Артыкулъ 1.

О вольномъ обиранью вряду земъского, судий, подъсудъков и писаров в кождой земли и поветѣ.

Што продокъ нашъ славное памети король его м[и]л[о]сть и великий князь литовъский Жикгимонтъ Августъ, выдаючи ку вжыванью обывателемъ того паньства, великого князства литовского, сесь статутъ права посполитого земъского, черезъ них же самых зъ старого ихъ статуту и зь иншихъ розныхъ правъ хрестиянскихъ поправены [!], межы инъшими волъностями, свободами и порядками, в немъ описаными, еще ку розширенью большое волности и осягненъю прудъшое справедливости рачилъ имъ за сполною на то всихъ становъ згодою и призволеньемъ, яко вернымъ подданымъ своимъ а людемъ здавна вольнымъ, зацнымъ и учъстивымъ, того узычити и позволити, абы для шафунку и отправованья справедливости людъское на местъце г[о]с[по]д[а]ръское суд[ь]и земъские, то естъ судья, подсудокъ и писаръ в кождой земли и повете водле розграниченья, розъписанья и порадку, около того вделаного, были вольне обираны, которые бы всякие справы, тому суду земскому прислухаючые, отправовали, яко то им привильями его королевское м[и]л[о]сти, у Бельску и у Вильни на тотъ статутъ выдаными, достаточне естъ обваровано и утвержоно и в семъ статуте описано, гдѣ жъ и мы, Стефанъ, бож[ъ]ю м[и]л[о]стью король польский, великий княз[ь] литовский, приходячи на панованье того великого князства литовского, подъ тымъ то статутомъ и в томъ же помененомъ порадъку судовъ обывателей здешнего панства знашли и застали, и тепер они того уживають. А ижъбы то им и на потомные вечные часы непорушне трвало, яко то собе привильями и тымъ же статутомъ и первей обваровано мели, такъ и теперъ хочемъ то мети и уставуемъ, ижъ кгды бы который з врядниковъ тыхъ земъскихъ, судья, подсудокъ або писаръ умеръ, тогды другие врядники, живо позосталые, мають нам, г[о]с[по]д[а]ру, о томъ через листъ свой знати дати то, кгды быхмо были в здешнемъ паньстве нашомъ, великомъ князстве литовъскомъ. А гдѣ бы се то трафило в небытности нашой в томъ паньстве, тогды о томъ мають дати ведати воеводе, а в земли Жомоитъской - старосте жомоитъскому, а в небытности воеводы або старосты, ино кашталяномъ оное земли. А за таким даньем знать маемъ мы, г[о]с[по]д[а]ръ, через листъ нашъ безъ жадное проволоки, а в небытности нашой маеть воевода або кашталянъ через листы свои старосте поветовому, врядникомъ земъскимъ и шляхте того повету, а староста жомоитъский або тежъ кашталянъ - тивуномъ, шляхте и всякого стану оное земли Жомоитъское обывателемъ также через листъ свой часъ ку зъехан[ь]ю зложити, приславшы такий листъ в тотъ поветъ до вряду кгродского передъ часом, на то зложонымъ, за чотыри недели. И тот листъ маеть быти везде в томъ повете обволанъ и объголошонъ тымъ обычаемъ, яко и о иншихъ листехъ наших соймовыхъ або военъных естъ вышей описано в розделе третемъ. На которий рокъ зъехавшисе вси обыватели оного повету от вышъшого до низшого стану до замку албо двору нашого, и тамъ тые, которие се до того обранья на день зложоный зъедуть, колько ихъ будеть, вжо инъших неприбылых не ждучи, мають на местъцо того змерълого врядника спосродку себе чотырох особъ шляхътичовъ, людей добрыхъ, побожныхъ, цнотливых, годныхъ, в праве умеетныхъ, писати умеючых, родичовъ того паньства, великого князства, и в томъ повете не ново, не змышлене оселых обрати и намъ, г[о]с[по]д[а]ру, имена тыхъ особъ обраных на писме за печатьми своими ознаймити. А мы с тыхъ чотырохъ одного, который се намъ видети и подобати будеть, выбравши, на местъцо того змерълого врядника неотволочне установити и привильемъ нашимъ на тотъ вряд до живота его альбо до вывышенья з ласки нашое на инший який вышъшый вряд або достоеньство утвердити его маемъ. А гдѣ бы на судство подъсудъка або писара, або по зештью подсудъка на подсудъство писара обрали, тогды ку подъсудку або писару вжо инших елеитовъ [!] не потреба будет прикладати, только на местъце подсудково або писарово мают тамъ же заразомъ на ономъ зъезде таковыхъ же, яко вышей описано, особъ чотырохъ обрати и намъ имена их на писме за печатьми своими подати, а мы промежку нихъ одного которого тымъ же обычаемъ, яко верху доложоно, на такий врядъ подадимъ и ствердимъ. А кому с тых обраныхъ тые вряды земъские дадимъ, тые врядники потомъ на перъших рокохь судовыхъ будуть повинъни наперъвей тамъ на местъцу судовомъ передъ воеводою або кашталяномъ, а гдѣ воеводы и кашталяна нетъ, ино передъ старостою судовымъ и маршалкомъ оного повету при собранью шляхты, а гдѣ бы воевода, ани кашталянъ, ани староста, ани маръшалокъ не прибылъ, тогды при инъшыхъ врядникох земъскихъ и при собранью шляхты, которые в онъ часъ н[а] тыхъ рокохъ будуть, присягу на тые вряды свои учинити, то ж потомъ вряды своими владнути и шафовати. И такъ мають вжо вечными часы в поветехъ около обиранья предъречоных врядниковъ справоватисе и заховати. А присега суд[ь]и и подъсудку мает быти тыми словы: "Я, н.[айме], присегаю пану богу вшехмокгонцому, в тройцы едыному, ижъ в томъ повете (н.[айме]) водле бога справедливе и водле права статуту сего, даного великому князству литовъскому, водлугъ жалобы и отпору сторонъ, а не водлугъ ведомости своее, ничого не прикладаючи, ани уймуючы, буду судити, сознан[ь]я и записы приймовати, не фолькгуючы высокимъ и подлымъ станомъ, на достойностях и врядехъ седячих, на богатого и на вбогого, на приятеля кровного заховалаго, ани на неприятеля, на тутошънего, ани на гостя не смотречы, не с приязни, не з вазни, не з боязни, не за посулы и дары, ани сподеваючисе напотомъ даровъ и якого нагороженья и не радечы стороне, ани боячисе казни, помъсты и погрозокъ, але самого бога и его светую справедливость и право посполитое и сумненье свое передъ очима маючи, тежъ роковъ николи не омешкиваючи, кром великое, правдивое зложное хоробы. А якъ на томъ справедливе присегаю - такъ ми, боже, поможи, а естли бы не справедливе - боже, мя убий". А писаръ земъский маеть по-руску литерами и словы рускими вси листы, выписы и позвы писати, а не иншимъ езыкомъ и словы. А присягнути маеть на врядъ свой писарский тыми словы: "Я, н.[айме], присегаю пану богу, в тройцы единому на томъ, ижъ справедливе водъле бога и того права писаного и водлугъ мовенья и споровъ сторонъ, ничого не прикладаючи, ани уймуючы, буду записывати и радити суд[ь]и и подсудку веръне и справедъливе, подле сознанья сторонъ и споровъ на судехъ, осветченья и оповеданья судового, и сказанья судовные буду вписывати а пильновати и догледати, абы водле сее присеги моее справедливе были вписованы. А книгъ первъшихъ, кгды хто выписовъ альбо видимусов якихъ потребовати будеть, тежъ ихъ справедливе и верне, яко в книгахъ записано будеть, з ведомостью суд[ь]и и подсудъка выдавати буду, не маючи баченья на высокие и подлые станы, на достойностяхъ седячихъ, богатого, на въбогого, на приятеля кровного и заховалого, ани на неприятеля, на тутошнего, ани на гостя, не с приязни, не з вазни, не з боязни, не за посулы и дары, ани боячисе казни, помъсты и погрозокъ, не ждучи нагороженья, але самого бога и его светую справедливость и право посполитое передъ очима маючи и сумненье свое добре, побожне справуючи - такъ ми, боже, поможы. А естли не справедъливе - боже, ме убий".

Артыкулъ 2.

О судьяхъ, яковые мають быти выбираны.

Уставуемъ, ижъ на тые вряды, яко на судъство, на подсудъство и на писаръство, не мають быти выбираны духовные особы, ани кашталянове, маръшалъки и старостове судовые, ани подкоморые, войские, ани хоружие земъские, дворъные и поветовые и нихто таковый, который бы инъшим врядникомъ земъскимъ былъ, але таковые и такъ мають быти выбираны, яко вышей в перъшомъ арътыкуле сего жъ розъделу описано. А где бы хто таковый былъ, жебы два вряды судовые або инъшие земские деръжачы, а напомненъный от шляхъты на рокохъ судовыхъ або на соймику пустити одного которого вряду не хотелъ, тогды тотъ обадва тые вряды тратить, а мы, г[о]с[по]д[а]ръ, водле статуту за обраньемъ и прозьбою шляхъты инъшыхъ на тые вряды маемъ подати и установити. Ведь же з ласки нашое, г[о]с[по]д[а]ръское, могуть тые врядъники земъские, судья, подъсудокъ и писаръ, такъже немней маръшалъки, подъкоморие, хоружие быть деръжавъцами и тивунами дворовъ и добръ столу нашого, только бъ не судовыхъ староствъ, такъ в томъ же, яко и в ынъшомъ повете.

Артыкулъ 3.

О моцы и владности суду земъского, ижъ кождый и въшелякого стану повиненъ передъ нимъ становитися, и о томъ, хто бы передъ нимъ не сталъ або ставъши с права передъ вырокомъ прочъ зышолъ.

Тежъ уставуем и даемъ моц вечными часы зверъхности владностью нашое, г[о]с[по]д[а]ръское, с призьволеньемъ пановъ радъ нашихъ и всихъ становъ всихъ земль того паньства нашого, великого князства литовъского, тымъ врядомъ поветовым в кождомъ повете суд[ь]и и подъсудъку на роки зложоные судовые запозваных передъ нихъ судити и справовати всих становъ, почавшы от вышшого ажъ до низшого, однако и одностайне, хто одно кольвекъ в томъ повете именья свои мети будуть, жадного з нихъ не выймуючы, ани з суду ихъ самыхъ и имене[й] ихъ не выпущаючы, кромъ добръ, столу нашому, г[о]с[по]д[а]ръскому, належачихъ, яко о томъ в трибунале и въ иншихъ артыкулех сего статуту на своих местъцахъ естъ описано. А хто бы кольвекъ, маючи именья свои в томъ повете, передъ ними се становити на часы певные, яко то нижей на своимъ местъцы постановено, за позвы не хотелъ, на таковыхъ, хто колвекъ будеть, такъ высокого, яко низшого стану, даемъ моцъ зуполъную оному вряду земъскому, судьи и подъсудьку, ижъ мають подле сего права и артыкуловъ, нижей о томъ постановеных и написаныхъ, поступкомъ сказанье и отправу чинити противъ кождого, яко хто во што на которомъ року упадаеть, ажъ до остатнего стопня права. А где бы сторона позваная, передъ врядомъ у суду ставъшы, будь на перъвшых або на другихъ рокохъ, хотя ещо не на завитомъ року, позву выслухавшы и до него такъ з стороны позванья, яко и з стороны збиванья позву мовившы, а врядъ бы ему того збуренья року, ани збиванья позву за слушное не призналъ, а онъ бы предъсе не хотечи на речъ самую отказывати, альбо пакъ и вступивши вжо в речъ и мовенье правное з стороною жалобною мевшы, а до конца розсудку и сказанья их не слухаючи, прочъ от суду отышолъ, не хотечи быти права послушонъ, тогды врядъ на таковомъ упорномъ вжо не нестанъное, але заразомъ речъ самую, о што позовъ идеть, за доводомъ слушнымъ правным сказати маеть. То жъ ся и о жалобной стороне розумети маеть, ижъ гдѣ бы вступивши з стороною своею противною в право, а прочъ от вряду отышолъ, тогды таковый речъ свою тратить. Нижли тотъ судъ земъский только тых арътыкулов судити не маеть и моцы мети не будеть, которые в особливыхъ арътыкулехъ суду нашому, г[о]с[по]д[а]ръскому, и суду врядовъ нашихъ кгродскихъ суть зоставлены и злецоны, обычаемъ, способомъ и поступкомъ, около того на своихъ местъцах описаны[м]. А декреты и вси сказанья судовые судья с подъсудъкомъ мають с писма чинити и тую цедулу рукою своею судья або подъсудокъ подписати, которую цедулу самого выроку водлугъ зезволенья судиного с подъсудкомъ писар маеть написати, а по выроку тую цедулу до писара отдати, водлугъ которое писаръ оную справу в книги записати маеть; и не маеть выдавати сторонамъ листовъ судовыхъ, ажъ передъ судьею и подъсудъкомъ вычитаеть, перъвей до книгъ уписавши. А листы судовые и всякие выписы и иные всий [!] листы того вряду земъского маеть писаръ рукою своею подъписывати.

Артыкулъ 4.

Абы особы врядовые сами судили, а не хто инший на ихъ местъцу, и о томъ, кгды бы хто з нихъ захорелъ або свои властъные справы въ иншомъ альбо в томъ же повете мелъ, и о даванью листовъ упоминальныхъ.

Уставуемъ, абы судья, подъсудокъ и писар сами через себе, а не черезъ свои наместъники суды и роки отправовали, окроме того, если бы которий з них самъ захорелъ або бы тежъ свои властные потребы мелъ, або быхмо мы, г[о]с[по]д[а]ръ, которого з нихъ в справахъ наших, г[о]с[по]д[а]ръскихъ, и земъскихъ альбо в посельстве отослали, тогъды маеть о собе на роки товаришомъ своимъ и шляхте дати знати, же на тых рокохъ для которое с тых вышей помененыхъ причинъ не можеть быти. А мы, г[о]с[по]д[а]ръ, даемъ моцъ, ижъ тые два врядники судовые, на оных рокохъ земъских будучие, з шляхътою, которие ся на тотъ часъ зъедуть, от дня зачатью роком, в статуте помененого, третего дня, не жъдучи иных неприбылых, мають на местъце оного третего врядника кого другого чоловека доброго, цнотливого, веры годного, в праве и писать умеючого шляхтича, тамъ же в томъ повете оселого обрати и местце его засадити. А гдѣ бы шляхтича на местъце того врядника неприбылого на обранье одное особы не згодилися, тогды тые два врядники земъские, которые прибудуть, в незгоде шляхъты прихилившисе до тых, которые бы особу учстивую, богобойную и у права умеетъную подавали, мають за товариша третего, в местъце не прибылого, тою особою засадити. А тот, кого оберуть, присегу учинивши, вси справы судовые посполъ с тыми двема [в оригинале "двета"] урядниками отправовати маеть. И вжо тые уси роки оная обраная особа отсуживать и всякие пожитки приходячие на себе брати будеть, хотя бы и тотъ урядникъ, которий не в часъ приехалъ, прыбылъ, тогды вжо местъца своего на тых рокохъ заседати не маеть. Ведъ же в тых двухъ днех с початъку роковъ, поки третего дня местъце неприбылого врядника засажоно будеть, предъсе перед тыми двема врядниками стороны пилность до права чинити и воланья через возныхъ ку праву на позвех записывати могуть. А гдѣ бы и тому обраному якая справа в речахъ его властныхъ на тых рокохъ и в ономъ же повете припадала, ино тые жъ врядники два зъ оною жъ шляхтою, которая на онъ часъ будеть, не жъдучи иных, на тую его только справу кого иного обравъшы, местъце его засадити мають. А ведъ же тотъ врядникъ земъский, которий на тыхъ рокохъ быти не могъ, на другихъ рокохъ под тою жъ присегою, которую на врядъ свой учинилъ, маеть передъ шляхътою поведити, ижъ правдиве не моцонъ былъ або свои властные потребы на рокох въ иншомъ повете мелъ, а не ку зволоце стороне и ни ку чыей шкоде тымъ се вымовилъ. А гдѣ бы которий с тыхъ врядниковъ земъских безъ правдивое обложное немоцы або властъное пилное потребы своее в другомъ повете на рокохъ, не маючи роковъ судовыхъ, омешкалъ, а то бы се до трех разовъ на него показало, таковый уряд свой тратить. А писаръ можеть подъписка або двухъ, або колко ему потреба будеть, мети а пилне того догледати, абы верне и правдиве, не проволокаючы, але заразомъ до книгъ записывано было. А гдѣ бы се што такового в справе от них помылило, не повинъна будеть шляхта подъписковъ смотрети, але на самомъ писару за оную помылъку шкоды своее доходити мають. То ж се и о писару кгродъскомъ в омылце яко[го] писанья розумети маеть. А гдѣ бы которий с тыхъ врядниковъ земъских судовыхъ у того ж суду, гдѣ самъ врядникомъ естъ, мелъ властные справы [в оригинале "травы"] свои такъ за позвы, яко бы кгды и сознанье якое чинити мелъ онъ кому албо хто ему, тогды такимъ же обычаемъ оные два врядники з шляхтою на местъцо его иного обрати мають, яко вышей описано. А на тую его справу обраный без присеги справовати маеть. А пакли бы два з нихъ которые врядники промежку себе запозвалисе до того жъ суду земъского, тогды третий врядникъ товаришъ ихъ з шляхтою, тамъ будучою, будеть мети моцъ на местъцо оныхъ двухъ врядниковъ, в праве з собою стоячих, тежъ двухъ особъ тымъ обычаемъ, яко вышей о одном написано, ку розъсуженью тыхъ справъ обрати. И естли бы на местъцо писаръское кого иного обрали, тогды его подъписъ такъ будеть важна, яко и писаръская. А о бранью позвовъ и листовъ упоминальныхъ и иныхъ листовъ правныхъ в потребахъ властныхъ писаровыхъ, также суд[ь]и, подъсудъку, и въ ихъ речахъ и тежъ кому иншому противныхъ около бранья листовъ упоминальныхъ и иныхъ листовъ правныхъ, окромъ позвовъ, мають се они заховати водлугъ арътыкулу шостого в семъ же розъделе четвертомъ. А хто подъ часомъ засаженья на судъ инъшое особы кривду якую в суде менити собе будеть, тотъ того ж и позывати о то мает. Ведь же вины, платежу пенежного относити на собе не будеть.

Артыкулъ 5.

Устава о пересудех и о паметномъ судьи и подсудку, также вряду кгродскому и инъшимъ врядникомъ нашимъ.

Уставуемъ, кгды судъ земъский кому што на комъ присудить, тогды от презыску того, хто зыщеть, мають собе брати за працу свою пересуду от копы литовъское по два грошы литовских, и с того пересуду судьи земскому маеть прийти грошы два, а по[д]судъку третий грошъ. Нижли што се дотычеть долгу, хто бы будучи кому виненъ якую суму пенезей позычоную на записъ свой або який иный долгъ от кого иного на нем записомъ его и за того, хто переводить, властнымъ записом переведеный, а того бы заплатити не хотелъ ажъ за позвы с права, тогды не тотъ пересудъ маеть платити, хто зыщеть свое властные пенези албо долгъ переведеный, але таковый самъ долгъ свой и пересудъ платити винен будет заразомъ того жъ часу по сказан[ь]ю, не отходечы от того ж вряду нашого. А естли бы упоръне платити нѣ хотелъ, тогды жалобная сторона на онъ часъ маеть своими пенезми вряду пересудъ дати, а врядъ то ему при головной суме на листе судовомъ и увяжчомъ доложити и на именью такового упоръного ему отправити мает; так же и от долговъ по змерълой руце, по которой потомъки повинни пересудъ платити. А што се дотычеть того, хто се отъ чого оттяжеть, тогды паметного яко от великое, такъ от малое речы и сумы пенежное не повиненъ большъ дати вряду нашому и кождому иншому суду, толко чотыри гроши; хотя бы тежъ и колко албо колконадцать учасниковъ або сябровъ в одной речы оттягалосе, тогды предсе не болшъ паметного, толко чотыри гроши вси мають дати. К тому тежъ от печатованья вечностей, кгды хто кому именье продаеть, даруеть, записуеть, на вечность заменяеть и даеть сознаньемъ своим обличне пришодши до вряду нашого земъского зъ записом своимъ властнымъ, тогды тотъ, хто именья набываеть, суд[ь]и паметного чотыри грошы, а подъсудъку два грошы, а за запечатованье выпису съ книгъ того сознанья вечности другие чотыри гроши суд[ь]и, а подъсудъку от печати его два гроши маеть дати. А надъ тую уставу не мають врядники наши земъские болшъ пересуду паметного и от печатей брати подъ виною на сторону, в которое бы над тую уставу болшъ поневольне было взято, дванадцатьма копами грошей. А што взялъ назъвышъ совито вернути маеть, которую вину виненъ будеть тотъ врядъ нашъ земский за перъвшимъ позвомъ суду головного, а за присегою стороны жалобное укривжоному заплатити. Тымъ же обычаемъ и врядъ нашъ кгродский пересуды и паметное от речей судовыхъ, также и от сознанья вечности и яких иныхъ записовъ только водлугъ тое уставы нашое, вышей описаное, маеть брати. По тому жъ и инъшие, хотя не судовые деръжавцы, тивунове и инъшие всякие врядники замъков, дворовъ и волостей нашихъ около обранья пересудовъ и паметного противку всякого вряду и стану шляхетъского и ихъ слугъ, бояръ и подъданыхъ заховатисе мають. А где бы врядъ нашъ кгродъский, воевода, староста або деръжавцы судовые надъ тую уставу и уфалу земъскую што болшъ на комъ взяли, тогды такъ же повинъни будуть за перъвшимъ позвомъ суду головного и за доводом таковымъ, яко вышей описано, тую жъ вину дванадъцать копъ грошей и што взялъ совито стороне заплатити. И тымъ же способомъ на именью такого врядника моцно отправено то быти маеть через возного поветового за листы суду головного, до вряду нашого земского албо кгродъского о томъ писаными, и далей в той отправе поступуючи водлугъ арътыкулов, в сем же розъделе о отправахъ речей сужоныхъ описаныхъ. А где бы не сами воеводове, старосты и державъцы, и тивуны, але врядники ихъ надъ тую уфалу болшъ на комъ што взяли, тогды укривжоны [!] водлугъ арътыкулу тридцать семого, в сем же розделе нижей описаного, поступовати и справедливости собе доводити маеть. А на неоселыхъ в семъ паньстве врад[н]икох нашихъ тые вины мають быти стороне отправлены черезъ посланьца нашого на маетности его рухомой.

Артыкулъ 6.

Устава доходовъ писаромъ земъскимъ и кгродскимъ и о позвехъ писару въ его речи, такъже инъшим врядникомъ и тежъ противъ врядниковъ.

Писару земъскому и кгродскому от кождыхъ позвовъ або мамърамовъ двухъ на позвы по грошу, от листу заручного - гроши чотыри, от листу упоминального - гроши два, от вписанья позвовъ в рейстръ - грошъ, от напису воланья ку праву альбо якого застановен[ь]я сторонъ, альбо зданья в нестанъномъ - грошъ, за уписованье у книги - грошъ, от выписовъ с книгъ, оповеданья в кривдахъ поточных и от сознанья возного - гроши два; от судовыхъ листовъ на именья, люди и кгрунты, с права присужоные, и сознанья вечностей и всякихъ записовъ и тежъ переношенья записовъ з кгроду до земъства за такий выписъ, што будеть на аръкушу - гроше[й] дванадцать; а естли на двухъ аръкушах албо и болшъ - гроши двадъцат чотыри; а на паркгамене бы и наважнейшая речъ - грошей сорокъ осм; а паркгаминъ, шнуръ и воскъ сторона повинна дать отъ листовъ увяжчихъ по шести грошей; отъ листу, отосланого по отправу до инъшого повету - грошей шесть; от листу заповедного около кгрунътовъ пенъныхъ - два гроши. А надъ сюю уставу писары болшъ вытегати не мають подъ виною на сторону дванадъцатма копами грошей и подъ веръненемъ того, што бы над тую уставу взялъ, зъ совитостью, яко о томъ у вышъшомъ арътыкуле о судьяхъ естъ описано. Тежъ естли бы писаръ земъский хотел кого позвати ку праву в томъ же повете до того жъ суду земъского, тогды маеть самъ собе позвы запечатати тою жъ печатью нашою, оному повету даною, а судья альбо подъсудокъ маеть ихъ ему подъписати. Такъ же и на себе самого повиненъ писаръ земъский позвы печатью нашою запечатати и подписати рукою своею албо мамрамъ дать. А не всхочет ли писар на себе позвовъ або мамърановъ дати, тогды совитой вине, то естъ двадъцатма и чотыромъ копамъ грошей, подлегаеть, о што укривжоный водлугъ арътыкулу вышъшого пятого в семъ же розъделе поступовати и права собе доводити маеть. Тое жъ се и о выписех оповеданья кривдъ, сознанья возныхъ часу роковъ земъскихъ и тежъ о выписехъ судовыхъ и созънанья записовъ розумети маеть, ижъ въ справахъ властныхъ писаровъ земъскихъ судьи або подъсудъки подъписывати ихъ мають. Гдѣ бы тежъ хто листовъ упоминальных и иныхъ правъных потребовалъ против которого с тыхъ врядниковъ земъскихъ, судьи, подъсудъка або писара, тогды противъ одному два ихъ таковые листы печатовати мають, а писар подъписывати, а противъ писара судья або подсудокъ маеть подписати. Такъ же и въ ихъ потребахъ властъныхъ розумено и заховано быти маеть. А врядники кгродские так же ся и тымъ порадкомъ въ своих потребахъ заховати мают.

Артыкулъ 7.

О беспечности суд[ь]и, подъсудъка и писара земъских, также вряду кгродского, по тому жъ суду подкоморъского и комисарского.

Уставуемъ тежъ, естли бы хто кольвекъ, пришедъши до суду замкового або земъского, а тамъ на суде, албо хотя на улицы, будь теж в господе и гдѣ кольвекъ, под тымъ часомъ, поки роки земъские албо рочъки кгродъские водле порадъку сего статуту отправованы будуть, судью, подъсудъка и писара земъскихъ албо которого зъ урядниковъ кгродскихъ словы дотъкливыми славе и почстивости его зсоромотилъ, таковый маеть за нашу, г[о]с[по]д[а]ръскую, вину седети шесть недель в замку албо в дворе нашом, а такового обельжоного врядника навезати водлугъ стану его шляхетъского. А естли бы ранилъ, тогды горъломъ каранъ быти маеть, а ранъному навезку совито на именью виноватого отправити. А пакли бы забилъ, таковый горло и честь тратить, а детямъ або близкимъ забитого головщина на именью виноватого совито отправена быти маеть. Ведъ же обвиненый в таковыхъ речахъ, звлаща о забитье або зраненье врядника, не былъ ли бы заразомъ на горачомъ учинъку пойманъ, маеть позванъ быти до суду кгродъского того жъ повету, в котором се то станеть, а коли з суда за доводомъ такъ найдеться, тогды в томъ по суде кождого стану чоловекъ каранъ быти маеть, яко вышей описано. Ведъ же такую речъ, гдѣ ся почстивости дотыкати будеть, до насъ, г[о]с[по]д[а]ра, отсылаючы, по тому жъ се маеть розумети и о беспечности суду подкоморъского и комисаръского, поки суды, имъ злецоные, отправовати будутъ. А хто бы, о такую речъ будучи до суду кгродского позванъ, на рокъ позваный не сталъ, тогъды такового за даньемъ намъ о томъ знати черезъ листъ того суду кгродского маемъ росказати выволати со всихъ паньствъ нашихъ вечнымъ выволаньемъ, яко бы се николи в границы паньства нашого не ворочалъ, а навезка або головщина предъсе зъ имен[ь]я такого непослушного плачона и отправована быти маеть заразомъ, скоро за позвы не станеть.

Артыкулъ 8.

О уставъленью возныхъ и присязе ихъ.

Уставуемъ, хотечы мети, абы в кожъдомъ праве на врядехъ нашыхъ, земъскомъ, кгродъском, подъкоморъскомъ и комисаръскомъ, завъжды порядокъ и справа обычайне шла, и для того даемъ моцъ, абы панове воеводове въ кождомъ повете судовом, гдѣ книги лежать, а въ земли Жомоитъской - панъ староста жомойтъский возныхъ уставляли, давали и подъстрегали шляхту, людей добрихъ, веры годныхъ, цнотливыхъ и оселыхъ в том же повете, которыхъ врядъ земъский и шляхта оберуть и дадуть сведецъство о цноте и добром захованью ихъ черезъ листъ свой такъ много, яко бы водлугъ широкости повету потреба указывала. И кгды прысягу возный учинить и имя его у книги кгродские, а потомъ и въ земъские книги на рокохъ вписаное будет, тогды вжо таковый возный то все, што на врядъ его возновъский належить, слушъне справовати можеть, и завъжды черъгою два альбо три возъные при суде кгродъскомъ мешкати будуть повинъни для вшелякихъ припалыхъ потребъ. А присегати возные мають тыми словы: "Я, н.[айме], присегаю пану богу в тройцы единому на томъ, ижъ я, будучи вознымъ в томъ повете, маю веръне, цнотливе, побожне и справедливе на томъ вряде заховатисе, позвы и всякие листы его м[и]л[о]сти, г[о]с[по]д[а]ръские, и врядовые справедливе и пилне относити и отдавать и на именьяхъ покладать. Тежъ правдиве то, на што буду от стороны взят и што справедливе видеть и слышеть буду, кгвалъты, бой, раны и шкоды огледавъши, правдиве до книгъ врядовыхъ заразомъ без проволоки сознавать и все инъшое справовать, што належить врядови моему, не за посулами, не за подаръками, ани для обетницъ, ани за приязнею, ани за неприязнею, ани з боязни, ани боячисе жадъныхъ погрозокъ, одно водлугъ бога и светое справедливости поступуючи, и кождому потребуючому безь жадныхъ змышленыхъ вымовъ и проволоки на потребы правъные ездити. Такъ ми, боже, поможи, а если несправедливе - боже, ме убий".

Артыкулъ 9.

Справа и врядъ возного.

Уставуемъ, ижъ возный присяглый с кожъдымъ часомъ за везваньемъ от кождого чоловека потребуючого, где кольвекъ его знайдеть, будь в дому его, в торъгу и на беседе, и в дорозе, повиненъ и без ведомости приданья и посланья врядового, кгродского и земъского, и без квитовъ ихъ на въсякие справы людъские неомешъкали [!] езъдить, ничимъ се не вымовляючи, и тое справовать: наперъвей позвы наши, г[о]с[по]д[а]ръские, дворъные, земъские, кгродские, подкоморъские и суду головного до каждого и набольшого стану носити и ими позывати и рокъ складати; тежъ листы всякие наши и врядовые в справахъ людъскихъ подавати и на право часу чиненья одному от другого за листы упоминальными справедливости езъдити, а за посланьемъ врядовымъ заповедать сторону, ижъбы от права не от[ъ]еждчала, а по сказанью вряду земъского або кгродского присегу выдавать; при осветъченью всяком быти и увязывать в ыменье, въ кгрунъты въ презыскох з выроку и с приданья вряду такъ земъского, яко и кгродъского за листы ихъ; а кгвалъты домовые и иные всякие речи крвавые, розбой, раны, головщины и иные кгвалъты посполитые оглядоват[ь] и безъ приданья урядового маеть и до книгъ врядовыхъ сознавати. А завъжды маеть при собе меть при кождой таковой вышей помененой справе двухъ шляхътичовъ веры годныхъ для подъпиранья вызнанья и сведецства своего. Ведъ же хлопъские бои, раны, испашы вшелякие и иные шкоды тымъ подобные меншые, о што честью, горълом и розлитьемъ крви и везеньемъ и выволаньемъ не карають и што бы большей двадцати коп грошей не выносило, самъ одинъ и без стороны шляхъты огледати можеть. Однако жъ безъ каждого омешкан[ь]я за тыдень, а надалей за две недели самъ очевисто то все до книгъ врядовыхъ пры квитех своихъ, которые заразъ стороне дати повинен с печат[ь]ю своею и с печатми тое стороны и с подпис[ь]ю рукъ их, естли бы которий з них писати умел, мает сознавати, окром яких кгвалътовных и слушных причин, за чим бы возный не могъ за две недели до вряду сознат[ь]. А вряд кождый от возных, такъ посланыхъ зъ уряду, яко и без посланья врядового от стороны взятых, маеть сознанье приймовати и до книгъ записывати и выписы давать во всяких речахъ и жалобахъ людскихъ, такъ земъскому, яко и замковому суду належачих. А таковые выписы с книгъ врядовых сознанья возного у кождого права приймованы быти мають. А кгды бы возный, не доехавши до книгъ и сознанья не учинившы, умеръ, тогды оная шляхта, которые бы на онъ часъ при возномъ стороною были, мають быти через сторону жалобную заразомъ скоро по смерти оного возного змерълого передъ урядомъ ставлены. А тая сторона при квите томъ оного возного под сумненьемъ мають то до книгъ сознати, чого будуть в той справе при возномъ сведоми. А тое сознанье ихъ на вряде кождомъ за моцное принято будеть. А гдѣ бы возный што кольвекъ такового непристойного справовал, або ижъбы несправедливе созналъ [в оригинале "сознанъ"], а врядомъ своимъ ку шкоде которой стороне шафовалъ за якою жъ кольвекъ причиною, або жебы на чию справу и потребу кому кгволи, або про страх и пожитокъ свой заразомъ ехать, листовъ наших албо врядовыхъ и позвовъ водле потребы сторонъ носити и подавати не хотел и роковъ судовых кому с позваньемъ омешкалъ, тогды за доводомъ слушным, ясным и достаточнымъ, которий бы се зъ шкрутынии показалъ, каранъ быти маеть водле важности выступу своего. А меновите: за неправдивое сознанье горломъ, а за инъшие меншие выступки маеть седеть у везенью на замку або в дворе нашомъ дванадъцать недель и шкоду стороне поводовой нагородити за доводомъ. А в таковомъ обвиненью, звлаща только в речахъ меньшыхъ, где о горъло не йдеть, повиненъ будеть возный справоватьсе безъ позвовъ часу роковъ земъскихъ або кгродскихъ передъ тымъ врядомъ, передъ которымъ бы што ему о неслушною справу его, очевисте на вряде будучому, задано. А где бы очевисте на вряде не былъ, а хотя бы и былъ, а шло бы о такую речъ, за што бы мелъ быть горъломъ каранъ, тогды укривжоный маеть его, яко шляхтича оселого, позвы перед урядъ належачий, то естъ, гдѣ о горъло идеть, до кгроду, а в речахъ инъших - до земства, позвати и собе справедливости з нимъ за перъвшыми позвы, яко на року завитомъ, доводити будеть. Тежъ виненъ возный листы наши соймовые, военъные и инъшие всякие, от вряду ему поданые, без жадного омешъканья до тыхъ, до кого належати будуть, относити.

Артыкулъ 10.

О доходе або заплате возному.

Возному за працу его по тому маеть быти давано, то естъ коли где на которую кольвекъ справу поедеть, тогды ему от мили по грошу ув одну сторону, а што назадъ поедеть, за то ничого брати не маеть. А естли мили не поедеть або на местъцу позвы або якие кольвекъ листы г[о]с[по]д[а]ръские або врядовые дасть, огледати кгвалъту, ранъ, бою, шкодъ або прислухивати чого будеть, предьсе ему от того грошъ, а отъ осветъченья - грошъ. А где на увязанье поедеть, с тыхъ же людей, в которые увязывати будеть, зъ службы по грошу брати маеть, а от полъслужъбы - полъгроша, а с пустовщыны таковое, которую пашуть, полъгроша, а от моръкгу - пенезь одинъ, а от сумы пенезей, отправуючи ее на рухомыхъ речахъ, от копы по два пенези брати будеть. А от пустовъщинъ и моръкговъ пустыхъ доходъ возному сторона жалобная винъна при увязанью дати. А ей то потомъ от стороны противное при его суме сказаной часу выкупенья заплачоно быти маеть. А от огледанья испаши и от окопован[ь]я шкоды возному грошъ, от воланья сторонъ за позвы ку праву - грошъ, от заказыванья на рокохъ ку праву - грошъ.

Артыкулъ 11.

О беспечности возного, будучи ему на справахъ, вряду его належачихъ, такъже и стороне, при немъ будучой.

Уставуемъ тежъ, естли бы хто возного на справе за листы воеводъ, старостъ, вряду замкового и земъского албо суду головного трибунальского любъ тежъ вряду подъкоморъского и комисарского албо и безъ листовъ, будучи ему на справахъ, вряду его належачих, самъ або черезъ слугъ, подданыхъ своихъ збилъ албо, листы от него отнявъши, содралъ албо возного любъ сторону позвы, листы ести [в оригинале "естли"] примусилъ албо поличковалъ, волосы або бороду ръвалъ и тымъ вряду не учъстилъ, тогды таковый кождый маеть быти о то позванъ на рокъ завитый до вряду земъского албо кгродского, где сторона жалобная похочеть, на перъшие роки. А тамъ за доводомъ слушнымъ маеть навезати возъного совито водле стану его. А за нашу вину на замъку албо дворе поветовым дванадцать недель седѣть у вежи веръхней, а сторону, которую бы при возномъ збито або, яко вышей описано, обельжоно, маеть такъже за слушнымъ доводомъ навезати совито водъле стану, якого будеть, и шкоду возному и стороне, и естли се ей што в тотъ часъ станеть, совито заплатити. Пакъли ж бы конемъ хвосты поурезано альбо поранено, тогды за то виненъ будеть толко коня конемъ навезати и за то седенья не понесеть. А где бы претивная сторона за сказаньемъ суду земского або кгродского седети, навезокъ и шкодъ платити не хотела на часъ, от вряду назначоный, тогды таковый еще в другую совитую заплату навезокъ и шкодъ присужоныхъ для тое противности своее попадеть, што врядъ возному и стороне заразом водлугъ порядъку о отправахъ речей сужоныхъ, нижей постоновеного, на йменью такового отправити маеть. А тое непослушенство его з стороны седенья врядъ земъский або кгродъский, передъ которимъ се то приточить, маеть намъ, г[о]с[по]д[а]ру, ознаймити, а мы, г[о]с[по]д[а]ръ, тому не фолькгуючи, без всякое проволоки и откладанья на инъший часъ, але заразомъ взявъши о томъ от того вряду нашого ведомость через листъ отвороный, такового обвиненого и вряду нашого непослушного маемъ зо всихъ земль паньства нашого казати выволати. А пакли бы хто возного на таковых справахъ, вряду его належачихъ, або сторону, при немь будучую, забилъ, таковый, будучи о то притягненый до суду кгродского и с права поконаный, самъ горъломъ каран, а головщина забитого совито зъ именья его плачона быти маеть. А за нестаньемъ стороны объвиненое вряд в томъ далей поступовати маеть, и мы, г[о]с[по]д[а]ръ, за отосланьемъ врядовымъ заховатисе противъ таковых будемъ водлугъ арътыкуловъ, на судъ кгродский около речей крвавыхъ описаных. Одно жъ за головщину и шкоды такого возного або стороны забитое врядъ заразомъ, скоро позваный не станеть, совитое сказанье и увязанье въ именье такого свовольного и непослушного дати маеть, положивши на листе увяжчомъ еще такъ великий закладъ, яко самое речы скажеть. А гдѣ бы што с тых речей менованыхъ возному або стороне ку зельживости сталосе не от самого пана, до кого бы былъ посланъ, але от слугъ, подданыхъ и от кого колвекъ иного з дому або на именью оного, будь при бытности самого пана в томъ дому або в небытности его, а онъ бы, будучи о то позваным, до того се не зналъ, жебы се то мело стать зъ его росказанья, тогды о томъ черезъ тотъ же врядъ, до которого будеть позвано, росправа маеть быт[ь] вчинена такимъ обычаемъ, яко в той мере о посланьцохъ нашых в розделе первомъ арътыкуле двадцать четвертомъ ест описано.

Артыкулъ 12.

О печати нашой, г[о]с[по]д[а]ръской, земской и тежъ о печатехъ врядовыхъ, которыми што маеть быти печатовано.

Тежъ мы, г[о]с[по]д[а]ръ, даемъ подъ геръбомъ того паньства нашого, великого князства литовъского, "Погонею" печать до кожъдого повету, на которой естъ написани [!] около геръбу имя того повету. А тую печать писаръ земъский присяжный у себе самъ, а не хъто инъшый, ховати маеть, которою печатью и под тытуломъ нашымъ позвы мають быти печатованы и выдаваны. А иные никоторые листы, выписы и сознанья, кроме только самыхъ позвовъ, тою печатю не маеть [!] быть печатованы, але будуть печатованые всякие листы с того вряду земъского, судовые выписы и сознанья, листы упоминальные, увяжчие и иные печатьми суд[ь]иною и подъсудъковою, а подъписованы рукою того жъ писара земъского.

Артыкулъ 13.

О книгахъ земъскихъ и кгродскихъ, где мають быти хованы и о местъцу на отправованье судовъ земъскихъ и теж о выдаван[ь]ю, кому потреба укажеть, выписовъ [в оригинале "выпосов"] албо видимусовъ.

Уставуемъ тежъ, хотечи то мети, и приказуемъ, абы в кождом таковомъ повете, где судъ земъский естъ в замъку албо в дворе нашомъ, судья, подъсудокъ и писаръ земъский посполу зъ шляхтою и всими иными станы опатрыли, збудовали таковые местца, где бы завжды книги земъские безпечне от вшелякое пригоды были захованы. Прото воеводове и старостове судовые в кожъдомъ воеводъстве, земли, повете в замъку або дворе нашом судовомъ схованье доброе и варовное поступити имъ на то винни будуть. А где бы таковыхъ схованей не было, тогды на збудованье склепу ку захованью книгъ местъца пристойные в замкох и дворехъ нашыхъ указати и подати и сами жъ таковые воеводове и старостове судовые оное схованье книгъ земъскихъ доброю сторожою подъ кожъдымъ часомъ опатровати мають. А кгды роки отсужоны будуть, тогды по выволанью роковъ мають книги еще немней трехъ дни лежати, при которых мають быти, не от[ъ]еждчаючи, судья, подъсудокъ и писаръ для сознанья, уписован[ь]я и выписовъ бранья, для иныхъ потребъ шляхетъскихъ. А роз[ъ]еждчаючисе, мають иньшие перъвшихъ роковъ книги вложити и заховати въ скриню моцную за трима замъками, отъ [в оригинале "оттъ"] которых одинъ ключъ будеть у судьи, другий у подъсудъка, а третий у писара, и печатьми [в оригинале "печатьти"] своими запечатати мають. Але книги тых одныхъ судовых роковъ, с которых се по отсуженью ихъ будуть роз[ъ]ежъдчать, мають быти у писара земъского, яко врядника присяглого, ажъ до другихъ роков судовыхъ, а то для порадного справованья и начысто переписанья книгъ. А писаръ в томъ часе, межы роковъ переписавъшы тые книги начысто, маеть ихъ на других рокохъ до одное скрини и захованья з судьею и с подъсудком, яко о томъ вышей доложоно, положити и потомъ ихъ не отворати, ажъ весполокъ зъ судьею и с подъсудъкомъ, кгды того потреба укажеть. И вжо такъ завжды толко от роковъ до роковъ, судовне отправуючихъ, писари земъские поветовые мають у себе книги ховати. А кгды трои роки отсужоны будуть, тогъды по отправенью четвертых роковъ вжо тые справы прошлых троихъ роковъ въ одны книги через писара знесены и вязани быти мають. К тому тежъ воеводове и старостове судовые въ кождомъ воеводъстве, земъли и повете местъца пристойные на збудованье домов для отправованья судовъ земскихъ недалеко замковъ и дворовъ наших судовыхъ вряду земскому и шляхте указати и поступити мають. А врядники земъские со въсими станы оного повету будуть винъни, яко тое схованье книгъ судовых у замку албо у дворе, такъ и тотъ домъ судовый збудовати с тыхъ пенезей, яко то особливою уфалою естъ постановено, што за моцно держано быти маеть. Тым же обычаемъ воеводове, старостове судовые книги кгродские в добромъ схованью варовне ховати мають. А кгды который воевода або староста судовый с того свѣта зыйдет, албо если бы есмо которого зъ ихъ с того вряду на иншое воеводство албо староство преложили, тогды врядники их кгродъские або они сами повинъни будут тому старосте, которому оное воеводство або староство дано будеть, вси книги кгродъские в томъ же повете при въеханью его на тотъ вряд передъ шляхътою зараз в целости здати. А выписы або видимусы такъ с тыхъ книгъ перъшихъ воевод и старостъ, яко и кожъдый врядъ с книгъ своих справъ [вариант: "с правъ"] кождому, кому кольвекъ того потреба указывати будеть, без вшелякого затрудненья и проволоки мають давати листы с подписомъ руки писара кгродъского присяглого и с печатми самихъ воеводъ, старостъ або ихъ врядников судовыхъ, наместъника албо подъстаростего и судьи кгродъского.

Артыкулъ 14.

О пересудехъ и паметномъ в ыменьяхъ кн[я]зьскихъ, панъскихъ и земяньскихъ такъ духовного, яко и светъского стану.

Забегаючи затруднен[ь]ю и обътяженью справедливости людское, уставуемъ теж [в оригинале "тежу"] с призволенемъ всихъ становъ, што жъ вси панове рады наши духовные и светъские, кн[я]зи, панове, державцы, тивуны и вси иные врядники наши на врядехъ наших несудовых и тежъ в ыменьяхъ своихъ властныхъ, по тому жъ рицеръство, шляхта и вси обыватели того паньства, великого князства литовъского, и в земляхъ, к нему належачихъ, на именьяхъ своихъ чинечи справедливость шляхъте и инъшимъ подданымъ нашим зъ врядники, бояръми и поддаными своими, мають се заховати сами и ихъ врядники въ бранью пересудовъ и паметного водлугъ тое жъ уставы, врядомъ нашимъ вышей в арътыкуле пятом сего жъ розделу описаное, под тою ж виною на сторону по дванадъцати копъ грошей, о которые вины мають быти сами панове, где бы то сами вделали або з урядъниковъ своихъ справедливости о то не учинили, позываны до вряду нашого земъского на перъвшие роки на завитый рокъ.

Артыкулъ 15.

О бранью вижованого, оглядного и иныхъ доходовъ в дворехъ и имѣньяхъ кн[я]зъскихъ, паньскихъ и земяньскихъ.

Уставуемъ и то, хотечи в порядъку слушномъ мети, ижъ во всем томъ паньстве нашомъ, великомъ князстве литовъскомъ, и въ земляхъ, к нему належачихъ, на всякихъ врядехъ нашихъ, господаръскихъ, несудовыхъ, такъже на именьяхъ кн[я]зъскихъ, паньскихъ и земяньскихъ, духовъныхъ и светъскихъ, вижового, оглядного и от вязней потуремного не маеть быти большей брано, только водлугъ сее уставы нашое, нижей описаное, то естъ вижу на кождую речъ взятому и огледаного битыхъ и ранъныхъ на местцу - грошъ одинъ, а естли где вижъ поедетъ за колко миль, тогды ему помилного на милю по грошу у одну сторону, яко и возному повѣтовому - от выдан[ь]я роты присеги духовнымъ особамъ грошъ, а вижу, на то приданому, грошъ; а от вязней от вшелякого везенья потуремного, поланцужного або поколодного от такового вязня, который бы на горло седел, от шляхтича того, которого статутъ имать позволяетъ, дванадцать грошей, от простого ч[е]л[ове]ка - шесть грошей, а который бы в меньшой вине осажонъ былъ, жебы о горло не шло, от таковыхъ по половицы того брано быти маеть. А платити то маеть тотъ, хто винен в чомъ с права зостанет. А естли бы вязень с права от объжалованья стороны противное вольным былъ вчиненъ, тогды сама тая сторона противная, што его осадить дала, маеть его подъле тое уставы з везенья выкупити. Также где бы которий вязень на смеръть былъ сказанъ, тогды тое потуремное сторона жалобъная будеть винъна заплатити. А плачоно то маеть быти разъ одинъ, кгды въжо остатнимъ разомъ вязень або на волность, або на смеръть з везенья выходить. И для того вжо сторожа около всякого вязня маеть быти не того, хто его дасть осадити, але того пана, чый будеть слуга, бояринъ або подданый. Толко где бы лезный неоселый ч[е]л[о]в[е]къ, то естъ дому под тымъ паномъ не маючый, былъ осажонъ, сторона жалобная на день на страву ему по чотиры пенези маеть давати. А естли бы хто з везенья вязня упустилъ, о томъ за припозваньемъ до права належного водлугъ описаня сего статуту маеть быти сужоно водлугъ арътыкулу, в семъ же розделе о врядехъ нашихъ кгродскихъ в таковой речи описаного, ищучи того на томъ, кому вязень поданъ будеть. А не всхочет ли панъ або врядникъ его того вязня до везенья своего приняти, тогды маеть сторону с тымъ вязнемъ на врядъ нашъ судовый пустити, и там вжо на томъ уряде з него справедъливость чинена быти маеть, кгды жъ владзу свою за непринятьемъ вязня до везенья упустилъ. А што будеть от вряду с права сказано, то панъ або врядникъ его за декретомъ врядовымъ на маетъности того вязня рухомой отправити маеть. А естли маетъности рухомое такъ много не будеть, тогды самъ в томъ маеть быти стороне выданъ на выробъ, яко о томъ в ынъшомъ арътыкуле ест доложоно, звлаща где бы горъла не заслужилъ.

Артыкулъ 16.

О зъеханью суду земъского за три дни перед роками и о пильности сторонъ ку праву.

Тежъ передъ кождыми роками земъскими будуть винъни суд[ь]я, подъсудокъ и писар на местъце, судомъ назначоное, за три дни приехати для отворенья книгъ и выдаванья выписовъ, кому того потреба будеть, такъже для вписованья позвовъ в реестръ, абы тотъ, хто первей впишетьсе до рейстру, тотъ тежъ наперодъ сужонъ был. Ведъ же гдѣ бы се обедве стороне межи собою запозвали, тогды тому наперед маеть быти справедливость чинена, хто наперед позвалъ. А от того вписованья в рейстръ писару грошъ. А кгды з рейстру три разы волано будеть, а не отзоветьсе тотъ, кого волають, таковый сказанъ маеть быти, яко не сталъ. Тымъ же обычаемъ и поводовая сторона маеть сказана быти. А тые воланья сторон у кождого суду и вряду розумено быти маеть, ижъ волавши стороны одного дня, и другого, и третего дня, по одному разу на день. Сторона, не пилнуючая року, маеть быти третего дня о нешпорной године здана и сказана за нестанье свое водле арътыкуловъ, нижей описаныхъ. А тых сторонъ, которимъ бы три дни пильности их обудвухъ минули, а для непоспеху врядового третего дня отсужоны не были, вжо четвертого дня и потомъ иншихъ дней врядъ до нешпорное годины ждати не повиненъ, але скоро врядъ на суде засядеть; а которая сторона за воланьемъ возного не станеть, тую вряд водлугъ сего статуту здати и сказати маеть.

Артыкулъ 17.

Яко и пры комъ позвы позыватисе и яко а гдѣ то осветъчати.

Тежъ хто бы на кого позвы взял и тыми позвы позывати его хотелъ, тогды позвы, от всякого вряду взятые, маеть возный з стороною шляхтою очевисто давати и позывати можеть при костеле, у суду, на дорозе и на кождомъ местъцу, гдѣ бы его кольвекъ застати и найти могъ. А гдѣ бы очевисте ихъ дати не могъ, тогды на именью того, с которого се кому кривда дееть, маеть положити в дворе, в дом або у ворота утъкнути и там же у дворе, если бы у ворота до двора не был пущонъ, через плотъ урядънику або тивуну, або, если бы тамъ кого у дворе обачил, оный позов оповедати и обволати, жебы о позве сторона ведома была. А не докличеть ли се никого, тогды однакъ позвы, яко вышей описано, положити маеть. А предъсе маеть тое положен[ь]е позву возный оповедати войту або якому кольвекъ подданому того двора, который будеть наближей того двора. А естли бы в котором именью, с которого се кривда дееть, двора оного пана не было, яко то бывають сѣла данники на Руси и индѣ в томъ панстве нашомъ, тогды тые позвы предсе в томъ же селе покладаны, старцу, войту, лавнику, десятнику або мужу которому оного села даваны, або в дому их кладены и до того повету, в которомъ тые села будуть, позывано быти маеть. Ведъ же кгды возный заочне позвы покладаеть, маеть первей передъ тою стороною шляхтою тотъ позов с противнымъ позвомъ скорикговати и ихъ по достатку вычитати, абы во всем згодливые и нескробаные были. А иж тежъ на некоторих местъцахъ через границы, поветомъ замероные, многие особы таким обычаемъ дворовъ, местъ и людей своих уживають, ижъ по одной стороне границы двор, а на другой стороне место, люди або кгрунты лежать, а будеть ли се кому кривда деети с тых людей або кгрунътовъ, при которих дворовъ нетъ, ино ижъ таковые кривды оному вряду поветовому, подъ которимъ се деяти будуть, оповеданы бывають, тогды тежъ до оного ж повету с такового мѣста, людей и кгрунтовъ и позывано быти маеть. Ведъ же тые позвы, хотя и за границу, возный того вряду, в которомъ се кривъда дееть, до двора оного пана нести и поступкомъ, вышей писанымъ, давати будеть повиненъ, и рокъ, на который позвы подасть, маеть на обеюхъ позвехъ написати, абы позваная и поводовая сторона року ведоми, певни и пилни были. А гдѣ бы возный самъ писати не умелъ, тогды будеть повиненъ оного позванья сознанье на писме обеюмъ [в оригинале "отбеюмъ"] сторонамъ подъ печатью своею и стороны шляхты дати и перед врядомъ кгродъскимъ або и земскимъ передъ рочками и роками за день стороне жалобной тотъ квитъ свой сознати, которое сознанье за слушъное у права земъского и кгродского приймовано быти маеть. А писаръ такъ земъский або кгродъский маеть на томъ же квите возного албо на позве, гдѣ подъпис возного будеть, рукою своею написать, же возный тое поданье позвовъ призналъ. Естли на позве, тогды тыми словы, иж того дня при написе своемъ возный поданье того позву очевисто призналъ; а естли на квите, тогды также, день поменивши, коли сознаваеть, написать маеть, ижъ тотъ квитъ свой возный очевисто призналъ. А от того напису по полугрошку, а не болшъ писар брати маеть, а до книгъ вписовать того не потреба. А естли бы сторона поводовая хотела сознанье возного до книгъ собе записать, то ей вольно будеть.

Артыкулъ 18.

О позъвехъ и о року, який за позвы будеть складанъ, и о грабежохъ.

К тому уставуемъ, ижъ хто бы до кого мелъ которое дело о кривъду або о якую жъ кольвекъ речъ, тогды маеть от писара земъского того повету позвы або мамърамы взяти под печатью нашою, от насъ тому повету даную, и с подписью руки писаръское. Ведь же в мамърамехъ дата, то естъ рокъ и месець и день, коли ихъ хто береть, маеть быти написаный. А где бы сторона сама хотела собе позвы написати, тогды, принесет ли готовые написаные, писаръ, взявъши от нее доходъ свой грошъ, запечатовати ихъ и подъписати будеть повиненъ. А шкодъ рейстръ, похочеть ли сторона жалобная, вольно ей будеть подъ печатью своею або возного при позвехъ позваному дати. А сторона позваная яко на позовъ, такъ и на рейстръ повинъна будет отказывати. И тыми позвы передъ кождыми роками судовыми мають се позывати очевисто за чотыри недели, а заочне, кладучи на именьяхъ, с которыхъ се кривъда дееть,- за шесть недель передъ роками. Ведь же личечы тую чотыри або шесть недель до роковъ, то естъ до перъшого дня, на заседанье суду в семъ статуте описаного, не от даты позву, в немъ описаное, але от часу и дня, яко очевисте поданы або на именью положоны будуть. А кому бы се стала якая кольвекъ кривъда, такъже о грабежъ ново близко передъ роками за недель шесть, пят[ь] або за чотыри и за три, тогды о таковую речъ новую можеть укривъжоный позвати на тые жъ першие близько пришлые роки, только бы се выполънилъ рокъ такъ очевистому, яко и заочному позванью отъ перъвшого дня роковъ судовых в десети днехъ, естли судъ такъ долго заседати будеть. И таковый позовъ жалобникъ маеть в рейстръ уписати в тотъ часъ, кгды ему рокъ припадеть, и далей поступовати водле права. А менъшие и близьшие роки не мають быти складаны, але в дальшомъ часе чотырохъ або шести недель волно позвы закладати.

Артыкулъ 19.

О збиванью позвовъ и зношенью позвовъ з ыменья.

Тежъ уставуемъ, кгды жъ людемъ укривъжонымъ великая проволока в справедливости их збиваньемъ позвовъ ляда причинами деяласе, прото такъ вечными часы мети хочем, абы позвы всякие, яко наши, г[о]с[по]д[а]ръские, такъ кгродские, земъские и подкоморские и з ыншихъ вшелякихъ врядовъ, водлугъ сего статуту выдаючые, также у суду головного, жадными причинами збиваны быти не могли, опрочъ трехъ причинъ, нижей тутъ помененых. Перъвое, где бы сторона поводовая року и позванья водлугъ арътыкулу вышъшого сего розделу семънадцатого квитомъ або написомъ возного и писаръскимъ не довела; другое, хто бы имени позваного власного и имени отца его, также тежъ тытулу упривильеваного, предънейшого, альбо яко ся онъ самъ зоветь и пишеть, не написалъ. Ведь же обчого народу людей такъ писати могуть, яко се хто самъ писати и звати звыклъ. Третее, кгды о што шкрутыния, а к тому о кгвалтъ, бой, грабежъ идеть, а поводови местъца, где се то стало, року, месеца и дня естли бы не доложилъ, на таковый позовъ сторона не повинъна отказывати. А иными никоторими причинами врядъ збиванья позвовъ не маеть допускати. Ведь же, позываючи о именье, за чимъ хто деръжить, або о заставу, через продъковъ або близских своихъ вчиненую, хотя часу в позве не доложить, позваный тымъ позву збивати не можеть. А где бы дата в позве не была написана, тогды сторона поводовая, за таковый недостатокъ позву своего заплативъшы судови грошей шесть, а стороне про[тив]ной другую грошей шесть, жалобы и речи своее правне попирати можеть. А где бы хто хитростью для збиванья позвов и проволокаючи кому права, звлаща позваный, оказалъ позовъ не згодъный або скробаный и тымъ его хотелъ збити, а сторона поводовая доведет ли того сознаньемъ возного, ижъ ему далъ позовъ згодливый, нескробаный, тогды по такомъ доводе позваный повиненъ отповедати. А еще позваный за тое скробанье маеть стороне поводовой шесть грошей, а суду другую шесть грошей заплатити. А естли бы се тежъ то пригодило, жебы хто, не будучи позванымъ, одно ставши у суду або умоцованого пославши, менилъ, же позовъ, писаный на имя чие инъшое, естъ положонъ на его властномъ именью, тымъ не згола маеть быти позовъ зражонъ, але ажъбы тотъ, хто позовъ зносити хочеть, первей того слушне водле права довелъ, же то естъ и было его имен[ь]е властное и еще передъ заложеньемъ того позву врядовне в держанье пришол. А хто бы без причинъ правных на первшихъ рокохъ не сталъ, тогды, на другихъ рокох вину нестанъную заплативши, позву збивати не будеть мочи, але будеть виненъ усправедливитися.

Артыкулъ 20.

О згубе позву.

К тому и то уставуемъ, естли бы сторона позваная, ставши на року, а поведила, же позовъ, которим его жалобникъ позвалъ, згубила, тогды жалобная сторона винъна будеть той стороне позваной копию с позву жалобы своее под печатью своею або с печатью возного дати. А позваный по данью ему тое копии назавътрее жъ повиненъ будеть у права отказывати. Гдѣ бы тежъ жалобная сторона менила, ижъ позов пригодне вжо на рокохъ згубила, а позваный, хотечи ся усправедливити, хотелъ бы ей с позву копию дати, тогды жалобникъ, принявши от него копию подъ печатью его або возного и с подписью [в оригинале "кодписью"] руки властъное, хто писати умееть, такежъ назавтрее маеть жалобы свое попирати. А естли бы копии брати и речы свое попирати не хотелъ, противъ таковому жалобнику вряд сказан[ь]е чинити маеть водлугъ моцы або важности року. Нижли естли бы позваный, до усправедливенья не беручисе, копии с позву дати не хотелъ, то при воли его будеть, а жалобникъ, похочеть ли, о то знову позвати его маеть. А пакли бы жалобной стороне позовъ згинулъ еще передъ роками, тогды он о томъ стороне своей противной листомъ своимъ отворонымъ с печатью своею, а хто писати умееть - и с подъписью руки своее, через возного и одного шляхтича маеть знати дати, абы онъ на роки тые не ездилъ и до утраты прожное не приходилъ, такий листъ на именью покладаючы.

Артыкулъ 21.

О даванью межы сторонъ копей з листовъ, привильевъ и иных записовъ, у суду на праве покладаныхъ.

Гдѣ бы се то у суду которого трафило, жебы сторонамъ, ведучи з собою право о именья, о люди, кгрунты и иншие якие маетности рухомые, а пришло бы имъ, будь з одное стороны або и з обудвухъ, до покладанья на праве листовъ, привильевъ и иных записовъ, с которых листовъ кождый свое противное стороны для лепъшого зрозуменья и розмышленья потребовали бы собе копии, або одна которая сторона от другое потребовала, тогды с таких листовъ копии мають быти даваны с подписью руки писарское. А по взятью копии надалей третего дня порану за першимъ воланьемъ стороны повинни будуть ку скуточной росправе до суду становитисе.

Артыкулъ 22.

Хто бы за позвы на первшие и другие роки, кромъ обложное хоробы або службы нашое, г[о]с[по]д[а]ръское, и речи посполитое, не сталъ, такъже и о томъ, хто бы, будучи позванъ, а не росправивъшися, умеръ.

Уставуемъ тежъ, хто бы, будучи позван, на первших рокохъ земъскихъ не сталъ, ани которое причины слушное, в сем статуте выражоное, нестанья своего у суду не оповедалъ або не оказалъ, таковый маеть стороне на других рокохъ перъвей, нижли в судъ уступить, заплатити нестаного за кождые позвы чотыри копы грошей, а суду копу грошей, то естъ судьи сорокъ грошей, а подъсудку двадцать грошей. А естли бы тотъ же и на других рокохъ судовых, такъ же и о тое ж будучи позванъ, без причинъ, нижей в семъ статуте описаных, не сталъ або, ставши, вины нестанъное, вышей мененое, заплатити заразомъ не хотелъ, а сторона жолобная [!] позванья и року доведеть, таковый для непослушеньства своего вжо в речы своей упадаеть и тую речъ, о которую былъ позван на тые двои роки судовые, вечне тратить. А судъ на таковомъ упорномъ тое, о што былъ позванъ, за слушнымъ доводомъ, такежъ и вину нестанья сказати и отправу вчинити маеть. То естъ естли именье албо який колвекъ кгрунтъ сказанъ будеть, тогды в то увязанье маеть быти дано заразомъ, а отправа сумы пѣнезей сказаное маеть быти чинена водле арътыкуловъ, нижей описаныхъ. А гдѣ бы се то трафило, жебы позваная сторона, за нестанымъ [!] своимъ упорнымъ або хоробою закривъшисе и въ вину нестанъную впадшы, а потомъ не росправившисе [в оригинале "ротравившисе"] з жалобною стороною, з сего свѣта зышла, тогды дети, потомъки або близские змерлого, хотя жъ винъ нестанъныхъ платити не будут повинъни, ведъ же ку росправе о самую речъ за припозваньемъ стороны жалобное подълечи мають тому року, стопъню або пунъкту правному, в которомъ родичи або близские ихъ зомруть. А естли сторона позваная умреть по сказанью самое речы, тогды дети, потомъки або близские за перъвшимъ припозваньем до суду належного детей таковыхъ недорослых зъ опекунами ихъ вжо то платити винъни будуть, и молодостью летъ не вымовляючисе.

Артыкулъ 23.

Хто бы за хоробою або за послугою нашою земскою за позвы стати не могъ.

Тежъ хто бы былъ позванъ на роки судовые перъшие або другие, а зашла бы его хороба або служба наша або земъская, або тежъ поветрее моровое на которыхъ колвекъ с тыхъ двоих рокохъ судовыхъ, для чого бы стати не могъ, тогды за таковым нестаньемъ яко нестанъного платити, такъ и речы тратити не можеть, нижли о собе суду и стороне маеть дати знати на рокохъ судовыхъ, а надалей от початья судовъ третего дня. Если же послуги нашие и земъские, в розделе первомъ въ арътыкуле двадъцать первомъ выображоные, тогды черезъ листы нашы, а естли бы хороба, тогды листомъ своимъ отворонымъ черезъ приятеля або слугу своего, даючи в томъ же листе своемъ до вряду и до стороны знать, в которомъ именью або на котором местъцы в той хоробе лежыть, абы врядъ и сторона ведомост[ь] мели, где его знайдовать. А поветрее моровое такъ само собою, кромъ обосланья, вымовляеть. А вед же тотъ, который се хоробою закрываеть, потомъ на другихъ рокохъ за прыпозваньемъ стороны поводовое маеть прысягнути, яко правдиве немоцон былъ. А естли бы прысягнути не хотелъ, тогды на тыхъ другихъ рокохъ маеть вины за перъшое нестанье свое заплатити стороне жалобной чотыры копы грошей [в оригинале "гротей"], а вряду копу грошей, а зъ строною [!] росправу прыняти. А где бы и на другихъ рокохъ еще хоробою заложылъся, а сторона поводовая не хотела бы тому верыт[ь], тогды врядъ маеть до него заразомъ с тыхъ роковъ возного зъ двема шляхтичи пры стороне жалобной або посланьцу ее послати до того местъца, которое оный хорый в листе своемъ поменилъ, на которомъ где бы того хорого не зостано, иньде искати его не повиненъ, и такъ то маеть быти розумено, яко бы не прысегнулъ. А стороне посланьца своего, всхочет ли, при томъ вольно мети. Передъ которымъ вознымъ и стороною и его посланьцомъ тотъ, што ся хоробою вымовляеть, маеть прысегнути, же правдиве обложною хоробою на першых и на тыхъ другихъ рокохъ для хоробы стати не могъ. И прысягнет ли, тогды от плаченья винъ воленъ будеть, а не всхочет ли прысегнути, тогды таковый на третихъ рокохъ за тыми жъ позвы, яко на року завитомъ, або самъ або черезъ умоцованого будеть винен стати и первей, нижли в право вступить, вины нестанъные за обои прошлые роки заплатити, то естъ за перъшые роки стороне чотыры копы грошей, а врядъ [!] судьи с подъсудъкомъ копу грошей. А за другие роки совито, то естъ стороне осмъ копъ грошей, а вряду две копе грошей. А заплатившы тые вины заразомъ стороне жалобной усправедливитися. А хотя бы и прысягнулъ перед вознымъ на хоробе своей, предъсе вжо на третихъ рокохъ повиненъ будеть становитисе и росправу наконецъ прынять, хотя бы сам хоръ былъ, тогды черезъ умоцованого. Пакли ж бы на тыхъ третихъ рокохъ ку праву самъ, ани черезъ умоцованого своего не сталъ або ставши винъ нестанныхъ, перъвей нимъ в право вступить, заплатити не хотелъ, таковый речъ свою тратить, а врядъ противъку него заховатисе далей маеть водлугъ арътыкулу вышнего двадъцать второго в семъ же розделе. А естли бы хто, будь до суду земъского або кгродского, на рокъ завитый будучи позванъ, за хоробою своею стати не могъ, тогды суду и стороне, яко вышей в семъ арътыкуле описано, ознамити [!] о собе мает, а тымъ речи своее не тратить. Вед же естли бы на другий рокъ о тое жъ былъ позванъ, тогды перъвей прысегнути на томъ, ижъ справедливе на перъшомъ року для хоробы своее стати не могъ, а потомъ никоторыми прычинами и арътыкулами, в сем статуте описаными, не вымовляючи, тамъ наконець усправедливитисе повинень будеть. А где бы такъ былъ хоръ, же и на другий рокъ в той речи стати бы не могъ, тогды передъ тым другимъ рокомъ от вряду и повету того, где на тотъ часъ тот хорий самъ будеть, маеть взят[ь] возного и сторону двухъ шляхътичовъ, передъ которими тамъ, где на тотъ часъ будеть, присегу учинити маеть на томъ, ижъ не ку зволоце стороне своей противъной, але правдиве за хоробою своею на перъшомъ року стати не могъ. А тотъ возный и шляхъта, от вряду взятые, естли тотъ хорый присягнеть, заразомъ передъ тымъ врядомъ, от которого послани будуть, сознати мають, а потомъ, тое сознанье возъного и шляхъты выписомъ с книгъ на другомъ року показавшы, предъсе черезь умоцованого усправедливитисе, яко вышей описано, повиненъ будеть. А пакли бы, передъ врядомъ на другомъ року ставши, не присегнулъ альбо передъ вознымъ, шляхътою присеги, учиненое врядовне, не показалъ, тогды тым таковымъ самымъ поступкомъ тую речъ, о што позван, тратить. А врядъ то на том другомъ року, не припускаючи стороны позваное ку отводу, за доводомъ стороны поводовое на таковомъ вжо всказати маеть з винами за нестанье совитыми. А тое ж се и о томъ розумети будеть, хто бы, позвавши на рокъ завитый, самъ за хоробою своею на томъ року перъшомъ стати не могъ.

Артыкулъ 24.

Хто бы, кого позвавъши на роки судовые, самъ безъ слушное причины не сталъ або бы кому на праве якого доводу або выводу не доставало.

Уставуемъ тежъ, хто бы, кого позвавши до земъства позвы перъшыми и на перъшые роки судовые, еще на рокъ завитый, и будучы стороною поводовою, безъ слушныхъ прычинъ, яко вышей о позваномъ написано, не даючи о собе прычины слушное суду и стороне знати, самъ з доводомъ своимъ не сталъ, тогды, естли бы тотъ же и о то ж другий разъ сторону свою противную позвалъ, маеть первей за нестанье свое позваному страву заплатити, пану радѣ, естли бы самъ особою своею у суду на рокох былъ, десеть копъ грошей, а инымъ всимъ урядникомъ и шляхте пять копъ грошей. А гдѣ бы панъ рада самъ або врядникъ и шляхтичъ особою своею на рокохъ у суду не былъ, але умоцованого от себе послалъ, тогды умоцованому его такъ, яко инъшому шляхтичу, пять копъ грошей. А заплативши страву, тожъ потомъ о свое мовити можеть. А пакли ж бы, и другий раз позвавъши того жъ и о тую жъ речъ, а самъ же и повторе такежъ без причинъ слушных, въ статуте вышей описаныхъ, и не давши о них суду и стороне знати, не сталъ, тогды тую речъ, о што позвалъ, тратить. А позваный тотъ, хто року и права за позвы пильнуеть, вжо от того часу, о што позванъ, на вси пришлые часы будеть воленъ. Ведъ же и обмова тая причинами статутовыми, хоробою або службою нашою, г[о]с[по]д[а]ръскою, и земъскою, стороне поводовой не маеть болшъ ити и служити, только на двоих рокохъ. А естли бы сторона поводовая, ставши, у право вступивши, маючи спор з стороною обжалованою на праве, зъ яких припалыхъ причинъ, о которихъ передъ правом не ведала, а браласе еще на який иный доводъ, которого на тотъ часъ ку праву на суде з собою мети не могла або о немъ не ведала, а просила бы о отложенье на другие роки судовые, тогды судъ маеть ей того допустити, а тымъ речи своее не тратить. А на других рокохъ судовыхъ, естли бы самъ не сталъ або доводу не ставилъ, тогды речъ свою тратить. Такъ тежъ и сторона позваная, естли бы на тых рокохъ и за такъ коротъкимъ часомъ, ему за позвы зложонымъ, не могла правдиве за якою слушною а пристойною причиною листовъ або заводцы мети, а брала бы собе в таковых речахъ и артыкулехъ на другие роки, тогды судъ маеть ей того допустити. А ведъ же на тыхъ других рокохъ будеть повинъна вжо без позвовъ, только [в оригинале "тольло"] за выписомъ врядовымъ того отложенья, со всимъ готова быти, яко на завитомъ року, под стратою речы. И тотъ доводъ або выводъ, на которий ся отзывалъ, показавши, маеть перъве [!] на томъ присегнути, иж тотъ рокъ собе одеръжала и упросила не на проволоку якую сторонѣ противной, але ижъ без того быти не могло. А гдѣ бы на томъ присегнути не хотелъ, тогды таковый повиненъ будеть стороне своей противной за шкоды, наклады его десеть копъ грошей, а на врядъ вины две копы грошей заплатити.

Артыкулъ 25.

Хто бы кого черезъ судъ або черезъ еднанье ку праву позвалъ.

Уставуемъ тежъ: хто бы, с кимъ мевъши право и утративши которую речъ на праве або на едънанью ее упустившы и заеднавши, а по суде або зъеднавъшися и тое еднанье, где о кгрунътъ земленый або о горъло идеть, при листе своемъ еднальномъ на вряде сознавши, а где о именье або о кгрунътъ земленый, або о горло не йдеть, такое еднанье листомъ своимъ еднальнымъ, подъ печатью своею и с подъписью руки своее власное и тежъ под двема печатьми людей сторонъныхъ, а хто писати не въмеет, тотъ при своей печати подъ трема печатми людей сторонъных данымъ, упевнивши и утверъдивши, а о тое жъ засе его до права позвалъ и на праве тое жъ речи знову искалъ и того доходилъ, таковый повиненъ заплатити тамъ же заразомъ у суду стороне семъ копъ грошей, судьи две копе грошей, подъсудъку копу грошей, а тотъ судъ або еднанье предъсе маеть при моцы зостати. А если бы, позвавши о такую речъ, самъ не сталъ, тогды речъ свою тратить, а противной стороне вольно будеть о то оного жалобника о свои п[е]н[е]зи и вину врядовую позвати.

Артыкулъ 26.

Ижъ в позвехъ нашихъ земъскихъ не маеть нихто ни на кого речей неучстивых и образъливыхъ доброй славе писати.

Тежъ уставуемъ, ижъ в позвехъ нашихъ земъскихъ, которие ихъ беруть, не мають писати речей дотъкливыхъ почъстивости, а где бы позвалъ такъ, тогды на тые позвы сторона позваная, ставши, не повинъна отповедати, ажъ се онъ на другихъ рокохъ на позвехъ своихъ поправить. Нижли што се дотычеть наезъдовъ домовъ шляхетъскихъ, кгвалътовъ белымъ головам, пожогъ и розбоевъ и иного злочинъства, которие арътыкулы на судъ нашъ, г[о]с[по]д[а]ръский, або на судъ головный, также и на вряд кгродский, а не земъский належать, о то кождый подле учинъку такового можеть меновите в позвех написати и то только реч учинъку выписати, не докладаючи в позвех ображенья зверъхности нашое и ничого [в оригинале "ничоно"] иного дотъкливого.

Артыкулъ 27.

Хто именья свои в розных поветехъ маеть, а до колько судовъ розныхъ зъ именей розныхъ на одны роки заразомъ будеть позванъ.

Уставуемъ, если бы хто с подъданых нашихъ, в розныхъ поветехъ именья свои маючи, до розныхъ судовъ земъскихъ былъ позванъ первшими позвы и на перъвшие роки судовые, а роки бы на одинъ часъ в тых поветехъ, до которыхъ естъ ку суду позванъ, притрафилисе, тогды маеть в томъ повете стати, до которого ест о болшую речъ припозванъ. А ведъ же сутяжымъ своимъ къ суду поветовому, у которого ся не становить, маеть через листы свои отвороные и черезъ возного дати ведати стороне перед роками земъскими наближей за тыдень, будь очевисте або на имен[ь]ю наблизшомъ, в томъ же повете лежачомъ, листъ положивши, а вряду на рокохъ судовыхъ. А гдѣ бы и сторона в томъ повете оселости не мела, тогды и стороне таковой на рокохъ же земъскихъ дати знати, ижъ для большое речы, о которую естъ позванъ до инъшого повету, тамъ не становиться. А однако ж с тыхъ книгъ, у которого ся суду становилъ, взявши выписъ, на другихъ рокохъ маеть показати передъ судомъ, у которого ся не становилъ, ижъ ся правдиве большою справою вымовлялъ, тогды нестанного не повиненъ будеть платити. По тому жъ, кгды бы хто кого до одного повету в кривде своей позвалъ, а сам бы тежъ такий былъ от кого иншого до другого повету на тые жъ одны роки позванъ, тогды таковый будеть мочи такежъ ув одного суду большою справою, будь за своимъ позвомъ або за тымъ, што его позвано, на перъшихъ рокохъ вымовитися и потомъ на другихъ рокохъ то водлугу [!] науки, вышей описаное, показати. А ведь же на другихъ рокохъ нихто не маеть болшою справою вымовлятися, але се повиненъ становити и в отъказе быти, яко на завитомъ року, если не самъ черезъ себе, тогды черезъ умоцованого своего подъ утратою тое речи, о которую позванъ. А противъ роковъ завитыхъ такъ к[г]родъскому, яко и земъскому суду, в семъ статуте вынятыхъ и назначоныхъ, большою потребою в ынъшомъ повете вымовлятися нихто не можеть. Одно ж гдѣ бы ся то коли притрафило, ижбы одна особа была позвана до двухъ судовъ кгродъских на одны рочки в таковыхъ речахъ, што бы о горло шло, тогды таковый можеть ся ув одного суду такимъ запозваньемъ на первшыхъ рочкохъ вымовити обычаемъ, вышей описанымъ. Ведъ же будучи о то повторе на другие рочки позванъ, виненъ будеть выписомъ оного вряду, передъ которымъ ся становилъ, то показати, же ему о такую речъ важную, о горъло, шло и надъ то еще присягнути, же тое позванье до иншого вряду деялосе не жаднымъ форътелемъ, ани змовою якою хитрою ку зволоце справедливости укривжоному [в оригинале "укривжоною"]. А пакли бы того выписомъ не показалъ, або и показавши выписомъ, а присягнути на томъ не хотелъ, тогды для оного нестанья своего на рочкох перъвшых маеть на другихъ рочкох згола без жадныхъ доводовъ речъ тратити, и врядъ то на немъ стороне водлугъ жалобы, в позве описаное, и водлугъ права сказати маеть такъ за станьемъ, яко и за нестаньемъ его.

Артыкулъ 28.

О кривдахъ гостей приежъдчих чужоземъских.

Уставуемъ, естли бы ся которому чужоземъцу при насъ, г[о]с[по]д[а]ри, або хотя и в небытности нашой в которомъ месте або подъ которимъ врядомъ сталъ от которого тубильца а який кгвалтъ, бой, розбой, зраненье и отнятье кгвалътовное маетности его и што колвекъ с тых вышей помененыхъ речей, тогды обвиненый в тыхъ речахъ без позву, а мещанин простый ч[е]л[о]в[е]къ без роковъ, не проволокаючи ничимъ, повиненъ ся усправедливити за заказомъ передъ нами, передъ воеводами и врядниками нашими замъковыми дворъными, а мещане, мешкаючие подъ майдебуръскимъ правомъ, передъ местъским урядомъ. А естли бы хто с подъданыхъ нашихъ, на жалобу гостиную будучи заповеданъ, прочъ зъехалъ, тогды на именью его с позвомъ нашим возный маеть быти посланъ, або врядъ замъковый маеть послати с позвомъ своимъ возного. А хотя бы его на именью не было, предъся тотъ позовъ на именьи его маеть быти положонъ и рокъ завитый зложонъ ку праву стати за чотыри недели, а он наконецъ, ничимъ не вымовляючисе и позву никоторими причинами не збиваючи, виненъ будеть на тотъ часъ стати и усправедливитисе. А гдѣ предъсе на тотъ день, ему зложоный, не сталъ, тогды маеть быти то на немъ, о што жалоба естъ, подле доводу сказано и отправа дана на именью его заразомъ, роковъ статутовыхъ не складаючи.

Артыкулъ 29.

О тыхъ, которые бы, не маючи оселости в томъ паньстве або повете которомъ, а тамъ, приехавши з стороны або з ыного повету, збытокъ або якую шкоду кому учинили.

Тежъ уставуемъ, ижъ хто бы кому кольвекъ з ыное земъли чужоземець албо хто жъ колвекъ неоселый в томъ паньстве нашомъ, великомъ князстве литовъскомъ, приехавши в которий кольвекъ поветъ, где оселости не маеть, або подъ уряд и до места нашого, учинилъ тамъ кому кгвалтъ, бой, раны, шкоду и який же кольвекъ збытокъ, тогды тамъ же, а не где инъдей, на вряде нашомъ замковомъ або, где бы замъку не было, в дворе нашомъ староства судового водле права сужонъ и за доводомъ слушнымъ сказыванъ быти маеть и отправа на немъ чинена. А где бы хто за заказомъ до вряду ити и усправедливитисе не хотелъ, тогды таковый маеть моцно черезъ врядъ заразомъ ку праву постановенъ быти. А кгды с права в чомъ виненъ зостанеть, а не всхочеть того заразомъ платити албо слушного в томъ же повете оселого рукоемства по собе дати, тогды врядъ маеть его до везенья осадити и деръжати в немъ дотыхъместъ, поки стороне жалобной досыть учинить. Пакли ж бы не могъ быти от вряду пойманъ и прочъ уехалъ, тогды врядъ маеть водлугъ учинку его и водлугъ статуту сказнь против него за доводомъ вделати и стороне жалобной выписъ сказанья своего дати, а жалобникъ с тымъ судовымъ листомъ маеть его везде, где можеть, постигати. А где подъ которымъ врядомъ постигнеть, оный врядъ будеть повиненъ тотъ суд другого вряду ку выполненью приводити. А где бы хто, хотя оселый в ыншомъ повете, а приехавши в который оный поветъ, где оселости не маеть, або подъ врядъ и до местъ нашихъ, учинилъ тамъ кому кгвалътъ, бой, раны, шкоду, розбой, забийство и який же кольвекъ збытокъ такъ шляхътичу и его подъданому, яко и местъскому ч[е]л[о]в[е]ку, тогды в таковыхъ припалыхъ речахъ, не отзываючисе до своего повету, повиненъ будеть за заказомъ передъ врядомъ замковымъ судовымъ тамъ, где што будеть смелъ учинити, стати и усправедливитисе. А естли бы черезь заказъ не усправедливившисе або заразомъ по учинъку первей заповеди уехалъ, ино врядъ замъковый того повету, в котором се то станеть, маеть с позвы своими на именью его, в котором бы кольвекъ повете было, послати, а жалобникъ, таковые позвы от вряду взявши, маеть тые позвы з вознымъ оного повету, в которомъ тотъ виновайца оселость будеть мети, на именью его положити, рокъ ознаймити чотыри недели, на который рокъ за оными позвы будеть обжалованый повиненъ перед тымъ врядомъ, подъ которимъ што будеть учинилъ, стати и усправедливитисе, яко на року завитомъ. А пакли бы на томъ року обжалованый не сталъ, тогды врядъ маеть противъ него сказнь для непослушеньства его безъ доводу на упадъ учинити и того сказанья своего стороне жалобной листъ судовый дати. А потомъ жалобникъ маеть с тымъ листомъ судовым до вряду замкового судового оного повету, где тот виноватый оселост[ь] мети будет, ехати, а оный врядъ, вгленувши в судъ або сказнь тую, маеть и повиненъ будеть заразомъ жалобнику на немъ самомъ водлугъ учинъку, а шкоду на именью и на маетности его отправити водлугъ оного суду и статуту. А слуги паньские неоселые, естли бы хто з нихъ таковый кгвалтъ и зраненье або шкоду якую кому учинилъ, маеть задеръжанъ быти у везен[ь]ю на замъку и на вряде двору нашого, подъ которимъ се то станет, а оный слуга о собе маеть дати знати пану своему. А если бы не мелъ черезъ кого знати дати, тогды врядъ, зъ его жъ статку нанявъши, повиненъ будеть пану его ведомость дати; естли бы тотъ панъ у великомъ князстве литовъскомъ оселость мелъ, тогды на близшое именье его з листомъ своимъ послати маеть; а неоселому у великомъ князстве литовъскомъ врядъ не будеть повиненъ ведати давати, одно оный слуга сам маеть се о томъ старати, ижъбы пану его ведомость о нем дошла. А врядъ толко до четырохъ недель маеть пана его, кимъ се озоветь, ку праву ждати, а панъ его повинень будеть тамъ до того вряду самъ приехати або кого прислати и чинен[ь]я справедливости прислухивати. Пакли ж бы панъ его самъ не приехалъ або и прислати не хотелъ ку прислуханью справедливости надалей до чотырохъ недель, а то, естли бы где далеко оный панъ былъ, тогды вжо врядъ самъ кгродский, осадивши при собе людей добрихъ, шляхъту, справедливость з нимъ жалобному чинити маеть подле сего статуту, а в речахъ такихъ, гдѣ о горъло не йдеть, можеть врядъ обвиненого на рукоемство слушное до права дати. А гдѣ тежъ хто кого невинъне объжаловалъ и за его обжалованьемъ на вряде задеръжанъ былъ, а тымъ задеръжаньемъ его обелжилъ, ку шкодамъ и накладом привелъ або о везенье приправилъ, тогды оный врядъ тамъ же заразомъ маеть того пилне дойзрети, гдѣ бы се то показало, ижъбы от того, хто невинъне его обжаловалъ, яко за обельжен[ь]е его водлугъ стану его навезку, такъ тежъ и за вси шкоды, которые бы се ему при бранью до везенья в маетности его стали, за доводомъ слушнымъ заплачоно и нагорожоно ему было кромъ жадныхъ позвовъ. А для того и оный, хто кого, в чомъ обвинивъши, на вряде задеръжить и оскаръжить, маеть быти до учиненья справедливости от вряду парукою уищонъ. Естли жъ бы врядъ в томъ которой кольвекъ стороне фолькговалъ, а скуточное справедливости и отправы укривъжоному тамъ же заразом не вчинилъ, тогды вжо не сторона, але врядъ самъ повиненъ будет яко навезку водлугъ стану его, такъ тежъ и шкоды вси за слушнымъ доводомъ оному, на вряде невинне обвиненому або укривжоному, платити.

Артыкулъ 30.

Што мають судити воеводове, старостове и деръжавцы и о ихъ позвехъ, о што мають даваны быти, и о сказанью за нестаньемъ сторонъ и о горачомъ учинъку.

Уставуемъ тежъ, хотечи мети, и даемъ моцъ, абы воеводове и старостове наши судовые, кождый в повете и вряде своемъ судовомъ, судили и справовали и позвы свои давали о тые арътыкулы, меновите тутъ описаные, то естъ о наездъ кгвалътовный на домъ шляхетъский, не толко на самый дворъ, але и на гумно або на дворецъ, гдѣ быдло и инъшое г[о]с[по]д[а]ръство домовое бываеть ховано, к тому о кгвалтъ костела хрестияньского водълугъ арътыкулу третего в розъделе одинадъцатомъ, о кгвалътоване паненъ и невестъ, о кгвалтъ в местех нашихъ, о розбой по дорогахъ, о злодейство, о фалшъ, о пожогу дому або гумна, о чародейство, о трутизну и отповедь от шляхътича шляхътичу на здоровъе або огнемъ, и о голову шляхетъскую, такъже и поручниковъ такихъ, которые бы о похвалъку на горъло або огнемъ кого ручили. Але о збеги слуги и подданыхъ вшелякихъ и челеди невольное, о то, похочеть ли, до кгроду або до земъства волно будеть позвать. А врядъ, а в небытности ихъ наместъники ихъ оселые з судьею и писаромъ замковыми, присяглыми и в том воеводъстве або повете тежъ оселыми, мають и моцъ мети будуть судити, отправовати и кончити подле сего статуту. А гдѣ бы хто на горачомъ учинку тыхъ вышей помененыхъ арътыкуловъ которого жъ кольвекъ стану былъ пойманъ, тогды тотъ маеть быти сужонъ без позвовъ. А тое иманье оселого на горачомъ учинку маеть се розумети, коли бы хто могъ быти пойманъ заразомъ того жъ часу на самомъ такомъ учинку, о што горъломъ карають. А естли бы, таковый збытокъ учинивши, заразомъ пойматисе не далъ, але бы зникалъ або се скрил, такового вольно искати з урядомъ, ведъ же не далей, одно от пополъненья того учинку через двадъцать чотыри годины зекгаровые. А то се маеть розумети о томъ, гдѣ бы се што такового збытку стало в месте альбо в селе, але хто бы и в томъ часе з места або з села, гдѣ ся учинокъ станеть до именья и до дому своего шляхетъского уехалъ альбо вшолъ, тотъ иманъ вжо быти не маеть, одно позыванъ, а неоселого завжды, коли и гдѣ может потрафити, волно имати. А пакли бы заразомъ на горачомъ таковомъ учинку оселый не былъ пойманъ, тогды вжо позвы от вряду замкового ку праву маеть быти припозванъ, за которыми позвы, звлаща в речахъ таких крвавыхъ, гдѣ о горъло идеть, сторона позваная не черезъ умоцованого, але сама очевисте повинна у суду становитися, а позву таковому кгродъскому рокъ не маеть быти долъжейший такъ за очевистымъ, яко и зао[ч]ным поданьемъ позву толко за чотыри недели. А естли бы хто якого кольвекъ стану, также и рожаю, будь мужского або и женьского, будучи до суду кгродъского позванъ, а за тыми позвы и на тотъ рокъ стати або, ставшы, а росправитьсе не хотелъ, а шло бы о такую речъ крвавую, за што горъломъ карають, тогъды тотъ врядъ маеть его за нестанъного на выволанье здати и о томъ намъ, господару, черезъ листъ свой отвороный ознаймити, а мы, тому не фолькгуючы, без всякое проволоки и откладанья на инъшый часъ, але заразомъ взявшы о томъ от того вряду на того ведомость такового обвиненого и вряду нашого непослушного, маемъ зъ земли паньствъ нашых казати выволати. А гдѣ бы выволаный, в таковомъ учинку хотечи се того справити, насъ, г[о]с[по]д[а]ра, о кглейтъ просилъ, тогды мы, г[о]с[по]д[а]ръ, таковымъ выволаньцомъ маемъ подънесенье на выволанье и листы наши кглейтовые ку справе зъ замереньемъ на то певного часу, и то неболшъ толко до трехъ разовъ, давати водлугъ арътыкулу в розделе перъвшомъ дванадъцатого, абы се за кглейтомъ нашимъ того, хто в чомъ будеть обвиненъ, справовалъ передъ урядомъ нашимъ оного жъ воеводъства або повету, гдѣ се початокъ тое справы станеть.

А што бы власному суду нашому, г[о]с[по]д[а]ръскому, належало, то мы сами с паны радами нашими без жадное проволоки и откладовъ судити и росправовати маемъ. Вед же тое подънесенье выволан[ь]я и кглейтъ нашъ предъсе горачому учинку и праву а каранью, о немъ в статуте описаному, ничого уближати и уймовати не маеть, але мужобойца, правомъ переконаный, горъломъ каранъ будеть, а головщина, навезка и шкоды, о што буде [!] позвано заразомъ безъ складанья роковъ статутовыхъ, яко сторона объжалованая на року позваномъ не станеть, маеть от насъ, г[о]с[по]д[а]ра, если се то в суду нашого точити будеть, а если на вряде, тогъды такежъ и от вряду нашого судового увязанье въ именье объвиненого, до сконъченья права дано быти, а о самого особу, яко вышей поменено, маеть врядъ на выволанье до насъ, г[о]с[по]д[а]ра, отослати. Ведь же в речахъ меньшихъ, не кривавыхъ, где о горъло не идеть, врядъ не маеть на выволанье нестаного отсылати, только для непослушенъства речъ, на позве описаную, без доводу сказати виненъ будеть, вынявши то, хто бы былъ позван о неучиненье досыть запису або суду и сказанью врядовому. Противъ таковому сказанье за узнаньемъ запису або водлугъ суду перъшого чинено быти маеть. Можеть тежъ врядъ кгродский судити о кгвалтовное выбитье з дому, з упокойного мешкан[ь]я и отнятья именья, людей и всяких кгрунътовъ, звлаща естли бы сторона укривжоная мимо судъ земъский для прудъшое справедливости хотела о то до кгроду [в оригинале "кргоду"] позвати обычаемъ и способомъ, нижей описанымъ. Еще тежъ позывано быти может до кгроду о збитье возного и неучъщенье листовъ, от него посланыхъ, и о мери на зъбожъе и на инъшие речи, неслушне надъ уставу сего статуту бранье, о безъправное везенье шляхтича, яко о томъ всемъ ширей на своихъ местъцахъ в томъ же статуте ест описано. А болшъ того надъ тые арътыкулы, вышей помененые и на судъ кгродъский в семъ статуте вынятые, не маеть суд кгродский позвовъ своихъ давати и судити. А естли бы надъ сее замеренье важилъсе врядъ кого упоръне судити, тогды судъ его не маеть быти деръжанъ.

Артыкулъ 31.

О опатръности везенья на врядехъ нашихъ и о бранью потуремного отъ вязней.

Уставуемъ, ижъ от вязневъ потуремного, поланцужного и от иного всякого везенья вряды наши, почавши от места нашого столечного Виленьского ажъ по всимъ инымъ замкомъ и двором нашимъ, не мають болшей брати, толко от шляхтича сорокъ осмъ грошей литовскихъ, а от боярина путного и чоловека простого двадъцетъ чотыри гроши литовъскихъ. А то врядъ маеть брати одинъ разъ, кгды остатнимъ разомъ вязенъ або на смерт[ь] або на вольность з везенья выходить. И естли вязень на волност[ь] выйдеть, то онъ самъ выкупитися тымъ з везенья маеть або тотъ, хто его невиньне осадити далъ. А где бы на смерт[ь] былъ выданъ, тогды сторона жалобная маеть то вряду заплатити. Ведъ же кождый врядъ нашъ, приймуючи вязня до везенья, вжо отсихъместъ в строжи от стороны тое, хто вязня подасть, потребовати не маеть, але принявши вязня за своею сторожо[ю] и [в оригинале: "о"] опатрностыо доброю такъ, яко бы до справы не утекъ, повиненъ будеть ховати, а сторона вязню своему, естли будеть неоселый, толко на страву на день по чотыри пенези винъна будеть давати. Прото для лепшое опатръности мають воеводове, старостове везде в замкохъ и дворехъ нашихъ судовыхъ казати побудовати вежы моцные и глубокие по шести сажонъ в земли, и при томъ инъшие, не в земли, лжейшое везенье, але предъсе за замъкненьемъ и добримъ моцнымъ обварованьемъ мети. А где бы вязень таковый, на которомъ вряде осажоный, утекъ, тогды тотъ, хто такового вязня в заведанью своемъ за порученьемъ воеводъ, старостъ судовыхъ мел, если вышогородъский або городничий, где такие вряды суть и будут ли мети собе вязни поручоные. А где вышогородъских або городничихъ нетъ, тамъ наместъникъ або подъстаростий, кому которий вязень от стороны жалобливое до везенья подан будеть, маеть того вязня надалей за дванадъцать недель отыскати и до права стороне ставити. А не отыщет ли за дванадцать недель, тогды шкоду, на чомъ сторона жалобная поприсягнеть або якимъ иншимъ слушным доводомъ доведет, виненъ будеть платити. И для того панове воеводове и старостове судовые тотъ врядъ догледанье вязневъ мають злецати и звератисе того людямъ добримъ, вери годнымъ народу шляхетского. А естли тотъ вязень будеть на горъло седелъ, а не могъ бы быть надалей до полугодья отысканъ, ино тот же врядъ, яко верху описано, которому бы от стороны тотъ вязень былъ поданъ або от воеводъ, старостъ ку осаженью и догледанью везенья злецонъ, з розсудку воеводъ, старостъ маеть отприсегнутисе, же тое утеченье сталосе без рады, ведомости и фолькги его и не за неопатръностью або недъбалостью его. А за голову або за раны, шкоды стороне за доводомъ слушнымъ нагороду и заплату учинити. А воеводове и старостове мають в такихъ речах безотволочную справедливость чинити такъ, ижбы в тыхъ часехъ, вышей замероныхъ, за дванадъцать недель або за полъгода сторона жалобная конечную справедливость и зъ отправою речы присужоное одеръжати могла, а оного вязня, гдѣ бы се потрафило, предъсе будеть волно такъ тому вряду, зъ чиего везенья утечеть, яко и стороне жалобной имати и правомъ передъ тымъ врядомъ, гдѣ его постигнеть, поконывати. А если врядъ того вязня постигнеть, тогды маеть на немъ собе шкодъ своихъ позыскивати або вязня стороне жалобной вернути. А коли ему подасть, тогды сторона тую нагороду, што от вряду возметь, верънути маеть. А гдѣ сторона жалобная сама оного вязня пристигнеть, тогды тые шкоды врадови тому верънути будеть повинъна, а того вязня водлугъ права наконецъ поконывать во всемъ томъ, о што ему идеть. А естли бы хто якого ж кольвекъ стану такъ своволный былъ, а вязня зъ замъку або двора нашого з везенья або тежъ вжо выданого на смеръть гдѣ на улицы або на дорозе кгвалтовне отнял або ката при таковомъ вязню забилъ, а не былъ бы заразомъ на таковомъ учинку пойманъ, тогды таковый, будучи о то до нас, г[о]с[по]д[а]ра, на рокъ завитый позванъ, самъ и с помочниками своими, яко бунтовники и взрушители права посполитого, горъломъ и отсуженьемъ почстивости карани быти мають, а шкоды и наклады стороны жалобное за доводомъ совито нагородити и заплатити таковые винъни будуть.

Артыкулъ 32.

О нечиненю фолькги у везенью.

Опатруючи то, абы владза врядовъ нашихъ и моцъ права посполитого ку завъстегненью своволенъства людъского до выконанья своего завжды приходила, уставуемъ и хочемъ то мети, ижъ кгды врядъ судовый земъский в которой земли або повете албо тежъ судъ головный за який выступъ кого водлугъ арътыкуловъ сего статуту до везенья скажеть и отошлет на везенье до замку або двору нашого судового, тогды врядъ нашъ кгродъский маеть и повиненъ будеть не только безъ жадныхъ вымовъ и фолькги таковыхъ людей до везенья приймовати, але гдѣ бы от суду земъского, головного и кгродъского которая особа на горъло была сказана, а змоцнивъшисе не далъ бы се осадити, тогды не толко врядъ врядови ку пойманью такового сказаного помочъ давати повиненъ, але врядъ местъский и место, в которомъ се то деяти будеть, противъ таковому непослушному або противному взрушитисе мають, яко бы таковый свовольникъ пойманъ и до везенья данъ и водлугъ сказни врядовое каранъ былъ.

А помочники таковые, которые бы поймати его боронили, таковой же вине и каранью подълегають, яко тотъ самъ злочинца, правомъ переконаный. К тому тежъ такий вязень, на горъло сказаный, по сказанью врядовомъ, кгды апеляцыя дойдеть до нас, г[о]с[по]д[а]ра, або до суду головного, тогды што намоцней везеньем осмотренъ быти маеть в той вежи, которая естъ на головники описана, до учиненья противъ нему декретъ от нас, г[о]с[по]д[а]ра, або от суду головного, до которого права апеляцыя належная допустить. Ведь же тыхъ, которые рукоемъство слушное по собе дадуть, тыхъ водле трыбуналу заховать. А такового вязня, который бы на горачомъ учинъку, за што горломъ карають, былъ пойманъ, и до замъку данъ, маеть моцъ врядъ оковами и ланцухами у везенью другомъ, где головниковъ не сажають, его опатрити, яко бы с того везенья не утекъ ажъ до росправы. А хто бы зъ едънанья за який выступъ свой везеньемъ теръпети самъ доброволне черезъ який часъ поднялъсе, тогды передъ часомъ, замероным седенью, врядъ кгродский не маеть вызволяти, ани фолькги у везенью чинити безъ позволенья самое стороны. А тымъ, которихъ право на седенье до вежи на дно скажеть, хотя бы и сторона противная волнымъ везенья чинила, вряд никоторое фолкги чинити не маеть, а тому всему мають досыть чинити подъ виною, в семъ арътыкуле нижей описаною. А хто бы з воеводъ, старостъ судовыхъ або ихъ врядниковъ того се важилъ, а тому вязню до вежи на дно, будь от насъ, г[о]с[по]д[а]ра, або от вряду кгродского, або тежъ от которого иного вряду нашого сказаному, якую фолькгу у везенью чинилъ и допущалъ ему собе седенье вышъшого, нижли на дне, чинити або комины у вежи будовати, або бы кому и в ынъшомъ лжейшомъ везенью фолкгу якую надъ сказанье судовое чинилъ, таковый воевода, староста або врядъ его и хто кольвекъ везенье в моцы своей мети будеть, будучи о то от стороны болячое до суду земъского позванъ на рокъ завитый, за доводомъ слушнымъ правнымъ повиненъ будеть той стороне болячой сорокъ копъ грошей заплатити, иле кроть о то позвано и переведено то на него будеть, а стороне болячой вольно будеть завжды того догледати, якъ и где вязень, будь за голову або за який иный выступъ, седеть. А врядъ кгродъский не маеть ему того боронити подъ таковою жъ виною, вышей описаною, колько бы раз о то его позвано и доведено. Ведъ же однакъ врядъ кгродъский маеть, хотя передъ нимъ самымъ правомъ переконаного албо от вряду земъского, або суду головного, до везенья по сказанью отосланого, не кождого до вежы в землю сажати, але водлугъ учинку и выступку, яко около того в семъ статуте описано. Прото в которомъ арътыкуле сего статуту вежа которому вязню поменена, тотъ в таковую сажонъ, которому тежъ другая, лжейшая, тотъ такъже в той сажонъ быти маеть водле выступу своего. А гдѣ бы хто оселый за який же кольвекъ выступъ свой поточный, окромъ кривавого выступъку, противъ которой особе народу шляхетъского албо противко врядови якому учиненый, на везенье которое водлугъ сего статуту сказанъ и до вряду отосланъ былъ, а досыть бы тому везенью на часъ назначоный не вчинилъ, тогды за выступокъ стороне своей противной сорокъ копъ грошей, а врядови другую сорокъ копъ грошей упадаеть и тыми винами до седенья маеть быти примушонъ водлугъ сего статуту розделу третего арътыкулу двадъцать семого. А естли бы неоселый тымъ же способомъ до такового везенья данъ былъ, а з него бы утекъ, которого тыми винами не было бы щого [!] примусити, а не былъ бы пристигненъ и повторе пойманъ, тогды тотъ врядъ маеть нам, г[о]с[по]д[а]ру, листомъ своимъ о томъ ознаймити, а мы того жъ часу без кождое проволоки маемъ такового неоселого зо всих паньствъ нашихъ выволати, яко о томъ в семъ же статуте естъ описано.

Артыкулъ 33.

О рочкох, кгродскому суду постановеныхъ, и о давности позванья до кгроду, о выбитье с покойного деръжанья.

Уставуемъ, ижъ рочки ку отправованью судомъ кгродъскимъ мають быти кождого месеца и починатися мають первшого дня личбы месечное. А гдѣ бы первшого дня свято трафилося, тогды назавтрее по святе рочки починатисе будуть, а трвати судовне мають через две недели, на которие рочки кождый, кому бы потреба указывала, маеть сторону свою порадъкомъ статутовымъ такъ от заочного, яко очевистого поданья позву за чотыри недели позывати. А хто бы за недоспехомъ своим не могъ бы за чотыри недели передъ початьемъ рочковъ позвати, тогды и тыдень в рочки рокъ приймованъ быти маеть, толко бъ от позванья чотыри недели сполнилися. А гдѣ бы за припадкомъ выбитья с покойного деръжанья в часе такъ короткомъ, жебы укривжоному ку позванью на рочки перъвшие чотырох недель недоставало, тогды таковому и на другие рочки волно будеть позвати, только бъ от выбитья до позванью десети недель не омешкалъ. Ведъ же если бы хто о выбитье з спокойного деръжанья до десети недель позвати не могъ с тых причинъ, то естъ за служъбою нашою, г[о]с[по]д[а]ръскою, земъскою або для поветрея морового, тогды. доведъшы того слушне водле права, ижъ за которою с тыхъ причинъ в десети неделяхъ не могъ позвати, предъсе и по выстью тыхъ десети недель позвы кгродские таковому ити и даваны быти мають, только бы зась по утишенью поветрея, або приехавши с послуги нашое до именья своего, зася десети недель не омешкалъ. А естли тыхъ причинъ предъречоныхъ не доведеть и не покажеть, тогды вжо о то до суду земъского позывати маеть на рокъ завитый, такежъ о выбитье або отнятье спокойного деръжанья.

Артыкулъ 34.

О позвехъ кгродскихъ и о року за ними завитомъ.

Уставуемъ, ижъ во всихъ таковыхъ речахъ, на судъ кгродский [в оригинале: "кгродским"] вынятыхъ, мамърамы на позвы мають быти даваны подъ печатми п[а]новъ воеводъ, а в поветѣх, где воеводъ нетъ, ино старостъ судовыхъ, а не ихъ намесниковъ. А рокъ за кождыми позвы кгродскими маеть быти завитый подъ страченьемъ права. А ведь же писаръ на томъ мамраме мает рукою своею написат[ь] дату, которого дня выдаеть тотъ позовъ, справуючисе далей водле арътыкулу осмънадцатого в том же розделѣ.

Артыкулъ 35.

О промешканью часу позванью до кгроду о голову шляхетскую и о наездъ домовый и иные учинъки крвавые.

Теж хто бы о голову шляхетскую и о наездъ кгвалтовный и крвавый на домъ шляхетский, где бы се стало забитье або зраненье, такъже о кгвалтъ костелный, о кгвалътъ паненъ и невестъ, о розбой, пожогу и инъшие речи крвавые, то естъ за што горломъ карают, на судъ кгродский вынятые, оселого в томъ паньстве не позвал ку праву черезъ тры годы, таковый вжо вечнѣ о то молчати маеть. Одно жъ где бы по забитой голове шляхетъской дѣти або близъские такие, кому бы о то правомъ чинити належало, еще летъ недорослыхъ были, або бы и дорослыми будучи, а въ томъ паньстве нашомъ не были, але бы мешкали где в ынших панъствахъ чужихъ, тогды таковые дети або близъские, дошедъши летъ зуполъныхъ або с чужихъ земль приехавъши, могут о то правомъ чинитн, толко бы по дошъстью летъ або по приеханью своемъ зъ земль чужихъ трехъ годовъ с позваньемъ не омешкали.

Артыкулъ 36.

О присязе старостъ замковъ и дворовъ нашихъ, г[о]с[по]д[а]ръскихъ, судовыхъ.

Постерегаючи мы, г[о]с[по]д[а]ръ, с повинности нашое справедливости светое, жебы на вшелякомъ местъцу в боязни божой отправована была, такъ уставуемъ, ижъ кождый староста замъковъ и дворовъ нашихъ судовыхъ, которие не суть в лавицы рады нашое и до рады на чиненье, захованье и помноженье справедливости и покою посполитого не присегали, такъ тые вжо, што тепѣръ староства такие судовые мають, яко и которие потомъ з ласки нашое, г[о]с[по]д[а]ръское, мети будуть, мають тепѣръ держачие такие староства скоро по выданью ку вживанью сего поправеного статуту на перъшихъ рочкохъ кгродских, а тые особы, которимъ по выданью сего теперѣшнего статуту поправеного на перъшихъ по томъ ихъ вступенью на тые староства рочкохъ кгродскихъ, тежъ при собранью шляхты, которие в тотъ часъ прибудуть, присегу на суды вделати ротою судьи земъского, а поколь того не учинить, потуль врядомъ своимъ шафовати не можеть. Ведь же тые воеводове и старостове теперѣшние украинъные, которие передъ нами, г[о]с[по]д[а]ремъ, присягу на вряды свои учинили, вжо не будуть повинъни повторѣ присягати.

Артыкулъ 37.

О установенью черезъ воеводъ, старостъ судовыхъ врядников ихъ судовыхъ кгродскихъ и о довоженью з ними справедливости.

Уставуемъ, ижъ воеводове и старостове судовые мають зособна кождый з нихъ на вряде своемъ выбрати и на судъ засадити наместника албо подъстаростего, судью замъкового и писара, людей добрихъ, цнотливых, годныхъ, в праве и писма руского умеетных шляхътичовъ, в томъ же поветѣ оселыхъ и родичовъ того панства, великого князства литовъского, которие, присегу вчинивъши ротою судьи земъского, а писаръ ротою писара земъского, а посполу вси три зуполный судъ заседъши, мають и моцъ мети будуть судити и справовати вси речи судовые, замку або двору нашому належачие. А которий бы с тыхъ на вряде былъ неоселый и неприсяглый, а воевода, староста суду зуполного дати не хотел, тогды сторона не повинъна будеть передъ такимъ судомъ отказывати. А тым неданьемъ оселого и зуполного вряду, если бы се кому проволока або якое уближенье праву стало, тогды воеводове, старостове судовые, кгды о то будуть передъ суд головный позваный [!], повинъни будуть сами укривжоному шкоду и наклады за доводомъ оправити и заплатити. А предъсе неоселых на врядехъ мети не мають, подъ страченьемъ того уряду з выроку нашого, г[о]с[по]д[а]ръского, кгды о то до насъ позванъ будеть. А естли бы се от оселого враду што недозреньемъ на томъ уряде и въ справе ихъ поблудило, а зъ статутомъ бы се права посполитого не згожало и што бы се стороне которой с кривдою от нихъ видело, тогды сторона жалобная в той кривде своей маеть от вряду земъского того ж повету листъ упоминалный взяти, абы панъ воевода або староста судовый в таковой речи справедливость з урядомъ своим ей учинилъ. И тотъ листъ упоминалный маеть быти врядовне положонъ такимъ обычаемъ, яко и о инъшихъ листехъ врядовыхъ покладанью естъ в семъ статуте описано. В том же замъку або дворе нашомъ, где хто естъ воеводою або старостою, а от положенья того листу упоминалного меновите за чотыри недели маеть панъ воевода або староста, будь самъ прибывши особою своею до того вряду своего або на местъце свое, кого его воля будеть, засадившы, и черезъ тыхъ особъ засажоныхъ жалобнику справедливости з урядомъ своимъ учинити. А где бы самъ панъ воевода або староста судовый або от нихъ на то особы высажоные справедливости з урядомъ таковым на тотъ рокъ, веръху мененый, не учинили, тогды о то стороне жалобной волно будеть позвати таковый врядъ кгродский до суду головного трибунальского, покладаючи позовъ такежъ на местцу судовомъ воеводъства або староства ихъ. А хотя бы панове воеводове и старостове сами або тые особы, которые от нихъ на то высажоны будуть, чинили справедливость, але бы се стороне жалобной розсудокъ и сказанье ихъ не водлугъ права видело, тогды той стороне жалобной волно будеть в той мере до суду головного трибунальского апелевати и отозватисе. А в томъ часе до очевистое росправы, яко з урядомъ кгродъскимъ, такъ же и зъ самыми воеводами и старостами судовыми никоторая отправа стороне чинена не маеть быти.

Артыкулъ 38.

Абы судъ кгродъский рочковъ не омешкивалъ, хотечи то мети, абы справедливость без отволоки кождому укривжоному доходила.

Уставуемъ, абы воеводове, старостове судовые, а в небытности ихъ, ино врядники ихъ судовые рочковъ судовыхъ кгродъских под тою жъ присегою своею, на врядъ ихъ учиненою, не омешкивали, але ихъ кождого м[е]с[е]ца отправовали. А который бы з урядниковъ кгродъских на которые рочки кгродъские за хоробою своею або за потребами своими властными на тыхъ же рочкохъ або рокохъ земъскихъ, подъ тымъ часомъ отправуючихъ, в ыньшомъ повете припалыми, на рочки не прибылъ, тогды на другихъ рокохъ винен будеть передъ шляхтою поведити, подъ тою жъ присегою, на врядъ его учиненою, ижъ подъ часомъ тыхъ рочковъ, на которые не прибылъ, правдиве хор былъ або свои властные потребы правные на рочкохъ кгродъскихъ або рокохъ земъскихъ въ иншомъ повете мелъ. А где бы которий с тых врядниковъ кгродъскихъ без правдивое обложное хоробы, або властное пилное потребы своее в другомъ повете на рокохъ не маючи, рочковъ судовыхъ омешкалъ або неслушне розоръвалъ, а то бы се до трехъ разовъ на него показало, таковый врядъ свой тратить. А воеводове, старостове повинни будуть такого непильного и недбалого врядника своего, кгды то на него правне доведено будеть, с того вряду зложити, а на тое местъце инъшого уставити.

Артыкулъ 39.

О кривдахъ в речахъ крвавыхъ, суду кгродскому належачихъ, кому бы се деяли от воеводъ, старостъ судовыхъ и ихъ врядниковъ кгродскихъ судовыхъ зъ ихъ оселостей.

Постерегаючи мы, г[о]с[по]д[а]ръ, того, абы всимъ подданым нашимъ однакая и ровная справедливость одному з другимъ деялася, уставуемъ, ижъ где бы хто з воеводъ, старостъ [в оригинале: «староствъ»] судовыхъ албо зъ их врядниковъ судовыхъ кгродскихъ, наместникъ або подстаростий, будь тежъ судья або писаръ, маючи именья в том же повете, где они суть врядниками судовыми, а с тых такихъ именей своих кому якую кривду в речахъ крвавыхъ и што кгродскому суду судит[ь] прислухаеть, будь сами або их врядники, слуги, бояре и подданые учинили, а они бы зъ своихъ слугъ подъданыхъ справедливости о то укривжоному вделати не хотели, тогды воеводове, старостове сами о то мають быти позывани с тых именей своихъ до инъшого близшого вряду и суду кгродъского того повету, с которимъ будеть о границу з оным другимъ поветомъ, в которомъ ся што будеть стало, кладучи позвы через возного того жъ повету, с которого и позвы выйдуть, на томъ именью ихъ, с которого се кривда дееть. А врядъниковъ ихъ судовых, естли жалобная сторона не схочеть до воеводы и старосты позвати, тогды волно ей будеть позвати такожъ, яко вышей описано, до другого прилеглого суду кгродъского. А воеводове, старостове и ихъ врядники в ономъ другомъ повете, не вымовляючисе вызваньемъ з своего належного повету, повинъни будуть передъ тымъ другимъ урядомъ за позвы становитисе и росправу в такихъ речахъ водлугъ права приймовати. А зостанут ли в чомъ с права виньни, тому тотъ же врядъ, которий судилъ, и отправу на нихъ и оселостяхъ ихъ водлугъ порадъку сего статуту чинити маеть. Оповеданье тежъ и записыванье тыхъ кривдъ и всякихъ иныхъ поступковъ правныхъ маеть быти чинено, где жалобная сторона похочеть - або в том же кгроде того повету, где се што станеть, або на том же другомъ уряде, до которого и позван[ь]е в семъ артыкуле указано.

Артыкулъ 40.

О поправенью облуженья або сказни неправъное вряду кгродъского и земъского, за нестаньемъ стороны позваное учиненое, и о недопущенье апеляцыи, гдѣ о то врядъ позывати.

Тежъ уставуемъ: где бы се то притрафило, жебы врядъ кгродъский або земъский в нестанью стороны позваное, за упорнымъ сказанемъ своимъ, неправне або в такой речи, которая бы суду его не належала, далъ кому отправу, увезанье в ыменье [в оригинале: «в ыйменье»] або в который колвекъ кгрунътъ, або бы очевисте сторонамъ, у суду стоячимъ, в недопущенью апеляцый сторона которая собе кривду от вряду менила, тогды о такие речи судъ земъский, толко судья а подъсудокъ мають быти позвани на рокъ завитый пѣредъ судъ головный. А о кривду в сказанью судовомъ писаръ такъ земъский, яко кгродский позываны быти не мають и за судъ отказывати не будут повинъни, кгды жъ они моци до чиненья выроковъ не мають. А хотя бы были и позвани, тогды становитисе не будуть повинны, одъно ж где бы который писаръ в омылце або недоложен[ь]ю якого писан[ь]я был обвинен, таковый о то такежъ позыванъ быти может до суду головного. А вряд кгродский в таковом обвинен[ь]ю мает быти ку росправе притягиван до того суду и тым порядком, яко о том вышей в арътыкуле сего жъ розделу естъ описано. А естли бы се з очивистого мовенья стороны жалобное з урядомъ тое неправное сказанье которого вряду показало, тогды таковая сказнь маеть быти поднесена и на сторону отложона. И такъ укривжоному маеть быти вывезанье дано и оное именье або кгрунтъ отсужоный зася ему приверъненъ. А тому, кому за токовымъ [!] неслушнымъ сказаньемъ увязанье было дано знову волное мовенье з стороною, естли онъ похочеть, маеть быти заховано. Также и тому, с чюего [!] держанья именье вынявши, тому, хто неслушне право перевелъ, подано о шкоды, которие се стали за держанья его, у суду належного зъ стороною волное мовенье будеть. А к тому стороне той, противъ которой первей сказанье было вчинено и увязанье бы в маетность его дано, виненъ будеть такий врядъ, которые позвани и в томъ винъными найдены будуть, вины дванадцать рублей грошей там же у суду заплатити. Пакли ж бы з розъсудку суду головного противъ врядниковъ земъскихъ або кгродъскихъ або тежъ з суду воеводъ, старостъ судовыхъ противъ ихъ врядниковъ нашлосе то, же сказнь врядовая слушне через нихъ вчинена, тогды тотъ упоръный, который судъ рушилъ и ку волоките невинъне приводилъ, маеть вины тымъ врядникомъ судовымъ, которые от него будуть позвани, дванадъцать рублей грошей там же у суду заплатити. А судъ ихъ правный ку выконанью своему, водлугъ права привожонъ быти маеть. Ведъ же от воеводъ, старостъ и в таковой речы апелевати до суду головного вольно будеть.

Артыкулъ 41.

О злый переводъ права через сторону и гдѣ о то позвати.

Хто бы противъ кого право якое такъ у суду земъского, яко и кгродъского и в которого кольвекъ иного вряду якимъ форътелемъ або омылъкою якою справою заочне, за нестаньемъ стороны позваное, перевелъ, будь рокъ який неправдивый, змышленый в неведомости стороны противное утворившы, або на якую речъ за записы якими змышлеными, неправдивыми, сказанье врядовое одеръжавши, тогды тотъ, противъ кому сказанье выйдеть, можеть о такий злый а неправдивый переводъ права до того жъ вряду, передъ которимъ будеть право переведено, сторону противную позвати. И кгды се в томъ виннымъ с права окажеть, тогды тотъ судъ перший маеть быти подънесенъ и внивечъ оберненъ. А тотъ, хто змышленымъ обычаемъ право переводилъ, за тую вину маеть седети в замку албо в дворе нашомъ судовомъ дванадъцать недель, а стороне своей противной дванадъцать рублей грошей заплатити. А то в речахъ такихъ, где горъла не заслужить. Ведъ же естли бы се на томъ праве оказалъ який фалшъ и подъступокъ значный, явный, за што бы слушнѣ водле права мелъ быти горъломъ каранъ, тогды такового вряд маеть судити, сказовати и карати водлугъ сего права посполитого и выступку его. Пакли ж бы тотъ, хто позоветь о злый переводъ права, тое жалобы своей не довелъ, але бы тое позванье чинилъ ку зволоце справедливости, а тое бы ся противное стороны поступокъ перъший слушный правный оказалъ, тогды сам тотъ жалобникъ оной противъной стороне своей также вины дванадъцать рублей грошей маеть заплатити и на замку або в дворе нашомъ дванадъцать недель седети. А оному суду перъвшому маеть отправа быти чинена водлугъ сказанья и права посполитого. А гдѣ бы хто, о злый переводъ права припозвавши в речахъ крвавых, гдѣ пойдеть о горъло, менилъ то, же ему о позве ведомость не дошла была, тогды маеть на томъ присегнути, же его ведомость о позве не дошла, и по присязе от перъвшого сказанья воленъ будеть, а на речъ самую тамъ же заразомъ отказовати маеть. А то се маеть розумети о заочномъ положенью позву.

Артыкулъ 42.

Роки завитые в которыхъ речахъ мають быти складаны у суду земъского.

Напервей, хто кого позоветь о заставу ку бранью п[е]н[е]зей, хотя сторона позваная не станеть на роки первшие, тогды предъсе судъ не маеть откладати на далшие другие роки. Але на перъшомъ року яко на завитомъ, первой выслухавши доводу стороны поводовое, яко о томъ нижей описано, тожъ маеть всказанье учинити и въвезанье стороне поводовой дати, взявши от него п[е]н[е]зи до вряду, и при книгахъ судовыхъ мають быти положены до того часу, ажъ сторона позваная ихъ озметь. Другое: о выбитье з дому зъ спокойного мешканья и отнятье именья, людей и всякихъ кгрунътовъ, где бы омешкалъ або не хотелъ о то до кгроду позвати. Третѣе: о всякую речъ сужоную рокъ завитый за перъвшим позвомъ. Четвертое: о слугу якого жъ кольвекъ стану або чоловека, або челядина домового, который бы от пана своего такъ шкоду учинивши, яко и не зашкодивши, прочъ утекъ. Пятое: о мыто, о мостовое, о гребелное, торговое и перевозы князские, паньские и шляхетъские, также и всякихъ становъ, естли хто на комъ або на подданомъ чиемъ мыто неслушне возметь або шкоду якую учинить. Шостое: хто бы езами або млынами, гатми, мостами реки портовые гамовалъ, проходу або дороги слушное не вчинивши, а за тымъ бы се шкода кому стала. Семое: естли ся хто кому добровольне описалъ и рокъ в листе своемъ ознаймил, а не учинилъ бы тому досыть. Осмое: о розделъ именей и маетности всякое межи брат[ь]ею и сестрами, и близъкими, также и з опекунами детемъ лѣтъ дорослымъ, за первшыми позвы маеть быти рокъ завитый. Девятое: на поручника и на приказъцу. А поручнику и приказъцы зъ истъцомъ, по комъ ручилъ, маеть быти завитый рокъ. Десятое: о выеханье на кгрунтъ вряду подкоморъского и комисаръского. Одинадъцатое: о обельживость возныхъ на справе уряду ихъ. Дванадъцатое: о кривды подъданыхъ г[о]с[по]д[а]ръскихъ от шляхты, гдѣ права майдебуръского нетъ. Третѣенадъцать: о вдове утратъной, на вдовимъ столцу будучой. Четвертоенадъцать: о вины нашы, г[о]с[по]д[а]ръские, врядовые и сторонамъ належачие. Пятоенадъцать: о головщины людей стану простого. Шеснадъцатое: о бранье пересудовъ и потуремного надъ уставу статутовую через кн[я]зей, пановъ, шляхъту и врядниковъ ихъ и о вину на подъкоморого. Семнадъцатое: о грабежъ вшелякий и о заплату испаши. Осмънадъцатое: хто бы под часомъ роковъ який збытокъ учинилъ и, не росправивъшисе, уехалъ. Деветнадъцатое: о кривды от врядниковъ г[о]с[по]д[а]ръскихъ зъ их врядовъ, одно не о добра, столу нашому належачихъ, и о оборону ихъ, яко о томъ въ инших арътыкулехъ естъ описано. Двадъцатое: о полюбовъный судъ. Двадъцать перъвое: о выбитье або отънятье з деръжанья по увезанью. Двадъцать второе: о загамованье листовъ отвороныхъ. Двадъцат[ь] третѣе: о кривду подъ часомъ военънымъ вчиненую. Двадъцат[ь] четверътое: о дохоженье долъгов по змеръломъ должнику на именьяхъ спадъковых оного змерълого водлугъ арътыкулу осмънадъцатого в розделе семомъ. Двадъцать пятое: о навезку за выводомъ шляхетъства водлугъ арътыкулу пятьдесятого в розделе одинънадъцатомъ. А в тыхъ всихъ речахъ, тымъ рокомъ завитымъ подъданыхъ, в семъ артыкуле и тежъ въ иншыхъ арътыкулехъ сего статуту описаныхъ, за позвы земъскими рокъ маеть трвати, водле давного обычаю права, до третего дня такъ позваной, яко и поводовой стороне. А гдѣ бы которая сторона через три дни за воланьемъ возного безъ причинъ правныхъ, в семъ статуте замероныхъ, не стала, тогды вжо в той речи, на позве описаной, упадаеть и вечне то стратить, абовемъ моцъ роковъ завитыхъ у суду земъского и кгродъского такую хочемъ мети, ижъ кождого стану чоловекъ, будучи позваный на рокъ завитый, не можеть се на року завитомъ большими справами въ инъшихъ поветехъ и никоторими иными причынами вымовляти, окромъ трехъ причынъ, то естъ хоробы обложоное и послуги нашое, г[о]с[по]д[а]ръское, земское, в семъ статуте менованое; а третяя причина: естли бы се коли то трафило, жебы одна особа в речахъ крвавыхъ до двухъ судовъ кгродъскихъ была позвана, яко о томъ въ артыкуле двадъцать семомъ сего жъ розделу ширей ест описано. Ведъ же и тая обмова противъ року завитому толко на одныхъ рокохъ и за одными первшыми позвы маеть быти допущона, а на другихъ рокох або рочкохъ кгродъскихъ вжо се и тыми причинами вымовляти нихто не будеть мочи, але албо самъ албо черезъ умоцованого у суду становитисе и росправити повинен будеть, вынявши то, естли бы хто, будучи отосланъ на послугу нашу, г[о]с[по]д[а]ръскую, земъскую зъ границъ паньствъ нашихъ, не могъ се оттоль боръздо звернути, таковому до зверъненья с послуги нашое и земъское фолькга в праве чинена быти маеть водле сего статуту. А гдѣ бы тежъ сторона позваная без причын правныхъ, вышей мененыхъ, не стала, таковая речъ свою, о што позвана, тратить, и суд на таковомъ за доводомъ правнымъ то, што в позве описано, сказати маеть. Такъ тежъ и поводовая сторона, позвавъшы на рокъ завитый, сама не стала и року своего не пилновала, таковая также речъ свою, о што позвала, вечне тратить.

Артыкулъ 43.

О позвехъ наших земскихъ и кгродъскихъ, и якъ долъго трвати мають.

Уставуемъ тежъ, ижъ кождые позвы уряду земского и кгродъского, такъ тые, которыми бы не позвано, и яко и тые, которыми бы позвано, далей трвати и в моцы своей быти не мають, толко на одны роки судовые земъские албо рочки кгродъские, передъ которыми ихъ взято. И для того тые роки земские и рочки кгродъские, на которые се тыми позвы позывати будуть, в оныхъ позвехъ меновите мають быть описаны, окромъ того, естли бы по заложенью позвовъ роки земские або рочки кгродские сполъзли не сужоные за войною або поветреемъ, або за иншыми якими с часомъ припалыми причинами, о чомъ естъ нижей въ артыкулехъ сего жъ розъделу описано.

Артыкулъ 44.

Хто бы кого от суду належного до иного повету албо вряду и суду вызвалъ.

Уставуемъ, хотечи мети, абы нихто никого от суду належного до другого вряду и суду, то естъ яко о речи, земскому суду належачие, до вряду кгродского, такъ о речы вынятые на кгродский судъ, до земъского вряду и тежъ с повету в ынший поветъ, ани до комисаръского, подкоморъского и жадного иньшого суду неприналежного, также ани перед насъ, г[о]с[по]д[а]ра, ани перед судъ головный надъ сесь статутъ и порядокъ его и тежъ надъ артыкулы оного головного суду постановеные не смелъ вызывати. А хто бы то учинил, а до инъшого вряду и суду належного кого вызвалъ, тогды позваный толко ведомость вряду тому, до которого будеть позванъ, о таковомъ непорядномъ и неслушномъ позванью самъ або черезъ посланъца своего, на то умоцованого, маеть дати и обмову в томъ учинити. А таковыхъ позвовъ послушонъ быти и стороне за ними отказывати не будеть повиненъ, але еще тотъ, хто таковые позвы озметь и ими позоветь, за то, же мимо судъ свой належный смелъ то учинити, маеть заплатити вины тому вряду, отъ которого вызвалъ, копу грошей, а стороне - три рубли грошей. А то в тотъ часъ, кгды бы жалобникъ повторѣ о тую жъ речъ позвалъ и тые вины тотъ врядъ належный мает собе и стороне отъправити заразомъ, не позываючи о то, где бы оселый в томъ же повете былъ, тогды на оселости его. А естли бы оселости в ономъ повете не мелъ, тогды на маетности его рухомой. Пакли ж бы жалобникъ, позвавъши до суду належного, самъ не сталъ, а позваный становилсе, тогды предъсе позваному волно будеть о тую вину оного жалобника позвати на рокъ завитый до суду земъского з оселости его, в которомъ колвекъ повете мети ее будеть. А врядъ винѣнъ будеть ему тую вину сказати и на оселости его отправити, окромъ того, хто бы записомъ своимъ листомъ властнымъ, отступуючи повету албо которого суду своего належного, въ який иншый судъ доброволне ся вдалъ и опроч тое причины, которая ув ыншихъ артыкулехъ допущаеть с повету вызвати.

Артыкулъ 45.

О таковыхъ, которые бы, не маючи в которомъ поветѣ оселости, другого оселого позвалъ, а шло бы имъ обудвумъ сторонамъ о одну речъ, такъже и о томъ, который нигде оселости не маеть.

Тежъ уставуемъ: коли бы хто, не маючи в которомъ поветѣ оселости, другого кого там оселого позвал, а шло бы имъ обудвумъ сторонамъ о одну речъ, тогды тотъ позваный оселый можеть заразомъ не отповедати и в право сѣ не вдавати, аж бы се тежъ онъ противникъ его неоселый тамъ поддалъ и обвезалъсе листомъ своимъ и сознаньемъ перѣдъ врядомъ ему в томъ, гдѣ о одну речъ идеть, тамъ же у его поветѣ отповедати и усправедливятися [!], не отзываючисе и не беручи собѣ до суду и повету своего. А кгды ся поддасть под тое и обвяжеть, тогды предъсѣ оный позваный за тыми жъ позвы на оный же часъ наперѣдъ будеть ему повиненъ усправедливитися. Пакли ж бы тотъ приеждчый жалобникъ зъ иншого повету, одеръжавшы собе справедливость, а позваному зася не усправедливившися, прочъ от суду от[ъ]ехалъ, тогды тотъ судъ и сказанье, ему вчиненое, не маеть быти ему выконывано. А естли бы хто нигдѣ в томъ паньстве, великомъ князстве литовском, оселости не маючи, оселого в которомъ повете позвалъ, а позваный бы до него, будь о тую жъ речъ албо о которую иншую дело мелъ, тогды таковый маеть напередъ по собе паруку оселого в томъ же повете дати, ижъ нигдѣ индей, одно на томъ же уряде стороне своей противной усправедливятися заразомъ скоро по своем праве будеть повиненъ. А гдѣ бы по своем праве уехалъ, не росправившисе з стороною противною, тогъды такежъ сказанье оное перъшое ему вделаное, до выконан[ь]я привожоно быти не маеть, а речи своее позваный местъцо истъца на паручнику искати тамъ же заразомъ маеть. А гдѣ бы и поручникъ не росправившисе уехалъ, тогды з нимъ за позвомъ справедливости доводити собе будеть у суду належного.

Артыкулъ 46.

О рокохъ, которые судья, подъсудокъ и писаръ зъеждчатисе и позваные передъ ними становитисе повинни, а подъ которымъ часомъ роки сужоны быти не мают.

Тежъ уставуемъ, ижъ суды земъские мають быти трикроть до году, то естъ трои роки судовые, на которые будуть повинъни судья, подъсудокъ и писаръ на одно местъце в кождом воеводъстве и повете, а в земли Жомоитъской такъже на местъца певные, судомъ назначоные, зъеждчатися и тамъ такъ долго мешкати, поки вси справы судовые отсужоны и сконъчоны быти могуть. А в которомъ повете на двухъ местъцахъ роки земские отсужованы бывають, тогды и до тыхъ местцъ вряд приехавшы по тому жъ ся около мешканья на отправу судовъ заховати маеть, яко о томъ вышей в семъ же арътыкуле описано, прызнаваючи кождому позванью очывистому и заочному рокъ передъ кождыми роками водле артыкулу осмънадъцатого в сем же разделе. А часъ приеханья всихъ трехъ урядниковъ на другое местъце судовое от початья роковъ земъскихъ в чотырох неделях. А позванье и поводъ будуть повиньни перед ними се становити обычаемъ и способы, в особливыхъ арътыкулех описаными. А роки мають быти сужоные: первшые о светой тройцы рымского свята и назавт[р]ее ся в понеделокъ почнуть, а другие — ув осень на день светого Михала рымского свята, и так же се назавтрее почнуть; третие — на день и свято трех кролей зиме и так же ся назавтрее почнуть. А потомъ в другом году, также на день светое тройцы рымского свята назавтрее се почнуть. А суд[ь]я, подсудокъ и писаръ мають суды справовати и на суде седети кождого дня, кромъ недели, от поранку до нешпорное годины. А позвы судити порадне з рейстру, не глядечи [!] на особы а не фолькгуючи в томъ никому, але который первей уписался в рейстр, тотъ наперѣдъ сужонъ быти маеть. А ведь же подъ тымъ часомъ роки сужены быти не мають, перъшое: если бы послуга наша, г[о]с[по]д[а]ръская, земъская, военъная з сойму валного посполитымъ рушеньемъ была уфалена и листы бы наши военъные зашли, ино для готованья на войну за шесть недель не мають быти роки сужоны, то естъ перѣдъ часомъ збиранья войска [в оригинале: "вомска"] зложонымъ, а где бы часъ певный и местъцѣ збиран[ь]я войска в листехъ наших не было ознаймено, толко о готовость на войну листы высланы были, тогды предся роки мают быт[ь] сужоны. А кгды бы такъ с тое причины за войною роки сужоны не были, тогды по войне, на первшихъ рокохъ, водле статуту припалыхъ, мають ся стороны, знову припозвавшы, росправовать. Другое: естли бы, чого боже уховай, в которомъ повете поветрее моровое было, а то бы се значне показало, подъ такимъ часомъ в ономъ повете такъже роки не мають быти сужоны; а по томъ часе, яко поветрее оминеть, маетъ врядъ судовый земъский в ономъ повете другие роки судовые, в статуте описаные, близъко припадаючие, судовне, отправовати. А на тыхъ рокохъ мають стороны, знову припозвавшися, росправовати. То ж ся маеть розумети и [в оригинале второе "о"] о такихъ рокохъ, которые бы не были сужоны за зейшстемъ з сего света которого врядника судового. А также где бы ся то трафило, жебы в томъ часе межы роковъ хто с которое стороны, будь жалобное або позваное, умеръ, тогды с тое причины позовъ маеть быти отновленъ водлугъ потребы, албо естли бы сторона жалобная сама хотела и при животе позваного позовъ отменити и на нимъ ся поправити, то ей волно будеть.

Артыкулъ 47.

О суженье роковъ земъскихъ и рочковъ кгродъскихъ подъ часомъ соймов вальныхъ и о обранью врядника судового в посельстве.

Забегаючи продлуженью непотребному справедливости людъской, уставуемъ, ижъ подъ часомъ соймовъ вальныхъ роки земские и рочки кгродъские и иные всякие суды отправованы и сужоны быти мають, одно вынемъшы тыхъ особъ пановъ радъ нашыхъ, которые бы на съемъ вальный ехали, такъ тежъ которые бы справы судовые, соймови належачие, передъ нами, г[о]с[по]д[а]ремъ, на сойме мели, будь за мандаты або позвы нашими дворъными. И тежъ послы с кождого воеводъства и повету и земли Жомоитъское, будучы на съемъ вальны [!] от обывателей с поветовъ на соймикахъ обраные и посланые от судовъ всякихъ, подъ соймомъ волни будут, ажъ поки ся з сойму зверънуть. Однакъ же кождый такий маеть ся суду и стороне листомъ своимъ отворонымъ с печат[ь]ю своею и с подъписомъ руки своее, а хто писати не умееть, за печат[ь]ю своею и з двема печатьми людей сторонъныхъ шляхъты черезъ приятеля або слугу своего обмовити. А потомъ предъся тот, хто на сойме валномъ при нас, г[о]с[по]д[а]ри, яко ихъ м[и]л[о]сть панове рада и послове або и инъшые станы, которые справы свои на дворе нашомъ за мандаты або за позвы маючие будуть, естли бы на первшыхъ рокохъ земъскихъ або рочкох кгродъскихъ, водлугъ порадъку статутового по ономъ сойме припалыхъ и судовне отправуючихъ, о бытности своей на сойме або о справахъ своихъ, которие на сойме валномъ мели и судовне отправованы были, сведецъства на писме с канъцляреи нашое не показали, тогды за другими позвы на другихъ рокохъ нестанъное платити, а на речъ самую з стороною росправу прыняти повинъни будуть. А где бы шло о речи, завитому року подлегълые, в семъ статуте в особливыхъ арътыкулехъ описаные, тогды врядъ сказанье за тыми ж позвы на другихъ рокохъ, по сойме напервей судовне отправуючихъ, стороне поводовой кромъ доводу учинити и отправу черезъ возного, яко на непослушного, вделати маеть. Пакли жъ бы которого зъ урядниковъ земъскихъ на соймику посломъ на съемъ великий валный обрано, тогды на местъце такого врядника, в посельстве обраного, мають заразъ на томъ же соймику або на рокохъ земъских шляхъта, рицеръство посполъ з урядниками, тамъ на соймикъ або на роки прибылыми, иншого кого шляхътича оселого, спросталого, ку отправованью тыхъ роковъ, подъ соймомъ прыпадаючыхъ, до зверъненья того врядника обрати. Который обраный шляхтичъ, присягнувшы на справедливый судъ, будет мети моцъ зъ иншими позосталыми врядники тые роки судити и отправовати. А гдѣ бы не хотелъ присягнути, тогды роки сужоны быти не мають. Где бы тежъ обранъ былъ посломъ которий врядникъ судовый кгродъский, на того местъце воевода або староста маеть иншого шляхътича оселого засадити и того листомъ своимъ шляхъте на рочкох ознаймити. А тотъ обраный такежъ виненъ будет на справедливый судъ присягнути.

Артыкулъ 48.

Которымъ бы се деяли якие кривды от врядниковъ, слугъ, бояръ и подданыхъ чиихъ кольвекъ.

Уставуемъ: естли бы кому от чиихъ колвекъ врядниковъ, слугъ, бояръ и подданыхъ якие кривды, шкоды в речахъ поточныхъ, кромя забранья кгрунтовъ, деялися, тогды маеть сторона жалобливая взяти от писара земского позвы, в которыхъ, описавшы всю жалобу свою, того докладат[ь], абы ему с тыми обвинеными рокъ праву зложил и справедливост[ь] вделалъ. А гдѣ бы року зложит[ь] и справедливости вделати не хотелъ, абы за тыми жъ позвы ку праву самъ сталъ и тых, на кого жалоба идеть, у права поставилъ. А то в тыхъ речахъ, которые земъскому суду належать, от земъства, а што кгродскому суду, то также з кгроду позвы таковые браны быти мають, и с такими кождыми позвы маеть укривжоный ехати або слати з вознымъ до того пана, от чиего врядника, бояръ, слугъ и людей кривъды кому ся деяти будуть, справедливости просечи. А кривды и шкодъ своихъ рейстръ дати маеть, звлаща если бы се на самомъ позве меновитѣ не доложилъ. А гдѣ бы самыхъ пановъ в тыхъ именьяхъ ихъ, с которыхъ кривда деется, не было, ино до врядниковъ ихъ, абы они на слугъ, бояръ и людей пана своего справедливость чинили. А где бы возного с такимъ позвомъ у дворъ не пущоно або и пустившы в дворъ, панъ самъ, або врядникъ албо тивунъ, не оказали бы се возному, тогды оный позовъ маеть быти черезъ возного покладанъ на именью томъ, с которого ся кривда дееть, тымъ порядкомъ, яко о покладан[ь]ю позвовъ естъ доложоно. А рокъ праву за такими позвы не маеть быти дальшый от нихъ покладанъ, одно чотыри недели от поданья або положенья того позву. И на томъ же именью, где позовъ будеть положонъ, справедливость чинена быти маеть. Естли бы тежъ сторона тая, которая такимъ позвомъ обнесена будеть, похотела чинить справедливость стороне и ближей, нижли за чотыри недели, маеть черезъ возного листомъ своимъ отворонымъ сторону жалобную обослати, упевняючы его в томъ, ижъ хочеть ему справедливость учынити водле оного позву. Ведъ же не ближей толко за две недели передъ оным рокомъ тое обосланье чынено быть маеть. И будет ли хто за таковымъ позвомъ справедливости на именью своемъ самъ панъ або его врядникъ чинити, тогды того суда своего маеть стороне своей листъ свой судовый подъ печатью своею и под печатьми людей сторонъных и возного, которые бы на томъ праве были, того жъ дня а надалей дозавтрея по сконченью права дати. А где бы листу судового хто не далъ албо хотя бы и далъ, а сторона не хотела бы в онъ часъ заразомъ на томъ суде албо и листе судовомъ перестати, менечи собе уближенье в суде албо в писанью листу судового, тогды возный, которий на такомъ праве будеть, маеть то до книгъ сознати, якъ ся тое право точило, и тымъ ся сторона поводовая у права подъпирати маеть. А естли жъ бы яко панове сами, такъ и врядники ихъ, очевисте будучы такъ упомнени, року праву зложыти и справедливости учинити не хотели, тогды за онымъ же позвомъ повиненъ будеть на рокохъ становитисе и в томъ се усправедливити. А пакли бы заочне тотъ позовъ на именью положонъ былъ, тогъды сторона жалобная маеть от положенья позву за чотыри недели, хотя бы и рокъ не былъ зложонъ, до того именья ку довоженыо собе справедливости ехати албо кого з моцъю от себе ку праву слати. Если жъ бы тотъ панъ албо врядникъ, тивунъ его, на тотъ рокъ справедливости не учинилъ, ино сторона позваная маеть о речи, земскому суду належачые, у земского суду, а о речы, прислухаючые на судъ кгродъский, у вряду кгродъского становити, и тыхъ, от кого кому крывды будуть деяти, поставити. А ведъ же в небытности того самого пана, с чиего имен[ь]я крывда се дееть в томъ именьи, не маеть его сторона жалобливая нигде инде искати, але на том же именьи, с которого се кривда дееть, позвы таковые положити маеть. А врядъ, передъ которий се то приточить, будеть повиненъ межи ними того досмотрети и справедливость учинити. А где бы позваный самъ або черезъ умоцованого своего стати и тыхъ врядниковъ, бояр, слугъ и людей своихъ, кому вина дана, поставити не хотелъ, тогъды судъ повиненъ ку таковымъ непослушнымъ заховатисе водлугъ сего статуту. А естли бы тотъ панъ и хто жъ кольвекъ самъ або врядники ихъ рокъ праву зложили, а на томъ року зложономъ або тежъ за заочнымъ положеньемъ позву на року в чотырохъ неделяхъ припаломъ, вышей тутъ менованомъ, справедливости водлугъ права и сего статуту не учинили албо и учинивъшы справедливость, а отправы речи сужоное на виноватомъ не въделали, тогды такового пана и слугъ врядъ нашъ, передъ который ся то приточить, в томъ судити маеть. А онъ тому, кому обецавшы справедливость учинити на року от него зложономъ, также и на року, в чотырохъ неделях по положенью позву припалом, справедливости водле права не вделалъ або отправы суду своему не вчинилъ, повиненъ будеть заразомъ у суду перъвей, ниж в право вступить, рубль грошей стороне жалобной заплатити под таковою моцъю и повинностью, яко вышей о винахъ нестанъных естъ описано.

А ведь же если бы се то показало на праве, ижъ тотъ панъ чинил оному справедливость слушную, але онъ ее упоромъ своимъ нѣ принялъ и на ней не перѣставалъ и о то его ку суду притягнулъ, тогды того рубля грошей платити не повиненъ будеть. Але еще тотъ упорный самъ оному тотъ рубль тут же заразомъ у суду заплатити маеть. А доконченье тое справы самое, о што межи ними идеть, там же заразом черезъ врядъ нашъ розъсудкомъ правнымъ статися маеть. А где бы панъ того именья самъ або его врядникъ, будь при прошенью права за таковыми позвы албо на томъ року, вышей менованом, праву припаломъ, то естъ от положен[ь]я позву в чотырохъ неделяхъ, врядъника або слуги и подданого своего вырекъся, тогды волно будеть стороне поводовой шкодника своего увезде имати и, до вряду судового близшого притягнувшы, з нимъ, если бы неоселый под нами, г[о]с[по]д[а]ремъ, былъ, правомъ ся обыходити, а панъ его боронити не маеть. А если бы хто вырекшися врядника, слугъ, бояръ або подданыхъ своихъ, а предъся таковыхъ обвиненыхъ в дворе або на именью своем переховывалъ, а то бы на него было слушне у права перѣведѣно, таковый вси шкоды, в позве описаные, за доводом стороны жалобное самъ платити виненъ будеть. А то се маеть розумети о речахъ меншихъ а не крвавыхъ, а в речахъ крвавыхъ, если бы обвиненымъ шло о горъло, тогды врядъ маеть около того заховатися водлугъ артыкуловъ, в семъ статуте о томъ постановеныхъ и нижей описаных. Где бы ся теж то трафило, ижбы хто за обнесеньем позву з урадника, слугъ, бояръ або подданыхъ своихъ справедливости учинити кому не хотел, а тотъ бы або тые обвиненые въ якой кривде або шкоде по заложенью позву перъвей, нижли жалобникъ справедливости собе у суду нашого с паном ихъ и з ними доведет, померъли, и то бы черезъ поводовую сторону слушнымъ доводом было оказано и доведено, же перъвей за жывота тыхъ винныхъ право прошоно, тогды тотъ панъ самъ за доводомъ жалобное стороны на речъ самую, водле права учиненымъ, будеть ей виненъ о то, о што жалоба идеть, самъ у права отказывати и с права што будеть сказано самъ заплатити и нагородити, а собе на маетности оныхъ виноватыхъ того смотрети. А ведъ же въ инъшихъ речахъ, где не идеть о кривду, от врядниковъ, слугъ, бояръ и подъданыхъ водле сего арътыкулу учиненую, о большие важънейшые речы, о именья и о кгрунты мають быть листы упоминальные даваны от суду земского подъ печатьми судей земскихъ.

Артыкулъ 49.

О томъ, если бы ся кому якая крывда стала от чые жоны албо сыновъ, также дочокъ.

Уставуемъ: если бы ся кому стала якая кривъда в кгвалтехъ, наездехъ, боехъ, ранахъ, забийстве, грабежохъ и въ иныхъ якихъ речахъ от жоны чией або тежъ от сына такъ того, который бы уставичне дома пры отцы мешкалъ, яко и одъ того, который, хотя кому служечы, а на часъ до дому отцовского прыехавшы, и под онымъ часомъ мешканья своего на именью отцовъскомъ або пры матъце на ее именью властномъ або веновъномъ мешкаючы, а кому будь в дому отцовъскомъ, матъчиномъ албо тежъ с того дому або именья отцовского, матъчыного на домъ, на село, либо на кгрунтъ наехавши, албо теж на дорозе крывду, шкоду якую учинилъ, тогды укривжоный маеть у того, в чиемъ або з чыего именья то ся ему станеть, справедливости с того за листомъ упоминальнымъ врядовымъ водлугъ артыкулу вышъшого сорокъ осмого просити. А хто бы справедливости водлугъ права учинити не хотелъ, тотъ, будучи о то до суду належного, яко и о слугахъ и людяхъ вышей описано, позванъ, виненъ будеть самъ стати. И доведет ли жалобникъ того слушнымъ доводомъ або присягою, же ся то ему зъ его именья або в дому его от жоны або сына его стало, а онъ жоны або сына за позвы ку розъсудъку врядовому не поставить, то онъ самъ виненъ будет за жону и за сына такового кгвалътъ, навезъки и шкоды вси стороне поводовой платити. Если ж бы мужъ оселости своей не мелъ, а жона бы мела именье от него венованое або свое властное, тогды то, што за ее вину с права будеть сказано, на ее жъ имен[ь]ю, будь венованомъ або властномъ, отъправено быти маеть. А где бы шло о речъ крвавую, за што горломъ карають, а позваный бы обвиненыхъ в томъ передъ врядомъ ку праву не ставилъ, менечи, яко бы не мелъ ихъ у себе мети, тогды таковый маеть ся от того отпрысягнути, же то, што ся жалобной сторонѣ кривды якое стало, тогды ся то стало безъ ведомости, рады и позволенья его самого, также и на томъ, ижъ онъ тыхъ обвиненыхъ часу прошенья права о то за листомъ упоминальнымъ у себе в дому не мелъ и не за ведомостью его о таком ихъ учинку и безъ помочы а рады его з дому его зникнули, ани о нихъ ведаеть, а по такомъ отпрысяженью самъ от горъла и всего, о што обжалованъ, воленъ будеть. А поводовой стороне волно будеть тыхъ обвиненыхъ, где можеть бы в надолъжейшомъ часе, постигати и правомъ их водлугъ ихъ учинку поконывати. Так же ся маеть розумети и о дочце, паньне, и вдове, зятю и внуку, и каждом повиноватомъ неоселом, которые бы, мешкаючы пры родичохъ своихъ, кому в суседъстве кривду якую учинили, тогды такимъ же обычаемъ з ними справедливости доводити. Пакли жъ бы позваный в такой речы без прычынъ правъныхъ не сталъ, против таковому врядъ маеть сказанье чинити водлугъ сего права посполитого и важности року.

Артыкулъ 50.

Хто бы, маючи именье заставное або с права в презыску поданое, в суседъстве кому кгвалътъ албо шкоду вчинилъ.

Уставуемъ: где бы хто, маючи от кого имен[ь]е, собе в суме п[е]н[е]зей заставленое албо с права от вряду в презыску поданое, кому иному в суседъстве з особы его самого або слугъ его такъ в кгвалътехъ, боехъ, грабежохъ, яко тежъ отнятьемъ и привлащеньемъ собѣ до такового именья якихъ кгрунътовъ або пожитковъ и в ынъшихъ якихъ речахъ шкоду с того именья учинилъ, тогды укривъжоный, таковые шкоды осветчившы и оповедавши урядовне, мает з вечности самого дедича того имен[ь]я а заставника з сумы его обудвух однымъ позвомъ позвати, выписавшы в позве крывду свою, в чом се ему от того заставника албо в презыску держачого с того имен[ь]я деети будеть, жебы самъ с тымъ заставникомъ або в презысъку держачымъ сталъ, ему се усправедливилъ, а тые позвы на том же именью покладаны быти мають, который позовъ держачий такового именья виненъ будеть дедичу оного именья ознаймити, з нимъ сполне до права становитисе и в отказѣ быти. А вряд будеть моцонъ за перевѣденьемъ правнымъ отправу на том же именью, с которого ся кривда деяла, учинити. Ведь же за кривды и шкоды, от самое особы держачого або слугъ его починеные и с права сказаные, дедичъ оного именья платити не будеть повиненъ, лечъ тот же держачый платити маеть. А хотя бы укривжоному отправа на томъ именью была з уряду дана, тогды пры выкупенью [в оригинале: "выкупепью"] оного именья дедичъ держачому, откладаючи его суму п[е]н[е]зей, таковую суму, за выступокъ его албо слугъ его присужоную, з сумы его вытрутити воленъ будеть. А где бы з ураду большая сума над суму того заставника сказана была, тогды то не на томъ именьи оного дедича, але на особе заставника отправлено быти маеть. По тому жъ где бы ся отъ бояръ и подданыхъ такового жъ именья, яко се вышей поменило, кому в суседъствѣ в чомъ колвекъ якие кривды деяли, тогды укривжоный, одеръжавши листъ напоминалный о вчиненье справедливости от суду належного, маеть оного деръжачого урядовне, яко в томъ наука въ арътыкуле сорокъ осмомъ сего розделу естъ описано, обънести. А кгды бы, деръжачы за листомъ упоминальнымъ, справедливости учинити не хотелъ, тогды и в таковой крывде укрывъжоный дедича и заставника оного именья позвати маеть, ижъбы самъ с тымъ деръжачымъ сталъ и тыхъ бояръ и людей, от кого крывда деетьсе будеть, поставилъ, и далей на нихъ справедливости доводити маеть, яко в томъ же арътыкуле сорокъ осмомъ сего розделу о ужыванье справедливости описано. Лечъ за крывды и шкоды, от бояръ и подданыхъ такового именья починеныхъ и с права сказаныхъ, держачому оного именья дедичъ з сумы его пры выкупенью ничого вытручати не маеть, але на винныхъ боярехъ и подданыхъ того смотрети собе будеть. А хотя бы хто не толко дедичное именье, але доживотное заставное и якимъ инымъ правомъ держачое, кому иншому заставилъ, тогды таким же обычаемъ в крывдахъ, с такого именья вделаныхъ, сужоно и росправовано быти маеть.

Артыкул 51.

Хто бы, маючи от кого именье аренъдою, в суседъстве кому кгвалтъ або шкоду учинилъ.

Уставуемъ: где бы хто, маючи от кого именье собѣ арендованое, кому иному в суседъстве з особы его самого або слугъ его такъ в кгвалтехъ, боехъ, грабежохъ, яко тежъ и отнятьемъ и привлащеньемъ собе до такового именья якихъ кгрунтовъ або пожитковъ и в ыншихъ якихъ речахъ шкоду вчинилъ, тогды укрывжоный, таковые шкоды осветъчивши и оповедавшы урядовне, маеть з вечности самого пана того имѣнья позвати, выписавъши в позве кривду свою, в чомъ се ему от того арендара с того имен[ь]я деяти будеть, жебы самъ с тымъ арендаромъ сталъ и ему сѣ усправедливил. А тые позвы на том же имен[ь]ю покладаны быти мают. Который позов держачый такового имен[ь]я винен будет пану оного имен[ь]я, который ему его арендовал, ознаймити и з ним спольне до права становитисе и в отказѣ быти. А урядъ будеть моцонъ за перевѣденьемъ правнымъ отправу на томъ же именью, с которого ся кривда деяла, учинити. А панъ оного именья тое сумы сказаное на арендару своимъ смотрети будеть, а отправе урядовой спротивен[ь]я никоторого чинити не маеть. По тому жъ, где бы ся от бояръ и подъданыхъ такового жъ именья, яко се вышей поменило, кому в суседъстве в чом колвекъ якие кривды деяли, тогды укрывжоный, одеръжавшы листъ напоминальный о вчиненье справедливости от суду належного, маеть оного жъ пана урядовне, яко в томъ наука въ арътыкуле вышнемъ пятьдесятомъ того розъделу естъ описана, обнести. А кгды бы оный панъ або аренъдар за листомъ упоминальнымъ справедливости учинити не хотелъ, тогды и в таковой крывде укривжоный того жъ дедича оного именья позвати маеть, ижъбы самъ сталъ и тыхъ бояръ и людей, от кого ся крывда деяти будеть, поставилъ, и далей на нихъ справедливости доводити маеть, яко въ арътыкуле сорокъ осмомъ сего розделу четверътого о вживанье справедливости естъ описано.

Артыкулъ 52.

О прыежъдчанью сторонъ на роки земъские и рочки кгродъские, также на судъ подъкоморого и комисаръский безъ великое зкграе, и о роздаванью господъ.

Ижъ некоторые станы люди можные звыкли приеждчати до судовъ и врядовъ нашыхъ з великими почты слугъ и приятелъ своихъ, за чимъ тежъ многие розницы, розрухи и своволеньства межи людми деютьсе, а убожъшымъ людемъ и о господы а о покой передъ таковыми трудно бываеть, прото уставуем и такъ мети хочемъ, абы на роки земские и рочки кгродъские, также и до судовъ подъкоморъскихъ и комисаръских нихто якого жъ колвекъ стану и достоеньства з великими непотребными почты слугъ и приятелъ своихъ, также збройне и з гайдуками або драбы не приежъдчал, одно в почъстве меръномъ, скромномъ, такой справе, ужыванью справедливости святое, прыстойномъ и потребном, а панове рады нашы будуть мочы слугъ з собою мети водлугъ важности, достоенъства и потребы своее. А господы на рокохъ земскихъ и рочкохъ кгродъскихъ врядъ кгродъский маеть и повиненъ будеть роздавати, ведъ же первей врядъ судовый земъский, судью, подъсудъка, писара, господами добрыми, которые они собе оберуть, опатрившы, и к тому особный домъ престронъный, где на судехъ заседати мають, записати там, где еще дому судового нетъ, потымъ господы иншымъ станом водлугъ уваженья особъ роздавати.

Артыкулъ 53.

О порадъку прыхоженья сторонъ до суду на врядехъ нашыхъ земъскомъ и кгродъскомъ.

Хотечы мы, г[о]с[по]д[а]р, то мети, абы на врядехъ нашихъ, г[о]с[по]д[а]ръскихъ, у суду земского и кгродъского порядокъ и скромность з учстивостыо пристойною захована была, уставуемъ, ижъ кождая особа якого жъ кольвекъ стану, достоенъства до того дому албо избы, где на судехъ вряды наши земский албо кгродъский засядут, не маеть перѣдъ судъ приходити и упорне ся тиснути, ажъ кого з рейст[р]у до справы закличуть, и то не жадною тижбою людей до тое избы судовое входити масть, толко наболей самъосмъ, то естъ самъ с прокураторомъ а зъ шестьма приятелъ шляхътичами. Ведъ же если бы колко вчасниковъ водлугъ позву до одное речы и справы тое жъ належало, тогды и тые войти мають. А тые вси учасники толко одного прокуратора и шести шляхтичовъ мети могуть. А если бы который упоръный, не будучы до справы заволаный або не маючы справы, до тое избы судовое вшолъ, а, будучы от вряду напомненъ, выйти не хотелъ альбо в томъ дому судовомъ воланье чинилъ, таковый кождый маеть быти виною дванадъцатма копами грошей литовъскихъ каранъ, которую заразомъ подъ такою жъ другою виною, не сходечи с права, суду тому заплатити повиненъ будеть, а заплативъшы, предъся вонъ выйти. А хто бы тому былъ противенъ, а за сказаньемъ врядовымъ тое вины и за напомъненьемъ о заплату ее до трехъ разовъ, а заплатити ее не хотелъ и упоръне от суду отышолъ, на такого именью тая вина совито маеть быти заразомъ без складанья року черезъ тотъ же врядъ, передъ которымъ ся то станеть, отправена, поступуючы в томъ далей противку упорного а непослушного водлугъ арътыкуловъ [в оригинале: "арътылуловъ"] о отправахъ речей сужоныхъ, в семъ розделе нижей описаныхъ. А если бы чый слуга або хто иный неоселый в тую вину попалъ, таковый маеть быти на вряде нашомъ в замку або в дворе у везенью задеръжанъ, поки тую вину заплатить. А не будеть ли чимъ мети заплатити, тогды место платежу дванадъцать недель мает у везенью седети. А панъ кождый слуги ани приятеля своего по праве и сказанью кгвалътомъ в томъ боронити и вряду у выконанью тое вины противитисе не маеть подъ заплатою черезъ самого его такое жъ вины, веръху описаное.

А ижъ стороне позволено шестма шляхтичами прыходити до суду с тое причины, где бы се стороне уближен[ь]е от вряду деело або чого в контроверъсыи и в декрете не доложыли, абы укрывжоной пры сознанью возного сведѣцьством тыхъ шести шляхтичовъ и присегою своею справы своее доводил, а урядъ возного до прыслуханья справы и оповеданья всякого и противко собе самому не маеть стороне боронить. А хотя бы возного противъ себе нѣ прыдали, тогды уже сторона пры сознанью тыхъ шляхтичов присегою своею урядъ перѣконаеть ку поднесѣнью и знову слухан[ь]ю тое справы з стороною у того суду, до которого будет водле права позвано, и где таковый неслушный всказъ суду перъвшого будеть узнанъ. Вед же оный перъвшый урядъ, от которого ся такая помылка станеть, никоторое вины и противного мниманья не понесет, але где возный будеть прыданъ, тамъ вжо стороне присегати не будѣть потреба.

Артыкулъ 54.

Яко стороны у суду за позвы заховатися мають, а судъ ижъбы з головы ничого не судилъ.

Забегаючы тому, абы на врядехъ нашыхъ у суду кождого жалобы и отпоръ порадне без сваровъ и непотребного забавенья и проволоки шли, такъ уставуемъ, ижъ напередъ сторона поводовая, не чынечы словы жалобы, але вместо жалобы маеть дати на праве позовъ чести и позву своего слушнымъ доводомъ подъпирати. А сторона позваная маеть на тотъ позовъ, яко на жалобу, отказывати и справоватися. В которомъ споре, если бы сторона поводовая што противного собе услышала, на што бы розмышленья потребовала, тогды судъ на отступенье и пораду зъ ее приятельми маеть ей допустити надалей на одну годину. А будеть ли и повторе тая жъ сторона узыченья часу на пораду просити, того судъ ей и повторе боронити не маеть. Также на одну годину по тому жъ и обжалованой стороне по двакроть одного дня толко, яко и поводовой стороне, розмышленья на часъ не маеть судъ боронити, а болшъ того сваровъ и отволокъ судъ не маеть допущати. А кгды вже на обе стороне справу свою передъ судомъ выповедають, а судъ земъский або кгродъский потребовали бы сами собе в томъ розмышленья, тогды мають перъвей сторонъ напоменути, абы все, што бы на праве покладати и оказывати або мовити мели, учинили. А кгды вжо то все учынять и писаръ то спишеть, тогды вжо надъ то стороны ничого большей прикладати не будуть мочи, ани судъ того приймовати и писати казати не маеть, але судъ маеть ся намышляти. И если бы того дня або и назавтрее розмышлятися не могли, и до третего дня то собе взяти на пораду и розмышленье могуть. А третего дня вжо судъ конечное сказанье учинити будеть повиненъ водлугъ жалобы и отпору сторонъ, ничого не прыкладаючы ани уймуючы. А в томъ часе, кгды ся судъ намышляеть, стороны если бы хотели то собе взяти на вгоду и еднанье, тогды они имъ того боронити не мають, а мы, г[о]с[по]д[а]ръ, также судъ головный, воеводове, старостове и врядники наши, судья, подъсудокъ, и судъ замковый або дворъный и нихто иный ничого з головы и домыслу своего, также и зъ ведомости своей судити и сказывати не мають и не будут мочы, толко водлугъ сего статуту и арътыкуловъ, в немъ описаныхъ, и водлугъ мовенья и споровъ у суду обеюхъ сторонъ. А где бы чого в томъ статуте не доставало, тогды судъ, прихиляючыся до ближъшое справедливости водле сумненья своего и прикладомъ иншыхъ правъ хрестияньскихъ то отправовати и судити маеть.

Артыкулъ 55.

О заступованью у суду одному за другого.

Тежъ уставуемъ, хотечы мети, абы такъ было на вси потомные часы, ижъ коли бы хто кого другого о которую колвекъ реч поточную албо який колвекъ учинокъ и о выступокъ, кромя имен[ь]я лежачого, о чомъ на иншыхъ местъцахъ естъ особливая наука, у которого суду заступилъ, тогды тотъ вжо будеть повиненъ самъ безъ жадныхъ позвовъ на тотъ же часъ за тою жъ жалобою, з суда не сходячы, за него отказывати и усправедливитися. А заступованье инакшое быти не мает, толко очевисте у суду, а не через листы и прокуратора. А ведь же кгды заступца въ якомъ выступку кого заступовати будеть, тогды врядъ тотъ, передъ который се то прыточить, передъ заступцою маеть казати вычитати тотъ позовъ и речъ тую, о што идеть, достаточне преложити. А кгды вжо заступца во всемъ томъ позваного заступить и писаръ то запишеть, тогды позваный або обжалованый от того воленъ. А поводовая сторона будеть о то с тым заступцою мовити и речи своее на нем доводити. А листы, выписы и оповеданье, всѣ тое право и выводы, которые поводовая сторона противъ обжалованое стороны в томъ праве мела, маеть противко тому заступцы ити и у права местъцѣ мети такъ, яко и противъ обжалованому, и имя заступцы за имя обжалованого будеть розумено. А заступца не маеть собе до повету, ани до суду своего належачого, ани до пана своего, якого кольвекъ стану будучы чоловекъ, откладати и брати, але повиненъ будеть самъ або при собе маючи прокуратора, того жъ часу, скоро заступит[ь], отказывати и до конца усправедливитися. А естли бы на заступцы не оселомъ в томъ поветѣ што у права сказано, тогды жалобная сторона, взявшы от того вряду листъ судовый, маеть з нимъ ехати або слати умоцованого своего до вряду оного повету, где тотъ заступца оселость свою в томъ паньстве нашом, великомъ князстве литовъскомъ, маеть. А оный врядъ другого повету водлугъ того суда вряду оного маеть ему отправу водълуг права посполитого на ономъ заступцы, правомъ переконаном, учинити. А до оказанья оселости такого заступцы в ыншомъ поветѣ правомъ слушнымъ або сведецьствомъ и признаньемъ черезъ листъ отвороный оного вряду присяглого судового, в которомъ поветѣ оселость будеть менити, маеть быти у везен[ь]ю задержанъ в том же замку або в дворѣ нашомъ судовомъ, где судъ былъ, если бы рукоемъство слушного оселого в томъ поветѣ до сказанья оселости своее по собе не далъ. А на оказанье оселости маеть врядъ тому заступцы часу слушного, яко бы моглъ зьездити, узычити. Ведь же гдѣ бы заступца на горло былъ сказанъ, таки [!] там же на томъ вряде, до его повету не отсылаючи, каранъ быти маеть. А по отправу головщыны албо иншихъ шкод, на немъ сказаныхъ, отослано быти маеть до инъшого повету, где оселость его будеть. А который бы заступца згола не оселый в томъ всѣмъ паньстве, великомъ князьстве литовъскомъ, былъ у права въ якой вине переконанъ, тотъ заразомъ на томъ же врядѣ маеть быти каранъ и не спущонъ з уряду, поки всему сказанью врядовому досыть вделаеть. А если бы ся то прыдало, жебы объжалованый, ставшы у суду, заступцу менилъ, але бы того заступцы заразом у права ставити не могъ, менуючи его быти хорым обложною хоробою, тогды ему маеть быти дано на поставенье заступцы до другихъ роковъ под такимъ обовязкомъ и варунком, яко о хорыхъ вышей в семъ роздѣле естъ описано. Ведь же на хоробе заступца тотъ виненъ будеть прысягнути.

Артыкулъ 56.

О злецѣнье речи и о данью моцы инымъ за себѣ у права мовити.

Уставуемъ тежъ, ижъ, где бы хто за позвы або на котором року прыпаломъ не могъ на праве быти такъ за хоробою, яко и за инъшими которыми причинами и потребами своими, тогды прокуратора албо умоцованого своего можеть уместо себе у права мети. А вед же умоцованый або прокураторъ инакшый и иначей установянъ и у права прыймованъ быти не маеть, ажъбы ему очевисто злетилъ речъ свою перѣдъ урядомъ которымъ колвекъ в канъцляреи нашой, г[о]с[по]д[а]ръской, або передъ врядомъ земъскимъ и кгродъскимъ, и с того вряду выписъ с книгъ маеть взяти и его тому прокуратору своему дати. А за таковымъ врядовымъ злеценьемъ могуть быти прокураторми и не оселыми люди в томъ паньстве, великомъ князстве литовъскомъ. А хто бы за хоробою своею або про далекость вряду злеценья моцы на вряде сознати не могъ, таковый кождого стану чоловекъ маеть речнику або умоцованому своему речъ свою ку мовенью у права злетити листомъ своимъ отвороным, панове рады, даючы такие листы умоцованые толко подъ печатью своею и с подъписомъ руки своее властъное, а инъшые станы такежъ, даючи листы подъ печатью и с подъписью руки своее и при своей печати еще под одною печат[ь]ю ч[е]л[о]в[е]ка сторонъного. А хто писати не умееть, тотъ пры своей печати еще двухъ шляхътичовъ печати у такого листу своего умоцованого маеть мети и в томъ листе або выписе врядовомъ, поменивъшы речы, о што идеть, остатокъ на позовъ указати и моцъ на зыскъ и страту доложити. Ведъ же за таковою не врядовою моцъю умоцованый маеть быти оселый в томъ паньстве нашомъ, великомъ князстве литовъскомъ, подъ нами, г[о]с[по]д[а]ремъ, оселостью шляхетъскою. И такъ вжо токовые [!] умоцованые у кождого вряду прыймованы быти мають и моцъ мети будуть такъ до буренья року и позву, яко и до мовенья в самой головной речы.

Артыкулъ 57.

Хто бы самъ не могъ або не въмелъ у права мовити и о приданью прокуратора людямъ убогимъ.

Уставуемъ теж, если бы хто, очевисте у права стоячы, не могучы або не вмеючы самъ мовити и речы своей справовати, поручылъ устне кому другому тую речъ свою мовити, тогды судъ за злецен[ь]емъ устнымъ маеть его за моцного приняти, хотя и неоселого; ведъ же гдѣ бы кому шло о горъло, або за записомъ таким, которымъ бы се хто описалъ, не сходячы с права, досыть чинити, тогды таковая сторона, хотя и речъ кому иншому злетивъшы, предъся от суду отходити не маеть до сконченья права. К тому, где бы хто, не могучы и не умеючы самъ мовити и речы своее у суду справовати, а про убозство, недостатокъ свой прокуратора самъ собе способити не мог, яко вдовы и сироты, а просили бы вряду о прокуратора, тогды врядъ маеть таковому прокуратора даръмо прыдавати и казати от нихъ у права мовити, и прокураторъ маеть в томъ уряду быти послушонъ. А если бы прокуратор уряду в томъ послушонъ быти не хотелъ, таковому прокуратору и от иншихъ особъ у того суду мовенье не маеть быти допущоно. А в ображенью маестату нашого и мы, г[о]с[по]д[а]ръ, обецуемъ прокураторовъ стороне обвиненой давати, по тому жъ и людямъ убогимъ и недостаточнымъ, такъ же ся и судъ головный противъ людей убогихъ заховывати маеть.

Артыкулъ 58.

О прокурато[ро]хъ: якие особы и где не мають ими быти.

Уставуемъ тежъ, ижъ прокураторми тые особы, нижей описаные, быти не мають, то естъ судья, подъсудокъ и писаръ земъский, такъже и врядъ кгродский. А то в тыхъ поветехъ и пры тых судехъ, где суть сами врядниками. Ведъ же у своихъ власныхъ речахъ и в тыхъ поветехъ могуть мовити и справедливости собе доводити, а в поветехъ и в судехъ иншых, где не суть врядниками тые особы, веръху мененые, гдѣ бы се кому с потребы трафило, и от кого инъшого с приятелъ своихъ мовити могуть, а таковые за прокураторы розумены быти не мають. Не могуть тежъ быти прокураторъми особы духовъные, одно такъ же въ своей власной речы кождому з нихъ вольно будеть у права мовити.

Артыкулъ 59.

О каранью фалшывых а потъступных прокураторовъ, и к тому, иж волно стороне прокуратора своего у права подъпирати, и самому мовити, и другого прокуратора на его местъце установити.

Уставуемъ, ижъ кгды бы который прокураторъ, поднявшыся кому речъ его мовити и справовати, а выведавшися на немъ тое справы и листовъ его огледавшы, выдалъ его в томъ стороне противной або до тое стороны противное прысталъ и от нее засе напротивко тому, кому ся первей обецалъ и поднялъ речъ мовити, тогды таковому не маеть быти мовенье у права допущоно. К тому если бы хто кольвекъ, хотечы кому ку шкоде учинити, а прокураторомъ се установилъ и листъ от него умоцованый справил, а того бы ему сторона не поручила, и за тымъ што бы кому утратилъ, таковый судъ не маеть быти держанъ. Такъ тежъ прокураторъ, чынившысе на которомъ року хорымъ, а стати бы на другомъ року и присегнути не хотелъ водле артыкулу шестьдесятого, нижей в семъ же розделе описаного, тогды за таковые поступки такие прокураторы, кгды то на нихъ явнымъ и слушнымъ доводомъ переведено будеть, горломъ карани быти мають. А где бы тежъ прокураторъ, поднявшися кому речы мовити, а потом тому досыть не учынилъ албо умысльне ку шкоде кому што у права недъбальствомъ своимъ упустилъ, тогды за тое на везен[ь]е шляхетъское на чотыри недели маеть быти сказанъ, а шкоду стороне, в чомъ уближенье учинилъ, платити маеть, о што там же заразомъ, где се то прыдасть, безъ позву стороне жалобливой усправедливитися повиненъ будеть. А хто бы тежъ, у права самъ стоячи, хотелъ отставити прокуратора своего, а самъ свою реч мовити або другому прокуратору злетити, то ему волно будет.

Артыкулъ 60.

Прычины нестанья прокураторовъ, ижъ то имъ, сторонамъ ихъ шкодити не будеть.

Тежъ уставуемъ, ижъ кгды бы прокураторъ передъ рокомъ права, не могучи стороне своей о хоробе своей дати знати, ижбы иншого на его местце послалъ, або, едучи вжо на дорозе албо и на местцу будучи, где роки отправуют, рознемогъся обложною хоробою такъ, жебы на рокъ до суду самъ быти не могъ, тогды такъ стороне той, чию справу на себе взялъ в речахъ тыхъ, такъ тежъ и прокуратору ничого шкодити не маеть. А хотя бы другие роки остатъние або рокъ завитый былъ, предъсе тымъ ничого тратити не будеть. А ведь же прокураторъ в той хоробе скоро се рознеможет, маеть до вряду того, до которого была его сторона з моцъю отправила, и тежъ стороне противной дати знати, а объмогшися потомъ на перъшых рокохъ земъскихъ або рочкохъ кгродских, перед которым судомъ тая справа точытися будеть, маеть прысегнути, ижъ справедливе за обложною хоробою на тотъ часъ становитися не могъ, а не ку зволоце справедливости. Такъ тежъ слуги и пасланцы [!] от пановъ, которыхъ бы до суду на роки посланых зъ якою обмовою правною у дорозе або и на местъцу судовомъ хороба великая обложная зашла, по тому жъ будеть ся заховати повинъни, яко вышей описано. А ведь же если бы прокураторъ албо слуга, посланець таковый о хоробе своей давати ведати, або и давши вряду на перъшихъ рокохъ ведати, а потомъ на другихъ рокохъ, на том же вряде черезъ сторону свою постановенъ не былъ, албо пакъ и ставшы, а прысегнути на томъ, ижъ за хоробою на перъвшыхъ рокохъ не становилъся [в оригинале: "не станововился"], не хотелъ, тогды вряд на перъвшыхъ рокохъ за неданьемъ знати о хоробе, такъ тежъ на другихъ за невчиненьемъ такое прысеги маеть стороне противной сказанье чинити водлугъ сего статуту. Инъде такая объмова хоробою прокураторъскою албо которого посланьца станеться у суду земъского за позвы перъвшыми на року перъшом не завитомъ, а потомъ на другихъ рокохъ такий прокуратор альбо посланецъ ставленъ не будеть, або и ставшы, не присягнеть, тогды тая сторона за оные перъвшые роки земские нестаное такъ, яко бы самъ не сталъ, заплатити, а стороне своей противной вжо на тыхъ другихъ рокохъ, яко на завитомъ року, усправедливитися будеть виненъ. А будет ли такая обмова хоробою вчинена на якомъ року завитомъ, такъ земъскомъ, яко и кгродъскомъ, а на другихъ рокохъ такий прокураторъ або посланецъ не станеть або и ставши не присягнеть, тогды таковая сторона за оное перъвшое нестанье свое на року завитомъ речъ, о которую позовъ идеть, тратити маеть без жадныхъ доводовъ стороны своее противное. А пакли бы сторона позваная поведила, ижъ тотъ прокураторъ его, от него посланый, передъ тымъ рокомъ, не доехавши того вряду, умеръ, тогды сама сторона таковая, не могучы вжо за тымъ того прокуратора своего на другомъ року становити, маеть на томъ самъ присегнути, ижъ тотъ прокураторъ его на тотъ рокъ былъ от него посланъ, а онъ, не доехавъшы того вряду, умеръ. И кгды на том присягнеть, судъ маеть ся противко ему водле сего арътыкулу заховати. А естли бы сама сторона позваная на другомъ року не стала албо ставъши на томъ присегнути не хотела, тогъды, естли бы о завитый рокъ шло в той речы, вжо на томъ другомъ року упадываеть; а естли не о завитый рокъ - тогды в нестанъное упадываеть.

Артыкулъ 61.

Чого прокураторъ без стороны своее справовати не можеть.

Тежъ уставуемъ, ижъ прокураторъ за моцъю жадныхъ записовъ новыхъ и никоторого вызнанья ни от кого не маеть у суду чинити и п[е]н[е]зей за записами брати, и з нихъ квитовати, не маючы при собе стороны своее. А ведъ же естли бы хто, не могучы або не поспеючы до вряду ехати по пенези, хотелъ черезъ кого иного пенези тые брати и квитовати, тогды иначей не маеть, ани можеть брати, только через такового прокуратора або слугу своего, кому бы особливую на то моцъ и порученье листомъ своимъ, подъписанымъ рукою своею и подъ печатью своею далъ, албо передъ врядомъ близшимъ судовымъ поручилъ и выписомъ того вряду моцнымъ его на то меновите учинилъ; таковый моцный можеть пенези брати и квитовати моцъ мети будеть.

Артыкулъ 62.

Хто бы на кого передъ правомъ словомъ або рукою сягнулъ, пхнулъ, або ранилъ, або забилъ.

Тежъ уставуемъ: коли бы хто, якого колвекъ достоенъства и стану будучы, а стоячы передъ судомъ, отступившы речи своее, одинъ на другого словомъ ся неучъстивымъ торъгнулъ, тогды за то маеть з сказанья того суду место вины седѣти на замъку ближшомъ шесть недель. А если бы пхнулъ або рукою ударил, хотя бы не ранилъ, тогды маеть заплатити стороне место навезки кгвалту дванадъцать рублей грошей, и за вину маеть седети шесть недель. А если якую справу у того суду мети будеть тотъ, кто таковое везенье заслужить, тогды маеть то везенье подняти по росправе своей речи. Пакли бы корда, меча албо шабли и якое колвекъ брони в обычай звады добылъ, а хотя бы и не ранилъ, руку тратить. А кгды бы ранилъ, тогды ничимъ инъшимъ, одно горломъ маеть быти коранъ [!] и о такий учинокъ кождый врядъ, будь кгродский або земъский, перед которымъ се то станеть, такового можеть на горло сказати. А если бы хто кого передъ судомъ забилъ, тотъ честь и горло тратить, а головъщина з ыменья або маетности его совито маеть быти детем або близъскимъ плачоно. А такового явного выступцу пры горачом учинку не толко врядъ тотъ повинъне имати казати маеть, але и всимъ тамъ будучымъ для завъстегненья такового своволеньства, яко против взрушителя покою посполитого повъставшы, противъ таковому помочъ чынити волно будеть. А где бы таковый, змоцнившися, имати себе не далъ и от вряду зышолъ, тогды противъ таковому вряды наши заховатися мають водлугъ артыкулу трыдъцать второго сего жъ розделу. Вед же хто бы своволне далъ прычину словы и рукою и початокъ учинилъ, а тотъ бы, ув обороне прымушоный, початкомъ его брони добылъ, ранилъ або забилъ, таковый за выводомъ слушнымъ иманъ быти не маеть и таковое покуты и каранья не виненъ теръпети. А хъто бы тежъ кольве, ранившы албо забившы кого передъ судом, прочъ утекъ, по такового за даньемъ намъ о томъ знати черезъ тотъ врядъ нашъ, передъ которымъ бы ся то стало, маемъ казати манъдат нашъ дати, и станет ли за манъдатомъ, карати его водлугъ сего арътыкулу. А естли за мандатомъ нс станеть, тогды его маемъ казати со всихъ паньствъ нашихъ выволати вечнымъ выволаньемъ, яко бы ся николи в границы паньства нашого не ворочалъ, а ранъному навезъка, або забитого головщина з ыменья его маеть быти плачона. Где бы тежъ хто такъ упоръный былъ, жебы, не росправившисе в такой речи, прочъ уехалъ албо за сказаньемъ врядовымъ везенья подъняти и кгвалту верху менованого стороне обельжоной заплатити не хотелъ, а врядъ бы его не могъ до того везенья примусити, а онъ бы проч от вряду от[ъ]ехалъ, досыть тому, во што попалъ, не вделавшы, тогды тотъ урядъ, передъ которымъ ся то станеть, за такое его непослушеньство маеть стороне ображоной кгвалтъ тотъ совито, а собе вряду вины сорокъ копъ грошей на имен[ь]ю его заразомъ, безъ жадныхъ роковъ, отправити, поступуючи далей около тое отправы водлугъ артыкуловъ, о отправахъ речей сужоныхъ описаныхъ.

Артыкулъ 63.

О томъ, где бы воевода, староста або судья, подъсудокъ и писаръ, такъ замъковый, яко и земъский врядъ або подкоморий, комисаръ, седечы на суде, кого соромотилъ, або ся на кого рукою торъгнулъ.

Тежъ уставуемъ, ижъ кгды бы хто с тыхъ вышей мененыхъ врядниковъ нашихъ, седячы на суде, кого словы неучъстивыми соромотилъ, тогды тотъ такий врядникъ за доводом явным слушнымъ маеть на замъку шесть недель седети. А если ж бы который воевода, староста або который зъ ихъ врядняков судовыхъ кгродъскихъ, албо тежъ судья, подъсудокъ, писаръ земъский, або подъкоморый, альбо комисаръ сам кгвалтъ местъцу нашому, г[о]с[по]д[а]ръскому, и суду учинилъ, а кого на суде ранилъ, таковый врядникъ горъло тратить. А пакли бы забилъ, таковый горъло и честь тратить, а навезка або головщина зъ именья его совито маеть быти плачона. А о то укрывжоной стороне такого врядника волно будеть позвати на рокъ завитый до насъ, г[о]с[по]д[а]ра. Ведъ же хто бы свовольне далъ вряду причину, словы и рукою торъгнулъся и початокъ учинилъ, а тотъ врядникъ, въ обороне прымушоный, початкомъ его брони добылъ, ранилъ або забилъ, таковый за слушнымъ выводомъ от тое вины и каран[ь]я воленъ будеть.

Артыкулъ 64.

Естли бы хто, на роки земъские або рочки кгродъские томъ повете, где естъ оселымъ, прыехавшы, а часу отправованья роковъ кого зранилъ, кгвалтъ або шкоду якую учинилъ.

Варуючы кождому волный беспечный прыступъ до справедливости, уставуемъ то, ижъ если бы хто жъ кольвекъ, будь оселый албо неоселый, на роки земъские або на рочки кгродъские в тотъ поветъ, где суды будуть, прыехавшы, и часу того, поки роки водле замеренья сего статуту трвати будуть, то естъ личачы тот часъ передъ зачатьемъ роковъ за три дни, а по выволанью роков черезъ три дни, кого, будь на дорозе едучого на роки або в месте томъ, где ся суды отправують, на улицы и где кольвекъ потъкавъшы и перенявъшы, албо на господу и якое становище кгвалътомъ нашедъшы, самого або слугу его и кого кольвекъ с таковыхъ ранилъ або забилъ, будь тежъ только шкоду якую учинилъ, або пофалъку на здоровъе або пожогу вделалъ, а укрывжоный того жъ часу утекъ бы ся до суду и то ожаловалъ, тогъды тотъ врядъ, подъ которого отправованьемъ справъ судовых то ся станеть, маеть обжалованого вознымъ обослати, абы онъ, не зъеждчаючы з оныхъ роковъ прочъ, передъ онымъ судомъ сталъ и в томъ ся жалобной стороне усправедливилъ, который без позвовъ виненъ будеть стати и того жъ часу на тых же рокох усправедливитися.

А сторона жалобная таковому обвиненому, если того потребовати будеть, жалобу свою на писме черезъ возного подъ печатью своею або под печатью возного дати маеть, а обвиненый потом третего дня о то, в чомъ ему вину дадуть, усправедливитися будеть виненъ. Естли ж бы по заказанью черезъ возного, не становечися передъ врядомъ ку росправе, прочъ зьехалъ, тогды тотъ врядъ кгвалтъ, навезки, раны и шкоды совито на токовом, а будет ли выступокъ крвавый, тогды и на горло его за доводомъ слушнымъ всказати а на выволанье до насъ, г[о]с[по]д[а]ра, отослати мает. А за кгвалтъ, раны, шкоды або головщину заразомъ отправу на именью его вчинити. А не будет ли очевисте пристегненъ и зазванъ, тогды таковый за прыпозваньем стороны жалобное передъ тот же врядъ, под которымъ ся што станеть, на перъвшие роки на рокъ завитый будеть виненъ становитися. И станет ли, а за доводомъ слушнымъ правнымъ стороны жалобное покажетъ ли ся в томъ виненъ, таковое жъ сказанье, яко вышей описано, противъко нему чинено быти маеть. А не только врядъ кгродъский, але и земъский врядъ в такой речи, што се подъ роками земъскими межы сторонами в речи крвавой станеть, будеть мочи и шляхтича о горло судити и сказовати. А естли бы и за позвы безъ причинъ правныхъ не сталъ, тогды врядъ для непослушенъства его вжо без доводу то, о што жалоба будеть на немъ, въсказати и отправу на именью его водлугъ сего статуту учинити, а в речи крвавой самого на выволанье до насъ отослати маеть. А неоселый у великом князстве литовъскомъ кто кольвекъ, если бы збытокъ який под тымъ верху менованомъ часомъ учинилъ, таковый, хотя бы и п[а]на у себе менилъ, не допущаючи ему до него отозву, тамъ заразомъ черезъ тотъ же врядъ моцне сужонъ и водлугъ выступку своего сказыванъ и каранъ быти маеть, выймуючы то, ижъ естли бы што пры бытности пана своего под тымъ же врядомъ або на дорозе учинилъ, тогды панъ его за обосланьемъ врядовымъ через возного там же заразомъ справедливость укрывжоному передъ вознымъ учинити повиненъ будеть. А где бы панъ за обосланьемъ врядовымъ заразомъ справедливости не учинилъ, тогды на самом пане такового слуги укривжоному за доводом, в статуте описанымъ, всказанье в той речи обычаемъ, в семъ артыкуле помененым, чинено и отправа на именью его делана быти маеть.

Артыкулъ 65.

Ижъ запозваныи словы непотребными, такъ тежъ и иный з стороны, прыповедавшисе с правомъ своимъ, кромъ позву, не маеть права розрывати.

Уставуемъ: если бы позваная сторона, будучы у права, а отступивъши от позву, стороне поводовой што такового нового задала або тежъ хто иный до того се стороны с правом своимъ приповедал, хотечи право розоръвати [в оригинале: "розоръоати"], а проволоку вчинити або собе што безъ позву правомъ выйграти, таковымъ сторонамъ то у суду ити не можеть, але маеть судъ, отложивши то на сторону, предсе стороне поводовой справедливость чинити водле позву о то, о што кого позвала, и то кончити и сказанье чинити водле права. А тому третему, который бы се зъ стороны до тое жъ речы зъ справомъ [!] своимъ прыповедалъ, судъ, не припущаючи его заразъ ку праву, маеть ему толко вперодъ волное мовенье до права в той речы заховати с тымъ, хто з выроку ихъ при имен[ь]ю або которой речы зостанеть. А в ыншыхъ припалыхъ речахъ, которые бы се ново межы тыми двема, за позвы у права стоячыми, прыточили, судъ маеть имъ сказати, абы ся о то на иншие роки до суду належачого позывали. А естли бы ся што такового межи ними о почъстивость дотыкало, судъ маеть ихъ обеюхъ сторонъ на вырокъ нашъ, г[о]с[по]д[а]ръский, отослати на съемь вальный, и тамъ на сойме обедве стороне безъ жадныхъ позвовъ мают ся передъ нами, г[о]с[по]д[а]ремъ, ставити ку росправе, а о што ся запозвали, то предъсе судъ маеть судовъне межы ними росправовати и кончыти водлугъ права.

Артыкулъ 66.

Яко братью неделную або вчасниковъ, то естъ себровъ, позывати.

Уставуемъ: естли бы колько братьи або участниковъ деръжали одно именье себреное, люди тяглые або данъные неделеные, а кому бы се от того именья и людей кривда деяла в чомъ колвекъ, а они бы яко з себе, такъ и с таковыми людми справедливости чынити не хотели, ино естли от подъданыхъ, тогды жалобливая сторона листъ урядовый черезъ возного на томъ именью положити маеть, абы ся той жалобливой стороне справедливость стала. А естли бы ся в томъ стороне жалобливой справедливость не стала, тогды якъ о вчыненье справедливости с подъданыхъ, такъ теж, естли и от самыхъ особъ крывъда якая будеть деять, всихъ учасниковъ о то передъ судъ одънымъ позвомъ маеть позвати и на томъ же именью позовъ положити. А хотя бы ся оны учасники вси не зъехали, тогды суд на рокохъ судовыхъ будеть сказанье подле права на именью чынити водлугъ того, яко о томъ о рокохъ судовыхъ написано.

Артыкулъ 67.

О крывдахъ, которые бы ся кн[я]земъ, паномъ, шляхте и ихъ слугамъ и подъданымъ от воеводъ, старостъ, деръжавецъ и тивуновъ, лесничыхъ и мостовничыхъ нашихъ, от ихъ особъ або от врядниковъ ихъ, будь тежъ от подъданых нашыхъ деяли.

Хотячы мы, г[о]с[по]д[а]ръ, в томъ панстве нашомъ, великомъ князъстве литовъскомъ, покой посполитый чиненьемъ прудкое и латвое справедливости розмножати, уставуемъ, ижъ кому бы се з обывателей того паньства — княземъ, паномъ, шляхте такъ стану духовного, яко и светъского и тежъ ихъ слугамъ, бояром и подъданымъ — деяли якие крывды и шкоды в речахъ поточных, в кгвалътехъ, боехъ, грабежохъ и в захоженью людей отчызныхъ до местъ и селъ нашыхъ, г[о]с[по]д[а]ръскихъ, и иныхъ тому подобныхъ от воеводъ, старостъ, деръжавецъ, войскихъ и тивуновъ, лесничых, мостовничыхъ и иныхъ врядниковъ нашыхъ, будь от самыхъ особ або ихъ врядниковъ и слугъ з воеводъствъ, староствъ, державъ и тивуньствъ ихъ, тогды такий кождый воевода, староста, деръжавца и тивунъ, и каждый врядникъ нашъ естли бы што самъ учинилъ албо бы з урядниковъ, слугъ своих справедливости кому за упомненьемъ черезъ листъ вряду нашого земского або кгродъского учинити не хотелъ, маеть быти о то позванъ на рокъ завитый водлугъ учинку до суду належного земского або кгродъского в томъ повете, где тотъ замокъ або дворъ, або волость наша, держава его лежить, або где врядъ его естъ, абы самъ сталъ и того, на кого жалоба будеть, поставилъ и в том ся з укривжонымъ росправилъ. А будеть ли кому кривда вчинена зъ староства судового того жъ повету, будь от самого воеводы, сторосты [!] або от его врядника, слугъ, в речахъ, кгродъскому суду належачихъ, о то маеть быти позывано водлугъ арътыкулу трыдъцать девятого в том же розделе до другого суду кгродъского, в ыньшомъ повете наближей о границу к тому повету прилеглого, которие кождые позвы, не могут ли быть очевисте поданы, мають быти покладаны черезъ возного в том же замъку або дворе и волости нашой, откуль ся кому кривда деет. А за тыми позвы воеводове, старостове и иные вси врядники наши сами або черезъ умоцованыхъ своих виньни будуть у суду становитися и росправу з жалобною стороною прыймовати, будучи того вряду послушни во всемъ до остатнего стопня права. И было ль бы што на которомъ з урядниковъ нашихъ за его властную вину с права сказано, тогды тые презыски не мают се стегати на кгрунътъ и добра наши, г[о]с[по]д[а]ръские.

Але за то отправа маеть быти чинена на властномъ именью такового врядника, которое будеть мети в том же повете. А где бы который державъца або тивунъ в томъ повете, где его держава лежить, оселости своее власное не мелъ, тогды судъ водлугъ поступку права, сказан[ь]е на нем учинившы, мает отослати на отправу до иного вряду и суду, в которомъ повете, звлаща в здешнемъ паньстве, великомъ князстве, онъ оселость свою мети будеть. А оный врядъ повету другого виненъ будеть укривжоному отправу на именью его водлугъ того суду и обычаю права учинити под виною в артыкуле деветьдесятъ четвертомъ в сем же розделе описаного. А который бы деръжавца нашъ и иный врядникъ нашъ нигде оселости в томъ паньстве нашомъ, великом князстве, не мел, а было бы кому, укрывъжоному от него, у которого вряду нашого што на немъ сказано, а онъ бы сказанью врядовому досыть чинити не хотелъ, тогды, кгды тотъ укрывжоный з листомъ судовымъ до насъ, г[о]с[по]д[а]ра, утечетьсе, мы ему черезъ посланца нашого отправу на маетности его рухомой учинити росказати маемъ, во всемъ водле сего статуту ажъ до остатнего стопня права поступуючи. А где бы который врядникъ нашъ былъ позванъ о неучиненье справедливости з урядника албо слугъ своихъ, тогды тыхъ, которые обвинены в чомъ будуть, мають передъ судом ку росправе становити. А естли в чомъ винъни зостануть, то на тыхъ жо обжалованыхъ отправено быти маеть. А пакли бы хто от подданыхъ нашыхъ якого жъ колвекъ стану, деръжавы чиее кривду собе в речахъ поточныхъ менилъ, а воевода, староста, державца и который же колвекъ врядникъ нашъ справедливости з нихъ укривжоному чинити бы не хотелъ самъ або черезъ врядъ свой, тогды маеть быти упомненъ водлугъ артыкулу сорокъ осмого сего жъ розделу, кладучи черезъ возного таковое упоминанье на той же державе, с которое ся кривда дееть. А воеводове, старостове и иншые вси врядники наши справедливость с подданыхъ нашыхъ, отправу на винъныхъ водлугъ выступку кождого ажъ и до остатнего стопня права водлугъ статуту сего чинити повинни будут, и отозву имъ нигде не допускаючы, окромя речей крвавых, где бы шло о горло, тому яко шкрутыния, такъ отзовъ допущон быти маеть, вынемшы, где бы на горачомъ учинку або явномъ якомъ выступе пойманъ або з лицомъ прыведенъ былъ, тому отзовъ ити не можеть. А естли бы воевода, староста, державца и который же кольвекъ врядникъ нашъ за упомненьемъ врядовымъ року не зложилъ або, и зложывшы рокъ, справедливости не вчинилъ, тогды таковый кождый урядникъ нашъ на рокъ завитый передъ судъ земъский албо кгродъский позванъ быти маеть. А воевода, староста и который же кольвекъ врядникъ нашъ передъ тымъ врядомъ, до которого позванъ будеть, сам стати и подъданыхъ нашихъ обжалованыхъ до росправы поставити маеть. И покажет ли се то с права, же справедливости жалобнику не вчинилъ, тогды таковый кождый воевода, староста и который же кольвекъ врядникъ нашъ за то вины стороне жалобливой тамъ же, где се то приточить, рубль грошей заплатити маеть, а врядъ тотъ тамъ же заразомъ с тыхъ обвиненыхъ подъданыхъ справедливость вделати повиненъ будеть. А где бы от таковыхъ врядниковъ с подъданыхъ нашых шляхътичу справедливость чинена была, а судъ вряду того не водлугъ права бы ся жалобнику виделъ, тогды о то стороне жалобливой отозватисе с тымъ волно будеть до суду головного трыбунальского. А воеводове або старостове и иные врядники нашы у того суду головного за тою апеляцеею винни будуть сами або через умоцованыхъ своихъ пилновать. И покажет ли се то передъ тымъ судомъ, же шляхътичъ неслушне се отозвалъ, тогды судъ таковый змоцнити маеть. А шляхътичъ тотъ вряду тому, от которого апеляцыя уростеть, повиненъ будеть вины заплатити рубль грошей. Так же се тежъ розумети маеть и о тых, которые якие добра нашы, будь правомъ дожывотнымъ або в сумахъ п[е]н[е]зей заведеные, от насъ, г[о]с[по]д[а]ра, деръжати и на такихъ добрахъ — такъ на сумахъ п[е]н[е]зей, яко на маетности его рухомой, также и на доходехъ его, с тыхъ добръ прыходячыхъ, а наконецъ и на особе его до остатънего стопня отправа чинена быти маеть. Ведъ же где бы хто до такового увязанъя прышолъ, не маеть надъ уставу нашу ничого доходовъ болшъ з добръ нашыхъ брати и в скаръбе нашомъ о таковомъ своемъ деръжанью ведомость учинити для того, ижъ по смерти оного дожывотника таковые добра нашы волно без откладанья сумы пенезей, на томъ доживотнику презысканое, до столу нашого ворочатисе мають, а своее сумы смотрети маеть на маетности оного дожывотника, где бы кольвекъ на него прыходила. Нижли естли бы от столу нашого заставою добра нашы деръжалъ, а на той суме п[е]н[е]зей ему отправа учинена, тогды з скаръбу нашого оному тая сума откладана быти маеть.

Артыкулъ 68.

О мещанехъ и о людяхъ нашыхъ в крывъдахъ ихъ от шляхты.

Уставуемъ: естли бы хто с кн[я]жатъ, пановъ, шляхты всякого стану, такъ и подданые ихъ вчинили кривду якую колвекъ мещаномъ местъ нашихъ, где права майдебуръского не мають, такъ тежъ и людемъ именей нашихъ, г[о]с[по]д[а]ръских, таковыхъ о вчиненье справедливости воеводове, старостове и деръжавцы нашы мают сами або врядники ихъ упоменути позвомъ водле артыкулу сорокъ осмого сего ж розделу, абы сам зъ себе и с подданыхъ своихъ справедливость учинилъ. А естли бы за тымъ справедливости не вчинил, тогды на перъвшыхъ рокохъ судовыхъ, яко на завитомъ року, под страченьемъ права маеть стати и подданыхъ своихъ, кому будеть вина дана, поставити. А судъ маеть яко с тымъ самымъ паномъ, такъ и с поддаными его, от которыхъ бы се мещаномъ або людемъ нашимъ крывда деяла, яко на завитомъ року, справедливость учинити и с права, в чомъ бы противъ мещаномъ и людемъ нашимъ зостали винъни, кождый грабежъ, на чомъ доводъ слушный учынять, з навезкою казати платити. А естли без причынъ правныхъ не станеть, тогды на таковомъ для непослушеньства, яко на завитомъ року, за доводом подъданымъ нашымъ сказанье в жалобе ихъ учинено быти маеть.

Артыкулъ 69.

О мещанехъ права майдебуръского.

Такъ уставуемъ: естли бы кому з мещанъ нашыхъ права майдебуръского которая крывда деяла от кн[я]зей, пановъ и земянъ и подъданыхъ ихъ, а они бы се сами доброволне усправедливити не хотели або справедливости с подъданыхъ своихъ не вчинили, тогды такового кождого мещанинъ маеть до суду земъского поветового позвати и далей поступовати противъ ему подълугъ поступку права и статуту земъского.

Артыкулъ 70.

О участникохъ, которые якое речы доходити усхочутъ, ижъ другихъ своихъ учасниковъ на одны роки судовые земъские, яко на рокъ завитый, позывати мают.

Тежъ коли о речъ сполечную которую жъ кольвекъ вси учасники весполъ у права мовити и ее доходити усхочуть, а ижъ одинъ учасникъ безъ другого самъ того чинити, ани ку кривде иньшихъ учасниковъ своихъ никоторое речи сполечное протягивати не можеть, прото естли бы иньшие учасники вси посполу которое речи сполечное в праве доходити и о нее мовити не хотели, тогды тотъ, который доходити усхочеть, маеть о то поступкомъ сего статуту прыпозвати оныхъ участниковъ своихъ на роки судовые передъ урядъ земъский, в которомъ оные участники его оселостями своими будуть, яко на завитый рокъ. А неоселыхъ место позвовъ листомъ упоминальным урядовымъ обнести, жебы на року его позваномъ весполокъ з нимъ до права становилисе. А где бы на первшыхъ рокохъ земъскихъ хто с тыхъ участниковъ за позвы або за листомъ упоминальнымъ не сталъ и сполне части своее доходити не хотел, тогды вжо оный участникъ, который речы сполечное доходити усхочеть самъ одинъ, только своее части доходити можеть и безъ иньшихъ участъниковъ. А позваный повиненъ вжо будеть ему самому, хотя бы иньшихъ участниковъ при немъ не было, отказывати и усправедливитися. А тымъ другимъ участникомъ потомъ волно будеть своихъ частей на деръжачомъ, коли похочуть, правомъ доходити, толко бы давности земъское не промолъчали, выймуючи только тыхъ участниковъ с такового позыванья и обосланья листами врядовыми, которые бы были на послузе нашой або на наукахъ и по рыцеръству у чужих паньствахъ, бо тым, прыехавшы до тутошнего паньства, также волно будеть своихъ частей доходити, одно бы по тому ж, прыехавши до того паньства, давности земъское не омешкали. А ведь же то ся розумети маеть толко о тыхъ, подъ которым участники усее близъкости своее доходять. А братья, близские и якие кольвекъ кревные кожды [!] своего кревного о невыделенье своее части самъ безъ другихъ позывати и доходити ее можеть, и кгды с права части своее дойдеть, тогды ему, колько на него часть приходить, до вечного дѣлу поступлена и выделена быти маеть.

Артыкулъ 71.

О дохоженью близькостью або якимъ инымъ правомъ именей, в розныхъ поветехъ лежачихъ.

Хочемъ то мети и уставуемъ, ижъ кгды бы хто подъ кимъ хотелъ пойскивати близькостыо або якимъ инымъ правомъ именей, в ро[з]ныхъ по[вет]ехъ [в оригинале: "роныхъ позвехъ"] лежачихъ, а право бы однакое, будь прирожоное або набытое, сторона жалобная на вси тые именья менила, тогды волно будеть того, хто тые именья держит, позвати о вси именья до одного, которого похочеть, суду поветового, где хотя одно которое с тыхъ именей лежить. И если жалобная сторона у томъ одномъ повете тые именья зыщет, тогды врядъ инъшыхъ поветовъ, в которыхъ тые именья лежать, мають и повинъни будуть водлугъ листу судового оного повету и суду, до которого было позвано, стороне поводовой увязанье в другие именья, въ ихъ повете лежачие, дати и далей, прыводячы оный судъ ку выконанью водлугъ сего статуту до остатнего стопня права, противъ стороны противное в томъ поступовати.

Артыкулъ 72.

Хто бы, будучи позваный о именье, а стороны своее жалобное не признавалъ бы за потомка тое особы, по комъ чого ищеть.

Где бы ся то трафило, ижъбы хто, тяжучися с кимъ о имен[ь]е, а отпоръная, то естъ позваная сторона не признавала бы стороны жалобное быти сыномъ або девкою того отца або матки тое албо якимъ колвекъ потомкомъ, близкимъ тое особы, по которой жалобникъ чого искати будеть, тогды врядъ в таковой речи маеть зъ обудву сторонъ листовъ и инъшыхъ доводов достаточне выслухати. А которое стороны доводъ будеть лепший, слушнейший и яснейший, тую сторону самотретюю зъ шляхтою, ему ровною, будь с повинъными кревными его або в недостатку кревныхъ з людми обчими, только вѣры годными, до прысеги припустити маеть. А кгды жалобнику присега сказана будет и онъ ее учинить, а отпоръная сторона не мела бы на тое имен[ь]е якого права прирожоного або набытого и давностью земъскою задеръжаного, тогды жалобникъ вжо тое именье за слушнымъ доводомъ одеръжати маеть. А еще отпоръная сторона за то, же ему непризнаньемъ своимъ быть его близкимъ до того, чого искалъ, трудность задавала, маеть заплатити двадъцать копъ грошей. А естли отпоръная сторона право якое на тое именье мети будеть, тогды и о тое право врядъ маеть розсудокъ свой водлугъ права там же заразомъ на томъ року вделати. А будет ли присега сказана стороне отпоръной, и учинить ее, тогды по присязе при томъ именью зоставенъ будеть.

Артыкулъ 73.

О томъ, ижъ, будучи хто с которого именья о што до вряду позванымъ, не можеть его, не росправивъшися, иншому пущати.

Забегаючы продлуженью справедливости людъское, уставуем, хотячи то вперодъ мети, ижъ естли бы хто с кимъ право вести и зачалъ о именье, о люди, кгрунты, о долъги або о иншие якие колвекъ речи, крывды и шкоды, с которого именья починеные, такъ от особъ самыхъ пановъ, яко ихъ слугъ и подъданыхъ, а тотъ позваный, будучы в позвехъ и не сконъчивши права, кому иншому тое именье або люди, кгрунты, о што позывано будеть, в деръжанье якимъ же кольвекъ способомъ пустил, тогды жалобникъ, предся беручи позвы на имя того, кого позывати почалъ, и на томъ же именью ихъ покладати маеть, с которого перъвей почалъ позывати. А врядъ нашъ жалобнику на ономъ же именью, на которомъ позвы класть почато, отправу до конца чинити маеть водлугъ сего статуту. А деръжачий ничимъ того забороняти не маеть, але в томъ заводъцы своего смотрети маеть, хто ему пенъное именье завелъ. Пакли бы тотъ, хто именье деръжати будеть, упоръне вряду спротивилъся, а отправы вчинити не допустилъ и боронилъ увязан[ь]я, тогды противъ таковому врядъ нашъ и сторона мають далей поступовати водлугъ арътыкуловъ о отправахъ речей сужоныхъ, в семъ же розъдѣле описаныхъ.

Артыкулъ 74.

О заруки на речъ сужоную.

Тежъ уставуемъ: хто бы на комъ што правомъ презыскалъ, то естъ именье, люди або земли и який же кольве кгрунтъ лежачий, тогды маеть в то ему увязанье с права дано быти, а зъ уряду зарука маеть быти положона, абы тотъ, хто на праве упустилъ, в то ся через то не вступовал и увязанья не боронилъ. А пакли бы увязанья не допустилъ и самъ через себе або черезъ кого кольвекъ такового увязанья боронил, будь рукою або словы мовечи, же увязанья не поступуеть, або тежъ по увязанью такъ самъ, яко теж через приятеля або урядника, слугъ и подъданыхъ своихъ в то вступовалъ, тогды, в томъ за позвы правом переконаный, тую заруку, з уряду положоную, маеть платити стороне жалобливой. А ведъ же зарука болшая не маеть быти покладана, только водле важности тое речы, о што идеть. А тотъ, кому што присужоно, предъсе то маеть деръжати и повторе урядовъне в то, што было присужоно, и тежъ за заруку у властные люди або кгрунты противного водле права увязанъ быти маеть.

Артыкулъ 75.

Хто бы после права и присеги того жъ искалъ, што передъ правомъ утратилъ.

Тежъ уставуемъ: естли бы хто чого на комъ искалъ а пустилъ бы его на присегу або тежъ с права ему была бы сказана присега, а онъ бы присегнулъ, а потомъ бы оный, который его обжаловалъ, тое жъ речы, што правомъ утратилъ, на немъ по другое искалъ, менуючы, ижъбы несправедливе присягнулъ, и того хотелъ на того, который присягнулъ, доводити, тогды такий доводъ водле права не маеть быти ему допущонъ, але ижъ по прысязе тое жъ речы искалъ, которую у права утратилъ, маеть чотыри недели на замку нашомъ седети, а шкоду оправити, на чомъ слушный доводъ сторона учинить. А где бы, ничого такового не примовляючы и словы не соромотечы, толко речы сужоное у другий разъ искалъ, тогды седенья не будеть винен, толко маеть вины строне тры рубли грошей, а на врядъ, перед который позванъ будеть, виненъ тры копы грошей заплатити, а заплатившы тые вины, тотъ судъ перъвшый при моцы зостати маеть.

Артыкулъ 76.

О светъкахъ, якие маютъ быти у права прыймованы.

Уставуемъ тежъ, ижъ на всякую речъ у кождого суда светки мають быти веры хрестияньское, люди добрые, веры годные и неподозроные. Вед же судъ перъвей, нижли сторонъ або светковъ ку сведецьству припустить, маеть ихъ напоменуть и розважити, абы паметали на пана бога, на справедливость его и на почстивость свою. А в речахъ важныхъ крвавыхъ, где идеть о горло, светки по розну у суду пытаны быти мають, але однакъ при бытности сторонъ. А где бы который светокъ с прычынъ слушныхъ, значныхъ, явныхъ, досконалыхъ, лечъ не за доводомъ якимъ стороны противное, тежъ черезъ светки, але албо писмомъ якимъ слушънымъ правнымъ, албо з властныхъ устъ его черезъ врядъ нашъ дознанъ былъ светкомъ неправдивымъ, фалшывымъ, таковый светокъ маеть быти самъ каранъ тымъ, на чом бы онъ сведецьствомъ своимъ неправдивымъ другому ближнему своему ушкодити мелъ. Однак жо и таковому светку, естли бы собе крывъду и безъправъе в розъсудку врядовомъ розумелъ, апеляцыя вольная зоставати маеть до суду головъного. А к тому мають быти припущоны ку сведецьству и татарове тые, которые на службу нашу военъную ездять, яко то в прывилью продка нашого описано, мають.

Артыкулъ 77.

О доводехъ и отводехъ.

Уставуемъ: кгды судъ, выслухавшы жалобъ и отпоровъ сторонъ, скажеть которой колвекъ стороне доводъ або отводъ, а оная сторона на оный часъ, на который мела доводити або отводити, не доведеть або се не отведеть, таковая речъ свою тратить маеть. А вед же естли бы заразомъ сторона которого светка або и двух ставити не могла, тогды судъ тое и до завтрее отложыти маеть. Вед же онъ того або тыхъ светковъ, на которыхъ ставен[ь]е возметь, до завтрея заразомъ тамъ у суду имены меновати виненъ. А то вжо будеть подъ страченьемъ права завитый рокъ. А доводы и отводы на всякую речъ мають быти напервей черезъ писмо або черезъ светки. А то суть напевнейшые и накгрунътовънейшие доводы будуть. Тежъ доводы и отводы черезъ присягу, кому писма або светковъ не достанеть, тежъ и черезъ певные знаки, яко о кождомъ доводе таковомъ зособна нижей написано.

Артыкулъ 78.

Которые ку сведецъству припущоны не мають быти.

Уставуемъ тежъ, ижъ ку сведецьству не мають быти припущоны тые, которые суть правомъ переконани въ якомъ зломъ учинку, за што горломъ бываеть карано, што там же передъ урядом тотъ, хто ему наганить, доводити маеть. А естли бы не довел, тогды ку доводу прыпущонъ [в оригинале: "брыпущонъ"] будеть. К тому не мають светъчити слуги и подданые за пановъ, ани тежъ противъ пановъ; шаленый, то естъ который розуму не маеть. По тому жъ светъками быти не мають одинъ другому тые, которымъ сполне вину дадуть або помочниками ихъ будуть. Также и выволанцы светчыти не могуть, поки ся з обвиненья своего не выправить. Теж естли бы который въ якой речы светчылъ, же на томъ местъцы, где ся што станеть, самъ былъ и то виделъ або слышалъ, а потомъ в другой речы, которая бы на инъшомъ местъцы того жъ дня, яко и першая, о которую светъчылъ, сталася от того местъца оподаль, яко бы подобенъство не было, жебы того одного дня на обудву местъцахъ быти могъ и хотелъ также светъчити, тогды таковый ку тому, ани наперодъ ку жадному сведецъству не маеть быти прыпусканъ.

Артыкулъ 79.

О светкохъ, што бы хто хотелъ ку нимъ мовити.

Естли бы хотела сторона противная ку светкомъ што мовити и ганити имъ, тогды маеть тут же заразомъ передъ правом и перъвей, нижли ихъ ку сведоцъству прыпустить або ку прысязе, ку нимъ мовити и на нихъ доводити и, не спущаючи с права, то конъчыти. А где бы на которого светка што велъ, а не довелъ, тогды маеть того светъка там же у права навезати водлугъ стану его, а ку сведецъству будеть прыпущонъ. А переведет ли, тогды тотъ светокъ светкомъ быти не можеть, а сторона поводовая на того местъце инъшого светка маеть ставити, и на ставен[ь]е другихъ светковъ маеть стороне часъ быти узычонъ на тыхъ жо рокохъ водлугъ далекости местъца, где ся што стало, або якъ далеко того светка поведеть. А трафить ли се то на конъцу роковъ або для далекости дороги ставити бы его не могъ, тогды на ставенье светковъ такихъ до другихъ роковъ подъ страченьемъ [в оригинале: "страченымъ"] права отложити маеть. Але сторона заразъ тыхъ светковъ у суду имены меновати маеть, на которыхъ постановенье просити будеть. А не будет ли мочы за смерътью або зъ якихъ иныхъ слушныхъ правныхъ причынъ которого менованого светка поставити, тогды на того местъце волно будет инъшого светка поставити, толко бы веры годного, неподойзреного, а припустивъши светковъ ку сведецъству, к нимъ по праве ничого мовити не маеть.

Артыкулъ 80.

На своихъ светкохъ по праве нихто ничого искати не маеть.

Уставуемъ: хто бы у якой кольвекъ речы передъ правомъ выдалъ светковъ, а тые бы светки противъ самому посветьчили, тогъды онъ на тыхъ светкохъ своихъ по праве и сведецъстве того пойскивати и до права ихъ поволокати не маеть.

Артыкулъ 81.

Сведецъствомъ трехъ або двухъ светковъ маеть сторона речъ свою одеръжати, и хто бы теж, отставивъшы доводъ, пустилъ стороне на присягу.

Тежъ уставуемъ, ижъ сторона, доводечы речы своее, маеть доводити трема светками, людми веры годными и неподойзреными. А естли бы хто трехъ светковъ не мелъ, тогды в недостатку третего при двухъ сведецъстве самъ маеть прысегнути и тымъ речъ свою одеръжати. А ведъ же не о честь, не о кгвалтъ, ани о наездъ домовый, и тежъ где бы не шло стороне обжалованой о горъло, такъ тежъ и о земли, на што особливе на местъцахъ своихъ суть доводы написаны. А хто бы, отставляючы доброволне доводъ, светковъ трехъ пустилъ стороне своей противной на присягу о которую кольвекъ речъ, тогды тая сторона, кгды ся доброволне за присягу озметь и присягнеть, маеть речъ свою одеръжати. А естли присягнути не всхочеть, тогды речъ свою тратить. А хто бы, маючы трохъ светковъ, а надъ них самъ доброволне за присягу братисе не хотелъ, тогды то ему волно будеть и сведецъствомъ трехъ светковъ без прысяги речъ свою одеръжить. И кгды кому с права присега сказана будеть албо ся хто за нее добровольне у суду озметь, тогды урядъ для розмышленья сторонъ маеть присегу на день третий зложити, а тамъ дня третего сторона противная, противъ которое маеть быти прысега чинена, маеть, роту тое присеги от писара с подъписью руки его взявши, оную сторону свою до присеги передъ вознымъ и стороною двема шляхътичами вести, а возный роту выдавати маеть. А не всхочет ли хто стороны своее противное до присеги вести, такий речъ свою тратить. А оный, хто мелъ прысягати, а не былъ веденъ до прысяги, вжо без прысеги тую речъ, ему сказаную, одеръжати маеть. А часъ пилности присяги маеть быти того дня третего до полудня, местъце присязе там же передъ судомъ, а чынити прысегу маеть кождый водлугъ своего набоженъства, якого ужываеть.

Артыкулъ 82.

О доводехъ листовъныхъ.

Могуть тежъ быти доводы листовъные, то естъ записы на именья и иные выписы або оповеданья и сознанья книгъ канъцляреи нашое и с книгъ судовыхъ земъскихъ и замковыхъ и черезъ церокграфы подъ печатьми и подъ написаньемъ руки власное, такежъ квитами и реестрами ревизоръскими, на отмены даными, и иными листы и реестры заведучыми або увяжчыми, яко о томъ шырей нижей на местъцы своемъ естъ написано.

Артыкулъ 83.

О комисеяхъ нашыхъ, г[о]с[по]д[а]ръскихъ, в которыхъ речахъ мають быти даваны.

Уставуемъ тежъ, ижъ листы нашы комисейные ку вчиненью справедливости толко в тыхъ речахъ, нижей описаныхъ, мають быти даваны, то естъ о границы межы именьями нашыми и шляхетъскими, кгды ся хто с подъданыхъ нашыхъ народу шляхетъского якого кольвекъ стану особа утечеть до насъ, менечи собе крывду в кгрунте своемъ от воеводъ, старостъ, деръжавецъ, тивуновъ и якихъ колвекъ врядниковъ з ыменей нашых або от подданыхъ нашихъ. Тогды мы заразомъ без жадное проволоки на розсудокъ и росправу таковыхъ розницъ о кгрунты маем комисаровъ нашихъ трехъ особъ, а меновите кашталяна або маръшалъка и к тому подкоморого того повету и з ними третего шляхътича, в том же повете оселого. А в которомъ повете кашталяна, ани маръшалъка не будеть, там с подкоморим двухъ шляхътичовъ того жъ повету албо кого з урядниковъ нашыхъ, толко родичовъ и обывателей того панства нашого, великого князства литовъского, давати и высылати. А стороне жалобной волно будеть также за листы нашыми з стороны своее толко жъ особъ шляхетъского народу узять. Тежъ мають быти комисей нашы даваны о выкупенье именей нашыхъ, г[о]с[по]д[а]ръскихъ, также и з духовъными, яко о томъ в розделе третемъ в артыкуле 30 третемъ естъ описано. А о иншие речи вси якъ шляхъта межи собою, такъ и вси панове духовные и светъские мають ся справовати передъ судомъ належнымъ.

Артыкулъ 84.

О роки заплаты пенежное, з суда сказаное.

Тежъ уставуемъ, ижъ кождой заплате п[е]н[е]жной, с права за презыски от которого кольвекъ суду сказаной, мають быти роки заплате по сказанью судовомъ положоны, то естъ, почавшы от наменшое [в оригинале: "намешное"] личбы до петидесятъ копъ грошей — две недели. А той суме, што будеть болшъ петидесятъ коп грошей [в оригинале: "гротей"], албо сту копамъ грошей — чотыри недели; што болшъ ста копъ грошей до петисот копъ грошей — тому дванадъцать недель; а што надъ пятьсотъ копъ ажъ до тисечи копъ грошей — той суме рокъ двадъцать чотыры недели. А естли бы хто на тые роки не заплатилъ [в оригинале: "не заплаталъ"], тогды возны [!], от вряду на увезанье прыданый, за листомъ врядовымъ увяжъчымъ, по вышстью кождое раты албо колко ратъ, яко того сторона жалобная потребовати будеть, маеть в именье виноватого сторону поводовую увязывати водлугъ обычаю сего права посполитого. Нижли естли бы се хто листомъ своимъ записалъ на который рокъ заплатити, а не заплатилъ бы, тогды врядъ, сказавшы на такомъ тую суму, в записе описаную, маеть за нее заразомъ без складанья роковъ водлугъ опису отправу чынити. Так же естли бы пры отнятью кгвалтовномъ именья взялъ што колвекъ маетности, збожъя, быдла и иншыхъ статковъ домовыхъ и што бы кольвекъ реч[ь]ю рухомою названо быть могло, на што бы сторона поводовая слушный доводъ водле права вчынила, тогды если чого с тыхъ речей пры подаван[ь]ю именья не верънеть, ино и то без складанья роковъ статутовыхъ на стороне обжалованой отправлено быти маеть.

Артыкулъ 85.

О полюбовномъ суду.

Уставуемъ: кгды бы судьи полюбовные за комъпромисомъ кому презыскъ який судовный сказали и листъ того сказанья згодне сполу о[бе]две стороне под печатми своими дали, а одна бы которая сторона суда ихъ того деръжати и тому досыть чинити не хотела, тогды за прыпозваньемъ тотъ листъ судовый маеть черезъ сторону тую, которая пры томъ суде стояти будеть, положонъ быти передъ судомъ земъскимъ на рокохъ судовыхъ. А суд, угленувшы в комъпромисъ и в тотъ листъ судовый, и обачит ли тотъ судъ полюбовный згодный и печатми судей обеюхъ сторонъ прыпечатаный, маеть его пры моцы заховати и отправу водлугъ того суду учинити. А где бы ся судъ полюбовный показалъ розный о таковый судъ, кгды ся обедве стороне передъ врядъ земъский прыпозовут або одна которая сторона противную свою сторону позоветь, тогды врядъ маеть того досмотрети и розъсудити, и которое стороны судьи водлугъ права будуть сказали, тотъ судъ пры моцы зоставити. Естли ж бы обеюхъ сторонъ судьи судомъ своимъ от права посполитого або комъпромису ухилилися, тогды врядъ за тым же позвомъ заразомъ, яко на року завитом, будь за станьемъ або нестаньемъ стороны позваное, маеть розъсудокъ свой в той речи водле права вделати и отправу дати.

Артыкулъ 86.

О отзыванью з суду до головныхъ судей.

Уставуемъ тежъ, коли бы ся кому с подданыхъ нашихъ сказанье у суду земского або замкового, такъ самых воеводъ, старост, яко и их врядников судовых або подкоморого або комисаръское, не водле права видело такъ поводовой, яко и отпорной стороне, тогды будет кождый с тыхъ сторонъ, такъ поводовой, яко и отпорной, волъно ся по сказаньи судовомъ отозвати до суду головного в томъ, што ему судить належыть. А вед же тотъ, хто ся отзоветь, не мает судьи словъ соромотныхъ мовити пры отозве, одно тыми словы поведити: «Панове судьи, тое сказанье вашо мне ся видить не водле права, отзываюся с тымъ до суду головного». А по отозванью, поки се передъ судомъ головнымъ стороны правомъ розопруть, судъ отправы чинити не маеть. А где бы у суду которого передъ апеляцеею прысега которой стороне была сказана, а другая бы сторона противная по сказанью апелевала, тогды тая прысега маеть быти задеръжана дотыхъместъ, поки ся стороны з собою за апеляцыею розопруть. А потомъ на суде головномъ естли сказнь врядовая уфалена будеть, в тотъ часъ и присега тамъ же у суду головного выконана быти маеть. Естли жъ бы ся то трафило, ижъбы тая сторона, которой присегу врядъ скажеть, не дождавши росправы у суду головного, з сего света зышла, тогды потомъки ее, кому бы тотъ презыскъ водле права належалъ, похочут ли презыскъ одеръжати, винни будуть апеляцыи пилновати и присегу учинити. То жъ ся и о противной стороне в такомъ припадъку розумети маеть, же потомки ихъ права пилновати и попирати мають. Ведъ же кгды бы, у апеляцыи стоячи, одна которая сторона умеръла, тогды тая другая сторона позосталая маеть потомки ее ку прислуханью выроку позвы нашими земскими передъ судъ головный припозвати на рокъ завитый. А што суду нашому, г[о]с[по]д[а]ръскому, водлугъ права посполитого належить, в такихъ речахъ и апеляцыя маеть ити до насъ же, г[о]с[по]д[а]ра.

Артыкулъ 87.

О отозвехъ, где бы колко братьи або участъниковъ позвали кого ку праву, а потомъ, от суда отозвавшися по сказаньи, естли бы одинъ з нихъ зъедналъся, а другие, которые ся не еднали, могуть отозву пильновати.

Тежъ уставуемъ: естли бы колько участъниковъ, будь стороною поводовою або отпоръною будучы, мели с кимъ право о якую кольвекъ речъ, а сказанье бы за ними або противъ нихъ вышло, в чомъ бы видечи которая сторона собе с кривдою, до суду отозвавшисе, одинъ з нихъ або два з стороною зъедналися, кромъ иных участниковъ, а потомъ бы другая сторона зъ отозву тымъ хотела быти права, отбиваючы тыхъ, с которыми ся не еднала, для того, ижъ инъшие участники ихъ зъедналися и зъ апеляцеи выступили, тогды таковый отпоръ у права не маеть быти приймованъ, але тые, которые ся не еднали, могуть отозву пилновати, и сказанье маеть быти чынено, бо тые, которые ся зъеднали, части ихъ утратити не могли, кромъ того, кгды бы которые се зъеднали зуполную моцъ, а меновите врядовне на то имъ даную от участниковъ, ку тому праву и ку еднанью мели и в права то показали.

Артыкулъ 88.

В чомъ отозву судъ допустити не можеть.

Остерегаючи то, абы продлужен[ь]е в справедливости непотребное не деялося, уставуемъ, ижъ от врядов нашихъ апеляцыя никому допущона быти не маеть в тых речахъ, нижей в семъ арътыкуле описаныхъ. Первшое: хто бы кому описалъся и обовезалъся в чомъ листомъ своимъ, записомъ доброволнымъ, а таковый записъ найденъ бы слушный, водлугъ сего статуту и арътыкуловъ, в немъ нижей описаныхъ, справеный, а тотъ, хто ся опишеть, не приймуючи сказанья, апелевати хотелъ, проволоку чынечи, тому отъзовъ ити не маеть. Другое: где бы стороне жалобной прысужоно именье, люди або кгрунтъ який, о который она повывала о выбитье и отнятье з спокойного деръжанья, тогды сторона отпоръная апелевати в такой речы не можеть. Третее: естли бы хто кому, у суду стоячи, добровольне на доводъ або отводъ який пустилъ, а тотъ бы, кому пущоно, доводъ або отводъ учинилъ. Четверътое: естли бы ся хто ку чому самъ доброволне на праве зъналъ, не маеть тежъ врядъ апеляцыи допущати, збиваючы позвы и рокъ зражаючы, але по сказанью головъное речы, о што позвано, кромъ арътыкуловъ, в семъ статуте вынятыхъ, волно будеть апелевати. Такъже, варуючы и то, где бы стороны, о которие спадъки правуючися, а споръ станеться межи ними, не признаваючы одинъ другому линии кревности, в томъ судъ маеть розсудокъ чинить. И естли бы которая сторона то собе за головъную речъ брала, тогды и апеляцыи маеть ему допустити до суду головного отъ сказанья своего.

Артыкулъ 89.

О року завитомъ за апелецыями [!] и о томъ, хто бы неслушне апелевалъ.

Уставуемъ, ижъ кождой апеляцыи от всихъ врядовъ нашихъ маеть быти рокъ завитый, то естъ кождому воеводъству, земли и повету тамъ на томъ местъцу и о томъ часе, яко естъ в артыкулехъ суду головного около того меновите и достаточне доложоно. А хто неслушне и противъ праву отъзоветься, а судъ головный сказнь судовую потвердить, тогды тотъ оному, противко которому ся отозвалъ, мает шесть копъ грошей заплатити. А платы, доходы або пожитки, которые брал в томъ часе, по отозве держачы то, о што право идеть, за доводомъ слушнымъ з навезкою маеть ушкожоному вернути для тое причины, абы ся нихто упоръне, а в чужомъ користечы, надъ право ку проволоцс стороны своее противное не отзывалъ.

Артыкулъ 90.

Которого часу от врядовъ нашихъ отзовъ быти маеть.

Уставуемъ: естли бы ся кому от врядовъ нашых в сказанью судовомъ кривда видела, таковый маеть того жъ часу, от суду не отходячы, заразомъ скоро по сказанью судовомъ пры бытности стороны своее противное отозватисе до насъ, г[о]с[по]д[а]ра, або до суду головного обычаемъ вышей мененымъ. А такъ передъ судомъ нашимъ, г[о]с[по]д[а]ръскимъ, або головнымъ болшей ку помочи собе ничого брати и прикладати не маеть, толко то, што было передъ судомъ перъвшымъ, от которого апелевалъ. А где бы хто заразом того жъ часу, яко вышей доложоно, не отозвалъся, токовому вжо апеляцыя допущона не маеть быти и вряду такового о то позывать не можеть водле арътыкулу четыръдесятого сего ж розделу.

Артыкулъ 91.

О промолъчанью давности земъское о именье лежачое и о презыски, с права сказаные.

Уставуемъ, ижъ хто бы о именье лежачое давность земъскую десеть летъ в молъчанью былъ, не позывалъ, ани листами упоминальными оносилъ [!], таковый вжо вечне о то молъчати маеть, хотя бы ся и впоминалъ, и ку праву позывалъ и в року стоялъ, а речы конъца не довелъ, а потомъ также от обношенья листом упоминальнымъ, або от заложенья позвы, албо и переведъшы право, а в деръжане именья не вошедши, давность земъскую десет летъ промолъчалъ и не впоминался, таковый вжо о таковое имен[ь]е вечне молчати маеть. По тому жъ, естли бы хто на комъ якую суму п[е]н[е]зей с права презыскавъшы, а после суда и сказанья врядового, не ужываючы и не домагаючыся отправы той речы сужоной, черезъ десеть [лет] в молчанью того былъ, таковый такежъ о то вечне молъчати маеть. Пакли бы тежъ, одеръжавшы хто сказанье врядовое на якую суму п[е]н[е]зей, а отправы за то за перъвшого вряду, хто то ему присудилъ, не одержалъ, а давности земъское десети летъ не омешкалъ бы, в такой речы другий врядъ без позван[ь]я о то, одно вгленувъшы в листъ судовый первшого вряду, водлугъ того отправу вчинити маеть.

Артыкулъ 92.

О кгвалътовное выбитье зъ спокойного деръжанья.

Тежъ уставуемъ: хто бы кого кгвалътовне без права выбилъ зъ спокойного держанья, з двора и с пашни дворъное, з места, з млына, з бояръ, з людей и зъ ихъ кгрунтовъ, будь в дому шляхетском, в месте або на селе бой який вчинившы або и такъ без бою отнял и собе приверънулъ именье, люди за правомъ прирожонымъ держачое, або во што бы хто за правомъ якимъ набытымъ врядовне при возномъ и шляхте в держанье вошолъ, а то бы будь самъ особою своею албо хотя черезъ врядника, слугъ, бояръ або подданыхъ своихъ учинилъ, тогды оный укривжоный маеть безъ мешканья тую кривду свою на вряде судовомъ оповедати и записати, и вознымъ и стороною обвести, и знаки кгвалту, естли якие будут, оказати. А потомъ надалей в десети неделяхъ от выбитья або отнятья маеть припозвати самого того пана, хто его, будь сам албо черезъ слугъ, подданыхъ своихъ, с чого выбилъ або отнялъ, до вряду замкового на рокъ завитый за четыри недели такъ от очевистого, яко и заочного поданью позвовъ. А тамъ передъ врядомъ кгродскимъ, кгды обедве стороне стануть ку праву, а позваная сторона естли бы ся того кгвалтовного отнятья и держанья своего того именья або людей заперла и до того не знала, тогды тое именье або люди мають быти заразъ сказаны жалобнику в держанъе. А кгвалту, бою, ранъ або забойства и тежъ шкодъ починеныхъ, в позве описаныхъ, похочеть ли сторона жалобная доводити, то ей волно бедеть [!]. И врядъ нашъ за слушнымъ доводом, яко о кождомъ кгвалте доводъ естъ нижей описанъ, маеть сказанье противъ стороны обвиненое учинити водлугъ вины и учинку порядкомъ сего статуту. А по всказанью и отправу на властном имен[ь]ю винъного чинити до остаточнего стопня права, роков статутовыхъ, заплате п[е]н[е]зей сказаныхъ, не складаючи. А прийдет ли до того с права, и горломъ карати. А где бы сторона обвиненая, признавшися до держанья того именья або людей, поведила то, же онъ жалобника с того, о што онъ жалуеть, кгвалтовне не выбиялъ, але то держить за правомъ якимъ слушнымъ и хотел бы то якимъ правомъ хотя и на писме покозати [!], тогды предся той стороне отпоръной не маеть быти на выводъ давано, але жалобная сторона маеть ку доводу припущона быти. И доведет ли будь писмомъ якимъ або сведецьствомъ суседовъ околичныхъ якого колвекъ стану, толко людей добрыхъ, веры годныхъ, ни в чом не подойзреныхъ, сема чоловеки и присегою своею спокойного держанья своего того именья або людей, тогды то, с чого былъ выбитъ, судъ ему заразомъ в держанье и к тому кгвалту двадъцать коп грошей сказати маеть. А за бой, раны, забийства, естли ся при таком кгвалтовномъ отнятью стануть, также шкоды, в тотъ часъ поделаные, врядъ при знакохъ слушныхъ и при оповеданью врядовомъ за тою жъ присягою, которая яко на выбит[ь]е кгвалтовное, такъ на ранахъ и шкодахъ однымъ разомъ чинена быти маеть от стороны жалобное, сказывати маеть, а шкоды з навезкою сказуючи, и отправу чинити на именью виноватого водле науки сего статуту. А той противной стороне, которая се зъ якимъ правомъ своимъ у суду окажеть, врядъ волное мовенье впередъ у суду належного заховати маеть. А хто бы, минувшы врядъ кгродский, хотелъ о выбитье зъ спокойного держанья, хотя и в томъ часе от выбитья в десети неделяхъ, вышей в семъ арътыкуле споминаныхъ, до вряду земъского пазвати, то кождому волно будеть. А врядъ земъский тымъ же обычаемъ, яко веръху поменено, такие речы розсуживати маетъ. А што колвекъ который врядъ кгродъский або земский за такими позвы о выбитье зъ спокойного деръжанья кгвалту, навезокъ и шкодъ присудить, тому роки заплате, в статуте описаные, не мають быти покладаны, але заразомъ по сказанью сторона поводовая яко в деръжанье того, щого была выбита, через возного впущона, такъ и отправа ей за презыски сказаные на властъномъ именью стороны противное вчынена быти маеть под заруками на сторону и врядъ, яко о порядку отправъ иншых всихъ речей сужоныхъ естъ описано.

Артыкулъ 93.

О напомненью врядовомъ около заплаты сумы п[е]н[е]зей, с права сказаное, первей нимъ возный паедеть за то увязывати.

Забегаючы мы тому, абы нихто непослушенъства своего праву посполитому неведомостью покрывати и обмовляти не могъ, уставуемъ, ижъ, кгды которая сума п[е]н[е]зей от которого кольвекъ вряду нашого сказана кому на комъ будеть, за нестан[ь]емъ тое стороны противное, на комъ што скажуть, а будет ли тая сказнь вчынена в речы такой, в которой сесь статутъ роковъ заплате п[е]н[е]зей складати не допущаеть, тогды врядъ нашъ, выдаючы стороне поводовой, которая презыскъ одеръжить, лист свой увяжчый до стороны противное, предъся маеть на томъ листе своемъ часу ему ку заплате тыхъ п[е]н[е]зей сказаныхъ узычити от поданья ему або от положенья на именью его через возного и двухъ шляхтячов копии з листу увяжъчого за чотыри недели, напоминаючы его, абы на тотъ рокъ тые п[е]н[е]зи водлугъ сказан[ь]я ихъ заплатилъ. А в томъ листе увяжъчомъ зарука маеть быт[ь] покладана такъ великая, якъ будеть важность речы сужоное. А где бы за чотыри недели тое сумы всказаное не заплатилъ, тогды за тымъ же листомъ увяжъчымъ возный отправу на имен[ь]и его за то учинити маеть водле арътыкулу, нижей описаного. А где бы сказанье врядовое вышло тежъ заочне, але на такую суму п[е]н[е]зей, которой роки заплате водлугъ замеренья сего статуту будуть положоны, тогды предъся тотъ рокъ або тые роки, яко ихъ великость сумы сказаное укажеть и на листе увяжчомъ описаные будуть, мають початися личити не от сказанья врядового, але такежъ от поданья албо положенья на именью виноватого копѣи з листу увяжчого. Нижли которая сума п[е]н[е]зей за очевистымъ у права мовеньемъ сторонъ або ихъ умоцованых [в оригинале: "умоцонаных"] сказана будеть, в томъ такового обвещенья и напоминанья не будет потреба, але водлугъ припадку речи и науки сего статуту або заразом по суде отправа будеть дана, або от сказан[ь]я судового роки статутовые пойдуть и личитися почнуть. Также ся не толко о суме п[е]н[е]зей але и о иншихъ речахъ якихъ рухомыхъ, с права ку отданыо присужоныхъ, розумети маеть. А где бы хто на роки, от насъ або от вряду нашого водлугъ сего статуту положоные, п[е]н[е]зей присужоныхъ заплатяти не хотелъ, тогды противъ такового отправа чинена быти маеть водлугъ арътыкуловъ, нижей о томъ постановеныхъ. Тое жъ ся маеть розумети и о речахъ, з выроку нашого, г[о]с[по]д[а]ръского, присужоныхъ и до вряду на отправу отосланыхъ.

Артыкулъ 94.

О отправе сумы п[е]н[е]зей, с права присужоное, где бы хто ее водлугъ сказанъя врядового не заплатилъ, и тежъ о увязанье в ыменье прысужоное.

Пакли бы хто сумы п[е]н[е]зей, от которого колвекъ вряду нашого земского або кгродского, будь тежъ подъкоморъского або комисаръского, присужоное, албо пакъ з нашого, г[о]с[по]д[а]ръского, любо тежъ судей головныхъ выруку [!] на отправу до вряду отосланое, будь заразом по сказанью водле описанья сего статуту або на роки, в нем вышей описаные и узычоные, стороне своей противной не заплатилъ, тогды возный, от вряду нашого на увязанье стороне жалобной приданый, маеть с трема шляхтичами, веры годными, для того увязанья до именья стороны противное, на ком што сказано будет, ехати и сторону жалобную водлугъ листу увяжчого за суму, ей сказаную, в люди, именье, кгрунты и инъшую маетность стороны противное водлугъ порядъку и науки, в семъ статуте около того нижей описаное, увезати и то ему в деръжанье до заплаты сумы п[е]н[е]зей подати. А где бы хто возному увязанья не поступилъ и боронилъ самъ або через врядника, тивуна, слугъ, бояръ и подъданыхъ своихъ и через кого кольвекъ иного, не толко учынком якимъ спротивенство показуючы, але хотя словне мовечы, же не поступуеть увязанья, и то бы возный и с тою стороною трема шляхтичы згодне передъ врядом земъскимъ або кгродскимъ сознали, тогды таковы [!] противникъ вжо в заруку, на листе увяжчомъ описаную, попадаеть. А врядъ тотъ, который будеть тую реч судилъ албо до которого от насъ, г[о]с[по]д[а]ра, албо от головного суду на отправу отослано будеть, естли земъский, тогды судья або подъсудокъ, а естли врядъ кгродский, тогды воеводове, старостове або ихъ наместъники, подъстаростий або судья кгродъский, маючы при собе возных двухъ того жъ повету и пети шляхътичов, оселых в томъ паньстве, великом князъстве, людей добрыхъ, веры годныхъ и ни в чомъ не подойзроныхъ, о которую сторону жалобная сторона старатися повинна, мает на тое увязанье ехати от данья ему знать через того возного, первей на увязанье посланого, надалей за чотыри недели, и тамъ сторону поводовую яко за тую суму, с права сказаную, такъ и за заруку, в листе увяжчомъ положоную, въ именье противника увязати и на конецъ отправу на немъ водлугъ порядъку сего статуту учинити, заховуючыся в томъ увязанью противко обеюмъ сторонамъ верне, правдиве, подъ тою жъ присегою своею, на врядъ его учиненую. А хотя бы по всказанью врядовомъ тотъ самъ, противъ кому сказанье выйдеть, або на комъ што присужоно будеть, перъвей ним до увязанья прийдеть, умеръ, тогды возный або врядъ самъ без жадного иншого припозыванья, але за тымъ же сказаньемъ отправу и увязанье противъ детей, потомковъ и близскихъ его водлугъ порядъку сего статуту выконывати маеть. Где бы тежъ тотъ, хто презыскъ одеръжить, не взявши заплаты, и первей увязанья з сего света зшолъ, тогды детямъ, близскимъ его, кому бы тотъ презыскъ за правомъ прирожоным албо тежъ обчому кому за записомъ належалъ, также без позыванья, толко лист увяжчий отменивши, отправа чинена быти мает. А за працу тому вряду самому увяжчого от копы два грошы тот, на ком отправу чинять, платити мает, и вряд за тотъ свой доход особливе в люди або земли виноватого увезатися и стороне той жалобной або кому иному в том завести может. А кгды прийдет увязывати у власное именье стороны жалобное, близкостью або якимъ инымъ правомъ презысканое, або в люди, кгрунты, кромъ такого именья, которое бы было кгвалтовне зъ спокойного деръжанья отнято, о чомъ естъ наука в особливыхъ арътыкулехъ. Тогды врядъ около увязанья в тое именье тым же порядъкомъ, вышей описанымъ, заховатися маеть. Одно жъ за працу вряду увяжчого вжо сама сторона поводовая от службы або волоки, оселое людми, по два грошы, а от дворъное и пустовъское пашное земли або волоки по одному грошу платити будеть, а от инъшыхъ кгрунтовъ, которые бы ся на пашню не згодили, ничого платити не будеть винъна. А тую отправу врядъ в томъ часе, вышей замерономъ, выконывати маеть подъ виною петмадесятъ копами грошей стороне поводовой, о которую вину врядъ до тых жо судей головныхъ позванъ быти маеть, а по заплате вины предъсе тую отправу чинити виненъ будеть.

Артыкулъ 95.

О томъ, хто бы вряду которому увязанья не поступилъ по суде которого вряду, а не по трыбунальскомъ.

А естли бы сторона тая, на комъ врядъ земъский або кгродский отправу вчинити всхочеть в речахъ тыхъ, в которыхъ сторона, правомъ переконаная, сказанье врядовое прынела и от него не опелевала, тому вряду нашому отправы вчинити на именью своемъ не допустилъ и чымъ кольвекъ самъ або черезъ кого иного спротивилъся, тогды таковый за тую свою противность в совитую заруку впадаеть. А врядъ тотъ, которому бы се спротивлено, до нас, г[о]с[по]д[а]ра, на листе своемъ отворономъ под печатью своею и подъ печатми тыхъ шляхътичовъ и возныхъ, пры немъ будучихъ, к тому и с подписаным [!] рукъ ихъ, хто з нихъ писати умети будеть, отослати и о томъ упоре ознаймити намъ маеть. А мы, г[о]с[по]д[а]ръ, где на тотъ часъ дворомъ нашимъ будемъ, такового упорного и вряду нашому не послушного казать выволать с паньствъ нашых, а на именью противного черезъ дворанина нашого укрывжоному моцную отправу вделати росказати заразомъ, кромъ вшелякое проволоки, такъ в речы осужоной, яко в зарукахъ, закладехъ и винах, и в шкодахъ всихъ, маемъ и повиньни будемъ. Который дворянинъ при таковой отправе пети тежъ шляхтичовъ и двухъ возныхъ при собе мети маеть. А за тую вину, ижъ вряду нашому не поступилъ увязанья, яко за спротивенье праву посполитому и зверъхности нашой, г[о]с[по]д[а]ръской, остатокъ маетности противного, што бы колвекъ ее по вчиненью стороне жалобной отправы въ великомъ князстве литовъскомъ остало, всю от мала до велика лежачую до столу нашого, г[о]с[по]д[а]ръского, взяти и приверънути маемъ, которую вжо тотъ истый таковый противъникъ вечне тратит[ь] повиненъ будеть. И вжо мы, г[о]с[по]д[а]ръ, тую маетность роздати моцни и волни будемъ людемъ народу шляхетского, намъ и речы посполитой заслужонымъ, яко властные спадки наши, а тому выволанцу не ворочаючы ее, вынявши то, естли бы таковый стороне укривжоной за вси презыски досыть учинилъ, а до насъ, г[о]с[по]д[а]ра, о милосеръдье бы се утекъ; тогды приверненье ему оное маетности и знесенье з него выволанья будеть при воли и ласце нашой, господаръской. А естли бы тот же такъ упорный былъ и тому посланъцу нашому спротивилъся и отправы вделати не допустилъ або тое именье, уникаючи права, кому иному в руки пустилъ, чого водлугъ артыкулу, вышей описаного в сем же розделе, семъдесят третего учинити не могъ, такового яко противника справедливости божое и зверъхности маестату нашого, г[о]с[по]д[а]ръского, за припозванъемъ от стороны укривжоное передъ насъ, г[о]с[по]д[а]ра, на рокъ завитый и по оказанью на писме того упору и непослушенъства его сознан[ь]емъ посланца нашого, шляхты и возныхъ, при немъ будучихъ, тамъ, где на тотъ часъ дворомъ нашимъ будемъ, в жадную лимитацыю того не впущаючы, кгды позваный станеть, горъломъ его карати кажемъ.

А естли не станеть, тогды заразомъ на том же року маемъ его росказати зо всихъ земль паньствъ нашихъ выволати вечнымъ выволаньемъ такъ, ижъбы ся николи в границы паньствъ нашыхъ не ворочалъ [в оригинале: "не вороаал"]. А поступокъ увесь отправы стороне жалобной и приверненье маетности упорного до столу нашого, г[о]с[по]д[а]ръского, такежъ заразомъ на року, за манъдатомъ припаломъ, такъ, яко вышей описано, черезъ посланьца нашого выконати мы, г[о]с[по]д[а]ръ, безъ жадное проволоки повинни будемъ. А увяжчого посланцу нашому так же маеть быти, яко и вряду. Ведь же где бы сказнь врядовая противъ кого заочне за нестаньемъ або за недопущеньемъ апеляцыи вышла, а то[т] бы, на комъ што сказано, тотъ судъ и сказанье за неправное почитаючи, увязанья не поступилъ и врядъ о такое сказанье неправное до суду належного трыбунальского запозвалъ, тогды таковая справа маеть быти задеръжана, и вряд того такового спротивного яко на выволанье до насъ, г[о]с[по]д[а]ра, отсылати, такъ и отправы чынити не мает ажъ до росправы о томъ у суду головного. И зостанет ли тотъ спротивный в томъ виненъ, што урядъ на немъ всказалъ, тогды и зарукамъ тымъ за непоступленьемъ увязанья возному и вряду, вышей в семъ статуте описанымъ, подълечы маеть. А судъ трыбунальский ку отправе тое речы и зарукъ отослати маеть водлугъ науки, в «Трыбунале» описаное.

Артыкулъ 96.

О таковыхъ, хто бы подъ часомъ переводу права межи двема особами онъ третий увязанья вряду боронилъ.

Пакли жъ бы хто, маючи собе именье, от кого иного пущоное, по заложенью позву черезъ которую сторону жалобную, а потомъ по сказанью врядовомъ того именья стороне поводовой або по присуженью на томъ именью якое сумы п[е]н[е]жное увязанье возному або вряду нашому боронилъ, тогды сторона жалобливая такового на рокъ завитый заочне за шесть недель, а очевисте за чотыри недели до суду головного припозвати маеть тамъ, на тое местъце, где в которомъ воеводъстве в онъ часъ судъ головный справы судовые отправовати будеть. И кгды на него того спротивенства сведецъствомъ врядовымъ, яко вышей описано, доведеть, тогды у вязанье у оное именье за речъ осужоную поступити, а к тому кгвалты, заруки, в листе судовомъ описаные, з навезкою самъ заплатити повиненъ будеть, што на властной маетности его без складанья роковъ статутовыхъ сказано, и отправа порядъкомъ, вышей противъ самого истъца описанымъ, учинена быти маеть. А то се маеть розумети, коли бы хто оселый въ великомъ князстве литовъскомъ тое вчинилъ. А кгды бы тотъ, который увязанья боронилъ, у великомъ князъстве литовъскомъ былъ неоселый, а увязанья боронилъ моцно, тогды самый истецъ поступкомъ вышей описанымъ во всемъ поконыванъ быти маеть. А о томъ неоселомъ спротивнику одномъ або колко ихъ будеть, яко о самомъ истъцу, врядъ намъ, г[о]с[по]д[а]ру, ознаймити маеть, а мы и тыхъ противниковъ посполу з самымъ истъцомъ зъ земли всихъ панствъ нашых выволати росказати маемъ.

Артыкулъ 97.

О выконанью увязанья и отправы на именью виноватого въ иншых поветехъ, где бы оселости и инъшое маетности его в томъ повете, где сказнь вышла, стало.

Уставуемъ, ижъ кгды бы в которомъ повете на комъ с права такъ великая сума п[е]н[е]зей сказана была або бы хто, упоромъ своимъ противечися праву посполитому и увезанья не поступуючы, в заруки такъ великие попалъ, за што бы отправы водлугъ сего статуту именье и маетност[ь] его в томъ повете, в котором судъ был, не вынесла, а онъ бы еще мелъ оселость в ыншыхъ поветех, тогды за ознайменьемъ о томъ и отосланьемъ через листъ отвороный вряду того повету, где тая речъ сужона, маеть и повиненъ будеть врядъ другого повету, будь земский або кгродъский, которому з нихъ водле того суда належати будеть, то естъ естли у земъства было сужоно, тогды земский, а естли у кгроду, тогды тежъ кгродъский, за останокъ сумы, с права сказаное, водлугъ науки сего статуту, на именьяхъ виноватого отправу стороне поводовой учинити от принесенья имъ такого отосланого листу с того иншого повету надалей за чотыри недели подъ тою жъ виною, вышей въ арътыкуле деветьдесятъ четверътом сего жъ розделу описаною. Естли бы ся тежъ трафило отправу за суму п[е]н[е]зей чинити або в самое с права сказаное именье увязывати, в таковое, которое бы ся розлучило людьми або кгрунтами от двора того пана в ыншый прилеглый тому поветъ албо и колко поветовъ, тогды врядъ того повету первшого маеть ку отправе и увязанью до остатъка тую речъ отослати через листъ свой отвореный въ иншые поветы, где такие люди, кгрунты лежат, до суду кгродъского. А тотъ врядъ кгродъский повиненъ будет тое сказанье водлугъ листу судового оного первшого вряду, где ся початокъ тое справы сталъ, выконати и отправу учинити водлугъ порядъку статутового подъ виною, ув ыншихъ арътыкулехъ на врядъ о зволоку отправы описаною.

Артыкулъ 98.

Якимъ шацункомъ отправа сумы п[е]н[е]зей, с права сказаныхъ, на именью лежачомъ чинена быти маеть.

Уставуемъ, ижъ кождый врядъ нашъ судовый за суму п[е]н[е]зей присужоную маеть водле порядку сего статуту вышей мененого увезанье давати шацункомъ, в семъ арътыкуле нижей описанымъ, за кождую двадъцать копъ грошей — в службу або волоку, людми оселых, а за десеть копъ грошей — у полъслужбы або полволоки, людми жъ оселыхъ, по тому жъ и в землю пустовскую або волоку пустую — за десеть копъ грошей. А где бы людей тяглых и пустовщинъ не стало, тогды в бояре панцерные и путные: в панцеръного боярина зъ его землею — за сорокъ копъ грошей, в путного — за тридъцать коп грошей. А естли бы и тыхъ не стало, тогды в люди и кгрунты бояръ, шляхты, которые бы оселостями своими ку тому жъ именью, на которомъ отправа чинена будеть, належали, а не мели бы первей данинъ вызволенья от пана своего слушного водлугъ сего статуту. Однакъ жо тотъ, хто въ именья такие шляхетские увяжеться, не маеть у тое шляхъты именей отнимати, толко маеть смотрети службы и повинъности такое, якую повинъни были пану своему, также шацункомъ, вышей и нижей описанымъ. А моркгъ земли по гною — за копу грошей; поля простого моркгъ — за пятьдесят грошей; сеножать моркгъ — пятьдесятъ грошей; земли лесное, которая бы се годила на пашню, моркгъ — за сорокъ грошей; бору, лесовъ, пущъ кождый моркгъ — по грошей двадъцати. Пакли жъ бы и таковых кгрунтов на увязанье за суму присужоную не доставало, тогды и в засеянье на кгрунтехъ дворъных жытомъ и ярынами увезанье давано быти маеть, то естъ с кождого моркгу, погною рахуючы: жыта по пети копъ, а на моркгу простого поля — по тры копы, а на моръкгу ярынами засеяными — пшеницы по шести копъ, ечменю по шести жъ копъ, овса по чотыры копы, ярыцы по тры копы, гречихи по пети коп, гороху по шести копъ, проса по чотыри копы, сочывицы по чотыри копы. А иншые огородные речы засеяные — водле уваженья возного и шляхты, з нимъ на томъ увязанью будучое.

А то маеть быти шацовано на п[е]н[е]зи по тому, яко нижей в семъ статуте шацунокъ збож[ъ]ю естъ описанъ. А што ся дотычеть озеръ, рекъ, тогды ув озера увязанье давано быти маеть ведле ведомости, от суседъ околичных осягненое, яко много тонь в которомъ озере будеть, каждую тоню становечы за двадъцать чотыри грошы; ставы и млыны, сажовки — подле важности пожитковъ, а на реках езъ або сежу осетровую — за копу грошей, езъ рыбий — за грошей дванадъцать, гать котцовый рыбий руский або полеский — за грошей дванадъцать, гать уюновый, также полеский,— за грошей шесть.

А где бы и тыми речми вышей меноваными сума сказаная не выполниласе, тогды быдло всякого рожаю, збожъе молочоное и немолочоное и иные статки и речи рухомые шацункомъ сего статуту [в оригинале: "ста статуту"] подавати маеть. А которымъ бы речамъ шацунокъ в статуте не былъ описанъ, тогды также возный з шляхтою водлугъ уваженья своего шацунокъ и отправу на тыхъ речахъ чинити мають. А пакли ж бы и то все оное сумы не выносило, тогды по таковой отправе возный з шляхтою, рокъ чотыри недели зложившы, и по выштью ихъ маеть и в дворъ, и в будованье дворное, и в пляць, ошацовавшы все будованъе, за што стояти будеть, увезати и стороне подати маеть. А возный тотъ и шляхта, которые таковую отправу делати будуть, тое именье, люди, статокъ ихъ робочый и вшелякую повинъность звыклую тыхъ бояръ, людей и пожытки списати мають и тотъ реестръ передъ урядомъ сознати. А тотъ, кому таковые добра подадут, ничого болшей надъ повинность, в реестре описаную, брати не мает под нагороженьемъ всего того стороне противной, што бы надъ то взялъ по выкупенью такового именья и людей. Естли ж бы и тое все оное сумы не выносило, тогды на особе самой в недостатку маетности отправа вчинена быти маеть. Ведъ же припозвавшы его до вряду кгродского, а то тымъ обычаемъ, ижъ тот позовъ маеть быть черезъ возного при костеле в парафеи и на торъгохъ прибитый и обволаный. А кгды станеть, тогды вряд кгродский оного повету за ознайменьем тое речи от стороны жалобное, а за сведецъством возного и стороны, ку той отправе посыланыхъ, маеть его до везенья осадити. А не станет ли за позвомъ, ино где бы колвекъ могъ быти постигненъ, маеть быти пойманъ через врядъ кгродский и до везенья замкового або дворного осажонъ, в которомъ везенью потуль маеть седети, покуль рукоемъство на томъ дасть, ижъ стороне своей за все досыть учынить. А не будет ли мети рукоемъства, тогды врядъ стороне поводовой винъного выдати маеть, а онъ его у везенью держати маеть, ажъ ему за всю суму присужоную досыть учинить. А хто бы такового врядовымъ посланъцомъ взяти боронилъ, таковый за припозваньемъ о то до кгроду жъ на рокъ завитый и за переконаньемъ его в томъ правнымъ доводомъ самъ будеть повиненъ жалобнику то платити, што былъ виненъ тотъ, кого не допустил поймати.

Артыкулъ 99.

О заплате сумы п[е]н[е]зей, с права сказаное.

Кгды бы хто, маючи на собе суму пенезей, с права сказаную, а не хотечы за нее допустити увязанья в ыменье свое, хотелъ ее стороне своей противной на рокъ заплатити албо и по въвязанью въ именье, в люди, кгрунъты хотелъ то, во што увязано, выкупити, тогды перъвей маеть сторону свою противную листомъ отворонымъ вряду земъского або кгродъского черезъ возного и двухъ шляхтичовъ обнести. Не трафит ли ся [в оригинале: "трафилится"] очевисте копѣю с того листу подати, ино ее на именью положити наближей передъ тым днемъ, которого бы хотелъ пенези отдати, за две недели, абы бранья пенезей пилна была. А где бы хто сам або черезъ кого колвекъ иного, корыстячы в держанью именья албо людей увязаныхъ, не хотелъ на тотъ день ознайменый п[е]н[е]зей присужоныхъ брати, а если еще до увязанья не пришло, ино на роки, от вряду назначоные, естли бы тежъ не хотелъ хто п[е]н[е]зей присужоныхъ приняти, с которыми будеть найдованъ в ыменью своемъ тежъ врядовне з вознымъ и стороною, тогды такового тот, хто п[е]н[е]зи отдаеть, маеть позвати ку бранью п[е]н[е]зей до вряду земского або кгродского на рокъ завитый, на которомъ року оный позваный, никоторыми причинами, хотя и правными, не вымовляючися, вынявшы толко то, где бы хто былъ за границою в чужих паньствахъ на послузе нашой и земъской, виненъ будеть стати и пенези свои присужоные приняти.

А то, во што былъ увязанъ, пустити. А естли еще до увязан[ь]я не пришло было, тогды его зъ отданья п[е]н[е]зей квитовати. Пакли жъ бы тотъ позваный самъ, ани черезъ кого иного перед урядом ку бранью пенезей не сталъ, тогды врядъ, передъ который будет позвано, маеть пенези при собе зоставити и за печатми всихъ трохъ врядниковъ судовыхъ при книгахъ мають быти хованы, а стороне з ыменья, з людей вывезанье дати. А тые пенези винен будеть врядъ тому, кому были присужоны, заразомъ, скоро се ихъ поменеть, безъ жадного затрудненья надалей за тыйдень от упомненья отдати подъ заплатою другое, так же вѣликое сумы. Где бы се о то з урядомъ до розъсудку правного за неотдан[ь]е пенезей прыточило, также хто бы за позычоные пенези увезавшысе в чые именье, а не хотелъ на рокъ, в записе помененый, пенезей приняти и именья поступити, о то жалобной стороне вольно будеть такового до которого похочеть уряду кгродъского або земъского на такий жо, яко вышей описано, рокъ завитый позвати, а отдавати таковые пенези нигде иньде, одно на врядех нашихъ судовыхъ.

Артыкулъ 100.

О отънятью именья або людей, кгрунътовъ по увязанью врядовомъ.

Еще тежъ и то опатруемъ, ижъ где бы хто, поступившы увязанья в ыменье, в люди и який колвекъ кгрунътъ, будь возному, от вряду которого посланому, або самому уряду, и вжо бы то стороне поводовой в деръжанье врядовне подано, а потомъ бы онъ самъ або черезъ врядника, слугъ, бояръ, подъданых своих и через кого кольвекъ иного то, во што было сторону жалобную увязано, кгвалътовне и безъправнѣ отнялъ, тогды стороне, в томъ укривжоной, хотя жъ будеть увязанье дошло от вряду земского, але похочет ли для прудшое справедливости до кгроду о то такового противного позвати ало тежъ всхочет ли до суду земъского позвати, то.обое волно ей будеть учинити. А в речи такой, где было увязанья от кгроду, то засе до кгроду маеть позвати. А за которимъ колвекъ позваньемъ такъ до земства або до кгроду маеть быти рокъ завитый. И тамъ, на вряде, доведет ли сторона жалобная увязанья своего врядовного, в которое будеть черезъ возного або черезъ самый урядъ вошла, и отнятья кгвалътовного черезъ сторону ее противную тое речы, во што было увязано, тогды таковый спротивникъ еще совито такъ великую суму и заклады, за якую жалобникъ былъ увязанъ, той то стороне своей жалобной и к тому кгвалъту двадъцать копъ грошей ему жъ заплатити будеть повинен. И за то все увязанье и отправа на именью такого спротивъного заразомъ по суде безъ складанья жадныхъ роковъ учинена быти мает водлугъ того жъ порядъку и науки сего статуту, около увязан[ь]я вышей описаное.

Артыкулъ 101.

О бранью винъ черезъ вряды нашы, в семъ статуте и на записехъ добровольныхъ на вряды описаныхъ.

Кгды бы хто попалъ у вину якую, слушне правомъ переконаную которому вряду нашому земъскому або кгродскому, такъ в семъ статуте, яко и в записехъ добровольныхъ описаную, тогды такие вины мають належати у суду земъского всимъ трем урядникомъ земским — судьи, подъсудъко [!] и писару — на ровные части. А въ кгродъского суду, где бы ся то не передъ самыми воеводами або старостами судовыми точыло, по тому жъ всимъ тремъ врядникомъ — наместънику або подстаростему, судьи и тежъ писару. Ведь же кождый врядъ нашъ водля доброго уваженья и хрестияньского поступку прихильнейшым маеть быти до отпущенья таких винъ, нижли до бранья ихъ, звлаща сиротам, убогимъ, а не свовольнымъ фолькга в томъ чынена быти мает.

Артыкулъ 102.

О позыванью через самыхъ пановъ о крывъды ихъ слугъ, бояръ и подъданыхъ.

Кгды ся чыему слузе, боярыну, подданому и якого кольвекъ стану челяднику станеть якая крывъда от кого кольвекъ, буд[ь] от самое особы стану шляхетъского и иншое якое албо от чыих слугъ, врядникъ, бояръ и подданыхъ, и естли бы се то суседъским обычаемъ, не допущаючы того до нашого г[о]с[по]д[а]ръского вряду, росправити и успокоити не могло, а прышло бы до листовъ упоминальных албо и до позвовъ, тогды такъ листы упоминальные, яко и позвы мають быти браны не именемъ слугъ, бояръ албо людей чыих укрывъжоныхъ, але именем и на жалобу самыхъ панов, доводечы имъ справедливости. Ведъ же часу права могуть то панове отправовати через умоцованых своихъ, и не сам панъ, звлаща где не о его речъ властную або шкоду идеть, але тые укрывжоные слуги, бояре и подъданые его кгвалтовъ, кривдъ и шкодъ своихъ водлугъ права доводити могуть. Ведъ же на кгвалтех толко людямъ народу шляхетъского присега всказована быти маеть.

Артыкулъ 103.

Яко писаръ в писанью справъ судовыхъ заховатися маеть.

В писанью писари и подъписки писанья такъ широкого не мають чинити, вписуючы позвы и справы, которые ся передъ тым точили в той справе, але речъ достаточне выписати с таковыхъ его листовъ, даты позвовъ и листовъ поменяючи, то, што ся будеть стегати до тое справы, которая ся передъ судъ приточила. И такъ мають сторонамъ выдавати, абы продолъженьемъ писанья отправы людъские не затруднялися. Ведъ же виненъ всего доложити, яко сторона потребовати будеть, чого собе сама сторона або прокураторъ его жъ маеть припилновати, даючи мовенье свое зъ обу сторонъ на писме до писара надалей до третего дня для памети врядови, абы згажалъ вряд с паметью своею, што ся передъ нимъ точило. А не далъ ли бы до третего дня, тогды врядъ вжо не повиненъ приймовати. А где бы сторона потребовала якого листу, абы былъ вписованъ до книгъ для старости и для чого жъ кольвекъ, албо естли бы хто кому, даючи на вечность якую и на што колвекъ записы свои властъные водлугъ давного звычаю, и сознавалъ бы ихъ передъ врядомъ, тогды писаръ, не чинечы широкое предъмовы, але толко особъ тых поменивши, хто кому што записуеть, а потом листъ албо записъ тотъ слово от слова до книгъ вписати маеть.

Артыкулъ 104.

О возномъ, которого по латине зовуть енералъ.

Бачечы мы, г[о]с[по]д[а]ръ, ижъ того естъ потреба для многих потребъ и справъ людъскихъ, уставуемъ, ижъ в кождомъ воеводъстве и повете в здешнемъ панстве нашомъ, великомъ князстве литовъскомъ, надъ иншые одинъ возный установленъ быти маеть, таковый, которого латиньскимъ езыкомъ зовуть енералъ. А таковый врядъ в томъ воеводъстве и повете оселому родичу великого князства, писмо руское умеючому, за прычиною и ознайменьемъ о немъ намъ, г[о]с[по]д[а]ру, от воеводъ, старостъ судовыхъ и шляхъты, обывателевъ тыхъ поветовъ, откуль тотъ будеть. А мы, г[о]с[по]д[а]ръ, листы с канъцляреи нашое на таковые вряды имъ давати маемъ, которые после данины нашое, г[о]с[по]д[а]ръское, на вряде томъ, в которомъ повете таковая особа оселая будеть, на перъвшыхъ рокохъ судовыхъ земъскихъ передъ урядомъ при бытности шляхъты прысегу на врядъ свой ротою иньшыхъ возных учинити маеть. А по таковой присязе вжо урядомъ своимъ справовати будеть таковымъ способомъ, то естъ таковый возный в кождое воеводство и поветъ по всей земли того паньства нашого, великого князьства литовъского, где кому одно потреба будеть, позвы носити и врядомъ своимъ возновъскимъ владати и шафовати моцъ мети будеть. А при каждой справе сторону шляхту пры собе мети маеть, яко о возныхъ естъ в том статуте описано. А сознанье того кождого возного в кождомъ повете и на кождомъ урядѣ за моцное и важное прыймовано быти маеть. А в земли Жомоитъской и два таковые енералы быти могуть.

Артыкулъ 105.

О потваръцохъ.

Забегаючы тому, абы люди злые от потварей на людей невинъных повъстягнены были, уставуемъ: естли бы хто, пробачившы боязни бозьское и въстыду людъского, речы якие змышленые потваръные до суду донесъ и справы тое на кого попиралъ, а то бы се на него первый разъ явными доводы и слушными знаки показало, тогды за то стороне той, которую спотварылъ, вины повиненъ будеть заплатити шесть копъ грошей. А покажет ли ся то вторый и третий разъ, тогды за кождымъ разомъ по тому жъ стороне противной платити повиненъ будеть. А естли бы и четверътый разъ тое жъ ся на того жъ от кого колвекъ показало, тогды вжо таковому ноздра розрезана быти маеть, и въжо таковый потомъ абы николи до жадного вряду и до справы прыпущонъ не былъ. Вед же ся то розумети маеть толко о явныхъ потваръцохъ, а не о тыхъ людехъ, которые або для убозства, або для якое простоты и неумеетности своее, албо теж для якого прыпадку права своего собе не доведеть, тые за потваръцы розумени и караны быти не могуть.