...Osiliensi et ... Curoniensi episcopis...
      Multa cor nostrum etc. ut supra, verbis competenter mutatis, usque molestare presumat. [См. d264: est super eo iocunditate perfusum, quod Dei et Redemptoris nostri Ihesu Christi benignitas super regem Luthawie faciem suam illustrando illi misericorditer inspiravit; quod se olim in tenebris positum cum numerosa multitudine paganorum ad gloriam divini nominis regenerari fecit per unde gratiam baptismalis, personam, regnum et omnia bona sua iurisdictioni ac protectioni sedis apostolice totaliter submittendo. Quia vero per sollempnes ac speciales nuncios nobis humiliter supplicavit, ut eum admittere in specialem filium sancte Romane ecclesie ac paterna benevolentia prosequi deberemus, nos eius iustis desideriis, que digna favore plenissimo reputamus, affectu benivolo annuentes, regnum Luthawie ac terras omnes, quas per divine virtutis auxilium iam eripuit de infidelium manibus, vel eripere poterit in futurum, in ius et beati Petri proprietatem suscipimus; et ea cum ... uxore, filiis et familia eius sub protectione ac devotione sedis apostolice permanere sancimus, districtius inhibentes, ne quis eum in fide ac defensione sedis apostolice persistentem super prefatis regno et terris temere impedire, seu molestare presumat.]
      Quocirca mandamus, quatinus dictum regem non permittatis super hiis contra protectionis, constitutionis et inhibitionis nostre tenorem ab aliquibus indebite molestari, molestatores huiusmodi etc. [monitione premissa, appellatione remota, censuris ecclesiasticis compescendo.] Non obstantibus aliquibus sit indultum, quod suspendi vel interdici, aut excommunicari non possint per litteras apostolicas, non facientes plenam et expressam de indulto huiusmodi mentionem, et constitutione de duabus dietis etc. Quod si non ambo etc. [his exequendis potueritis interesse, alter vestrum ea nihilominus exequatur.]
      Datum ut supra [Mediolani, XVI Kalendas Augusti, anno nono.]