|
Артыкулъ 1.
О пограбенье стада свирепъего и о цене его.
Уставуемъ: естли бы хто пограбилъ на якомъ колвекъ кгрунте стадо сверепъе князское, паньское, земяньское, а держачи тое стадо, жеребца або сверепу и колко ихъ уморилъ албо собе привлащилъ, таковый такую сверепу и жеребца з навезкою маеть платити. А цена стаду князскому, паньскому и земяньскому такая маеть быти: за жеребца осмъ копъ грошей, за сверепу чотыри копы грошей. Нижли за кождого с тыхъ жеребцовъ и сверепъ будет ли, торгуючи, што болшъ давано, тогды будеть повиненъ тую цену платити за слушнымъ доводомъ теж з навезкою.
Артыкулъ 2.
Якимъ обычаемъ мають се заховати о испашъ и о грабежи на испашахъ.
Тежъ уставуемъ, ижъ нихто стада сверепъего на дедизне чужой, такъ тежъ и на своей власной и на испаши займовати не маеть, ани въ грабежъ брати. А хто бы на чией албо на своей дедизне стадо занял або грабежъ учынилъ, тогды таковый маеть ему вины три рубли грошей заплатити и шкоды оправити, што бы ся тому стаду стало подле уфалы, вышей описаное, бо не мает за испашъ стада брати, бы и засталъ на испашы, маеть, осветчывши суседомъ, отогнати до того пана, чые стадо есть, а испашъ маеть обвести людми сторонними и окоповати с тыми жъ людми або может ли быти и з вознымъ, тогды тотъ повиненъ испашъ заплатити, чые стадо шкоду учынило. Вед же вызволяемъ толко стадо сверепее, абы на испашы не было займовано. А кони ездные и робочые и инъшое всякое быдло рогатое и нерогатое и тежъ свиньи, гуси, утки на испаши мають быти займованы подле обычаю давного, и скоро занявшы, маеть обослати того пана, чые быдло, абы быдло свое на паруку взялъ, а на испашъ пошолъ. И што копа на испашы присудят шкоды, тот панъ, чые быдло занято, маеть платити.
А где бы и на обосланье того, кому ся испашъ стала, быдла своего на паруку брати и на копу ити не хотел, тогды тотъ, хто займет, надалей третего дня маеть обвести тую испашъ людьми добрыми стороною, и што тая сторона або возный шкоды окопують водлугъ урожаю збожя и уваженья шкоды, в немъ учыненое, онъ маеть в той шкоде своей оставити быдла толко што бы за его шкоду стало, а остатокъ отогнати до того пана, чые быдло естъ. Нижли стадо сверепъе, кони и кождое быдло толко до светого Юр[ь]я безъ пастуха ходити волно маеть, вед же не по жыту и ни по збожью иномъ, а по светомъ Юр[ь]и в тыдень кождый мает около добытку своего сторожа або пастуха мети черезъ все лето ажъ до всихъ светых. А давность заплате за испашъ не маетъ далшая быти, толко подле стародавного обычаю до божъего нароженья збожъемъ и сеномъ. И хто бы за испашъ присужоную не хотелъ до бож[ъ]его нароженья заплатити подлугъ копы, тогды укривжоный сторону свою противную маеть на рокъ завитый передъ судъ земский припозвати. А врядъ за доводомъ, черезъ тых, хто окоповал, учыненымъ, албо сознаньемъ возного стороне поводовой тую шкоду маеть совито сказати и отправу учынити.
Артыкулъ 3.
Хто бы под шляхтичомъ або подъ шляхътянкою грабежъ учынилъ.
Тежъ уставуемъ: хто бы под шляхтичомъ або под шляхтянкою грабежъ учынилъ, кони побралъ при костеле, на торгу або на поли, на дорозе и где колвекъ або под слугою, который бы при пану або пане своей в дорозе ехалъ або где на местцѣ приехалъ, коня взял албо з воза выпрогъ, бы тежъ и бою жадного не въчынилъ, а на остатокъ хотя бы оная персона при томъ грабежу сама не была, а было ли бы то переведено слушнымъ доводомъ, тогды оный, который грабилъ, маеть такового самого шляхтича або шляхтянку водлугъ стану навезати, яко бы збилъ. А будеть ли хто з слугъ при грабежу такомъ раненъ або битъ, то такежъ и слугъ навезати водлугъ их стану, а коня также конем навезати и шкоду, естли будеть при томъ грабежу вчынено, за доводомъ оправити. А естли ж бы слузе чыему, едучы где за посланьемъ пана своего одному без пана на дорозе и где колвекъ, а коня пана его под нимъ пограблено, хотя бы бой былъ албо и не былъ, предъся тотъ, хто такий грабежъ шляхтичу учынить, повиненъ будеть за доводом правнымъ, яко коня конемъ, такъ и слугу оного, под кимъ пограбит водлугъ стану слуги того навезати, а иншые шкоды, если бы ся при томъ грабежы стали, оправити и заплатити. Пакли жъ бы хто такъ на поли ходячого коня шляхетского своволне пограбилъ, таковый за доводомъ толко коня конем навезати мает.
Артыкулъ 4.
О грабежъ чоловека князского, паньского и земяньского.
Тежъ уставуемъ: естли бы ш[л]яхтичъ чыих людей пограбилъ на торгу, при церкви и на доброволной дорозе, таковый маеть стороне ображоной вины заплатити шесть рублей грошей, а грабеж з навезкою отдати, то естъ коня конемъ, вола воломъ навезати. А пакли бы шляхтич пограбил у чыих людей на поли албо где индей, а бою не вчинил, тогды мает заплатити три рубли грошей, а гребежъ также навезати. А мужыкъ мужыка естли при костеле або на торъгу и на дорозе пограбит, маеть заплатити два рубли грошей, а на поли естли пограбить – рубль грошей. А где бы мужыкъ шляхтича або шляхтянку пограбилъ, о томъ маеть быти сужоно водлугъ арътыкулу третего сего жъ розделу, а грабежъ всякий такежъ з навезкою платити: коня конемъ, вола воломъ, корову коровою. И кождое быдло, якое пограбилъ, таковымъ навезавши, маеть отдати або ценою заплатити, яко нижей описано естъ.
Артыкулъ 5.
Цена конемъ робочымъ доморослымъ.
За коня або за сверепу две копы грошей.
За третяка жеребца от робочыхъ сверепъ две копе грошей.
За третячку сверепку две копе грошей.
За лоньское жеребя копа грошей.
За сеголетнее жеребя сорокъ грошей.
Вед же где бы который чоловекъ менилъ такие кони робочые быть купленые, тогды якъ дорого купилъ, на чомъ доводъ слушный учынить, плачоно быти маеть.
Артыкулъ 6.
Цена быдлу великому и малому доморослому.
За вола две копе грошей.
За быка стадника полторы копы грошей.
За корову сто грошей.
За яловицу семъдесять гроше[й].
За быка неука копа грошей.
За телицу третячку сорокъ грошей.
За теля лоньское тридъцать грошей.
За теля сеголетънее двадцать грошей.
За вепря коръмного копу грошей.
За некормного полъкопы грошей.
За кнороза сорокъ грошей.
За свин[ь]ю двадцать грошей.
За подъсвинъка дванадцать грошей.
За порося сеголетънее пять грошей.
За овцу петънадцать грошей.
За барана дванадцать грошей.
За скопца барана лонщака петнадцать грошей.
За ягне шесть грошей.
За козла четвертака або петака сорокъ грошей.
За третяка полкопы грошей.
За лонщака двадцать грошей.
За козу двадцать грошей.
За козеня сеголетнее шесть грошей.
Артыкулъ 7.
Цена птахомъ домовымъ.
Гусь три грошы. Каплунъ шесть грошей.
Курица три грошы. Петухъ два грошы.
Утка два грошы. Селезень два грошы.
Голубъ грошъ. Утка круговая три рубли грошей.
За пава албо павицу тры копы грошей.
За лебедя домового тры копы грошей.
За кура албо за курыцу калакуцкую двадъцать грошей.
Артыкулъ 8.
Цена птахомъ, хованымъ на мысливство.
Кречокъ красъный шесть рублей грошей.
За белого кречета пять рублей грошей.
Серый кречотъ тры рубъли грошей.
Соколъ тры рубли грошей.
Ястребъ великий две копе грошей.
За рарога две копе грошей.
За рабца або крокгулца пятьдесять грошей.
За дремълюга тридцать грошей.
Артыкулъ 9.
Цена збожью, сену и речамъ огороднымъ.
Жыта копа двадцать грошей.
А бочка жыта двадцать чотыри грошы.
Пшеницы копа двадцать грошей.
Ярицы копа дванадцать грошей.
Ечменю копа десеть грошей.
Оркишу копа десеть грошей.
Овса копа осмъ грошей.
Гречыхи копа осмъ грошей.
Гороху копа десеть грошей.
Проса копа осмъ грошей.
Бобу копа осмъ грошей.
Сочивицы копа шесть грошей.
А за бочку тыхъ верхъменованых яринъ совитою ценою болшъ, нижли за копу положоно, маеть быти плачоно.
Лну копа двадцать чотыри грошы.
Конопель копа двадцать грошей.
За бочку семени льняного сорокъ грошей.
За бочку конопель тридцать грошей.
За бочку маку пятьдесятъ грошей.
Репы або редки бочка шесть грошей.
Капусты копа три грошы.
Моркви бочка шесть грошей.
Пастернаку бочка шесть грошей.
Свеклы бочка шесть грошей.
Огурковъ солоныхъ бочка двадцать грошей.
А свежыхъ шесть грошей.
Цыбули ядомое бочка двадцать грошей.
Чосноку бочка тридцать грошей.
Насенья цыбулного фунтъ дванадцать грошей.
Огуркового насенья фунтъ осмъ грошей.
За возъ сена однымъ конемъ осмъ грошей.
Артыкулъ 10.
Цена речамъ домовымъ стравънымъ.
За полоть мяса двадцать грошей.
За сало петнадцать грошей.
За кумпь два грошы.
За медницу масла копу грошей.
За сыръ великий углясты[й] два грошы.
За малый округлый сыръ албо за малдрикъ осмъ пенезий [!].
За кгомолку чотыри пенези.
За медницу меду копу грошей.
Артыкулъ 11.
Цена речамъ, дома робленымъ, одежы належачим и иншим.
За кожухъ бараний музский одевалный копу грошей.
За кожухъ бараний жоноцкий торлопъ семъдесятъ грошей.
За китликъ полъкопы гроше[й].
За сермягу двадцать грошей.
За простицу синюю або черленую дванадцать грошей.
За простицу чорную осмъ грошей.
За локоть сукна простого сермяжного три грошы.
За локоть полотна тонкого ткацъкого кужелного шесть грошей.
За локоть серпанъковъ шесть грошей.
За локоть наметокъ два грошы.
За локоть полотна кужельного простого тканья два грошы.
За локоть пачесного полотна грошъ.
За локоть згребници полъгроша.
За локоть скатертей водлугъ важности пряжы и ткан[ь]я такъ же, яко и за полотно.
За локоть ручниковъ по половици цены скатертное.
За коверцы домовое роботы, за опоны, также за постелю и иные потребы и спряты домовые за доводом водлугъ уваженья урядового.
За топоръ шесть грошей.
За серпъ два грошы.
За косу шесть грошей.
За хомутъ мужыцкий ременный шесть грошей.
За простый два грошы.
За дугу два пенези.
За вожы лычаные полъгроша.
За конопные грошъ.
За сани мужыцкие дровни простые два грошы.
За колеса мужыцкие простые шестъ грошей.
За седла, узды, шлеи, лейца, узденицы, возы и иншые рыштунки водлугъ доводу и уваженья врядового.
За топоръ великий, скглютъ и иншый топор дойлидъский, беднарский, сталмаский, также за пилы, свердла, долота, гебли, спусты и иншые начынья, дойлидскому, столяръскому и сталмаскому, млынаръскому, по тому жъ ковалскому, слесарскому и инъшыхъ всихъ ремесниковъ [в оригинале: "ремесникокъ"] розныхъ ремеслу начынья належачие, мають быти сужоны и плачоны водлугъ доводу и уваженья слушного врядового.
Артыкулъ 12.
Цена собакамъ.
За пса домового брехуна три копы грошей, за наследника и за набрешника зверинного три рубли грошей, за бобрового пса три рубли грошей, за курча и за хорта три копы грошей, за выжла две копе грошей, за узлайника звериного три копы грошей, за щаю полторы копы грошей, за подстрелчого пса три копы грошей, за пса обсочного три рубли грошей, за меделянъского пса три рубли грошей, за хорта подсоколего три рубли грошей.
Артыкулъ 13.
Естли бы песъ непривязаный укусилъ або образил, и тежъ хто бы пса забилъ.
Тежъ уставуемъ: кгды бы кого песъ уелъ с чиего присчванья, а онъ бы, ставши за позваньемъ перед судомъ, к тому посчванью ся не зналъ, таковому судъ маеть въсказати отприсегнутися, ижъ того не вчинилъ. А кгды бы присегнути не хотелъ, тогды жалобная сторона, кгды его в том поприсягнеть, повиненъ его будет навезати, яко бы его самъ своею рукою ранилъ. Пакли бы хто кому пса умысльне, а не от руки забилъ або застрелилъ, таковый будет повиненъ оного пса платити водле цены, вышей описаное. Нижли, естли бы его забилъ от руки киемъ або якою бронею, себе боронечи, не пометом, ани стрелбою, таковый за оного пса ничого платити не будеть повиненъ.
Артыкулъ 14.
Хто бы в дому своемъ мелъ пса або быдля, которое бы в суседъстве шкодило.
Уставуем: естли бы в кого песъ домовый албо быдля якую шкоду у околицы чинило, а тотъ домовый г[о]с[по]д[а]рь, о томъ ведаючи, оного быдляти стеречи, а пса на привези держати и мети не хотелъ, тогды таковый будеть повиненъ всю шкоду, в суседъстве черезъ такое быдля або пса вчиненую, платити и оправовати, на што слушный доводъ будеть вделанъ. Если ж бы быдля такое человека образило, тогды тое быдля тому, кого образилъ, выдано быти маеть. А также тежъ, хто бы мелъ коня васнивого, который бы билъ, тогды повиненъ звонокъ на немъ на похвахъ албо на нозе мети для того, абы, то видячи, на него не наездъжали. А хто бы без звонка на такомъ кони ездилъ, а онъ бы кого образилъ, тогды тотъ конь за то ображоному выданъ быти маеть.
|