Во имя Святое Нераздѣльное Троици станься.
      На вѣчьную память нинѣшним и потом будучим усим посполите знамен[ит]о чиним, которым будеть потребизна огледати.
      Мы, князь Войтко, проборщь Миколай, каноници Виленского костела святаго Станислава, пан Миколай Дубровеньский, пан Юрьи, маршалек, пан Войтко и Якуб князя ... з Божеи ласки бискупа Виленьского урядники, под лѣты Божьими тисяча 400 семьдесят 4 год, мѣсяца сентября 20 и 1 день, спросили есмо стороны от князя бискупа его милости пана Балакира, урядника князя Михаила Васильевича, и пана Богдана Васильевича, короля его милости боярина, Ивана, Данила Левковича, а от ка[ноника] Виленьского костела святого Станислава пана Митька Петровича и пана Митька Бардича и пана Ѳедора Бардича, Олександра Максимовича и Данила Белотьского, Микулу Ильвея и иньших мужов, к тому обличьно собраных, урядили, утверьди[ли] есмо вѣчьно и границю удѣлали рѣкою на имя Локницею, и продали к Солоному Бабий остров князя бискуповым людем з усим правом земли и в бортях; ни бискуповым через Локницу, ани каноничим; а бобры у Локници сполу гонити.
      А хто проступить через нашо право от князя бискуповых людей – князю бискупу сто рублов; а естьли канонични проступять – каноником сто рублов, а ѣздоком, которые при том были, десять рублов.
      Псан на корчмѣ капитульнее стороны подлѣ Плотници рѣки граничьное, дня и мѣсяца перьвописаных.