...episcopo Culmensi...
      Multa cor nostrum etc. ut supra usque benegnitas super [См. d264: est super eo iocunditate perfusum, quod Dei et Redemptoris nostri Ihesu Christi benignitas super] carissimum in Christo filium nostrum Mindowin, illustrem Luthowie regem, suam faciem etc. ut supra, verbis competenter mutatis, usque annuentes [См. d264: illustrando illi misericorditer inspiravit; quod se olim in tenebris positum cum numerosa multitudine paganorum ad gloriam divini nominis regenerari fecit per unde gratiam baptismalis, personam, regnum et omnia bona sua iurisdictioni ac protectioni sedis apostolice totaliter submittendo. Quia vero per sollempnes ac speciales nuncios nobis humiliter supplicavit, ut eum admittere in specialem filium sancte Romane ecclesie ac paterna benevolentia prosequi deberemus, nos eius iustis desideriis, que digna favore plenissimo reputamus, affectu benivolo annuentes], mandamus, quatinus accersitis aliquibus ecclesiarum prelatis et religiosis personis, dictum M[indowin] in totius Lithowie ac terrarum omnium, quas per divine virtutis auxilium iam eripuit de infidelium manibus vel eripere poterit in futurum, auctoritate nostra corones in regem et sibi ab omnibus constitutis ibidem tamquam regi catholico super omnibus diligenter intendi facias, que spectare ad dignitatem regiam dinoscuntur. Ita tamen, quod ipse ac successores sui regnum predictum et prefatas terras, que ad suarum precum instantiam in ius et proprietatem beati Petri suscepimus, se ab apostolica sede tenere perpetuo recognoscant.
      Contradictores autem, si qui fuerint, vel rebelles, monitione premissa, per censuram ecclesiasticam, appellatione remota, compescas. Non obstante, si aliquibus sit indultum etc. ut supra usque mentionem [См. d264: quod suspendi vel interdici, aut excommunicari non possint per litteras apostolicas, non facientes plenam et expressam de indulto huiusmodi mentionem.]
      Datum ut supra [Mediolani, XVI Kalendas Augusti, anno nono.]