моим, да егда будет кое притужение граду, тогда износят, прославляюще Бога и Того рождьшую Матерь и мене, смиренаго раба Божия Меркурия поминающе, да подаст им Господь Бог победу от оружия сего и враги града посрамит". И тако обесиша, якоже сам заповеда Меркурие, и до ныне же присно всеми видимо есть. И тако шедше гражане узреша вся тая, яже святаго победу, и бысть радость велика. И о сем ублажиша святаго, возсылающе славу Содетелю Богу Отцу и Сыну и Святому Духу и ныне и присно и во веки веков. Аминь.


Жюлевская или "Народная" редакция. ГИМ, Синод. собр., № 908. По изд.: Древнерусские предания (XI–XVI вв.) / Сост., вступ. статья и комментарии В. В. Кускова. Москва, 1982. С. 117–120

      Бе убо некто человек млад верстою именем Меркурий во граде Смоленске. Благочестивъ сый, в заповедех Господних поучаяся день и нощь, цветый преподобным житием, постом и молитвою сияя бо, яко звезда богоявленна посреде всего мира. Бяше бо умилен душею и слезен, часто прихождаше ко кресту Господню молитися за мир, зовомый Петровскаго ста.
      Бе бо тогда злочестивый царь Батый пленил Рускую землю, безвинную кровь пролия, аки воду сильну, и християн умучи. И пришед той царь с великою ратию на богоспасаемый град Смоленск, и ста от града за 30 поприщ, и многи святыя церкви пожже и християн поби, и твердо вооружашеся на град той.
      Людие же бяху в велицей скорбе, неисходно пребывающе в соборной церкви Пречистыя Богородицы, умильно вопиюще с плачем великим и со многими слезами ко всемогущему Богу и Пречистей его Богоматере и ко всем святым, еже сохранитися граду тому от всякого зла.
      Се же бысть некое смотрение Божие ко гражаном. Вне града бысть близ за Непр рекою в Печерстем монастыри: преславно явися Пречистая Богородица понамарю тоя церкви и рече: "О человече Божий, скоро изыди ко оному кресту, идеже молится угодник мой Меркурий, и рцы ему: "Зовет тя Божия Мати!" Он же шед тамо и обрете его у креста молящася Богови, и возва его именем: "Меркурие!" Он же рече: "Что ти есть, господине мой?" И глагола ему: "Иди скоро, брате, зовет тя Божия Мати в Печерскую церковь".
      Паки же вшед богомудрый во святую церковь и виде Пречистую Богородицу на злате престоле седяща, Христа в недрех имуща, обстоима ангельскими вои. Он же паде пред ногама ея, поклонися с великим умилением, ужасен бысть. Востави его от земля Пречистая Мати Божия и рече ему: "Чадо Меркурие, избранниче мой, посылаю тя, иди скоро сотвори отмщение крови християнская. Шед победи злочестиваго царя Батыя все войско его. Потом приидет ти человек, красен лицем, вдай же ему в руце все оружие свое, и усечет ти главу. Ты же ю возьми в руку свою и прииди во свой град, и тамо приимеши кончину, и положено будет тело в моей церкви". Он же зело о том востужи и восплака и глагола: "О Пресвятая Госпоже Владычице, Мати Христа Бога нашего, како аз окаянный и худый, непотребный раб твой, на толикое дело твое силен быти? И не достало ли ти небесныя силы, Владычице, победити злочестиваго царя". И взем благословение от нея, и весь вооружен бысть, и отъиде, поклонився до земля, и изыде из церкви. И обрете ту прехрабра коня стояща, и воссед нань, и исшед из града. И дошед полки злочестиваго царя, Божиею помощию и Пречистыя Богородицы побивая враги, собирая християн пленных и отпущая во град свой, прехрабро скакаше по полком, яко орел по воздуху летая.
      Злочестивый царь, ведев таково побеждение людей своих, велиим страхом и ужасом одержим бысть и скоро отбежа града того без успеха в мале дружине. И пришед во Угры, и тамо злочестивый Стефаном царем убиен бысть.
      Таже предста Меркурию прекрасен воинъ. Он же поклонися ему, и вда все оружие свое, и преклонь главу свою, и усечен бысть. И тако блаженный взем главу свою в руку свою, а в другую руку коня своего и пришед во град свой безглавен. Людие же, видевше тако, удивляющеся Божию строению. И дошед врат Мологинских, ту же вышла по воду некая девица и, зря святаго без главы идуща, и начат святаго нелепо бранити. Онъ же в тех вратех возлеже и предаст честне душю свою Господеви. Конь же той невидим бысть от него.
      Того же града архиепископ пришед со кресты со множеством народа, хотя взяти честное тело святаго. И не вдася им святый. Тогда бысть велий плач в людях и рыдание, что не восхоте поднятися святый. Таже бысть архиепископ в велице недоумении, моляся Богови о том. И се глас бысть к нему, глаголя: "О слуго Господень, о сем не скорби: кто посла на победу, той и погребет его". Святому же ту лежащу 3 дни непогребенну. Архиепископ же той всю нощь без сна пребываше, моляся Богови, да явит ему Бог тайну сию. И зря во оконце свое опасно прямо соборныя церкве, се же видит ясно в велицей светлости, аки в солнечной зари, исшедши ис церкви, Пречистая Богородице со архистратиги Господни Михаилом и Гавриилом. И дошедше места того, идеже лежаше тело святаго, взем же Пречистая Богородица в полу свою честно тело святаго, и принесше во свою соборную церковь и положи на месте своем во гробе, идеже есть и до ныне всем видим бысть, содевая чюдеса в славу Христу Богу нашему, благоухая, яко кипарис.
      Архиепископ же ко утренней вшед в церковъ, виде чюдо преславно – святаго лежаща на своем месте почивающа. Таже стекшеся людие, и видивше чюдо то, и прославиша Бога.

О.Л. Fontes historiae Magni Ducatus Lithuaniae; starbel.by/dok/d245.htm, 2002, 2019.III.26.