Артыкулъ 1.

Которымъ обычаемъ отецъ, выдаючы дочку свою замужъ, маеть обваровати и упевнити записанье вена от зятя.

Тежъ уставуемъ, ижъ кождый обывателъ того паньства, которого жъ колве будучы стану, выдаючы дочку свою замужъ и дучы [!] за нею посагъ або выправу водлугъ доброе воли своее, наперве[й], нижли дочку выдасть, маеть от зятя взяти записъ под печатью и с подъписью руки его, хто писати умееть, и под печатми людей добрыхъ, которымъ онъ на третей части именья своего лежачого оный посагъ, то естъ гроши готовые, золото, серебро, перъла, каменье дорогое, совито шацуючы, а иншую выправу — шаты и всякие уберы, и хусты белые, кони, колыбки и вси инъшые речы рухомые — однымъ шацункомъ, безъ совитости кладучы, описати маеть по тому, яко нижей описано. А потомъ оный записъ тотъ же зять на перъвшыхъ рокохъ земъскихъ, судовне отправуючыхъ, передъ судомъ земъскимъ оного повету, в которомъ тая оселость, на чомъ вено записано, лежати будеть, самъ очевисто сознати и въ кгниги [!] земъские записати дати маеть, и на тое сознанье свое, же его маеть на вряде учинити, повиненъ будеть зятъ отцу листъ свой особный подъ заруками дати. А згодят ли ся на то обе стороне, жебы такий листъ веновный на вряде кгродскомъ, не ждучы земъскихъ роковъ, былъ сознанъ, то теж волно будеть. А потомъ тотъ записъ отецъ, матка або близские жоны его перенести мають до книгъ земъскихъ, и вжо таковая оправа маеть быти у кождого права держано. По тому жъ ся матка, братья, стрыеве и иные близьские около выдан[ь]я в станъ малъженъский девки народу шляхетъского заховати и первей выданья ее замужъ оправу от зятя одержати мають. Если жъ бы хто листу своего веновного, будь передъ земъскимъ або кгродъскимъ врядомъ, водлугъ постановенья, с прыятелы жоны своее на то вчиненого, не сознавшы первей року, на тое сознанье замероного, з сего света зшолъ, тогды жона его або ее приятели мають того жъ часу, яко наборъздей быти можеть, тотъ записъ его веновный на вряде земъскомъ або кгродъскомъ оповедати и оказати и до книгъ его записати дати. А потомъ, кгды тая речъ до права прыйдеть, а дети, близъские мужа ее не давали бы веры тому листу, тогды она, поставивши печатники, которыхъ печати у того листу веновного будуть, а то если бы были печатники живи, маеть пры ихъ сведецьстве еще прысегу учинити, же то естъ листъ правдивый, ей от мужа ее даный, а не будет ли жывыхъ печатниковъ, то предъся она жъ присегою своею того листу подперети маеть. А по такомъ доводе тотъ записъ пры моцы зостанеть. А пакли бы отець, матка, братъ и хто з близьскихъ, выдаючы девку замужъ, таковое оправы и вена, яко вышей описано, от зятя не одеръжалъ, таковая девъка по смерти мужа своего внесенье тратить, хотя бы великую суму за собою внесла. А ведь же предъся яко шляхътянце дети або близъские повинъни будуть за венець [в оригинале: "вененець"] дати трыдъцат копъ грошей, а то естли бы замужъ пошла. А где бы замужъ пойти не хотела, тогды межы детми и межы близьскими в ымен[ь]ю мужнемъ будеть ровную часть именья деръжати ажъ до смерти своее.

А естли бы оного шляхтича именье тридъцати копъ грошей не стаяло [!], тогды тежъ водлугъ того з оного именья маеть ей выделена быти четвертая часть, которую будеть деръжати толко до живота своего, хотя и за другого мужа пойдет. А похочут ли потомъкове и с тое четверътое части ее скупити, тогды таковая часть вся водлугъ сего статуту черезъ врядъ шацована быти маеть, а тое ошацованое сумы толко половица, а не болшей дано ей будеть. А где бы которая жона, не маючи от мужа вена описаного, первей мужа зъ сего света зышла албо и по смерти мужней седела до смерти своее на части именья его водлугъ навуки, вышей в семъ арътыкуле описаное, тогды по смерти ее дети, близские ее венца ее пойскивати не мають.

Артыкулъ 2.

Яко маеть мужъ жоне записати вено.

Тежъ уставуемъ: хто бы хотелъ записати вено жоне своей, тогды маеть ошацовати вси именья свои и на третей части всихъ именей своихъ, будь в каждомъ именью албо одно которое, албо колко именей в третюю част[ь] вынявшы и вылучившы, маеть противко внесенья жоны своее, яко веръху першомъ артыкуле описано, вена ей записати. И коли будеть тая жона его на третей части именей мужнихъ вено описаное от него мети, а онъ бы потомъ умеръ и дети по собе зоставилъ, а тая жона пойдеть за другого мужа, а естли дети або близъские усхочуть ее с тое третее части за живота ее вывеновати, тогды мають всю суму пенезей, яко будеть в листе описано, заплатити, тожъ тое именье къ рукамъ своимъ взяти. А естли жъ будуть дети або близъские ждати смерти ее, а того именья за живота ее з рукъ не всхочуть выкупити, тогды повинни будуть оное внесенье ее, што в тотъ в домъ ихъ унесла, по смерти ее заплатити тому, кому она отпишетъ. А привенъку, што будет записалъ отецъ ихъ напротивку внесенья совито, того не повинни платити. А она тежъ не маеть никому того привенъку отписывати, кромъ толко волно будеть отписати внесенье свое. А естли бы никому не отписала, а детей не мела, або бы и мела, але бы тые дети еще за ее жывота або и по смерти ее, летъ не доросши, або и доросшы летъ, а права бы своего ни на кого не вливъшы, померъли, тогды маеть тое внесенье ее вернено быти в дом тотъ, с которого вышла. Вольно тежъ кождому жоне своей отписати речы свои рухомые такъ, яко и кождому обчому, то естъ золото, серебро, шаты, кони езъдные и иные речы, кром зброй, стада и челеди дворное, и быдла дворного. А ведъ же и того всего, то естъ зброй, стада, челяди дворъное и быдла дворъного, и тежъ збожъя вшелякого такъ, яко и именья лежачого, третюю часть жоне отписати волно, абы, седячи на именью, мела чымъ службу нашу г[о]с[по]д[а]ръскую и земъскую с третее части имен[ь]я заступовати. А дети або близские, кгды будуть ее с тое третее части скуповати, тогды, прынявшы она от нихъ вено свое, винна будеть имъ тую часть третюю только з дворомъ, з будованьемъ дворнымъ, з бояры, з людми тяглыми и с челедью дворъною подати. А иншие речы, ей записаные, яко зброя, стадо сверепъе, быдло дворное и збожье, не всхочет ли она чого с тыхъ речей по доброй воли своей детямъ або близскимъ при именью зоставити, то все при ней зостати мает. А такъ подле тое уставы нашое мають се заховати вси подъданые нашы и на потомные часы. А хто бы назвышъ тое уставы нашое учынилъ, а што неслушне жоне своей за внесенье ее обычаемъ веновнымъ записалъ, таковыхъ записовъ не хочемъ меть моцныхъ мы сами и потомъки наши, великие кн[я]зи литовские. Прото отецъ, матка, брат[ь]я або иншие близские, еще не выдавшы девки замужъ, мають первей того смотрети, естли бы того зятя его третяя часть именья совито стояти могла противко внесенья тое девки, на чомъ бы ей противъ того веновати мелъ. А где бы третяя часть не стояла противъ внесенья, тогды отецъ або тотъ, хто ее выдавати будеть, маеть за тую суму п[е]н[е]зей, што бы по ней мелъ, дати купити именье и по той девце зятю дати, а зять предъсе жоне своей за то, што бы особно взялъ суму якую, маеть оправу вчинити на третей части именья своего властивого. А того именья, которого отецъ, братъ або близский, купившы, по той девце дасть, мають сполу уживати ажъ до живота мужнего. А по животе мужнемъ она яко свое властъное маеть деръжати весполокъ з венкомъ своимъ, будучы тым волна шафовати яко властъностью своею. А где бы жона перъвей мужа своего, не записавшы мужу и никому иному такого имен[ь]я и детей по собе не зоставившы, з сего света зышла, тогды тое именье маеть прыйти в тотъ домъ, с которого она вышла. А естли бы дети по собе зоставила, тогды тое именье на дети ее спадеть.

Артыкулъ 3.

По смеръти отцовской девки якъ мають зъ именья отчизного выправованы быти.

Уставуемъ: естли бы отецъ за живота своего выдалъ одну девку свою замужъ, а в томъ умеръ, а по собе зоставившы еще колко девокъ, тогды и тые девки водле опису албо тестаменъту его мають быти выправованы, яко будеть имъ описано, з готовизны зоставленое. А где бы сумы описаное, ани назначоное з готовизны не было, а не могъ бы братъ такъ великое сумы по нихъ дати, яко за первшою дано, тогды, ошацовавши четверътую часть именья своего отчизного, ничого с того именья не утрачаючы, и тым сестрамъ своимъ выправу ровную всимъ маеть дати, иле ихъ будеть, окромъ естли бы братъ ихъ розумелъ, ижъ четвертая часть именья отчизного болшъ важности, нижли бы имъ на ровные части такъ много, яко перъвшой сестре, выправы пришло, выносила, то будеть на воли его. А четверътую часть при собе зоставити, а сестрамъ выправы такъ много дати, яко отецъ первшой далъ. А шацунокъ тое четвертое части именья водлугъ важности кгрунтовъ и пожитковъ его, а не водлугъ статуту, естли бы ся стороны сами з собою не згодили, узнаванъ быти маеть через подъкоморого, который з собою маеть мети для уваженья принамней двохъ шляхътичовъ.

А пакли бы братъ або стрыеве суму або выправу речми рухомыми от оца [!] их або матки, зъ ее властности поставленую и описаную, утратили, тогды водле опису будеть повиненъ яко властный долгъ имъ отдати и заплатити, а отдавшы або заплативши то, што будеть имъ от родичовъ записано, або водлугъ сего статуту выправу з ыменья лежачого учинивши, вжо инъшихъ скарбов, маетности рухомое, по отцу ихъ зосталое, сестрамъ своимъ давати не повинъни, и они того пойскивати на братьи своей не будуть мочи. А где бы братъ именья отчизные стратилъ, предъся четвертая ихъ часть, сестрамъ належачая, маеть приходити, и волно имъ будеть у деръжачого своихъ частей доходити.

Артыкулъ 4.

О давности промолъчанья посагу.

Уставуемъ, ижъ который отецъ за живота своего выдасть въ станъ малженьский дочку свою або колко ихъ, а по смерти отцовъской тая бы дочка або колко ихъ, менечи, яко бы отецъ не мелъ имъ посагу дати, и хотели бы посагу на брате своемъ або на детех, потомкохъ его, пойскивати, тогды таковымъ девкамъ, за живота отцовъского выданымъ, ани ихъ детямъ, потомъству, брат[ь]я и иные близкие никоторого посагу и выправы давати не повинни, кгды жъ отецъ ведалъ, якую милость и опатръность о добромъ детей своихъ мелъ чинити. Одно жъ, естли по смерти отцовъской братья сестры замужъ выдавати будуть, а посагу пристойного, будь сумы, от оца записаное и зоставленое, або с четвертое части именья, што на часть ее водлугъ права ее прирожоного и науки сего статуту, вышей описаное, належати будет, не отдали, тогды о таковый посагъ девкамъ от пошстья ихъ замужъ давность маеть быти до десети летъ. А которая бы до десети годовъ о тотъ посагъ не упоминалася, тая вжо о то вечне молчати маеть. А где бы которая, не промолъчавшы давъности, а сама посагу от братьи не дошедши, змерла, по такое смерти детямъ, потомкомъ ее, волное мовенье о посагъ бабки або матки своее зостанеть, толко бъ и дети по дошстью своихъ летъ давности, веръху описаное, не омешкали.

Артыкулъ 5.

О вдове такой, которая, шедши замужъ панъною, а по смеръти мужа своего вдовою з детми дорослыми зостанеть.

Вдова, которая седить на вдовиемъ столцу, а будет ли веновная от мужа своего, а сынове мають зуполные лета, тогды маеть осести толко на вене своемъ, а сынове мають припущоны быти ко всимъ именьямъ и скарбомъ отцовъскимъ. А естли бы была веновная, тогды маеть быти захована, яко вышей естъ описано в артыкуле перъвшомъ сего розделу.

Артыкулъ 6.

О вдове такой, которая, шедши замужъ панъною, а по смерти мужа своего вдовою безплодною зостанеть.

Уставуемъ: которая вдова, зоставшисе по мужы своемъ безплодною, а будет ли венована от мужа своего, тогды маеть толко на вене осести, а именья вси мають на ближнихъ спасти. А естли бы не была венована от мужа своего, тогды маеть на третей части именья седети, поки замужъ пойдет. И естли замужъ пойдеть, тогды близкие мають ей и венець заплатити, яко естъ вышей описано.

Артыкулъ 7.

Который бы кольвекъ оселый и неоселый оженилъся в Литве.

Тежъ уставуемъ, ижъ который бы кольвекъ оселый и неоселый оженилъсе в Литве, побралъ по жене именья, тогды часу войны и кождое потребы великого князьства и противъ кождому неприятелю того паньства з ыменей жоны своее и зъ якого жъ кольвекъ набытья досталъ бы именья в томъ паньстве, повиненъ будеть самъ особою своею службу земъскую военъную служити и заступовати, и тымъ ся не вымовляючи, же ему жона н[е] записала. А хто бы с таковыхъ, якимъ кольвекъ обычаемъ набывшы и маючы именье у великомъ князьстве литовъскомъ и в земляхъ, ему належачихъ, а войны земъское не служилъ, яко вышей описано, тогды онъ и жона его тые именья тратить вечне на речъ посполитую.

Артыкулъ 8.

О девъкахъ, которая бы безъ воли родичовъ замъжъ [!] пошла.

Где бы которая девка без воли отцовъское и матъчиное шла замужъ, таковая отпадываеть от посагу и от именья отчызного и матерыстого, также и спадковъ. А естли бы одна у отца была, тогды отчизна и материзна на близъскихъ спадываеть мимо такую девку самую и тежъ мимо детей, потомковъ ее. А где бы се то трафило, жебы отецъ дочки своее для именей ее матерыстыхъ албо матка для именей дочки своее отчизныхъ, в опеце своей маючых, выдати не хотели, тогды таковая дочка водлугъ артыкулу девятого сего розделу заховатисе можеть.

Артыкулъ 9.

О девкахъ, которые по смерти родичовъ своихъ без воли братьи або стрыевъ замужъ пойдуть.

Уставуем: естли бы девка зостала безъ отца и матки, а по смерти родичовъ своихъ, не доросшы летъ своихъ або тежъ и даросши [!] лет, пошла замужъ безь воли братьи албо стрыевъ, а не будет ли мети братьи рожоное або стрыевъ, ино близкихъ своихъ албо опекуновъ, правне описалъ [!] любо уставленыхъ, таковая отпадываеть от посагу и имен[ь]я своего отчизного и материстого и спадкового, што бы и напотомъ на нее спасти мело. А естли бы она мела лета свои, а братья або стрыеве, ее задерживаючы, а не хотели бы ее замужъ выдати, тогды однако жъ своволне не маеть ни за кого ити, лечъ маеть дати знати до вряду черезъ кревных або тежъ и черезъ суседовъ, або и черезъ кого колвекъ. А врядъ, вземши о томъ певную ведомость, же оные близьские, в которихъ опеце естъ, замужъ ее выдати не хочуть, маеть ей дозволити замужъ пойти, але за шляхтича, а не за простого стану ч[е]л[о]века. А она, естли з волею вряду або близьскихъ замужъ пойдеть за шляхътича, тогды таковая именья не маеть тратити. А ведъ же лета девка маеть мети зуполные — тринадъцать летъ. А тотъ, хто ее пойметь, волно будеть ему восполокъ з нею доходити маетности жоны своее. Братья тежъ або стриеве и которые колвекъ близские, маючи сестры в опеце своей, покуль ихъ замужъ выдадуть, мають ихъ учстиве на всемъ ховати, деръжечи при них невесту старую статечную. А естли бы учстиве ховати не хотели, тогды таковые девки могуть на части своей, с которое имъ выправа быти маеть, сами седети и подъ справою опекуна, от вряду имъ приданого, до того часу, поки замужъ пойдуть. А идучи замужъ, выправа имъ с того дана быти мает водле статуту, вышей описаного.

Артыкулъ 10.

Хто бы з двема або с трема жонами дети мелъ.

Уставуемъ: естли бы которая вдова замужъ пошла и дети в мужа первшое жоны нашла, а с тымъ мужомъ другимъ детей набыла, тогды по смеръти мужа ее з обеми детьми того мужа своего въ именью мужнемъ лежачомъ ровную часть маеть мети. А естли бы детей с тымъ мужомъ не мела, тогды такежъ з детми мужа своего перъвое жоны ровную часть только въ именьяхъ лежачыхъ будеть мети до живота своего, где бы замужъ не шла. А где бы замужъ пошла, тогды тую ровную часть именья маеть детемъ зоставити. А тые дети венца ей не повинни будуть дати, одно жъ естли бы што таковая вдова скаръбу и якой колвекъ маетности своее рухомое, идучи замужъ, принесеть, то ей и по смеръти ее детямъ або близскимъ ее належати будеть. Пакли бы тежъ мужъ што такой жоне своей, вдовою понятой, з доброе воли своее записалъ, при томъ она зоставшы, вжо надъ то части ровное, о которой вышей описано, межи детми мужа своего домагитисе [!] не мает.

Артыкулъ 11.

О вдове, которая зостанеть з детми, летъ не дорослыми, и о детехъ без опекуновъ отумерълыхъ.

Уставуемъ: которая бы вдова зостала по мужу своемъ з детьми малыми, летъ не дорослыми, а мужъ бы опеку детей и именей ей, жоне своей, записалъ, тогды она водлугъ тестаменъту и опису мужа своего будеть тою опекою владнути, на всемъ се слушне и пристойне радечи и справуючы, яко бы было без шкоды детиное и утраты а знищенья именей ихъ. Ведъ же где бы такая белая голова в той опеце, ей от мужа ее звероной, нерадне се заховала и детямъ именье и скарбы утрачала, тогды стрыеве, а не будет ли стрыевъ, и иншые близские тыхъ детей мають ее о то позвы притягнути на рокъ певный завитый передъ урядъ судовый земский. И доведуть ли того, же утрачаеть, маеть опеку, именье и дети спустити кревнымъ, а сама зостати на оправе своей. А не будет ли оправы, тогды мають ей выделити ровъную часть межи детьми, которую будеть деръжати и ее уживати водлугъ того, яко около такихъ невенованыхъ жонъ вышей в семъ розъделе естъ описано.

А ведъ же утрата от нее на йменьяхъ инакшая не можеть се показати, одно естли бы непобожными податками, винами, серебъщизнами людей въ оныхъ именьяхъ обтяжала, гумна и иные статки домовые нерядне роспрошала, а ничого в домъ детямъ не прыбавляла. А где бы стрыевъ и иншыхъ кревныхъ не было, тогды судъ земъский оного повету за донесеньемъ ведомости до нихъ маеть такую утратную вдову позвати передъ себе на роки судовые именемъ детей рокомъ завитымъ. А тамъ, где се тая утрата такая окажеть, мають опеку тую от нее взяти. А на тое местъце врядъ судовый земъский мають опекуна, в томъ повете добре оселого, там же на тыхъ рокохъ установити и в декретъ свой меновите вписати, а дети, именья и вси скарбы ему, врядовне все списавши и до книгъ уведши, подати, который опекунъ маеть вси в целости до летъ детинъныхъ держати и такъ ся заховати, яко в артыкуле четвертомъ розделу шостого описано естъ. А в томъ часе, нимъ тую утрату по ней обачать, она бы што детемъ утратила, тогды будеть тую всю шкоду детемъ своимъ платити з вена або з властного именья своего. А где бы отецъ з сего света зъшолъ, детей своихъ и именей, имъ належачихъ, никому в опеку не злетившы и не описавши, тогды опека детей такихъ, летъ не дорослыхъ, и именей ихъ належати будеть стрыемъ або и инымъ близьскимъ. Нижли для лепшого и пилнейшего выхованья дети малые от матки своее до опекуновъ браны быти не мають, але мають зостати при матце: девка — до пойшстья ее замужъ, а мущизна — до летъ такихъ, въ якихъ вжо на науку до школы давати годно, то естъ до семи лет. А опекунове такимъ детемъ, поки при матце будуть, опатрен[ь]е и выхованье слушное водлугъ можности именья детиного и узнанья врядового на одежу и выживенье на кождый годъ повинни будуть давати до рукъ матки ихъ. Але матка девокъ своих без рады и ведомости опекуновъ ихъ в станъ малженьский змовъляти и отдавати не маеть.

Артыкулъ 12.

О вдовахъ, которая бы за простого чоловека, не шляхтича, замужъ пошла.

Уставуемъ: которая вдова, будучи стану шляхетъского, маючи именья [в оригинале: "имънья"] отчизные або матерыстые, пошла замужъ без ведомости, рады и позволенья приятелъ своихъ кревныхъ за простого стану ч[е]л[о]в[е]ка, не шляхтича, таковая от всихъ именей своихъ яко отчизныхъ, такъ и матерыстыхъ и спадковыхъ вечности отпадываеть. Але тые именья мають прийти на дети першого мужа албо, где бы детей не было, тогды на близьскихъ, которые дети або близьские предсе будуть повинъни таковой вдове за тые именья ее отложити суму пенезей не подле шацунъку статутового, але по половицы, то естъ за каждую службу людей — десеть копъ грошей, а за землю пустовскую — пять копъ грошей, а инъшый кгрунътъ — по половицы сумы, яко в томъ статуте о томъ шырей написано. А вено описаное все тратить, и не повинни будуть дети и близьские таковой вена откладати.

Артыкулъ 13.

О вдове [в оригинале: "двове"], которая бы хотела по смерти мужа своего за другого мужа пойти.

Хочемъ мети, абы малженъство светое в почъстивости было заховано, и для ведомости плоду абы каждая вдова шляхътянка по смерти мужа своего шесть месецей за другого мужа не смела пойти. А которая ближей пойдеть, тогды вено свое, от мужа своего записаное, тратит. А пакли бы вена описаного не мела, тогъды детем перъвшого мужа своего, а не будет ли детей, ино кревнымъ, близьским его повинъна будет, кгды на ней того за позвомъ у суду земского доведуть, вины заплатити дванадъцать рублей грошей.

Артыкулъ 14.

О спадки, которые заровно на сына и на дочки приходять, и о внесенъю матчиномъ, естли бы никому не записала.

Тежъ уставуемъ, ижъ всякая маетность матерыстая, безь росправы и опису слушного отумерлая, такъ именей лежачихъ, яко и рухомыхъ речей тыхъ, то естъ грошы готовые, золото, серебро, перъла, каменье дорогое, шаты и уберы всякие, цынъ, медь, кони, возы, коберъцы, опоны и инъшие всякие статки и спраты домовые, также и внесенье матчино, которое бы никому не было записано, то все маеть ити в ровный делъ межи всихъ детей, яко сыновъ, такъ и дочокъ. Нижли спадки отчизные именей [в оригинале: "уменей"] лежачихъ, скарбовъ и маетности рухомое толко на сыновъ и на близьскихъ по мечу приходити будуть такъ, яко и на инъшомъ местъцу шырей о томъ написано, звлаща где бы черезъ отца записомъ або тестаменътомъ росправено и росписано не было.

Артыкулъ 15.

О поровнанъе внесенья розныхъ жонъ передъ розделомъ детинъного именья.

Теж уставуемъ: кгды бы одинъ шляхтичъ мелъ колко жон, а оные жоны мели бы ровные внесенья свои в сумахъ пенежныхъ, а, не записавши мужу внесенъя своего, померли, тогды сынове, колко ихъ будеть з оныхъ жонъ, вси именья отчизные мають межы себе на ровные части поделити. А естли бы которое жоны внесенье болшое было, нижли иншыхъ жонъ, тогды будуть повинни дети иншыхъ жонъ напервей передъ розделомъ именей своихъ выровнати оное болшое внесенье матъки братьи своее; и што большъ сумы того внесенья которое жоны над внесенье иншых жонъ выносити будеть, тотъ злишокъ сынове иншыхъ жонъ той братьи своей, которыхъ матъки внесенье болшое было, ровънымъ рахункомъ съ частей своих винни будуть заплатити, пущаючы тежъ и рахуючы тотъ злишокъ заровно и на часть тыхъ братьи своее, которымъ то по матъце ихъ прыходить, тогъды жъ именья отчизные на ровные части межы себе поделити.

Артыкулъ 16.

Естли бы которая вдова замужъ пошла.

Уставуемъ тежъ: естли бы которая вдова замужъ пошла, а напервей, будучы за перъвшымъ мужомъ своимъ, вено, оправленое от мужа своего, мела, тогды вжо от другого мужа не маеть вена записаного мети. Нижли естли бы тотъ другий мужъ ее умеръ, а дети по собе зоставилъ, тогды она межы детми своими ровъную часть въ именью взяти маеть, а на томъ до живота мешкати. А естли бы одно дитя зостало, тогды от того дитяти албо от ближнихъ маеть на въдов[ь]емъ столцу толко на третей части зостати, а по животе и тая третяя часть маеть спасти на близскихъ. А ведъ же, седечы на вдовъемъ столцу, не маеть того именья утратити, але се во всемъ заховати водле того, яко вышей о томъ написано. Однако жъ тую волност[ь] мужу заховуемъ, ижъ волно ему будеть и такой жоне своей, вдовою понятой, што всхочеть маетъности своее лежачое и рухомое записати. А которой жоне што от мужа лежачого именья записано будеть, таковая вжо от детей, ани от близскихъ части, вышей споминаное, въ именью мужнемъ домагатися не мають.

Артыкулъ 17.

О именью, на которомъ мужъ жоне оправу учинить.

Тежъ уставуемъ, ижъ хто кольвекъ, описавши оправу жоне своей на которомъ именью своемъ, тотъ того именья своего никому иншому никоторымъ правомъ заводити не можеть, хотя бы и призволенье от жоны на писме мелъ и показывалъ, без очевистого передъ врядомъ сознанья ее. А и врядъ тежъ кождый на таковомъ венованомъ именью никому отправы никоторое за выступъ и вину мужа ее чинити не маеть, окромъ доброволного и очевистого передъ врядомъ самое панее венованое прызволенья. И к тому, где бы за выступъ який женний, зъ именья ее веновного вчыненый, што на ней самой за невчыненьемъ з нее через мужа справедливости с права сказано, тогды то на томъ же именью ее веновномъ отправовано быти маеть.

Артыкулъ 18.

О крывдахъ, которые ся деють от мужа з ымен[ь]я, веновного жоне.

Естли бы мужъ, записавши которое именье жоне своей у вене за внесенье ее ажъ по животе своемъ, а самъ бы с того именья кому якие кривды чинилъ, тогды в такихъ речахъ предъсе позвы мають быти покладаны на том же именью, с которого се крывды деють. И мужъ таковый виненъ будеть за тыми позвы до суду становитисе. А жона хотя бы позовъ с такого именья зносила и право свое веновное слушное оказывала, врядъ предъсе за тымъ позвомъ на мужа ее водлугъ права сказанье чинити будеть. А отправа за то на иншой оселости его, естли которую в том же або хотя в ыншомъ повете мети будеть, чинена быти маеть водлугъ науки сего статуту, вышей около отправъ описаное. А не будет ли болшей именей мети над тое, жоне венованое, тогды и на маетности его рухомой, естли которую вряду окажеть, а в недостатку маетности и на самой особе отправа чынена будеть.

Артыкулъ 19.

О бесплодъной жоне.

Кгды бы которая жона, будучи замужомъ, безъплодне умерла або хотя бы и плодъ мела, а тотъ бы плодъ первей ее смеръти або и по животе ее, летъ зуполныхъ не дошедши, зъ сего света зъшолъ, а она бы, маючи певное внесенье за выправою от родичовъ своихъ, а того бы внесенья никому не записала, таковое внесенье само безъ привенку засе в тот же домъ, с которого вышла, вернутисе маеть родичомъ ее, которые ее замужъ выправовали. А не будет ли родичовъ, ино братьи рожоной. А которая бы жона, безъплодне змершы або и плодъ мевшы, але живого его по собе не зоставившы, або бы тежъ тотъ ее плодъ по ее смерти, летъ не доросъши, змеръ, а она бы мела внесенье и выправу певную от братьи зъ четвертое части, а никому бы того не записала, а еще бы сестра ее была не выпосажона и замужъ не выдана, тогды такое внесенье ее не на братью, але на сестру, замужъ не выданую, приходити будет. Одно жъ естли бы оное внесенье сестры своее братья собе взяти хотели, тогды вместо того сестре невыданой зо всее четвертое части, чого стояти будеть посагъ, выправу дати повинъни. Кгды жъ четвертая часть водлугъ давныхъ правъ особливе на выправу девокъ замужъ отложона безъ всякое розьности, хотя бы ихъ было и наболей або тежъ и одна. А естли бы отецъ колко дочокъ за своего живота выдалъ, а еще бы одна або колько ихъ невыданыхъ зостало, тогды той албо тымъ позосталымъ не зо всее четвертое части, але водлугъ ихъ права и личъбы с части тое четвертое выправа дана быти маеть. Пакли ж бы сестры, не выданое замужъ, не было, тогды тое внесенье по безплодной сестре маеть прийти на братью и на ихъ дети, потомки. А где бы братьи и ихъ потомковъ не было, тогды тотъ спадокъ внесенья сестры безплодное змерълое на сестры иншые, хотя и выправеные, и на ихъ дети, потомки прыйдеть.

Артыкулъ 20.

О розводехъ малъженьских передъ судомъ духовнымъ.

Тежъ уставуемъ, ижъ розводъ малъженьский, кому бы до того спору и розницы приходило, маеть быти водлугъ права хрестияньского кождымъ особамъ нигде инде, одно передъ судомъ духовънымъ ихъ набоженьства. И естли мужъ зостанеть виненъ з розсудку права духовного, тогды жона зостанеть на оправе, от него описаной, яко вышей о томъ естъ постановлено. А пакли бы жона винъна найдена, тогды внесенье и оправу свою тратить. А ведъ же естли бы былъ розводъ за слушнымъ доводом для кревности, ижъ се малъженьство в неведомости кревности стало, албо для инъшых причын, которые бы ся передъ правомъ духовнымъ показали, ижъбы слушный розводъ мелъ быти, тогды пры розводе привенокъ при мужу, а внесенье при жоне зостати маеть. Але на росправу судовную межы такими розведеными около вена маеть судъ духовный, выписавъшы правдиве и верне причыну розводу, отослати ихъ до суду належъного светъского в томъ повете, где тое именье веновъное лежати будеть. А врядъ светъский розсудокъ свой о томъ промежку нихъ водлугъ науки сего статуту вделати, а потом и отправу водлугъ права учинити будеть повиненъ.

Артыкулъ 21.

О понятью в станъ малъженьский людей убогихъ.

Естли бы ся трафило, жебы убогий чоловекъ якого жъ кольвекъ стану, не маючи жадное маетности своее, понялъ бы жону, по которой бы тежъ ничого не взялъ, а потомъ бы се обадва посполу за помоч[ь]ю Божою доробили албо дослужили маетности доброе, а мужъ бы умеро [!], не росправивъшы маетности записомъ або тестаментомъ, тогды жоне его зо всее маетности, по нем зосталое, маеть быти выделена третяя часть, а детемъ властнымъ, которые бы з мужомъ мела, две части. А естли бы детей не было, тогды пры всей маетности жона остати мает. А естли бы жона тая потомъ без потомства змерла, а никому того не записала, тогды по ее смерти тая маетность маеть спадати половица на кревныхъ оного мужа первшого, а половица на кревныхъ ее. То се тежъ маеть розумети и о такой жоне, естли бы первей мужа умеръла, ижъ по ее смерти маетность на мужа и детей ее приходити будеть и потомъ далей на близских водлугъ сего арътыкулу.

Артыкулъ 22.

Абы нихто повинъное собе ве крви не поймовалъ [в оригинале: "пойновалъ"].

Уставуемъ, хотечи то мети, абы подданые наши водле правъ Божихъ и хрестияньских жили в малъженъстве [в оригинале: "малъженустве"] светом, прото абы жаденъ не смелъ повинъное собе ве крви поймовати, ажъбы минуло чворо поколенье по собе идучое такъ зъ отца, яко и з матки, а рожоныхъ в тую личбу не личечы. Также абы не поймовали жонъ братьи своее не толко рожоное, але и стрыечное, также жонъ стрыевъ, вуевъ своихъ, ажъбы минуло трое поколене по собе, на долъ идучое, не кладучи в тую личбу рожоныхъ. А где бы хто понялъ ведоме, умысльне жону, ве крви собе повинную такъ по отцы, яко по матце, албо невестку, дядиную надъ замеренье и уставу, вышей описаную, таковый кождый, будучы о то позванъ до вряду нашого земъского, за слушнымъ доводомъ маетности своее лежачое, а где бы лежачое не было, ино рухомое половицу на реч посполитую и на насъ, г[о]с[по]д[а]ра, тратить, до столу нашого того панъства, великого князства литовъского. Также и жона тая, где бы, ведаючы о кревности, замужъ шла, внесенье свое тратит. А мела л[ь] бы свои властные именья, тогды и она половицу своихъ именей также на речъ посполитую до столу нашого тратить. А такое мальженъство предъсе маеть быти розлучоно. А на другой половицы именей своихъ мають зостати толко до жывотовъ своихъ, а по смерти ихъ тые дети, которые бы в такомъ малъженъстве, ве крви повинъности злучономъ, спложоны были, не толко до именей тыхъ ничого мети не будуть, але и сами за бенъкарты розумени быти мають. Одно жъ тые именья по смерти такихъ особъ спадуть на близъскихъ кождого з нихъ водлугъ линии рожаю. А надъ то такий мужъчизна до жадныхъ урядовъ припущонъ быти не маеть. А где бы се трафило, хто бы мелъ с першою жоною дети, не противку тому праву понятую, або унуки, а понял бы другую жону, ве крви собе повинъную, такий заразомъ за припозваньемъ до уряду земъского и показаньемъ того слушне жону тою [!] маеть опустити и тратить росказованье свое на[д] именьями и маетъностью своею. А сынове або унуки, або кому бы се то по смерти его мело достати, заразомъ при его жывоте мають в моцъ оные добра взяти. А жоны такое именье такежъ мають до рукъ своихъ взяти албо дети ее, естли бы мела с першымъ мужомъ набытые, албо где бы детей не было, ино близьские кревные. А самыхъ мають ховати до смерти ихъ, даючы имъ одежу и живность пристойную водлугъ стану и можности именья. А естли бы тотъ дети сплодилъ с таковою повинъною, не за добрые мають быти розумени, але за бенъкаръты. Пакли ж бы тые особы, в кревности такой до стану малженъского злучоные, давали о собе справу, же бы се то мело стати в неведомости ихъ о той кревности, тогды таковые винъни будуть кождый з нихъ самовторъ с прыятелми, собе повинъными, прысегнути на томъ, ижъ в тое малъженъство вступили, не ведаючи о кревности межи собою. А по такой присязе яко именей и маетности своее тратити не будуть, такъ и дети, в томъ малженъстве спложоные, за дети учъстивого ложа розумени будуть и от именей по смерти такихъ родичовъ отдалены не мають быти. Але сами тые малжонъкове предъсе розълучоны будуть, а то, естли имъ по той такой розлуце волно будеть в ыншое малъженъство отдаватисе, розсудокъ права духовного промежку ихъ узнати маеть. Также естли бы се показало за припозванъемъ до суду кгродского, ижбы хто, жону свою венчальную живую маючи, другую понялъ, тотъ ничымъ инымъ, одно горломъ маеть быти каранъ. А также и жона таковая, естли бы, ведаючы о другой жоне его жывой, замужъ за него пошла, таковому жъ каранью подлегають.