Горностаева справа. Уписанье права Виркетова на землю его у селе Виркете в старостве Жомойтъскомъ. Его м(и)л(ость), панъ казалъ тыи листы в книги записати, которыи положыл(и) перед его м(и)л(о)стью люди Крожъское волости, на имя: Янушъ Доркгяйтис¹, Янко Юдакайтис¹, Пацъ Моствилайтис¹, которыи листы такъ ся в собе мають [см.: d056] <...> Право на землю Кгедъминову, на земли пашные Сакше на служъбе г(оспода)рской кн(я)зя великого. Другий листъ тые жъ люди положыли.

      Панъ Станиславъ Яновичъ, староста жомоитский.
      Чоловекъ князя великого Кгедъминъ¹, [л. 305] штос  мало просекъ былъ у десетине тыи земли и не могучы с того особное служъбы служыти, и тое про[се]чене свое покинулъ, и отъ колько лет лежало пусто, то пакъ просилъ насъ тотъ Сакша того просеченя.
      И мы пытали тивуна Петка Монговича а наместника нашого Войтъка, какъ много того просеченя Кгедминова у десяти местехъ. И они перед нами поведили: "Толко тог просеченя всего на пять бочокъ сеченя, а болшей проробити нельзе".
      И мы, досмотревъ з бояры, дали есьмо тое просеченье Кгодминово тому Сакъшы², а онъ маеть с тое земли князю великому тую служъбу служыти, какъ и з ихъ отчыны служыти.
      Псан  у Крожахъ, сентебра 3 день, инъдиктъ 10.

¹ Подчеркнуто теми же чернилами. ² Первые буквы правлены, поэтому можно прочитать: Чакъшы.